09/06/2025
Accounting System ဘာကြောင့်လိုအပ်တာလဲ ?
=================================
လုပ်ငန်းအဖွဲ့စည်းတစ်ခု စတင်ပြီဆိုတာနဲ့ တပြိုင်နက် ပထမဆုံးခန့်အပ်တဲ့ ဝန်ထမ်းက ငွေကြေးကိုင်တွယ်ထိန်းသိမ်းဖို့အတွက် Casheir ပါ။ ဒုတိယခန့်အပ်တဲ့ ဝန်ထမ်းကတော့ စာရင်းရေး၊ စာရင်းရေးဆွဲဖို့အတွက် စာရင်းကိုင်ပါ။ Casheir ဆိုတာ နေ့စဥ်ရငွေကို လက်ခံရယူရတယ်၊ နေ့စဥ်ပေးငွေကို ထုတ်ပေးရတယ်။ ပေးငွေရငွေတွေအတွက် ငွေရငွေပေးပြေစာရှိရတယ်။ သချာ်ပညာဥ် ရှိရင်လုပ်လို့ရပါတယ်။ သူလုပ်ရတဲ့လုပ်ငန်းစဥ်က ရှင်းပါတယ်။
စာရင်းကိုင်ဆိုတာကတော့ စာရင်းကိုင်ပညာရပ်ကို အတိုင်းအတာတစ်ခုအထိ သင်ယူတက်မြောက်ပြီးမှသာလျှင် လုပ်လို့ရပါတယ်။ အငယ်တန်းစာရင်းကိုင်တစ်ဦးအတွက် သူရဲ့အထက်မှာ အထက်တန်းစာရင်းကိုင်တစ်ဦးက ကြီးကြပ်ပေးနေဖို့လိုအပ်ပါတယ်။ အထက်တန်းစာရင်းကိုင် တစ်ဦးအတွက်ဆိုရင် စာရင်းကိုင်လုပ်သက်၊ စာရင်းကိုင်အတွေ့အကြုံ ရှိပြီးဖြစ်ရပါမယ်။ စာရင်းကိုင်ဆိုတာ လုပ်ငန်းသဘာဝပေါ်မူတည်ပီး လုပ်ငန်းလိုအပ်ချက်အရ စာရင်းခေါင်းစဥ်တွေကို ခွဲခြားသက်မှတ် ထားရှိရပါမယ်။ လုပ်ငန်းအသုံးစရိတ်နဲ့ ရုံးစရိတ်ကို ကွဲပြားရပါမယ်။ မတည်အသုံးစရိတ်နဲ့ သာမန်အသုံးစရိတ်ကွဲပြားရပါမယ်။
ငွေသွင်းပြေစာ၊ ငွေထုတ်ပြေစာများအရ ငွေစာရင်းစာအုပ်ရေးသွင်းရပါမယ် အထွေထွေလယ်ဂျာရေးသွင်းရပါမယ်၊ အစမ်းရှင်းတမ်းရေးဆွဲရပါမယ်။ အရှုံးအမြတ်စာရင်းနဲ့ လက်ကျန်ရှင်းတမ်း ရေးဆွဲရပါမယ်။ ဒီလိုရေးဆွဲဖို့အတွက် လိုအပ်တဲ့ စာရင်းညှိနှိုင်းချက်တွေ ပြုလုပ်ရမယ်။ မြေပြင်လက်ကျန်ကောက်ယူရမယ်။
လုပ်ငန်းရှင်တစ်ဦးက သူ့လုပ်ငန်းကို စာရင်းစစ်ပေးဖို့ အဆိုပြုလာပါတယ်။ စာရင်းကိုင်ရှိသလားမေးတော့ ရှိပါတယ်တဲ့။ ရေးသွင်းထားတဲ့ စာရင်းတွေရှိသလားမေးတော့ ရှိပါတယ်တဲ့။ ဒါနဲ့ပဲစာရင်းမစစ်သေးခင်မှာ စာရင်းတွေပြည့်စုံမှုရှိမရှိ သွားကြည့်ပါတယ်။ လုပ်ငန်းမှာ ငွေကိုင်တစ်ဦး၊ အငယ်တန်းစာရင်းကိုင်တစ်ဦး၊ အထက်တန်းစာရင်းကိုင်တစ်ဦး တို့ရှိကြပါတယ်။ Cash Book ကိုကြည့်လိုက်တော့ ငွေစာရင်းခေါင်းစဥ် ရေးမထားဘူး။ ငွေရ ငွေပေး အကြောင်းအရာတွေကိုပဲ ရေးထားတယ်။ ငွေသားအရအပေး၊ ဘဏ်အရအပေး၊ Kpayအရအပေးတွေ အားလုံးကိုမခွဲပဲရောပြွန်းရေးသွင်းထားတယ်၊ အထွေထွေလယ်ဂျာမရှိဘူး၊ ကုန်အရအပေးစာရင်း၊ ကုန်ဝယ်ကုန်ရောင်းစာရင်း၊ အကြွေးစားရင်တွေကို Excel နဲ့အပေါင်းအနုတ်လုပ်ပြီး ရေးသွင်းထားတယ်။
စာရင်းကိုင်က စာရင်းတွေကို Debit Credit မရေးသွင်းပဲ သချာ်လိုတွက်ချက်ပြီး ရေးသွင်းထားတယ်။ လုပ်ငန်းဆောင်ရွက်ချက်နည်းရင် သချာ်လိုတွက်ချက်နိုင်ပင်မဲ့ လုပ်ငန်းဆောင်ရွက်ချက်များလာရင် သချာ်လိုတွက်ချက်လို့ မရပါဘူး။ ဒါကြောင့်လည်း စာရင်းကိုင်ပညာဆိုတာ လိုအပ်ချက်တစ်ရပ်အနေနဲ့ ပေါ်ပေါက်လာတာပါ။ လုပ်ငန်းဆောင်ရွက်ချက်များကို မမှားရအောင် သင့်ငွေတစ်ရပ်ကို စာရင်းခေါင်းစဥ်တစ်ခုမှာ Debit ရေးသွင်းပီး၊ အခြားစာရင်းခေါင်းစဥ်တစ်ခုမှာ Credit ရေးသွင်းပီး Debit ရေးသွင်းချက်နဲ့ Credit ရေးသွင်းချက်ကို တမင်ချိတ်ဆက်ထားတာပါ၊ စာရင်းရေးသွင်းထားတာပါ၊ စာရင်းရေးသွင်းရာမှာ လိုက်နာရမဲ့ အခြေခံမူတွေရှိပါတယ်။
ဒါဖြင့်ရင် ဘာကြောင့်များ အများလက်ခံကျင့်သုံးတဲ့ နှစ်ဖက်သွင်း စာရင်းရေးသွင်းခြင်းစနစ်ကို မပြုလုပ်တာလဲ။ ဘဏ္ဌာရေးအခြေနေမှန်ကို ဖော်ပြနိုင်တဲ့ စာရင်းမျိုးကို မထားရှိသင့်ဘူးလား။ လုပ်ငန်းရှင်ကဖြစ်စေ စာရင်းစစ်ကဖြစ်စေ အလွယ်တကူသိမြင်နိုင်တဲ့ စာရင်းမျိုး မဖြစ်သင့်ဘူးလား။ ဒီလိုအနေထားမျိုးက ဘာကြောင့်များ အချိန်အများကြီးကြာပြီး ဖြစ်နေရဝာလဲ စသည်ဖြင့် မေးခွန်းတွေအများကြီးပေါ်ပေါက်လာပါတယ်။
ဒီမေးခွန်းတွေရဲ့ အဖြေကတော့ တစ်ခုထဲပဲရှိပါတယ် အဲ့ဒါက စာရင်းကိုင်နည်းစနစ် Accounting System မရှိလို့ပါပဲ။လုပ်ငန်းအဖွဲ့စည်းတိုင်းမှာ Accounting System ချမှတ်ထားရပါမယ်။ Accounting System ကို Store Keeper, Casheir, Accountant နဲ့ ဘဏ္ဌာရေးဌာနတစ်ခုလုံးလက်နာဆောင်ရွက်ရပါမယ်။
စာရင်းကိုင်ပညာအကြောင်း ပိုမိုသိရှိလိုပါက
Page ကို like and follow လေးလုပ်ထားနိုင်ပါတယ် post များကိုလည်း share နိုင်ပါတယ်
ဆက်သွယ်မေးမြန်းလိုပါက -
အောက်ပါ E-mail နဲ့ Ph no များကို ဆက်သွယ်မေးမြန်းနိုင်ပါတယ်
-09 450 244778
