Michael Myo - Empowering SMEs

Michael Myo - Empowering SMEs SME Consultant | Strategic Investor | Business Trainer
Helping business owners grow with clarity and confidence.

20/03/2026

ပထမတော့ Post မတင်တော့ဘူးပဲထားတာပါ။
ဒါပေမယ့် သင်တန်းရှိရင် Post တင်ပေးပါဆိုပြီးပြောထားကြလို့
သင်တန်းတော့မဟုတ်ပါဘူး
Workshop ရှိပါတယ်။
ဒီတစ်ပါတ် Sunday မှာ မနက် ၉ က နေ ညနေ ၅ အထိပါ။
ဘာ Workshop လဲဆိုရင် Budget ဆွဲမယ့် Workshop ပါ။
မနက်တစ်ပိုင်းကို Budget နဲ့ပတ်သက်တဲ့ Theory နဲ့ စဉ်းစားပုံပြောပြပါမယ်။
ညနေပိုင်းကို Budget ဆွဲပါမယ်။
ပြီးသွားတာ နဲ့ ၂၀၂၆-၂၀၂၇ ဘဏ္ဍာရေးနှစ်အတွက် Budget ဆွဲပြီးသားဖြစ်သွားပါမယ်။
ဆွဲပြီးသား Budget ကို အစအဆုံးတစ်ယောက်စီပြန်စစ်ပေးပါမယ်။
နောက် Budget ကို Variance Analysis လုပ်တဲ့အခါမှာ လိုတဲ့ Guideline လဲ ပေး မှာမို့လို့ အယောက် ၂၀ ပဲ လုပ်ပေးနိုင်ပါတယ်။
ဆိုလိုတာက Limited Seat ပါ။
Fees ကတော့ ၃၀၀,၀၀၀ ပါ
နေ့လည်စာကျွေးပါမယ်။
နေရာက တော့
ဗဟိုလမ်းပေါ်မှာရှိတဲ့ Zen Campus ပါ။
Budget ဆိုတာမျိုးက အမြဲဆွဲရတာမျိုးမဟုတ်လို့ ဒါမျိုးနောက်အတန်း ရှိချင်လဲရှိမယ်မရှိချင်လဲမရှိပါ။
တက်မယ်ဆိုရင် Message Box မှာ ဖုန်းနံပါတ်နဲ့ နာမည်ပို့ပေးပါ။ ဆက်သွယ်ပေးပါ့မယ်။

18/02/2026

အကျိုးတူစီးပွားရေးတစ်ခု လုပ်တဲ့အခါ ဆုံးဖြတ်ချက်မှားတာနဲ့ မိတ်ပျက်တတ်တဲ့နေရာတစ်ခုရှိပါတယ်။
အဲဒါက ဝင်ရောက်လုပ်ကိုင်သူ နဲ့ ငွေရှင်ကြားမှာ ခံစားခွင့်ဘယ်လိုခွဲဝေကြမလဲ ဆိုတဲ့ နေရာပါ။
ဒါကြောင့် ကျွန်တော့် ကိုအကျိုးတူစီးပွားရေးတစ်ခု မှာ ဝင်ရောက်လုပ်ကိုင်သူနဲ့ငွေရှင်ကြားမှာ အမြတ်ဘယ်လိုခွဲကြရမလဲဆိုတာ တော်တော်များများက မေးလေ့ရှိပါတယ်
ကျွန်တော့်လုပ်ငန်းတွေမှာ အခြေခံအားဖြင့် ပုံစံ ၃ မျိုး နဲ့ အမြတ်ခွဲဝေ ပါတယ်။
၁) အလုပ်လုပ်တဲ့ သူကို လစာပေးပါတယ်။
ဒီနည်းက အရှင်းဆုံးဖြစ်ပါတယ်။ အလုပ်ဝင်လုပ်တဲ့သူက သူ့ လုပ်အားအတွက် လစာရတာဖြစ်လို့ နောင်အခါမှာအငြင်းပွားဖွယ်ရာကိစ္စ ကိုတွေကို ကာကွယ်ပြီးသားဖြစ်သလို အလုပ်ဝင်လုပ်တဲ့သူ မရှိတော့ဘူးဆိုရင် သူ့နေရာ အစားထိုးဖို့ အတွက် လုပ်ငန်းက ကုန်ကျစားရိတ်ရာထားပြီးသားဖြစ်သွားပါတယ်။
၂) အလုပ်လုပ်တဲ့ သူကို အမြတ်ခွဲပေးပါတယ်။
ဒီနည်းကတော့တော်တော်များများ သုံးကြပါတယ်။ ကျွန်တော်က တော့ မကြိုက်ပါဘူး။ မဖြစ်မနေ ကျမှပဲသုံးပါတယ်။ ဝင်လုပ်တဲ့သူ ကို သူ့လုပ်အားအတွက် အမြတ်တစ်ခုကို အရင်ခွဲပေးပြီးကျန်တဲ့ အမြတ်ကို မှ ထည့်ဝင်ငွေအတိုင်းခွဲတာပါ။ လုပ်ငန်းစစချင်းကာလတွေမှာအမြတ်မထွက်တဲ့ အချိန်တွေ ရှိတတ်တော့ အဲလိုအချိန်မျိုးမှာ လုပ်ငန်းကနေ ပြီး ဝင်ငွေမရတဲ့ အခါ အလုပ်လုပ်တဲ့သူ Motivation ပျောက်တတ်တဲ့အတွက် ကျွန်တော် က တော့မကြိုက်ပါဘူး။
၃) အလုပ်လုပ်တဲ့သူကို Basic Allowance အပြင် KPI နဲ့ ခံစားခွင့်ပေးတာပါ။
အပေါ်က ၂ နည်း ကို ပေါင်းထားတာ လို့ပြောလို့ရပါတယ်။ Basic Allowance အနေ နဲ့လစာတစ်ခုရမယ်။ လုပ်ငန်းအမြတ် ထွက်ရင် ထွက်တဲ့အမြတ် ပေါ်မူတည်ပြီး ခံစားခွင့်ပေးတဲ့နည်းဖြစ်ပါတယ်။ အလုပ်လုပ်တဲ့သူရဲ့ အခြေခံ ခံစားခွင့်ရရှိတဲ့အပြင် သူ့အတွက် လုပ်ရင်လုပ်သလောက် အကျိုးခံစားခွင့်ရစေတဲ့နည်းဖြစ်ပါတယ်။
ဒီ ၃ နည်းအပြင်အခြား နည်းတွေလဲ အများကြီးရှိပါသေးတယ်။ မတူတဲ့ အခြေအနေ တွေမှာ မတူတဲ့လုပ်ငန်းတွေ အတွက်ခွဲပေးရတာကိုး။
ဒါ့အပြင် ဝင်ရောက်လုပ်ကိုင်သူ ဆိုတဲ့နေရာမှာ ငွေထည့်ပြီး ဝင်လုပ်တယ်။ အချို့က ငွေမထည့်ပဲလုပ်အားသတ်သတ်စိုက်တယ်။ အချို့ကကျတော့ ဝင်လုပ်ပေမယ့် သိပ်အရေးကြီးတာတွေ မလုပ်ဘူး။ အချို့က ဝင်တော့မလုပ်ဘူး ဒါပေမယ့်တာဝန်ခံထားတဲ့ကိစ္စ က အရေးကြီးတယ် အစရှိသဖြင့် ဝင်ရောက်လုပ်ကိုင်သူ ဟာလဲ အမျိုးမျိုးကွဲတတ်တာကြောင့် စဉ်းစားစရာတွေ ကိစ္စတွေက အများကြီး ပါပဲ။
အဲဒါတွေ နဲ့ပတ်သက်ပြီး ကျွန်တော် အကျိုးတူစီးပွားတည်ထောင်နည်း သင်တန်း ဖွင့်ဖို့ရှိပါတယ်။

- အကျိုးတူစီးပွားရေးတစ်ခု ရဲ့ Structure ကို ဘယ်လိုစဉ်းစားပြီး တည်ထောင်မလဲဆိုတာကနေ
- တည်ထောင်တဲ့အချိန် မှာ စာချုပ်ဘယ်လိုချုပ်မလဲ
- အတူတူလုပ်ကိုင်တဲ့အချိန်မှာ စဉ်းစားသင့်တဲ့ Control
- Share ခေါ်မယ်ဆိုရင် ဘယ်လိုဆောင်ရွက်သင့်လဲ
- လုပ်ငန်း မတည်ငွေရင်းတိုးမယ်ဆိုရင် ဘယ်လိုတွေ ဆောင်ရွက်သင့်လဲ
- အကယ်လို့ သဘောထား မတိုက်ဆိုင်လို့ လုပ်ငန်းဖျက်သိမ်းမယ်ဆိုရင် တောင် နှစ်ဘက်သားမထိခိုက်အောင် ဘယ်လိုကြိုတင်သဘောတူထား ကြမလဲ အစတာတွေ ကို သင်သွားမှာဖြစ်ပါတယ်။
သင်တန်းက ၂၂.၂.၂၀၂၆ ရက် ကနေ ၂၄.၂.၂၀၂၆ ထိဖွင့်ပါမယ်။
သင်တန်းကြေးက ၈သိန်းပါ
သင်တန်းချိန်က ညနေ ၆ နာရီကနေ ည ၈နာရီအထိပါ။
သင်ကြားမယ့်ပုံစံ က တော့ Zoom နဲ့ဖြစ်ပါတယ်။
သင်တန်းရဲ့ Registration Link ကို Comment မှာချထားပေးမှာဖြစ်ပြီး သင်တန်းအကြောင်းရှင်းပြပေးစေချင်တယ်ဆိုရင်လဲ ကျွန်တော့် ကို Message Box ကနေ Phone No ပေးထားလို့ရပါတယ်။
ကျွန်တော်တို့ပြန်ဆက်သွယ်ပေးပါ့မယ်။

#အကျိုးတူစီးပွား

17/02/2026

အကျိုးတူစီးပွားရေးတွေလဲလုပ်၊ ဒါနဲ့ပတ်သက်တဲ့ စာချုပ်စာတမ်းအပြင် အကြံပေးတာရော စာသင်တာရောလုပ်တော့ ကျွန်တော့် ကို အကျိုးတူစီးပွားရေး တစ်ခုကို လုပ်မယ်ဆိုရင် မလုပ်ခင်ဘာတွေ စစ်သင့်လဲ ဆိုတာ မျိုး မေးကြပါတယ်။
ကျွန်တော့်အမြင်အရ အကျိုးတူစီးပွားရေးတစ်ခု ကိုလုပ်မယ်ဆိုရင် ဒါမှမဟုတ်လုပ်ငန်းတစ်ခုထဲကို ရှယ်ယာထည့်မယ်ဆိုရင် အနည်းဆုံး ဒါတွေကိုစစ်ဆေးဖို့လိုပါတယ်။
၁) လုပ်ငန်းခိုင်မာမှု - သက်တမ်းတစ်ခုရှိပြီး နာမည်ရထားတဲ့ လုပ်ငန်းက အသစ်တွေထက် ပိုစိတ်ချရပါတယ် ။
၂) စီမံခန့်ခွဲသူ - ဦးဆောင်သူရဲ့ နာမည်ပျက်ရှိမရှိနဲ့ ငွေရေးကြေးရေး အခက်အခဲ ရှိမရှိကို သေချာစိစစ်ပါ ။
၃) ပွင့်လင်းမြင်သာမှု - စာရင်းဇယား အထောက်အထား မပြနိုင်ဘဲ လျှို့ဝှက်လွန်းတဲ့ လုပ်ငန်းမျိုးကို ရှောင်သင့်ပါတယ် ။
၄) စာချုပ်စာတမ်း - နားလည်မှုနဲ့တင် အလုပ်မလုပ်ပါနဲ့။ အငြင်းပွားစရာရှိလာရင် စာချုပ်ကသာ အားကိုးရာဖြစ်လို့ စနစ်တကျ ချုပ်ဆိုထားဖို့ လိုပါတယ် ။
ပြောချင်တာက တော့ မလုပ်ခင်သေချာ စစ်ပါ?
ပြောနေကျအတိုင်းပြောရရင် အကျိုးတူလုပ်ငန်းတွေမှာ ယုံကြည်ရမှု" က အရင်၊ "အကျိုးအမြတ်" က နောက်မှလာတာပါ။
မယုံရရင် မစပါနဲ့။

15/02/2026

အကျိုးတူစီးပွားတစ်ခုလုပ်ရင်
- ဘယ်လောက်ရင်းရမလဲ
- ဘယ်လောက်ပြန်ရမှာလဲ
- ဘယ်သူဦးစီးမှာလဲ
- ဘယ်လို Risk ရှိလဲ အစရှိသဖြင့် စဉ်းစားကြ ဆန်းစစ်ကြတယ်။
တစ်ကယ်တန်းကျတော့ အဲဒီအခြေခံတွေအပြင်
- ဘယ်လို Structure နဲ့ လုပ်ငန်းကိုတည်ထောင်မှာလဲ (အစုစပ်နဲ့ တည်ထောင်ရန် ရှယ်ယာအစုနဲ့ အဆင်မပြေ။ Preferred Share ထုတ်ရောင်းလို့အဆင်မပြေ)
- ဘယ်လို Dissolution Terms ရှိတာလဲ (လုပ်ငန်းကို ဘယ်လိုရပ်မလဲ၊ ရပ်ရင်နဲ့မရပ်ခင်ဘာတွေလုပ်ရမလဲ)
- အပြင်လူကို Share ရောင်းရင် Valuation က ဘယ်လိုတွက်မှာလဲ အတွင်းလူကို ကော Valuation က ဘယ်လိုတွက်မှာလဲ (အတွင်းလူကိုတွက်တဲ့ဈေးနဲ့ အပြင်လူကိုပေးရင်နည်းမယ်။ အပြင်လူကို ရောင်းတဲ့ ဈေးနဲ့အတွင်းလူကို ပေးရင်များမယ်) အစရှိသဖြင့် စဉ်းစား ဆုံးဖြတ်စီစဉ်ရတဲ့ကိစ္စတွေ အများကြီးရှိပါတယ်။
အဲဒီကိစ္စတွေ ကို မစဉ်းစားပဲ လုပ်ငန်းတူတူ လုပ်လိုက်ရင် မိတ်ပျက်ပြီး လုပ်ငန်းရဲ့ အရင်းအနှီး လဲဆုံး လူချင်း ရင်းနှီးမှုလဲဆုံး ဖြစ်ပြီး စီးပွားရော မိတ်ကော ပျက်တတ် ကြပါတယ်။
မြန်မြန်သွားချင်ရင် တစ်ယောက်ထဲသွားပါ။ ဝေးဝေးသွားချင်ရင် အဖော်အပေါင်း နဲ့သွားပါဆိုပေမယ်။ ဝေးဝေးမရောက်ခင် စသွားထဲ က အငြင်းအခုံတွေ ဖြစ်လို့အလုပ်မတွင်ရင်အဆင်ပြေဘူးမဟုတ်လား။
အဲဒါတွေ နဲ့ပတ်သက်ပြီး ကျွန်တော် အကျိုးတူစီးပွားတည်ထောင်နည်း သင်တန်း ဖွင့်ဖို့ရှိပါတယ်။
အကျိုးတူစီးပွားရေးတစ်ခု ရဲ့ Structure ကို ဘယ်လိုစဉ်းစားပြီး တည်ထောင်မလဲဆိုတာကနေ
တည်ထောင်တဲ့အချိန် မှာ စာချုပ်ဘယ်လိုချုပ်မလဲ
အတူတူလုပ်ကိုင်တဲ့အချိန်မှာ စဉ်းစားသင့်တဲ့ Control
Share ခေါ်မယ်ဆိုရင် ဘယ်လိုဆောင်ရွက်သင့်လဲ
လုပ်ငန်း မတည်ငွေရင်းတိုးမယ်ဆိုရင် ဘယ်လိုတွေ ဆောင်ရွက်သင့်လဲ
အကယ်လို့ သဘောထား မတိုက်ဆိုင်လို့ လုပ်ငန်းဖျက်သိမ်းမယ်ဆိုရင် တောင် နှစ်ဘက်သားမထိခိုက်အောင် ဘယ်လိုကြိုတင်သဘောတူထား ကြမလဲ အစတာတွေ ကို သင်သွားမှာဖြစ်ပါတယ်။
သင်တန်းက ၂၂.၂.၂၀၂၆ ရက် ကနေ ၂၄.၂.၂၀၂၆ ထိဖွင့်ပါမယ်။
သင်တန်းကြေးက ၈သိန်းပါ
သင်တန်းချိန်က ညနေ ၆ နာရီကနေ ည ၈နာရီအထိပါ။
သင်ကြားမယ့်ပုံစံ က တော့ Zoom နဲ့ဖြစ်ပါတယ်။
သင်တန်းရဲ့ Registration Link ကို Comment မှာချထားပေးမှာဖြစ်ပြီး သင်တန်းအကြောင်းရှင်းပြပေးစေချင်တယ်ဆိုရင်လဲ ကျွန်တော့် ကို Message Box ကနေ Phone No ပေးထားလို့ရပါတယ်။
ကျွန်တော်တို့ပြန်ဆက်သွယ်ပေးပါ့မယ်။

#အကျိုးတူစီးပွား

14/01/2026

Finance for Non - Finance Minded Business Owner (Batch-1/2026) ကို ၂၄.၁.၂၀၂၆ (စနေနေ့) မှာ ဖွင့်ပါမယ်။
ရုံးချိန်လွတ် အတန်းဖြစ်အောင် သင်တန်းချိန်ကို ညနေ ၆ ကနေ ၈၃၀ အထိ လို့စီစဉ်ထား ပါတယ်။
ဘာတွေ သင်မှာလဲ ဆိုတော့
- စာရင်း တစ်ခုမှာပါဝင်တဲ့ အစိတ်အပိုင်းတွေ
- Accounting နဲ့ Finance ဆက်စပ်ပုံ
- လုပ်ငန်းတခုမှာ ရှိရမယ့် စာရင်းတွေအကြောင်း
- Accounting Principle များ
- ဘတ်ဂျက်ရေးဆွဲနည်း
- Financial Risk Management အစရှိတာတွေကို တစ်ရက် ကို အကြောင်းအရာ တစ်ခု ပုံစံမျိုး သင်သွားမှာဖြစ်ပါတယ်။
ပြောနေကျပဲ ပြန်ပြောရရင်တော့
- စာပဲသင်မှာလားဆိုရင်တော့ မဟုတ်ပါဘူး။ ကျွန်တော့်အတန်းတွေ က Theory နဲ့ ပြင်ပ မှာ အလုပ်ဖြစ်နေတာ ကိုချိတ်ပြီးသင်ပါတယ်။
- သင်တန်းပြီးရင် ကျွန်တော့်ကိုမရှင်းတာရော လုပ်ငန်းဆိုင်ရာပြသနာတွေ ကောမေးလို့ရပါတယ်။ မေးတဲ့သူများရင် နည်းနည်းစောင့်ရပါမယ်။
- သင်တန်းအပြီးတိုင်းမှာ အိမ်စာရှိပါမယ်။
ဘယ်သူတွေ တက်သင့်လဲဆိုရင်
- ကျွန်တော် ရဲ့ Fundamental Finance အတန်းတက်ပြီးသားသူတွေ တက်သင့်ပါတယ်။
- ကိုယ့်လုပ်ငန်းရဲ့ စာရင်းတွေ အကြောင်းနားလည် ချင်တဲ့သူတွေ တက်သင့်ပါတယ်။
- ရင်းနှီးမြုပ်နှံမှုတစ်ခုပြုလုပ်မယ့် လုပ်ငန်းရဲ့ စာရင်းတွေ ကို နားလည်ချင်တဲ့သူတွေ တက်သင့်ပါတယ်။
- လုပ်ငန်းတစ်ခုကို Finance ဘက်က နေကြည့်ပြီး ဆုံးဖြတ်ချက်ချချင်တဲ့သူတွေ တက်သင့်ပါတယ်။
- လုပ်ငန်းကို Budget ဆွဲချင်တဲ့သူတွေ တက်သင့်ပါတယ်။
ဘယ်သူတွေ မတက်သင့်ဘူးလဲဆိုရင်
- စာရင်းဆိုတာ တစ်လုံးမှ နားမလည်ပါဘူးဆိုတဲ့သူတွေ မတက်သင့်ပါဘူး။ (Fundamental Finance အတန်းကနေ စတက်မှ အဆင်ပြေပါမယ်)
- လုပ်ငန်းလုံးဝ မရှိဘူးဆိုတဲ့သူတွေ မတက်သင့်ပါဘူး။ (အိမ်စာတွေ ဟာ မိမိလုပ်ငန်း အပေါ် အခြေခံပြီးပေးတာ ဖြစ်လို့ လုပ်ငန်းလုံးဝ မရှိရင်အဆင်မပြေပါဘူး)
- Finance ပိုင်းနဲ့ ပတ်သက်ပြီး လုံးဝ စိတ်မဝင်စားရင် မတက်သင့်ပါဘူး။ ( ထုံးစံအတိုင်း Finance ဟာ စိတ်မဝင်စားရင် ပျင်းဖို့ကောင်းပါတယ်။ အတန်းထဲမှာ တဝါးဝါး သန်းနေရင် ကျွန်တော် လဲ စာသင်ရင်း အိပ်ငိုက်လာတတ်လို့ပါ)
ဒီသင်တန်းက ရန်ကုန်ကိုလာ Join လို့ အဆင်မပြေတဲ့ သူတွေ ပါ တက်လို့ရအောင်ကျွန်တော် Zoom ကော အပြင် Physical ကော သင်မယ့် အတန်းအဖြစ်စီစဉ်ထားပါတယ်။
သင်တန်းအကြောင်းပြန်ပြောရရင်
သင်တန်းရက် - ၂၄.၁၂၀၂၆ မှ ၂၈.၁.၂၀၂၆ ထိ စနေနေ့တိုင်း ၆ ပတ် တက်ရပါမယ်
သင်တန်းချိန် - ညနေ ၆ နာရီမှ ည ၈နာရီခွဲ အထိ
သင်တန်းကြေး - ၃၅၀,၀၀၀/- ကျပ်
ဒီသင်တန်း က ထုံးစံအတိုင်း NiTi ရဲ့ CSR Program ဖြစ်တဲ့"အကုန်တက် ပြီး အပြည့်ပြန်ယူ" ဆိုတဲ့ အစီအစဉ်အောက်မှာ ရှိလို့ သတ်မှတ်ထားတဲ့အချက်အလကတွေ ပြည့်စုံရင် သင်တန်းကြေးအပြည့် ပြန် ယူလို့ရပါတယ်။
စိတ်ဝင်စားရင် Comment မှာရှိတဲ့ Registration Link က တစ်ဆင့်​ဝင်ရောက်ပြီး Registration လုပ်သွားနိုင်ပါတယ်။
Limited Seat မို့လို့အမြန်တော့ လုပ်ထားမှ အဆင်ပြေပါလိမ့်မယ်။
See less

09/01/2026

ဝန်ထမ်းပြသနာ များတဲ့ Retainer Client တစ်ယောက် ကို “ အကိုတို့ အမတို့ ဝန်ထမ်းတွေ ကို Management နဲ့လွှတ်ထားမယ့်အစား တိုက်ရိုက်ကိုင်တွယ်ပါလို့” အကြံပေးဖူးတယ်။ သူတို့ လိုက်လုပ်တယ်။ ၄ လအတွင်းမှာ Operation Flow ဟာ ငြိမ်ဆင်းသွားတယ်။

အမြတ်နည်းတဲ့ Retainer Client တစ်ယောက် ကို “အမ လုပ်ငန်း မှာ Promotion ပေးတာများလွန်းတယ်”​လို့မှတ်ချက်ပေးဖူးတယ်။ သူ ပြန်ကြည့်တယ်ပြင်တယ်။ ရောင်းအားရှိပြီး အမြတ်မထွက်နေရာကနေ အခု အမြတ် အများကြီး ပြန်ထွက်လာတယ်။

ရှိတဲ့ငွေနဲ့ ရင်းနှီးမြုပ်နှံချင်တဲ့ Retainer Client တစ်ယောက် လက်ထဲရှိတဲ့ “ရွှေကို ဘဏ်မှာ ပြန်အပေါင်ထားပြီး ရွှေထပ်ဝယ်ပါ့လား”လို့ အကြံပေးဖူးတယ်။ သူလိုက်လုပ်တယ် ရွှေဈေးအတက်မှာ သူအများကြီး မြတ်သွားပြီ။

နောက် Repayment Plan ပြင်နေတဲ့ Retainer Client တစ်ယောက် ကို “အကြွေးဆပ်မယ်ဆိုရင် Profit and Loss ကို မကြည့်ပဲ Cashflow Statement ကို ကြည့်ရမယ်” လို့ပြောဖူးတယ်။ သူ့ Financial Planning ဟာ အများကြီး တည့်သွားတယ်။

နောက် အလုပ်မှာ သူ့ဝန်ထမ်းတွေ မှားမှာကြောက်လို့ အလုပ်က မခွါရဲတဲ့ Client တစ်ယောက်ကို “ခင်ဗျားမပါလဲ ခင်ဗျားအလုပ်က အဆင်ပြေနေပြီ ခင်ဗျား စိတ်ထားတတ်ဖို့ပဲလိုနေတာ” လို့ပြောဖူးတယ်။ အခု သူ တော်တော် ကို နေပျော်နေပြီ။

ပြောချင်တာက ဒီလိုပါ

အချို့ Consultant တွေ က Theory တွေ အများကြီး သိတယ်။
ဒီလို စာအုပ်ထဲမှာ ပါတယ် ဒါကြောင့် ဒါလုပ်ရမယ်ဆိုပြီး Client ကို လဲ စာသင်တယ်။ Theory အတိုင်းလုပ်လဲတယ် ဒီ Theory မရရင် ဟို Theory သုံးတယ် အလုပ်မဖြစ်ဘူး။
အဲတော့ Client က စာတတ်သွားတာပဲ ရှိတယ်။
စီးပွါးတော့ ဖြစ်မလာဘူး။

Consultant ဆီက အကြံဆိုတာ လုပ်လိုက်ရင် ရလဒ်ထွက်ပြီး လိုက်လုပ်ရင် အလုပ်ဖြစ်ဖို့လိုပါတယ်။
အဲလိုဖြစ်ဖို့အတွက် ဆိုရင် Consultant က Theory ကနေ ဖောက်ထွက်ပြီး အလုပ်ဖြစ်မယ့်အကြံကို ရဲရဲတင်းတင်းပေးရဲဖို့လိုပါတယ်။

အခုလိုတွေ ပြောလို့ Client ရှာနေတယ်ထင်ကြဦးမယ်။

၂၀၂၆ အတွက် လောလောဆယ်ကို Retainer Client က ပြည့်နေပြီ။

07/01/2026

2026 မှာ
လုပ်ငန်းတွေ အတွက် ဘယ်လို အကြံပေးချင်လဲတဲ့
အကြွေးဆပ်နိုင်တာ သေချာရင်

ဘဏ်ချေးငွေရအောင်ယူ

ဘဏ်ချေးငွေ နဲ့ ရရင်

အကုန်သာလုပ်

ဒါပဲ

06/01/2026

ခု မှ စီးပွားရေး လောက ထဲ ဝင် မယ် လို့စဉ်းစားတဲ့ သူတို့ အမှတ်မှား နေတာ ၁ ခုရှိတယ်။

အဲဒါက ဘာလဲဆိုတော့ Management ထားပါတော့လေ.. စီမံခန့်ခွဲမှု ပညာ ပေါ့.။ အဲဒီ Management ပညာ ကို တတ်တာ ရယ်။ ပိုက်ဆံရှာ တတ်တာရယ်။ စီးပွားရှာတတ်တာရယ် ဟာ တစ်ခု ထဲပဲ လို့ အမှတ်မှားကြ တယ်။

အမှန်က ဘာမှမဆိုင်ဘူး။ သတ်သတ် စီရယ်။

စီမံခန့်ခွဲမှု ပညာကိုထူးထူးချွန်ချွန် သင်ယူလာပေမယ့် အဲဒီ သင်ယူလာတဲ့ စီမံခန့်ခွဲမှု ပညာကို အသုံးချ နိုင်တဲ့ ၀န်းကျင် ကို မဖန်တီးပေးနိုင်သေးရင် အလကားပဲ။

Bootstrap Stage မှာ Street Smart တွေ ဟာ ပို ပြီး Competitive ဖြစ်ရတဲ့ အကြောင်းအရင်း ကအဲဒါပဲ။

စီးပွား ဖြစ်တာ နဲ့ ငွေချမ်းသာတာ နဲ့ဟာလဲ သတ်သတ်စီပဲမတူဘူးရယ်။

တစ်ချို့တွေ က ပိုက်ဆံတွေ ရှာ ပြီး စီးပွားဖြစ်တယ်ထင်ကြတယ်။

တစ်ချို့ကျတော့လဲ စီးပွားဖြစ်ပေမယ့် ပိုက်ဆံ မဖြစ်လို့ ညည်းကြတယ်။

အမှန်က တော့ ကိုယ်ရှာတာ ကိုယ်ရတာ ပါပဲ... သိပ်၀မ်းနည်းစရာတော့မရှိ ဘူးရယ်..


#ပြန်တင်တာ

05/01/2026

တိုက်ဆိုင်တာလား
ဘာလားတော့မသိဘူး
ဆင်းရဲတွင်းကလွတ်အောင်လုပ်ပေးမှာတို့

အောက်ခြေလူတန်းစား ကို ကယ်တင်ချင်တာ တို့ ဆိုရင်

၁၀ ယောက် မှာ ၁၀ ယောက် က လူလိမ်ပဲ

အခုမလိမ်လဲ နောက် လိမ်မယ့် သူတွေကြီးပဲ

04/01/2026

Profit and Benifit
လုပ်ငန်း တစ်ခု ကို လုပ်ကြ မယ်ဆိုရင် အကျိုးအမြတ် ဘယ်လောက်ရှိ လဲ လို့ မေးကြတယ်မဟုတ်လား
တကယ်တော့ အကျိုး ကျေးဇူး နဲ့ အမြတ် က တတွဲထဲ မဟုတ်ဘူးဗျ
အချို့ လုပ်ငန်းတွေ က အကျိုး ကျေးဇူး အတွက် ရည် သန်ပြီး အလုပ်လုပ်ကြ တယ် အချို့ လုပ်ငန်း တွေ က အမြတ်ရဖို့ အတွက် အလုပ်လုပ်ကြ တာပေါ့။
အမြတ် လို့ ပြောရင် သိကြ ပြီး သားမို့လို့ အမြတ် ဆိုတာ ဘာလဲဆိုတာ မပြောတော့ဘူး
အကျိုးကျေးဇူး ဆိုတာ ကျတော့ ဒီလို
အချို့ အလုပ်တွေ က Market ထဲမှာ ကြာကြာ ရပ်တည်နိုင်တယ်ဆိုတဲ့ ဂုဏ် လိုတယ်။
ဥပမာ Consulting and Advisory လုပ်ငန်းမျိုး တွေ ဆိုရင် မနေ့ တစ်နေ့ က မှ ပေါ်လာတဲ့ လုပ်ငန်းထက် ဆယ်စုနှစ်ချီပြီး တည်ရှိခဲ့တဲ့ လုပ်ငန်း ကြား ဂုဏ်ရှိမှု သိပ်ကွာတယ်။ဒါကြောင့် C&A Business တွေ မှာ အချို့ Project တွေ ကို မမြတ်လဲ လုပ်ကြပါတယ်။
အချို့ ကျတော့ Connection လိုချင်တာ
ဒါက ကျတော့ SMEs တွေ နဲ့ အခုမှ Market ထဲစဝင်မယ့် Entry တွေ ပိုလုပ်ကြတယ်။ Client အကြီးမို့လို့ စျေး လျှော့ ပေးတာ မျိုး အမြတ်မယူပဲ လုပ်တာ မျိုး ပေါ့။
အချို့ ကျတော့ အဓိက လုပ်ငန်း နဲ့ ဆက်စပ်နေတဲ့မို့လို့ ဆက်စပ်လုပ်ငန်း ရှိနေခြင်း က ပင်မ လုပ်ငန်း အတွက် အားသာချက် ဖြစ်စေတာ မျိုးရှိတယ်။
ဒါမျိုး က ကျတော့ လုပ်ငန်း တွေ ဟာ တခု နဲ့ တခု ဆက်စပ်နေတဲ့ လုပ်ငန်းရှင် တွေ လုပ်ကြပါတယ်။ ဥပမာ ကျွန်တော် ပေါ့ 😀 ကျွန်တော့် ရဲ့ Corporate Service ပိုင်း ဆိုရင် မြတ်ချင်လို့ လုပ်နေတယ်ဆိုတာထက် Consulting ဘက်က Client တွေ ကို Corporate Service နဲ့ ပတ်သက်တာတွေ ကူပေးနိုင်အောင် လုပ်တာပါ။ Consulting နဲ့ Corporate Service ပေါင်းထားတော့ အခြား Firm တွေ ထက်စာရင် ပိုအားသာ တာပေါ့။
အချို့ ကျ တော့ လည်ပတ်နေဖို့လိုတယ်။
ဒါက တော့ ဝန်ထမ်းထိန်းချင်ရုံ လုပ်နေတာမျိုးပါ။

ပြောချင်တာ က Strategy ချတယ်ဆိုတာ အမြတ်လိုချင်လို့ ချတာမဟုတ်ပါဘူး။ အကျိုးကျေးဇူး လိုချင်လို့ ချမှတ်တာပါ။
ဒါကြောင့် လုပ်ငန်း လုပ်မယ်ဆိုရင် လုပ်ငန်းချဲ့မယ်ဆိုရင် Numbers တွေ ပေါ်မှာ မြင်ရတဲ့ အမြတ်အပြင် မမြင်ရတဲ့ အကျိုး ကျေးဇူး ကိုပါ ထည့်သွင်းစဥ်းစားဖို့လိုပါတယ်။

ချစ်ခင်စွာ


Address

Yangon

Website

Alerts

Be the first to know and let us send you an email when Michael Myo - Empowering SMEs posts news and promotions. Your email address will not be used for any other purpose, and you can unsubscribe at any time.

Shortcuts

Share