Marigold Counselling Space

Marigold Counselling Space Individual Counseling Services

✨ ဒီနေ့ မင်းရဲ့စိတ်လေး ဘယ်လိုရှိနေလဲ? 🌼💭☁️ ပုံမှန်အားဖြင့် ဘေးပတ်ဝန်းကျင်ကနေ "ဘာတွေလုပ်‌နေလဲ?" ...
30/09/2026

✨ ဒီနေ့ မင်းရဲ့စိတ်လေး ဘယ်လိုရှိနေလဲ? 🌼💭

☁️ ပုံမှန်အားဖြင့် ဘေးပတ်ဝန်းကျင်ကနေ
"ဘာတွေလုပ်‌နေလဲ?"
"အလုပ်တွေ အခြေအနေကောင်းလား?"
"စာမေးပွဲအတွက် ပြင်ဆင်ပြီးပြီလား?" ဆိုတဲ့ မေးခွန်းတွေကိုပဲ နေ့စဉ် ကြုံတွေ့နေရတတ်ပါတယ်နော်… 📝✨

🍀ဒါပေမဲ့ "မင်းရဲ့ စိတ်ကလေးကော ဘယ်လိုရှိနေလဲ?" ဆိုပြီး ဂရုတစိုက် မေးပေးဖူးသူ နည်းပါလိမ့်မယ်။ 🤍
ဒီနေ့မှာတော့ တခြားသူတွေ မမေးရင်တောင် ကိုယ့်ကိုယ်ကိုယ် အချိန်ခဏလေးပေးပြီး ပြန်မေးပေးပါဦး။

💭 စိတ်ထဲမှာ လေးလံ စိုးရိမ်နေသလား? 🌧️
💭 ပင်ပန်းနွမ်းနယ်နေသလား? 🔋
💭 ဒါမှမဟုတ် တည်ငြိမ် ပေါ့ပါးနေသလား? ☀️

ဘယ်လိုခံစားချက်မျိုးဖြစ်နေပါစေ… မင်း ခံစားနေရတဲ့ ခံစားချက်တိုင်းဟာ ဖြစ်လေ့ဖြစ်ထရှိပြီး အရေးပါတယ်ဆိုတာလေးကို သိစေချင်ပါတယ်။

🕊️ ခံစားချက်မကောင်းတာတွေအတွက် "ငါ ဘာလို့ ဒီလိုဖြစ်နေရတာလဲ" ဆိုပြီး ကိုယ့်ကိုယ်ကိုယ် အပြစ်မတင်ပါနဲ့နော်။ ကိုယ့်ရဲ့ ခံစားချက်ကို ငြင်းဆန်မနေဘဲ အရှိအတိုင်း လက်ခံပေးလိုက်တာဟာ စိတ်ကျန်းမာရေး (Mental Well-being) အတွက် ပထမဆုံးနဲ့ အရေးကြီးဆုံး ခြေလှမ်းပါပဲ။ 🌿🌟

💬 ဒီနေ့ မင်းရဲ့ ခံစားချက်ကို စကားလုံး တစ်လုံးတည်းနဲ့ ဖော်ပြရမယ်ဆိုရင် ဘာ‌လေးဖြစ်မလဲ?
(ဥပမာ- ပင်ပန်းတယ်၊ ပျော်တယ်၊ အေးချမ်းတယ်၊ ဇဝေဇဝါဖြစ်တယ်)

🗨️Comment မှာ ပွင့်ပွင့်လင်းလင်း လာရောက်ဝေမျှခဲ့လို့ ရပါတယ်ရှင်။ Marigold က နားထောင်ပေးဖို့ အမြဲအဆင်သင့်ရှိနေပါတယ်နော်။ 🌼🤝

🧡 ရင်ဖွင့်တိုင်ပင်ချင်တာပဲဖြစ်ဖြစ်၊ နှစ်သိမ့်ဆွေးနွေးမှု ဝန်ဆောင်မှုတွေ စုံစမ်းချင်တာပဲဖြစ်ဖြစ် Page Messenger ကနေတစ်ဆင့် သီးသန့် လာရောက်ဆက်သွယ်နိုင်ပါတယ်ရှင့်။ 📥✨

📩 [email protected]
🗨️ Facebook messenger


💛 မနက်ဖြန်တွေအတွက် စိတ်ပူရင်း ဒီနေ့မှာ မောပန်းနေရပြီလား... 💭 🌺 မရေမရာ အခြေအနေတွေကြားမှာ ဖြစ်လာနိုင်သမျှကို အဆိုးဆုံးတွ...
29/09/2026

💛 မနက်ဖြန်တွေအတွက် စိတ်ပူရင်း ဒီနေ့မှာ မောပန်းနေရပြီလား... 💭

🌺 မရေမရာ အခြေအနေတွေကြားမှာ ဖြစ်လာနိုင်သမျှကို အဆိုးဆုံးတွေချည်း ကြိုတင်တွေးမိရင်း ရင်တုန်၊ စိတ်ပူနေရတာမျိုး ကြုံဖူးပါသလား။
🤍 တွေးလေ စိတ်ထဲမအေးလေနဲ့၊ ဘာမှ မလုပ်ချင်မကိုင်ချင်လောက်အောင် စိတ်ပန်းနေမိတယ်ဆိုရင်တော့ ဒါဟာ "သင့်စိတ်ကလေးက အနားယူဖို့ သင့်ကို အချက်ပြနေတာ" ပဲ ဖြစ်ပါတယ်။ 🌿
✨ စိတ်ပူပန်မှု (Anxiety) တွေ လွန်ကဲလာတဲ့အခါ ဒီအချက်လေးတွေကို ခဏလောက် သတိရပေးပါနော် -

🌱 အနာဂတ်ဆိုတာ အခု မရောက်သေးပါဘူး။
မဖြစ်သေးတဲ့ အရာတွေကို ခေါင်းထဲမှာ ကြိုတင်ပြီး ထိန်းချုပ်ဖို့ ကြိုးစားတာက သင့်ရဲ့ လက်ရှိ energy တွေကိုပဲ ကုန်ခမ်းစေတာပါ။
🌱 ခန္ဓာကိုယ်ရဲ့ သတိပေးသံကို နားထောင်ပါ။
ရင်ဘတ်ထဲက တင်းကြပ်နေတာ၊ အသက်ရှူရ ခက်တာမျိုး ဖြစ်လာရင် လုပ်လက်စတွေကို ခဏရပ်ပြီး အသက်ကို ဖြည်းဖြည်းချင်းရှူ ပြင်းပြင်းရှူထုတ်ပေးပါ (Deep Breathing)။ 🌬️
🌱ကိုယ်တကယ် ထိန်းချုပ်နိုင်တာလေးပဲ လုပ်ပါ။
ပတ်ဝန်းကျင် ဒါမှမဟုတ် စိတ်ထဲက အရာအားလုံးကို ပြင်ဆင်ဖို့ အတင်းမကြိုးစားပါနဲ့။ ဒီနေ့၊ ဒီအချိန်မှာ ကိုယ်လုပ်နိုင်တဲ့အရာတွေမှာ သေးငယ်တဲ့ ကိစ္စလေးတစ်ခုကိုပဲ အရင်ဆုံးရွေးလုပ်ကြည့်ပါ။ ☕✨

🧡 " အရာအားလုံးကို ထိန်းချုပ်ထားစရာ မလိုပါဘူး။ ခဏလောက် စိတ်လေးအနားယူလိုက်ပါဦး" လို့ သင့်ကိုယ်သင် နွေးထွေးစွာ ပြောပေးလိုက်ပါနော်။ 💛

✨ မရေရာမသေချာတဲ့ အခြေအနေတွေကြားမှာ သင့်စိတ်ကလေး ငြိမ်းချမ်းစေဖို့ Marigold က အမြဲတမ်း အတူတူရှိပေးနေပါတယ်ရှင်။ 🌼

📩 [email protected]

🗨️ Facebook messenger


💭 လမ်းခွဲပြီးသွားပြီဆိုပေမဲ့ စိတ်ထဲမှာ လေးလံနေတုန်းပဲ၊ မေ့ပစ်ဖို့ ကြိုးစားလေ ပိုသတိရလေပဲ ဆိုတဲ့ ခံစားချက်မျိုး ခံစားနေရပ...
17/09/2026

💭 လမ်းခွဲပြီးသွားပြီဆိုပေမဲ့ စိတ်ထဲမှာ လေးလံနေတုန်းပဲ၊ မေ့ပစ်ဖို့ ကြိုးစားလေ ပိုသတိရလေပဲ ဆိုတဲ့ ခံစားချက်မျိုး ခံစားနေရပါသလား... 💔

🌺 Move On တယ်ဆိုတာ အတိတ်က ဖြစ်ပျက်ခဲ့သမျှကို အတင်းအကျပ် မေ့ပစ်တာ သို့မဟုတ် စိတ်ထဲကနေ အမြစ်ပြတ် မောင်းထုတ်လိုက်တာ မဟုတ်ပါဘူး။ မိမိရဲ့ နာကျင်မှုတွေကို ငြင်းဆန်မထားဘဲ အမှန်အတိုင်း လက်ခံပေးရင်း၊ မိမိကိုယ်ကို ပြန်လည် နားလည်သဘောပေါက်လာတဲ့ Process (ဖြစ်စဉ်) တစ်ခု ဖြစ်ပါတယ်။ 🌱🤍

💚 Healing Journey ကို ဖြတ်သန်းတဲ့အခါ 🕊️.....

🪻မိမိခံစားချက်များကို ခွင့်ပြုပေးပါ 🩹
ဝမ်းနည်းတာ၊ စိတ်ပျက်တာ၊ ဒေါသထွက်တာ၊ နှမြောမိတာတွေဟာ ပုံမှန် မဟုတ်တဲ့ ဖြစ်ရပ်တစ်ခုကြောင့် ဖြစ်ပေါ်လာတဲ့ "ပုံမှန် တုံ့ပြန်မှုများ" သာ ဖြစ်ပါတယ်။ "ငါ မငိုရဘူး၊ ငါ သန်မာရမယ်" လို့ ကိုယ့်ကိုယ်ကိုယ် ဖိအားပေးနေမယ့်အစား "ငါ အခု နာကျင်နေရတာ သဘာဝပါပဲ" လို့ မိမိ ခံစားချက်ကို လွတ်လပ်စွာ စီးဆင်းခွင့် ပေးလိုက်ပါ 🌊

🪻Grief (ဆုံးရှုံးမှုဆိုင်ရာ ဝမ်းနည်းမှု)ကို အချိန်ပေးပါ
ဆက်ဆံရေးတစ်ခု ပြီးဆုံးသွားတာဟာ လူတစ်ယောက် သို့မဟုတ် အနာဂတ် မျှော်လင့်ချက်တစ်ခု ပျောက်ဆုံးသွားတာ ဖြစ်တာကြောင့် Grief Process ကို ဖြတ်သန်းရလေ့ ရှိပါတယ်။ ဒီတစ်ရက်မှာ သန်မာနေပြီး နောက်တစ်ရက်မှာ ပြန်လည် ဝမ်းနည်းမိတာမျိုး ခံစားရနိုင်တာဟာ သင် နောက်ပြန်ဆုတ်သွားတာ မဟုတ်ပါဘူး။ Healing ရဲ့ တက်လိုက်ကျလိုက် ဖြစ်တတ်တဲ့ သဘာဝကို စိတ်ရှည်ပေးပါ။ 🌻✨

🪻"ငါ့ကြောင့်" ဆိုတဲ့ Self-Blame ကို သတိထားပါ ⛓️
"ငါသာ ထိုအချိန်က ဒါမျိုး မလုပ်ခဲ့ရင်..." ဆိုပြီး အတိတ်က အဖြစ်အပျက်တွေပေါ်မှာ ကိုယ့်ကိုယ်ကိုယ် အပြစ်တင်စိတ်နဲ့ လှောင်ပိတ်မိနေတတ်ပါတယ်။ ဆက်ဆံရေးတစ်ခုရဲ့ အခြေအနေဟာ နှစ်ဦးနှစ်ဖက်ရဲ့ ကွဲပြားမှုတွေ၊ အခြေအနေတွေအပေါ်မှာ မူတည်ခဲ့တာမို့ အတိတ်ကို ပြင်ဆင်လို့ မရတော့ပေမဲ့ သင်ခန်းစာအဖြစ် အသိအမှတ်ပြုပေးလို့ ရပါတယ်။ 🍃🗝️

🪻မိမိရဲ့စိတ်ခံစားချက်ကို ပြန်လည်စာနာ‌ပေးပါ 🤍 🌷
အခြားသူတစ်ယောက်ကို ဂရုစိုက် စာနာပေးခဲ့သလိုမျိုး၊ အခုချိန်မှာ နာကျင်နေတဲ့ မိမိကိုယ်တိုင်ကိုလည်း နူးညံ့စွာ ပြန်လည် ဂရုစိုက်ပေးပါ။ သင့်အတွက် လုံခြုံမှုပေးနိုင်တဲ့ ပတ်ဝန်းကျင်၊ မိတ်ဆွေများနဲ့ ချိတ်ဆက်ပါ သို့မဟုတ် ကိုယ့် စိတ်ခံစားချက်ကို အကူအညီဖြစ်ပေးနိုင်မဲ့ အလေ့အထများကို ဖြည်းဖြည်းချင်း စတင်ပါ။ ☕📖

🪻🕊️ Move On လုပ်ခြင်းရဲ့ အဓိပ္ပာယ်ဟာ အတိတ်ကလူကို မုန်းတီးလိုက်တာ မဟုတ်သလို၊ အမှားအမှန် ခွဲခြားတာလည်း မဟုတ်ပါဘူး။ ထိုလူ မရှိတော့တဲ့ အနာဂတ်မှာ မိမိကိုယ်ကို ပိုမို နားလည်လာပြီး၊ မိမိ တန်ဖိုးကို ပြန်လည် ရှာဖွေတွေ့ရှိသွားတာပဲ ဖြစ်ပါတယ်။ 🌈✨

🪻🕊️သင့်ရဲ့ Healing Journey မှာ တစ်ယောက်တည်း ရုန်းကန်နေရပြီး စိတ်ထဲပင်ပန်းနေရတယ်ဆိုရင် သင့်ရဲ့ ခံစားချက်တွေကို အပြစ်မတင်ဘဲ နွေးထွေးစွာ နားထောင်ပေးဖို့ Marigold Counselling Space က အမြဲတမ်း အသင့်ရှိနေပါတယ်။ 🌿💚🌱



💌 [email protected]

🗨️ Facebook messenger

"ဒေါသထွက်တာ၊ ဝမ်းနည်းတာတွေဟာ မကောင်းတဲ့ ခံစားချက်တွေ မဟုတ်ပါဘူး" 🌧️✨💐"အမြဲ ပျော်ပျော်ရွှင်ရွှင် နေပါ" "အပြုသဘောဆောင်တာတွ...
07/09/2026

"ဒေါသထွက်တာ၊ ဝမ်းနည်းတာတွေဟာ မကောင်းတဲ့ ခံစားချက်တွေ မဟုတ်ပါဘူး" 🌧️✨

💐"အမြဲ ပျော်ပျော်ရွှင်ရွှင် နေပါ" "အပြုသဘောဆောင်တာတွေကိုပဲ တွေးပါ" ဆိုတဲ့ စကားတွေကို အမြဲ ကြားဖူးကြပါလိမ့်မယ်။
💦 ဒါပေမဲ့ လူတစ်ယောက်မှာ စိတ်ဆိုးတာ၊ ဒေါသထွက်တာ၊ ဝမ်းနည်းတာနဲ့ စိတ်ပျက်တာတွေ ခံစားရတာဟာ သဘာဝကျသလို၊ ပုံမှန်လည်း ဖြစ်ပါတယ်။ ဒါတွေကို "မကောင်းတဲ့ ခံစားချက်" (Negative Emotions) လို့ တံဆိပ်ကပ်ပြီး ဖိနှိပ်ထားဖို့ မလိုအပ်ပါဘူး။
🤍 စိတ်ခံစားချက် တိုင်းမှာ သူ့ရဲ့ အဓိပ္ပာယ်နဲ့ သတင်းစကား (Message) ကိုယ်စီ ရှိနေကြပါတယ်။
😤 ဒေါသ : မိမိရဲ့ စိတ္တဇအတားအဆီး (Boundary) တွေကို တစ်ယောက်ယောက်က ကျူးလွန်လာတဲ့အခါ သို့မဟုတ် မတရားမှုကို ကြုံရတဲ့အခါ ကိုယ့်ကိုယ်ကို ကာကွယ်ဖို့ သတိပေးလိုက်တာပါ။
🥺ဝမ်းနည်းမှု : မိမိအတွက် တန်ဖိုးရှိတဲ့အရာ သို့မဟုတ် ဆက်ဆံရေးတစ်ခုကို ဆုံးရှုံးလိုက်ရလို့ ကုစားဖို့ အချိန်လိုအပ်နေကြောင်း ပေါ်ထွက်လာတာပါ။
😟စိုးရိမ်ပူပန်မှု (Anxiety): ရှေ့မှာ သတိထားရမယ့် အန္တရာယ် သို့မဟုတ် ပြင်ဆင်စရာတွေ ရှိနေတယ်လို့ အသိပေးလိုက်တာပါ။
🪂❄️ဒီ ခံစားချက်တွေကို အတင်း ဖိနှိပ်ထားတဲ့အခါ၊ မခံစားရသလို ဟန်ဆောင်ထားတဲ့အခါ စိတ်ထဲမှာ ပိုပြီးဝန်ပိလာပြီး တစ်ချိန်ချိန်မှာ ပေါက်ကွဲထွက်သွားတာမျိုး ဖြစ်တတ်ပါတယ်။

🤷🤷 ဒါဆိုရင် ဒီ ခံစားချက်တွေ ဝင်လာတဲ့အခါ ဘယ်လို ရင်ဆိုင်မလဲ.....

💚ခံစားချက်ကို အသိအမှတ်ပြုပါ
"ငါ အခု ဒေါသထွက်နေတယ်"၊ "ငါ အခု ဝမ်းနည်းနေတယ်" လို့ စိတ်ထဲမှာ ပွင့်ပွင့်လင်းလင်း လက်ခံပေးပါ။

💚အပြစ်မတင်ပါနဲ့
"ငါ ဘာလို့ ဒီလောက် စိတ်တိုလွယ်တာလဲ" လို့ ကိုယ့်ကိုယ်ကို အပြစ်မတင်ပါနဲ့။

💚စိတ်အတွင်းကစကားကို နားထောင်ပါ
ဒီ ခံစားချက်က ငါ့ကို ဘာပြောချင်တာလဲ၊ ငါ့ရဲ့ ဘာလိုအပ်ချက် လစ်ဟာနေတာလဲဆိုတာကို ငြိမ်ငြိမ်လေး ဆန်းစစ်ကြည့်ပါ။

✨ကိုယ်တိုင် ခံစားနေရတဲ့ စိတ်ခံစားချက်တွေကို ငြင်းဆန်မှုမရှိဘဲ အရှိအတိုင်း လက်ခံပေးလိုက်တာဟာ စိတ်ကျန်းမာရေးအတွက် လွန်စွာ အရေးကြီးတဲ့ခြေလှမ်းလေး ဖြစ်ပါတယ်။
💚🤍 ခံစားချက်တွေကို လက်ခံဖို့ခက်ခဲနေရင် သို့မဟုတ် ရင်ဖွင့်တိုင်ပင်ချင်တယ်ဆိုရင် Marigold Counselling Space သို့ ဆက်သွယ်ပြီး Counselling Session များ ရယူနိုင်ပါတယ် 🌼💐

📞 09793068543(viber)

💌 [email protected]

🗨️ Facebook Messenger

💝တစ်စုံတစ်ယောက်ရဲ့မေတ္တာကို ခံစားရစေဖို့ သေးငယ်တဲ့ လက်ဆောင်လေးတစ်ခုနဲ့လည်း လုံလောက်ပါတယ် 💌🧩ကျမတို့ရဲ့ နေ့စဉ်ဘဝမှာ အဓိပ္...
29/08/2026

💝တစ်စုံတစ်ယောက်ရဲ့မေတ္တာကို ခံစားရစေဖို့ သေးငယ်တဲ့ လက်ဆောင်လေးတစ်ခုနဲ့လည်း လုံလောက်ပါတယ် 💌

🧩ကျမတို့ရဲ့ နေ့စဉ်ဘဝမှာ အဓိပ္ပာယ်ရှိတဲ့ အရာသေးသေးလေးတွေကပဲ စိတ်ဓာတ်ကို အများကြီး မြှင့်တင်ပေးနိုင်ပါတယ်။ တစ်စုံတစ်ယောက်က စေတနာပါပါနဲ့ ပေးခဲ့တဲ့ အမှတ်တရလက်ဆောင်လေးတစ်ခု၊ သို့မဟုတ် ကိုယ်တိုင်မြတ်နိုးပီးသိမ်းဆည်းထားတဲ့ ပစ္စည်းလေးတစ်ခုဟာ ရိုးရှင်းတဲ့ ပစ္စည်းတစ်ခုထက် ပိုလွန်တဲ့ စိတ်ပိုင်းဆိုင်ရာ အထောက်အပံ့တွေကို ပေးစွမ်းနိုင်ပါတယ်။ ✨

🌸🤍စိတ်ပိုင်းဆိုင်ရာကို ဘယ်လိုမျိုး အထောက်အပံ့ဖြစ်စေသလဲ??
💐 စိတ်ရှုပ်ထွေးစရာ၊ အားငယ်စရာတွေနဲ့ ကြုံတွေ့ရတဲ့အခါ လက်ဆောင်ပေးသူရဲ့ မေတ္တာနဲ့ ဂရုစိုက်မှုကို သတိရစေပြီး မိမိစိတ်လေး ပြန်လည်တည်ငြိမ်သွားစေပါတယ်။ 🌿
💐ကိုယ့်ကို ဂရုစိုက်ပေးတဲ့၊ အလေးထားပေးတဲ့သူ ရှိပါလား" ဆိုတဲ့ ခံစားချက်ကို တိုးပွားစေပြီး တစ်ယောက် တည်း ဖြစ်နေတယ်ဆိုတဲ့ အထီးကျန်စိတ်ကို လျှော့ပါးစေနိုင်ပါတယ်။ 🤍
💐အမှတ်တရပစ္စည်းလေး ကို မြင်လိုက်ရုံ၊ ကိုင်တွယ်လိုက်ရုံနဲ့ ပျော်ရွှင်ခဲ့ရတဲ့ အချိန်တွေကို ပြန်လည်သတိရစေပြီး ဦးနှောက်ထဲမှာ ကောင်းမွန်တဲ့ စိတ်ခံစားမှုဟော်မုန်းများကို ထွက်ရှိစေနိုင်ပါတယ်🌸

🧩 ဒီလို အလေ့အကျင့်လေးက လုံးဝ လိုအပ်ပါတယ်၊ ဒါပေမဲ့ ကြီးကြီးမားမား တန်ဖိုးကြီးတာတွေ ဖြစ်နေစရာ မလိုပါဘူး။

💬စကားလုံးတစ်ခွန်း၊ လက်ရေးနဲ့ရေးထားတဲ့ ကတ်ပြားလေးတစ်ချပ် ✉️၊ ဒါမှမဟုတ် နှစ်ယောက်တူတူ ထိန်းသိမ်းထားတဲ့ အမှတ်တရပစ္စည်း သေးသေးလေးတွေကအစ စိတ်ပိုင်းဆိုင်ရာ လုံခြုံမှုကို ဖန်တီးပေးနိုင်ပါတယ်။

💞 မိမိကိုယ်တိုင်အတွက်ဖြစ်စေ၊ ကိုယ်ချစ်ရသူတွေအတွက်ဖြစ်စေ အမှတ်တရလက်ဆောင်လေးတွေ ဖန်တီးပေးခြင်းဟာ အချင်းချင်းရဲ့ စိတ်ကျန်းမာရေးနှင့် နွေးထွေးမှုကို ရေရှည်ခိုင်မြဲစေမယ့် ရိုးရှင်းပြီး ထိရောက်တဲ့ စိတ်ဓာတ်ခွန်အားဖြည့်နည်းတစ်ခုပဲ ဖြစ်ပါတယ်။ 💕

💜☁️ ဒီနေ့ကစပြီး ကိုယ့်ကိုကိုယ် သို့မဟုတ် ကိုယ်ချစ်ရသူတစ်ယောက် ယောက်ကို သေးငယ်ပေမဲ့ အဓိပ္ပာယ်ရှိတဲ့ အမှတ်တရလေးတွေ ဖန်တီးပေးတတ်တဲ့ အလေ့အကျင့်ကောင်းလေးကို လေ့ကျင့်ကြည့်ကြရအောင်နော်။ 🌿✨

Contact:

📞 09793068543 (viber)

📩 [email protected]

💬 Messenger

💕👩‍❤️‍👨. ဒီလက္ခဏာ (၄) ချက် ရှိနေရင် သင်တို့ရဲ့ Relationship က လုံခြုံနွေးထွေးတဲ့ နားခိုရာတစ်ခု ဖြစ်နေပါပြီ 🤍🌿🌸 Relations...
25/08/2026

💕👩‍❤️‍👨. ဒီလက္ခဏာ (၄) ချက် ရှိနေရင် သင်တို့ရဲ့ Relationship က လုံခြုံနွေးထွေးတဲ့ နားခိုရာတစ်ခု ဖြစ်နေပါပြီ 🤍🌿

🌸 Relationship တစ်ခု ရှိနေရုံနဲ့တင် စိတ်အေးချမ်းမှုနဲ့ ပျော်ရွှင်မှုကို အပြည့်အဝ မရရှိနိုင်ပါဘူး။ တကယ် အေးချမ်းမှုနဲ့ တန်ဖိုးထားချစ်ခင်မှုနဲ့ ခိုင်မြဲတဲ့ ဆက်ဆံရေး (Healthy Relationship) တစ်ခုမှာတော့ တိတ်တဆိတ် ကိန်းဝပ်နေတဲ့ "Green Flags" လက္ခဏာလေးတွေ ရှိနေတတ်ပါတယ်🍃

🌻 ဒီနေ့မှာတော့ မိမိရဲ့ ဆက်ဆံရေးမှာ ဒီလို လက္ခဏာလေးတွေ ရှိနေပြီလားဆိုတာ အတူတူ ဆန်းစစ်ကြည့်ရအောင်နော် ✨✨

💜 စိတ်ပူပင်မှုမရှိဘဲ ပွင့်ပွင့်လင်းလင်း ပြောပြခွင့်ရှိခြင်း (Safe Space) 🤍
ကိုယ့်ရဲ့ အားနည်းချက်တွေ၊ ဝမ်းနည်းမှုတွေနဲ့ အမှားတွေကို သိုဝှက်ထားစရာမလိုဘဲ ပွင့်ပွင့်လင်းလင်း မျှဝေတဲ့အခါ အသုံးချခံဖြစ်မှာ သို့မဟုတ် အပြစ်တင် ရှုံ့ချခံရမှာကို ကြောက်‌‌စရာမရှိတာမျိုးပါ🍃💬

💜 ကိုယ်ပိုင်ရှိရမဲ့စည်းများကို လေးစားမှုရှိခြင်း (Respecting Boundaries)
ချစ်သူ/အိမ်ထောင်ဖက် ဖြစ်နေလင့်ကစား မိမိတို့ရဲ့ ကိုယ်ပိုင်အချိန်၊ ဝါသနာ၊ မိတ်ဆွေအပေါင်းအသင်းနဲ့ စိတ်ပိုင်းဆိုင်ရာ သီးသန့်နယ်ပယ် (Personal Space) ကို အပြန်အလှန် နားလည် ပံ့ပိုးပေးတတ်ကြပါတယ်🍃

💜 အနိုင်ယူဖို့ထက် နားလည်ပေးဖို့ ဦးတည်သောစကားဝိုင်း (Healthy Communication)
သဘောထား ကွဲလွဲမှုနဲ့ စကားများမှုတွေ ဖြစ်လာတဲ့အခါ "ငါ ပြောတာပဲ ဟုတ်‌နေရမယ်၊ ငါအနိုင်ရနေရမယ်" ဆိုတဲ့ စိတ်ထက် ပြဿနာကို အတူတကွ ဖြေရှင်းဖို့နဲ့ အပြန်အလှန် နားထောင်ပေးဖို့ကို ပိုမို ဦးစားပေးကြပါတယ်💬👫

💜 တစ်ယောက်ရဲ့ တိုးတက်မှုကို တစ်ယောက်ကဝမ်းမြောက်ခြင်း (Mutual Growth) 🌱
တစ်ယောက်ကိုတစ်ယောက် ထိန်းချုပ်ထားခြင်း မရှိဘဲ မိမိတို့ရဲ့ အိပ်မက်တွေ၊ ရည်မှန်းချက်တွေဆီ ရောက်ရှိအောင် ဘေးနားကနေ ယုံကြည်မှုနဲ့ တွန်းအားပေးတတ်ကြပါတယ်👩‍❤️‍👨💐

"🫶 Healthy Relationship ဆိုတာ ပြဿနာ လုံးဝ မရှိတာ မဟုတ်ဘဲ၊ ပြဿနာတွေကို စိတ်မှာအနာတရ မကျန်အောင် အတူတကွ ရင့်ကျက်စွာ ဖြေရှင်းနိုင်တာကို ခေါ်တာပါ💞"

💜 အချစ်ဆိုတာ ပိုင်ဆိုင်ရုံတင် မဟုတ်ဘဲ တစ်ယောက်ရဲ့ စိတ်အေးချမ်းမှုကို တစ်ယောက်က လုံခြုံအောင် ကာကွယ် စောင့်ရှောက်ပေးနိုင်ခြင်းလည်း ဖြစ်ပါတယ်။

🍃 သင်တို့ရဲ့ ဆက်ဆံရေးမှာရော ဒီ Green Flags လေးတွေထဲက ဘယ်အချက်ကို အရှိဆုံးလို့ ခံစားရပါသလဲ… ကွန်မန့်မှာ မမေ့မလျော့ မျှဝေပေးခဲ့ပါဦးနော် ✨💭

📞 09793068543(viber)

📩 [email protected]

💬 Facebook messenger


⚡ သူငယ်ချင်းအရင်းလို့ ကိုယ်ယုံကြည်ထားတဲ့သူဆီက ပြိုင်ဆိုင်မှု‌တွေကြုံလာရတဲ့အခါ….✨☁️ ကိုယ့်အထင် ရိုးသားအေးဆေးပြီး ဒုက္ခရေ...
23/08/2026

⚡ သူငယ်ချင်းအရင်းလို့ ကိုယ်ယုံကြည်ထားတဲ့သူဆီက ပြိုင်ဆိုင်မှု‌တွေကြုံလာရတဲ့အခါ….✨

☁️ ကိုယ့်အထင် ရိုးသားအေးဆေးပြီး ဒုက္ခရောက်ရင် ကိုယ့်ဆီ အမြဲရင်ဖွင့်တတ်တဲ့ သူငယ်ချင်းက အရင်တုန်းဘဝအ‌ခြေအနေထက် အဆင်ပြေလာတဲ့အခါ ကိုယ့်ရှေ့မှာ အရမ်းထက်မြက်ပြချင်လာတယ်၊ ပုခုံးချင်းယှဉ်ချင်လာတယ်ဆိုတာမျိုး သင်ရော ကြုံဖူးပါသလား?" 💭

⚡ အခြေအနေတစ်ခု ပြောင်းလဲသွားချိန် (ဥပမာ- ဝင်ငွေ၊ အလုပ်အကိုင်၊ လူမှုအဆင့်အတန်း) မှာ သူငယ်ချင်းအရင်းအချို့ အနိုင်ပိုင်းချင်လာတာ၊ ပုခုံးချင်းယှဉ်ချင်တာတွေ ဘာကြောင့် ဖြစ်လာရတာလဲ? 🤔

☘️ဒီလို ပြောင်းလဲမှုတွေရဲ့ နောက်ကွယ်မှာ ဘယ်လို စိတ်ခံစားချက်နဲ့ ဆက်ဆံရေး ဒိုင်းနမစ် (Relationship Dynamics) တွေ ရှိနေလဲ ဆိုတာ လေ့လာကြည့်ရအောင်… တွေးစရာ မေးခွန်းလေးတွေနဲ့အတူ စဉ်းစားကြည့်ရအောင်နော် 🌿✨

✨ အရင်က ကိုယ့်ဆီမှာ အကူအညီယူခဲ့ဖူးလို့ သို့မဟုတ် နိမ့်ကျခဲ့ဖူးလို့ သူ့အတွင်းစိတ်ထဲမှာ "Inferiority Complex" (နိမ့်ကျတယ်လို့ ခံစားရမှု) အမြစ်တွယ်ကျန်ခဲ့တာလား ???
အခြေအနေလေး နည်းနည်းတိုးတက်လာတဲ့အခါ အဲဒီနိမ့်ကျစိတ်ကို ဖုံးကွယ်ဖို့ Superiority Complex (ဆရာကြီးလုပ်ချင်စိတ်/ သာလွန်ကြောင်း ပြချင်စိတ်) အဖြစ် အလိုအလျောက် အသွင်ပြောင်းသွားတာရော မဖြစ်နိုင်ဘူးလား? 🎭

✨ ကိုယ့်ထက် အစစအရာအရာ သာလွန်နေတဲ့ သူငယ်ချင်းနားမှာ နေရတာက သူ့အတွက် "ငါဟာ မပြည့်စုံသေးပါလား" ဆိုတဲ့ အသိကို အမြဲ သတိပေးနေသလို ဖြစ်နေတာလား? ⚓
ကိုယ့်ရဲ့ သာလွန်မှုကို ရိုးရိုးသားသား မပြိုင်နိုင်တဲ့အခါ စကားအနိုင်ပိုင်းတာ၊ ဒါမှမဟုတ် စိတ်ငြိမ်းချမ်းမှုတရားရှိသလို စကားမျိုးနဲ့ ကိုယ့်တန်ဖိုးကို လျှော့ချ (Invalidate) လုပ်ပြီး သူ့ရဲ့ စိတ်ဒဏ်ရာကို ကုစားဖို့ ကြိုးစားနေတာမျိုးလား?? 🧐

✨ အဆုံးသတ်ကျ ဘာမှမြဲတာမဟုတ်ပါဘူး ဆိုတဲ့ အေးချမ်းငြိမ်သက်တဲ့စကားမျိုးကို အမြဲထည့်ပြောဆိုတာဟာ တကယ် ငြိမ်းအေးသွားလို့လား? 🌿
ဒါမှမဟုတ် သူ့ရဲ့ မနာလိုမှုနဲ့ ယှဉ်ပြိုင်ချင်စိတ်ကို ယဉ်ကျေးစွာ ဖုံးကွယ်ထားတဲ့ စိတ်အကာအကွယ် (Defense Mechanism) တစ်ခုများ ဖြစ်နေမလား? 🛡️

🤍☘️ ဒီလို အခြေအနေမျိုးနဲ့ ကြုံရတဲ့အခါ မိမိစိတ်‌ထဲညစ်နွမ်းမှုမကျန်ခဲ့အောင် ဘယ်လို နေထိုင်တုံ့ပြန်မလဲ? 🌱

👀 - သူ့ရဲ့ စကားလုံးတွေနောက်ကို စိတ်ခံစားချက် ပါမသွားပါစေနဲ့။ ဒါဟာ သူ့အတွင်းစိတ်ရဲ့ မလုံခြုံမှုပြဿနာ (Internal Struggle) သာ ဖြစ်တယ်ဆိုတာကို သတိထားမိလိုက်ပြီး မသက်ဆိုင်သလို ကျော်ဖြတ်နိုင်ပါတယ်။

🕊️ အရင်ကလို ဒုက္ခမှန်သမျှ ရင်ဖွင့်ခံရတဲ့ "Emotional Garbage Can" (စိတ်ဒဏ်ရာတွေ စွန့်ပစ်ရာ အမှိုက်ပုံး) အဖြစ် ဆက်ခံနေတာမျိုး ရပ်တန့်ပစ်လိုက်နိုင်ပါစေ။

🍃 Set Healthy Boundaries (နယ်နိမိတ်သတ်မှတ်ပါ) - ကိုယ့်ရဲ့ စိတ်အေးချမ်းမှုကို ထိခိုက်စေတဲ့ စကားဝိုင်းတွေနဲ့ တွေ့ဆုံမှုတွေကို လျှော့ချပြီး အကွာအဝေး ခြားထားလိုက်ပါ။

🤍☘️ သင့်ပတ်ဝန်းကျင်မှာရော ဒီလို သူငယ်ချင်းမျိုးနဲ့ ကြုံတွေ့ဖူးပါသလား? ဘယ်လိုမျိုး ရင်ဆိုင်ကျော်ဖြတ်ခဲ့လဲဆိုတာ ကွန်မန့်မှာ မျှဝေပေးခဲ့ကြပါဦးနော် 💬👇

🥀 "မင်းကြောင့်..." ဆိုတဲ့ စကားတစ်ခွန်းနဲ့ အပြစ်တင်ခံရတဲ့အခါ... 💔🍂 တစ်ခါတလေ ကိုယ်က စေတနာအပြည့်နဲ့ လုပ်ပေးခဲ့တာဖြစ်ဖြစ်၊ ဒ...
20/08/2026

🥀 "မင်းကြောင့်..." ဆိုတဲ့ စကားတစ်ခွန်းနဲ့ အပြစ်တင်ခံရတဲ့အခါ... 💔

🍂 တစ်ခါတလေ ကိုယ်က စေတနာအပြည့်နဲ့ လုပ်ပေးခဲ့တာဖြစ်ဖြစ်၊ ဒါမှမဟုတ် အခြေအနေအရပ်ရပ်ကြောင့် အမှားတစ်ခု ဖြစ်သွားခဲ့တာပဲဖြစ်ဖြစ် တစ်ဖက်လူရဲ့ အပြစ်တင်ဝေဖန်မှု (Blame & Criticism) ကို ခံလိုက်ရတဲ့အခါ...
💔ရင်ဘတ်ထဲမှာ ရုတ်တရက် တဆစ်ဆစ် နာကျင်လာပြီး အသက်ရှူကျပ်သွားသလိုမျိုး ခံစားဖူးကြပါသလား။ အဲ့ဒီအချိန်မှာ ဖြစ်ပေါ်လာတဲ့ နာကျင်မှုဟာ ရိုးရိုးစကားတစ်ခွန်း ကြားလိုက်ရုံတင် မဟုတ်ဘဲ, ကိုယ့်ရဲ့ တန်ဖိုးတစ်ခုလုံးပါ ထိခိုက်ပျက်စီးသွားရတဲ့အထိ နက်ရှိုင်းပါတယ်။
🌧️ အပြစ်တင်ခံရတဲ့အခါ ဘာကြောင့် ဒီလောက်တောင် ရင်နာရတာလဲ?

🛡️ကိုယ့်ဘက်က ဘယ်လောက်တောင် အပင်ပန်းခံပြီး ကြိုးစားခဲ့လဲ၊ ဘယ်လောက်ထိ ရိုးသားတဲ့ စေတနာတွေ ပါခဲ့လဲဆိုတာကို နားမလည်ပေးဘဲ အပေါ်ယံ အပြစ်တင်လိုက်တဲ့အခါ "ငါကြိုးစားခဲ့တာတွေ တန်ဖိုးမရှိတော့ဘူးလား" ဆိုတဲ့ ခံစားချက်က ရင်ကို ပိုပြီး ဆို့နင့်စေပါတယ်။

💔 လူသားတွေရဲ့ စိတ်သဘောသဘာဝအရ အပြစ်တင်ခံရတယ်၊ ဝေဖန်ခံရတယ်ဆိုတာ "ငါ့ကို ချစ်ခင်လက်ခံတော့မှာ မဟုတ်ဘူး" လို့ ဦးနှောက်က အချက်ပြပါတယ်။ အဲ့ဒီမလုံခြုံမှုနဲ့ စွန့်ပစ်ခံရမယ့် ကြောက်စိတ်ကြောင့် ရင်ထဲမှာ ပြင်းပြင်းထန်ထန် နာကျင်ရတာ ဖြစ်ပါတယ်။

🌱 တစ်ဖက်လူက အပြစ်တင်လိုက်တဲ့အခါမှာ "သူတို့ပြောတာ တကယ်ပဲ ငါ့အမှားလား", "ငါက တကယ်ပဲ အသုံးမကျတာလား" ဆိုပြီး ကိုယ့်ကိုကိုယ် ပြန်လည် တိုက်ခိုက်မိတဲ့အထိ စိတ်ပိုင်းဆိုင်ရာ ထိခိုက်လွယ်သွားတတ်ပါတယ်။

🫂 တခြားသူတွေရဲ့ အပြစ်တင်ဝေဖန်မှုတွေကြောင့် စိတ်ပင်ပန်းပြီး တစ်ယောက်တည်း ရုန်းကန်နေရတယ်လို့ ခံစားရရင် Marigold Counselling Space ရဲ့ တံခါးတွေက သင့်အတွက် အမြဲတမ်း ဖွင့်လှစ်ထားပါတယ်နော်။

💬 ကိုယ့်ရဲ့ ခံစားချက်တွေကို ဝေဖန်မှု‌တွေမရှိပဲ လွတ်လွတ်လပ်လပ် ရင်ဖွင့်ဆွေးနွေးချင်တယ်ဆိုရင် Page Messenger ကနေ ဆက်သွယ်နိုင်ပါတယ်။

📞 09793068543 (viber)

📩 [email protected]

💬 Messenger


✨တခြားသူတွေကို ထုတ်မပြောနိုင်ဘဲ မြိုသိပ်ထားရတဲ့ ခံစားချက်တွေနဲ့ မွန်းကြပ်နေပါသလား 🖤🌿🩵 ပင်ပန်းနေပေမဲ့ "ငါ အဆင်ပြေပါတယ်" ဆ...
19/08/2026

✨တခြားသူတွေကို ထုတ်မပြောနိုင်ဘဲ မြိုသိပ်ထားရတဲ့ ခံစားချက်တွေနဲ့ မွန်းကြပ်နေပါသလား 🖤🌿

🩵 ပင်ပန်းနေပေမဲ့ "ငါ အဆင်ပြေပါတယ်" ဆိုတဲ့ စကားလုံးနောက်မှာ ခံစားချက်တွေကို မြိုသိပ်ထားရဖူးပါသလား။ နားလည်ပေးမယ့်သူမရှိမှာ၊ ဒါမှမဟုတ် ပတ်ဝန်းကျင်ရဲ့ ဝေဖန်ဆုံဖြတ်မှုကို ခံရမှာ ကြောက်တာကြောင့် ရင်ထဲက စကားတွေကို ဘယ်သူ့ကိုမှ ထုတ်မပြောဖြစ်ဘဲ တစ်ယောက်တည်း ကြိတ်မှိတ်ခံစားနေရပါသလား။ 💭🌧️

🌿🧡 ဒီတစ်ပတ် Marigold Counselling Space ရဲ့ အပတ်စဉ် Online Workshop လေးကနေ ရင်ထဲမှာ မြိုသိပ်ထားရတဲ့ ဝန်ထုပ်တွေကို ခဏတာ လွှတ်ချပြီး၊ မည်သူ၏ ဝေဖန်ပြစ်တင်မှုမှမပါဘဲ နွေးထွေးစွာ နားထောင်ပေးမယ့် Interactive Safe Space တစ်ခုကို ဖန်တီးပေးသွားမှာ ဖြစ်ပါတယ်။

🧡🌿 မပြောထွက်နိုင်တဲ့ စကားလုံးတွေအောက်မှာ စိတ်ရောကိုယ်ပါ ပင်ပန်းနွမ်းနယ်နေသူများအတွက် စိတ်၏ လွတ်လပ်ငြိမ်းချမ်းမှုကို ပြန်လည်ရှာဖွေနိုင်မယ့် စိတ်ပညာဆိုင်ရာ အသိအမြင်များကို အတူတူ လေ့လာဆွေးနွေးသွားကြပါမယ်။

👥 ဘယ်သူတွေ တက်ရောက်သင့်သလဲ?
ဒီ Workshop ဟာ စိတ်ပေါ့ပါးလွတ်လပ်မှုကို ရှာဖွေချင်သူ မည်သူမဆို တက်ရောက်နိုင်ပါတယ်။
✅ တခြားသူတွေကို ဖွင့်မပြောနိုင်တဲ့ ခံစားချက်နဲ့ စကားတွေကို မြိုသိပ်ထားရသူများ
✅ ဝေဖန်ဆန်းစစ်မှုမရှိဘဲ ရင်ထဲရှိတာတွေကို လုံခြုံစွာ ရင်ဖွင့်ချင်သူများ
✅ စိတ်ဖိစီးမှုတွေနဲ့ ရင်ထဲမှာ လေးလံမွန်းကြပ်နေမှုကို ခေတ္တခဏ အနားပေးချင်သူများ
✅ မိမိ၏ စိတ်ခံစားချက်များကို စာနာနားလည်မှုဖြင့် ပြန်လည်ကုစားချင်သူများ

👇 Workshop အသေးစိတ် အချက်အလက်များ 👇
🗓️ Date: 23.8.2026 (Sunday)
🕕 Time: ညနေ 6:00 PM - 8:00 PM
📍 Platform: Zoom Online
💰 Fees: Free of Charge (အခမဲ့)

🌼🩵 မြိုသိပ်ထားရတဲ့ မွန်းကြပ်မှုတွေကို ဒီ Safe Space လေးမှာ လွတ်လပ်စွာ ရင်ဖွင့်ရင်း စိတ်၏ ပေါ့ပါးမှုကို ပြန်လည်ရှာဖွေဖို့ Marigold ကနေ နွေးထွေးစွာ ဖိတ်ခေါ်လိုက်ပါတယ်။ 💛

👉 စာရင်းပေးသွင်းရန်: Page Messenger ကနေတစ်ဆင့် စာရင်းပေးသွင်းနိုင်ပါတယ်ရှင်။
(အပြန်အလှန် စကားပြောမယ့် Interactive Session ဖြစ်တာကြောင့် တက်ရောက်သူ ဦးရေ ကန့်သတ်ထားပါတယ်ရှင်)

📞 Viber: 09793068543

📩 Email: [email protected]

🗨️ Facebook Messenger: Marigold Counselling Space

"သူ့ရင်ထဲမှာ ကိုယ်မရှိတော့ဘူးဆိုတာ သိရဲ့သားနဲ့... ဘာလို့ အတင်းဆွဲထားမိနေတာလဲ" 💔💔တစ်ခါတလေကျရင် ဆက်ဆံရေးတစ်ခုမှာ လူနှစ်ယော...
19/08/2026

"သူ့ရင်ထဲမှာ ကိုယ်မရှိတော့ဘူးဆိုတာ သိရဲ့သားနဲ့... ဘာလို့ အတင်းဆွဲထားမိနေတာလဲ" 💔

💔တစ်ခါတလေကျရင် ဆက်ဆံရေးတစ်ခုမှာ လူနှစ်ယောက် ရှိနေပေမဲ့ ခံစားချက်ကတော့ တစ်ယောက်တည်းဆီမှာပဲ ကျန်ခဲ့တတ်ပါတယ်။ 🥀

🍂သူ့ဘက်က နောက်တစ်ယောက်နဲ့ ရှေ့ဆက်ဖို့ ဆုံးဖြတ်ပြီးပြီ၊ ကိုယ်နဲ့ လုံးဝမပတ်သက်ချင်တော့ဘူးဆိုတာ သိသာနေပါလျက်နဲ့ မိမိကိုယ်ကို နှိမ့်ချပြီး အတင်းဆွဲထားမိနေတာမျိုး ခံစားဖူးပါသလား... 🥺

"ငါဘာများ လိုအပ်သွားလို့လဲ" 💭
"ငါ့ဘက်က ဘာတွေမှားသွားခဲ့လို့ သူငါ့ကို မချစ်တော့တာလဲ"

ဒီလိုမေးခွန်းတွေနဲ့ ကိုယ့်ကိုယ်ကို အပြစ်တင်ရင်း၊ သူ့ဆီက အချစ်ကို ပြန်တောင်းဆိုနေရတဲ့အခါ မိမိရဲ့ Self-worth (ကိုယ်ကိုတိုင် တန်ဖိုးထားမှု) လေး ယိုင်လဲသွားရတတ်ပါတယ်။ 🩹

အတင်းဆွဲထားမိရတဲ့ အကြောင်းအရင်းကို စိတ်ပညာအရ ကြည့်မယ်ဆိုရင် —
▪️ ဒီဆုံးရှုံးမှုကို လက်ခံဖို့ အချိန်လိုနေသေးလို့
▪️ သူ မရှိဘဲ ရပ်တည်ရမှာကို စိုးရိမ်မိလို့
▪️ စွန့်ပစ်ခံရတယ်ဆိုတဲ့ စိတ်ဒဏ်ရာကို လက်မခံချင်သေးလို့... ဖြစ်နေတတ်ပါတယ်။ ✨

🧵နှစ်ဖက်ဆွဲကိုင်ထားတဲ့ ကြိုးတစ်ချောင်းမှာ တစ်ဖက်က လွှတ်ချလိုက်တဲ့အခါ၊ ကျန်တဲ့တစ်ဖက်က အတင်းဆွဲထားလေလေ ကိုယ့်လက်ပဲ ပွန်းပဲ့နာကျင်ရလေလေပါပဲ။ 🩸

🤍☘️ဒီလို အခြေအနေမျိုးနဲ့ ရင်ဆိုင်နေရတယ်ဆိုရင် သူ့ဆီကို အာရုံစိုက်နေတာတွေကို ခဏရပ်ပြီး ကိုယ့်ကိုယ်ကို နွေးထွေးစွာ မေးကြည့်ပေးပါ —
"ငါ့ကို မချစ်တော့တဲ့သူတစ်ယောက်ဆီက အချစ်ကို တောင်းဆိုနေရတာ ငါ့ကိုယ်ငါ တကယ်ရော တန်ဖိုးထားရာ ရောက်ရဲ့လား" 🤍

☘️💙မချစ်တော့တဲ့သူကို ထွက်သွားခွင့်ပေးလိုက်တာဟာ သူ့အတွက် မဟုတ်ဘဲ နာကျင်နေရတဲ့ ကိုယ့်ကိုယ်ကို ပြန်လည်စောင့်ရှောက်ဖို့ စတင်လိုက်တာလည်း ဖြစ်နိုင်ပါတယ်။ 🕊️

မိမိရဲ့ တန်ဖိုးကို ပြန်လည်ရှာဖွေဖို့နဲ့ နာကျင်မှုတွေကို ငြိမ်းချမ်းစွာ ရင်ဆိုင်နိုင်ဖို့ သင့်ဘက်က အဆင်သင့်ဖြစ်တဲ့အခါ ဘေးနားမှာ Marigold ရှိနေပါမယ်နော်... 🌿🌷


Address

Yangon

Website

Alerts

Be the first to know and let us send you an email when Marigold Counselling Space posts news and promotions. Your email address will not be used for any other purpose, and you can unsubscribe at any time.

Shortcuts

Share

Category