Health Insurance - Nwe

27/10/2023

(Online Seminar)

သားသမီးတွေရဲ့ ပညာရေးနဲ့ အနာဂတ်အတွက် သေချာခိုင်မာပြီး အာမခံချက် ရှိစေတဲ့ ငွေကြေးစီမံမှုမျိုး လုပ်ဆောင်ထားပြီးပြီလား။

မိဘတွေ အနေနဲ့ မိမိတို့ သားသမီးတွေရဲ့ အနာဂတ် ရည်မှန်းချက်တွေ အတွက် လိုလေသေးမရှိ ဖြည့်ဆည်းပေးဖို့ အမြဲကြိုးစားလေ့ ရှိကြပါတယ်။ ​

👪 မိဘတွေ အလေးထားဆုံးအရာဟာ သားသမီးတွေရဲ့ အနာဂတ်ပါ။

💑 သားသမီးတွေရဲ့ အနာဂတ်ဟာ မိဘတွေ ခင်းပေးထားတဲ့ လမ်းပေါ် အများကြီး မူတည်တာကြောင့် သားသမီးနောင်ရေးအတွက် စိတ်အေးချင်တယ်ဆို ... ခုကတည်းက စောစီးစွာ ပြင်ဆင်ထားဖို့ လိုပါတယ်။

ဒါကြောင့် မိမိ သားသမီးတွေနဲ့ ချစ်ခင်ရသူတွေအတွက် ပိုမိုကောင်းမွန်တဲ့ အနာဂတ်ဘဝ ဖြစ်စေဖို့ အသိပညာ/ ဗဟုသုတ များရစေမယ့်
Financial Planning Presentation လေးကို Online ကနေ မျှဝေပေးသွားမှာ ဖြစ်ပါတယ်။

▪️နေ့ရက် - အောက်တိုဘာ (၂၇) ရက် (သောကြာနေ့)
▪️အချိန် - ည ၈:၀၀ နာရီ
▪️နေရာ - Zoom Meeting (Online)

တက်ရောက်လေ့လာရန် Register လုပ်လိုပါက -

▪️အမည် အပြည့်အစုံ
▪️ဖုန်းနံပါတ်

တို့ကို ၂၇.၁၀.၂၀၂၃ ည (၇) နာရီမတိုင်မီ Chatbox သို့ ပေးပို့ပြီး စာရင်းပေးထားနိုင်ပါတယ်ရှင်။

စာရင်းပေးသွင်းထားသူများအား Zoom Link နှင့် Passcode ပြန်လည်ပို့ပေးပါမည်။

❤️

#ကျော်ကျော် (တောင်ငူ)

14/10/2023

အာမခံဆိုတာ ဘာလဲ ❓

အာမခံဆိုတာက နှစ်ဦးနှစ်ဖက်ကြားမှာ ထားရှိထားတဲ့ စာချုပ်စာတမ်းဆိုင်ရာသဘောတူညီချက်တစ်ရပ်ပါ။ အာမခံ ကုမ္ပဏီနဲ့ လူပုဂ္ဂိုလ်တစ်ဦးတို့ကြား ဒါမှမဟုတ် အာမခံကုမ္ပဏီနဲ့ လုပ်ငန်းအဖွဲ့အစည်း တစ်ခုခုကြားမှာထားရှိတဲ့ ပဋိညာဉ်သဘောတူညီချက်ပေါ့။ အာမခံထားတဲ့သူဘက်မှာ ထိခိုက်မှုဆုံးရှုံးမှု တစ်စုံတရာ ဖြစ်လာမယ်ဆိုရင် စာချုပ်မှာပါတဲ့ စည်းမျဉ်းစည်းကမ်းတွေနဲ့ သတ်မှတ်ထားတဲ့ ပေးလျော်ရမယ့် ငွေကြေးပမာဏကို အာမခံကုမ္ပဏီ ဘက်ကထုတ်ပေးမှာပါ။ ဒီလိုထုတ်ပေးဖို့အတွက် အာမခံထားတဲ့သူဘက်က လစဉ်အာမခံကြေးပေးသွင်းရမှာ ဖြစ်ပါတယ်။ ပရီမီယံကြေးသွင်းတယ်လို့လည်း သိကြပါတယ်။

အာမခံအမျိုးအစား ဘယ်နှစ်မျိုးရှိတာလဲ❓

အကြမ်းဖျင်းကတော့ အာမခံအမျိုးအစားက (2) မျိုးပဲရှိတာပါ။ ဒါကတော့ ....
(1) အသက်အာမခံ နဲ့
(2) အထွေထွေအာမခံ ဆိုပြီးတော့ပေါ့။

(1) အသက်အာမခံဆိုတာက…….

အသက်အန္တရာယ်ထိခိုက်လာနိုင်တဲ့ အခြေအနေတစ်ရပ်ရပ်အတွက် ထားရှိတဲ့အာမခံ အမျိုးအစားပါ။ အာမခံထားသူ သေဆုံးချိန်မှာ အာမခံကုမ္ပဏီက ကျန်ရစ်ခဲ့တဲ့ မိသားစုကို အာမခံကြေးထုတ်ပေးမှာဖြစ်ပါတယ်။ အရွယ်ရောက်ပြီး သူတိုင်း အသက်အာမခံထားနိုင်ပြီး အာမခံကြေးထုတ်ပေးတဲ့မူဝါဒအရ အသက်အာမခံကို တစ်လုံးတစ်ခဲတည်း ထုတ်ပေးနိုင်သလို နှစ်စဉ်ကြေးအနေနဲ့ ထုတ်ပေးတာမျိုးလည်းရှိပါတယ်။

(1.1) Whole life Assurance (တစ်သက်တာ အသက်အာမခံ):
ဒီအာမခံအမျိုးအစားက တစ်သက်လုံးစာထားရှိတဲ့ အာမခံအမျိုးအစားပါ။ အာမခံထားသူ သေဆုံးချိန်မှာ ကျန်ရစ်သူမိသားစုကထုတ်ယူနိုင်မှာဖြစ်ပါတယ်။

(1.2) Term Life Assurance (အချိန်အပိုင်းအခြား အသက်အာမခံ):
ဒီအာမခံအမျိုးအစားကတော့ အရွယ်ရောက် ပြီးသူတိုင်းထားရှိနိုင်ပြီး အာမခံထားတဲ့ ကာလအပိုင်းအခြားအလိုက်ထုတ်ပေးတာပါ။ ဥပမာ ကိုယ်က အသက် အာမခံကို ၁၀ နှစ် ထားမယ် ဒါမှမဟုတ် ၁၅ နှစ် ထားမယ်ဆိုပါစို့၊ ဒီကာလကုန်ဆုံးချိန်အထိကိုယ်က ထိခိုက်မှုတစ်စုံတရာမရှိဘူးဆိုရင် အာမခံကုမ္ပဏီဘက်က လစဉ်ပေးသွင်းထားတဲ့ အသက်အာမခံကြေးတွေကို ပြန်ထုတ်ပေးမှာပါ။

(2) အထွေထွေအာမခံဆိုတာက……

အာမခံအမျိုးအစားတော်တော်များများက ဒီအလုံးစုံအာမခံထဲမှာ အကျုံးဝင်နေတာပါ။ ဒီအာမခံအမျိုးအစားမှာတော့ အာမခံထားသူက သူပိုင်ဆိုင်တဲ့အရာတစ်ခုခုထိခိုက်ဆုံးရှုံးတိုင်းမှာ အာမခံမူဝါဒနဲ့ ကိုက်ညီနေမယ်ဆိုရင် အာမခံကြေး ရရှိမှာပါ။ ဥပမာ ကားကို အာမခံထားထားမယ်။ ကိုယ်က ယာဉ်မတော်တဆဖြစ်မယ်။ ကိုယ့်ကားရော တစ်ဖက်ကားပါ ထိခိုက်မိတယ်။ ဒီလိုအခြေအနေမှာ အာမခံထားထားမယ်ဆိုရင် ပျက်စီးဆုံးရှုံးမှုတွေအတွက် ကိုယ်က ပေးလျော်စရာမလိုဘဲ အာမခံကုမ္ပဏီက ပေးလျော်ပေးမှာပါ။

အထွေထွေအာမခံထဲမှာ ဘာတွေပါလဲ❓
ဒီအာမခံအမျိုးအစားအောက်မှာ အသက်အာမခံကလွဲလို့ ကျန်တဲ့အာမခံအမျိုးအစားအားလုံးပါပါတယ်။

(2.1) မီးအာမခံ – ဒီသဘောတူညီချက်မှာတော့ အာမခံထားသူအပေါ် အာမခံကုမ္ပဏီက မီးဘေးကြောင့်ဖြစ်တဲ့ ပျက်စီးဆုံးရှုံးမှုတစ်စုံတရာကို ပေးလျော်မယ်ဆိုတဲ့ ကတိကဝတ်ပါရှိပါမယ်။ အာမခံထားသူရဲ့ ပိုင်ဆိုင်မှုပစ္စည်းဖြစ်တဲ့ နေအိမ် ဒါမှမဟုတ် အခြားပိုင်ဆိုင်မှုတစ်ခုခုက မီးလောင်မှုကြောင့် ပျက်စီးခဲ့မယ်ဆိုရင် အာမခံကုမ္ပဏီဘက်က ဆုံးရှုံးမှုအတွက် သဘောတူထားတဲ့ ပမာဏအတိုင်း ပေးလျော်မှာ ဖြစ်ပါတယ်။

(2.2) ပင်လယ်ရေကြောင်းအာမခံ – ဒီအာမခံ ပဋိညာဉ်ကတော့အာမခံကုမ္ပဏီနဲ့ ရေယာဉ်ပိုင်ရှင်တွေ၊ ရေကြောင်းနဲ့ ကုန်စည်ပို့ဆောင်သူတွေကြားမှာ ထားရှိတဲ့ အာမခံအမျိုးအစားပါ။ ရေကြောင်းသွားလာပို့ဆောင်မှုအတွင်း ပျက်စီးမှုတစ်စုံတရာရှိခဲ့ရင် သတ်မှတ်ထားတဲ့ အဖိုးစားနားအတိုင်း အာမခံ ကုမ္ပဏီဘက်က ပေးလျော်မှာဖြစ်ပါတယ်။ ဒီအာမခံထဲမှာမှ ကုန်စည်အတွက်ထားတဲ့ အာမခံ၊ ရေယာဉ်အတွက် သီးသန့်ထားတဲ့အာမခံ နဲ့ တင်ဆောင်လာတဲ့ ကုန်စည်အတွက် ထားတဲ့ အာမခံဆိုပြီး အမျိုးမျိုးရှိနိုင်ပါတယ်။

Miscellaneous Insurance
အပေါ်ကအာမခံအမျိုးအစားတွေနဲ့မတူဘဲ ဆုံးရှုံးနစ်နာမှုတွေအတွက်ထားတဲ့ ငွေကြေးအာမခံ အမျိုးအစားပါ။ ဥပမာပြောပြရရင် ကားအခိုးခံရတယ်ဆိုပါစို့၊ အာမခံထားထားမယ်ဆိုရင် ဆုံးရှုံးနစ်နာသွားမှုအတွက် အာမခံကုမ္ပဏီဘက်က ပေးလျော်မှာပါ။ မော်တော်ယာဉ်အာမခံ၊ ပစ္စည်းခိုးခံရမှုကြောင့် ဆုံးရှုံးနစ်နာမှုအတွက် အာမခံ၊ မသမာမှုနဲ့ သဘာဝဘေးအန္တရာယ်တစ်ခုခုကြောင့် ပျက်စီးဆုံရှုံးတွေအတွက်လည်း အာမခံထားလို့ရပါတယ်။

အသက်အာမခံနဲ့အထွေထွေအာမခံ ဘာကွာလဲ ❓

အဓိကကွာခြားချက်က..
အသက်အာမခံက အသက်အန္တရာယ်ဖြစ်စေလောက်တဲ့ အခြေအနေတစ်ရပ်ရပ်နဲ့သာသက်ဆိုင်ပြီး အထွေထွေအာမခံထဲမှာ ဒီအသက်အာမခံက အကျုံးမဝင်ပါဘူး။
အသက်အာမခံမှာတော့ အာမခံကြေးက သတ်မှတ်ထားတဲ့ကာလအတွင်းမှာ သတ်မှတ်ထားတဲ့ ငွေကြေးပမာဏကို ပေးသွင်းရတာပါ။
ဒါပေမယ့် အထွေထွေအာမခံမှာတော့ အာမခံကြေးကိုတစ်နှစ်စာအတွက် အလုံးအရင်းနဲ့ ပေးသွင်းရမှာဖြစ်ပါတယ်။

အာမခံကို ဘာကြောင့်လိုအပ်တာလဲ❓

ဆုံးရှုံးနစ်နာမှု၊ ထိခိုက်ပျက်စီးမှုတစ်စုံတရာကြုံတွေ့တဲ့အခါ ငွေကြေးအားဖြင့် အထောက်အပံ့ရရှိစေဖို့ အာမခံထားသင့်ပါတယ်။
💖နေထိုင်မကောင်းတဲ့အခါမှာလည်း ကျန်းမာရေးအာမခံထားထားမယ်ဆိုရင် ဆေးကုသစရိတ်အတွက် အာမခံကုမ္ပဏီကထုတ်ပေးမှာပါ။ မတော်တဆထိခိုက်မှုကြောင့် အသက်သေဆုံးခဲ့ရင်တောင် ပေးဆပ်စရာရှိတဲ့ ကြွေးမြီတွေနဲ့ အခြားသော စရိတ်စကတွေအတွက် အသက်အာမခံရှိနေတာကြောင့် ကျန်ရစ်သူတွေအတွက် စိုးရိမ်မှုကင်းစေမှာပါ။ အာမခံကြေးပုံမှန်သွင်းထားရုံနဲ့ သဘာဝဘေးအန္တရာယ်၊ မီးဘေးနဲ့ ရေဘေး၊ ခိုးယူခံရမှုတွေကြောင့် ပစ္စည်းတွေဆုံးရှုံးမှုတိုင်းအတွက် စိုးရိမ်မှု ကင်းကင်းနေနိုင်မှာပါ။ မတော်တဆမှုဆိုတာမမြင်နိုင်ပါဘူး။ ဒါကြောင့် မတော်တဆမှုအတွက် ကိုယ်တိုင်မှာဖြစ်ဖြစ် ပိုင်ဆိုင်မှု တစ်စုံတရာမှာဖြစ်ဖြစ် ကြုံတွေ့လာရတဲ့အခါ ငွေကြေးဆုံးရှုံးနစ်နာမှုကို အကာအကွယ်ပေးနိုင်စေဖို့ အာမခံကို ထားသင့်တာပါ။
Crd- helloဆရာ၀န်

Health Insurance - Nwe 🍀🍀
Yours Health Insurance Advisor

02/10/2023

အောက်တိုဘာလဟာ
💖 ရင်သားကင်ဆာအန္တရာယ်ကို သတိပြုနိုင်ကြစေဖို့ ရည်ရွယ်တဲ့ “Breast Cancer Awareness Month“ ဖြစ်ပါတယ်။

ဒီလမှာတော့ သတိပြုသင့်တဲ့ ရင်သားကင်ဆာလက္ခဏာများအကြောင်း အသိပေးမျှဝေခြင်း၊ ကြိုတင်ကာကွယ်ခြင်းတို့အပြင် ရင်သားကင်ဆာနဲ့ ပတ်သက်တဲ့ ဗဟုသုတတွေကို သတိပြုမိလာကြစေရန် ပညာပေးအစီအစဥ်များကိုကမ္ဘာအနှံ့အပြား၌ ပြုလုပ်ကျင်းပလေ့ရှိပါတယ်။​

ဒီနှစ်ကျရောက်တဲ့ “Breast Cancer Awareness Month“ ရဲ့ theme ကတော့ 👍🧘‍♀️ “၃၆၅ ရက်လုံး ကြိုးစားရှင်သန်ခြင်း (Thrive365)” ဖြစ်ပါတယ်။

ရင်သားကင်ဆာလူနာများဟာ တစ်နှစ်တာပတ်လုံး သတ္တိရှိရှိနဲ့ ရင်ဆိုင်နေကြတဲ့အတွက်ကြောင့် သူတို့ကို ကူညီအားပေးပြီး ဂရုစိုက်မှုပြသပေးတာဟာ အကောင်းဆုံးနည်းလမ်းတစ်ခုဖြစ်ပါတယ်။

ရင်သားကင်ဆာဟာ အသက်အရွယ်နှင့် မျိုးရိုးကြောင့်လည်းဖြစ်နိုင်သလို အနေအထိုင်နှင့် အစားအသောက်ပေါ်မှာလည်း အများကြီးမူတည်တဲ့အတွက် ကျန်းမာတဲ့နေထိုင်မှုပုံစံကို ပြောင်းလဲခြင်းဖြင့် ကြိုတင်ကာကွယ်နိုင်တဲ့အပြင်
💖 ကင်ဆာရောဂါကြောင့်ဖြစ်ပေါ်လာမယ့် ဆေးကုသကုန်ကျစရိတ်များကိုလည်း Dai-ichi Life Myanmar ရဲ့ Health CARE / CI Plus တို့ဖြင့်ကာကွယ်နိုင်မှာဖြစ်ပါတယ်။​

Dai-ichi Life ရဲ့ အသက်အာမခံ/ ကျန်းမာ​ရေးအာမခံ ဝန်ဆောင်မှုများ နှင့်ပတ်သက်၍ အသေးစိတ်သိရှိလိုပါက ဝက်ဘ်ဆိုက် https://bit.ly/3NiAgec မှတစ်ဆင့် ဝင်ရောက်ကြည့်ရှုနိုင်သလို Chat box မှတစ်ဆင့်လည်း မေးမြန်းနိုင်ပါတယ်ရှင်။ ​ ​

Health Insurance - Nwe 🍀🍀

30/09/2023

ကျန်းမာရေးအာမခံ ဘယ်လိုထားမလဲ ❓❓

ဉပမာ - အသက် (၄၀) နှစ် ရှိသူတယောက်က တစ်နေ့ကို 🍀(၆၅၂) ကျပ် စုဆောင်းထားရုံနဲ့ တစ်နှစ်အတွင်း ဆေးရုံတက်ရောက်ကုသရသော ရောဂါတစုံတရာဖြစ်ပွားလာခဲ့ပါက ဆေးကုသစရိတ် 🍀ကျပ်သိန်း (၅၀) အထိ ခံစားခွင့်ရရှိမှာ ဖြစ်ပါတယ်။
(မိမိအသက်အရွယ်/ ကျန်းမာရေးအခြေအနေပေါ်မူတည်ပြီး စု​ဆောင်း​ငွေပမာဏ ​အနည်းအများ ကွာခြားနိုင်ပါတယ်။)

ဘယ်အရာမှ ကြိုတင်မှန်းဆထားလို့ မရနိုင်တဲ့ ခုလိုချိန်မျိုးမှာ အကယ်၍များ အကြောင်းတခုခုကြောင့် မိမိဆုံးပါးသွားခဲ့ပါကလည်း မိသားစုအတွက် ကျန်းမာရေးအာမခံ၏ သေဆုံးမှုအကျိုးခံစားခွင့်အနေနဲ့ 🍀ငွေကျပ် (၁၀) သိန်း ချန်ထားခဲ့နိုင်မှာ ဖြစ်ပါတယ်။

💖ကျန်းမာရေးအာမခံထားရှိခြင်းက နာမကျန်းဖြစ်ခြင်း/ မတော်တဆမှုတခုခုကြောင့် ဆေးရုံတက်ရတဲ့အခါ သင်ရော/ သင့်မိသားစုမှာပါ ဆေးကုသစရိတ်အတွက် ပူပင်သောကတွေ လျော့နည်းစေနိုင်ပါတယ်။

ဒီလို သင်နဲ့ သင့်မိသားစု အနာဂတ်အတွက် စိတ်​အေးချမ်း​စေမယ့် အကျိုးရှိလှတဲ့ ကျန်းမာ​ရေးအာမခံ ထားရှိလိုပါက ...

Health Insurance - Nwe 🍀🍀
Yours Health Insurance Advisor
09796103070

ထာဝရသင်နှင့်အတူ

29/09/2023

💖 World Heart Day 2023 💖
*Use Heart, Know Heart* .....

💞 Protect your Heart.
If not,
🍀🍀 Cover medical expenses that arise due to cardiovascular diseases ...

💖World Heart Day 2023💖

နှလုံးသွေးကြောဆိုင်ရာရောဂါသည် ကမ္ဘာ့နံပါတ်တစ် လူသတ်သမားဖြစ်သည်။ မြန်မာနိုင်ငံတွင် အသက် ၇၀ မတိုင်မှီ သေဆုံးမှုလေးဦးလျှင် တစ်ဦးမှာ နှလုံးရောဂါနှင့် လေဖြတ်ခြင်းကြောင့် ဖြစ်သည်ဟု ကမ္ဘာ့ကျန်းမာရေးအဖွဲ့ချုပ် WHO မှ ခန့်မှန်းထားပါသည်။

စစ်တမ်းများအရ အသက် ၄၀ မှ ၉၉ နှစ်အတွင်း လူဉီးရေ တစ်ထောင်တွင် (၁၅)ယောက်ခန့်ထိ နှလုံးရောဂါ၏ နောက်ဆက်တွဲ လေဖြတ်ခြင်းကို ခံစားနေကြရသည်။ နှလုံးရောဂါနှင့် လေဖြတ်ခြင်းအတွက် ဆေးကုသစရိတ်များမှာ အလွန်မြင့်မားပါသည်။ ၎င်းတို့သည် အများအားဖြင့် ရေရှည် ကုသမှုကိုလိုအပ်ပြီး မိသားစုများအတွက် အိတ်ကပ်ပြင်ပအသုံးစရိတ်များ (Out of Pocket Expendicture) မြင့်မားစေကာ အိမ်ထောင်စုများစွာကို ကျန်းမာရေးအသုံးစရိတ်နှင့် ဆင်းရဲမွဲတေမှုဘေးသို့ တွန်းပို့နိုင်သည်။

❌တစ်နေ့လျှင် ဆား ၅ ဂရမ် (လက်ဖက်စားဇွန်း တစ်ဇွန်းနီးပါးပမာဏ) ထက် ပိုစားသုံးပါက သွေးဖိအားကို တိုးစေပြီး နှလုံးရောဂါနှင့် လေဖြတ်နိုင်ခြေ ပိုများသည်။ ၎င်းသည် ကမ္ဘာတစ်ဝှမ်းတွင် သွေးတိုးရောဂါအတွက် ထိပ်တန်းအန္တရာယ်အချက်တစ်ခုအဖြစ် သတ်မှတ်ထားသည်။

💖 ယခုနှစ် World Heart Day 2023 - ကမ္ဘာ့နှလုံးကျန်းမာရေးနေ့တွင် "နှလုံးသားကိုသုံးပါ၊ နှလုံးသားကိုသိပါ" ("Use Heart, Know Heart.") ဆောင်ပုဒ်ဖြင့် နှလုံးရောဂါများကို သတိပေးထားပါတယ်ရှင် .....

26/09/2023

💖 ပညာ​ရေးအသက်အာမခံ

မိဘများအနေနဲ့ ရင်သွေးလေးတွေရဲ့ဘဝအနာဂတ်ဖြောင့်ဖြူးဖို့အတွက် အကောင်းဆုံးကြိုးစားပြင်ဆင်လေ့ရှိကြပါတယ်။ ​

လူကြီးမင်းတို့ရင်သွေးလေးတွေ အရွယ်ရောက်လာတဲ့အခါမှာ ပညာရေးကို အခက်အခဲမရှိသင်ကြားနိုင်ဖို့အတွက် Dai-ichi Life Myanmar ရဲ့ Htar-Wa-Ra Edu Goal (ထာဝရပညာ​ရေးပန်းတိုင်) နဲ့ ကြိုတင်ပြင်ဆင်ထားမယ်ဆိုရင် ...
🍀ငွေကြေးစုဆောင်းထားပြီးသားဖြစ်စေသလို၊
🍀မထင်မှတ်ထားတဲ့ကိစ္စရပ်များကြုံတွေ့လာခဲ့ရင်လည်း သားသမီးတွေရဲ့ပညာရေးဆုံးခန်းတိုင်အောင် သင်ကြားနိုင်ဖို့အတွက် ငွေကြေးပိုင်းအရ ကာကွယ်ပေးထားပြီးသား ဖြစ်စေမှာပါ။​

လူကြီးမင်းတို့ရင်သွေးလေးတွေရဲ့ ရည်မှန်းချက်တွေကို ဖြည့်ဆည်းပေးနိုင်ဖို့အတွက် Htar-Wa-Ra Edu Goal နဲ့ ​ငွေ​ကြေးကာကွယ်မှုရယူလိုပါက ဝက်ဘ်ဆိုက် https://bit.ly/3VlwHsB မှတစ်ဆင့် ဝင်ရောက်ကြည့်ရှုနိုင်သလို Chat box မှတစ်ဆင့်လည်း မေးမြန်းနိုင်ပါတယ်ရှင်။ ​

Health Insurance - Nwe 🍀🍀

24/09/2023

အသက် (၃၂) နှစ် ရှိသူတစ်ယောက်က ...
မိမိကျန်းမာရေးနဲ့ မိသားစုရှေ့ရေး စိတ်အေးရအောင် ပြင်းထန်ရောဂါ အကာအကွယ် အသက်အာမခံ သိန်း(၅၀) ကို ပေါ်လစီသက်တမ်း (၁၂) နှစ် ထားမယ်ဆိုရင် ဘယ်လို အကျိုးခံစားခွင့်တွေ ရနိုင်လဲဆိုတာကို ရှင်းပြပေးပါမယ်ရှင်.....

၁။ စုဆောင်းငွေပရီမီယံ ပေးသွင်းခြင်းကို (၁ လ၊ ၃ လ၊ ၆ လ၊ တစ်နှစ်) မိမိအဆင်ပြေသည့်ပုံစံနဲ့ ပေးသွင်းလို့ရပါတယ်။

၂။ သုံးနှစ်တစ်ကြိမ် သိန်း(၅၀) ၏ ၃% (တသိန်းခွဲ) ကို ရှင်သန်ခြင်း အကျိုးခံစားခွင့်အနေနဲ့ (Cash Back) ရရှိပါမယ်။ ၃-နှစ်မြောက်မှာတစ်ကြိမ်၊ ၆-နှစ်မြောက်မှာတစ်ကြိမ် နဲ့ ၉-နှစ်မြောက်တို့မှာ တစ်ကြိမ်စီ စုစုပေါင်း သုံးကြိမ် (လေးသိန်းခွဲ) ရမှာဖြစ်ပါတယ်။

၃။ အာမခံစာချုပ်သက်တမ်း (၁၂) နှစ်ပြည့်ပါက မိမိပေးသွင်းထားသော ပရီမီယံစုဆောင်းငွေ သိန်း (၅၀) အပြည့်ကို ပြန်လည်ရရှိပါမယ်။

💖 အကယ်၍ .......

ပထမပရီမီယံပေးသွင်းပြီးနောက် အာမခံပေါ်လစီ စတင်အသက်၀င်သည့် နေ့မှ ရက် (၉၀) နောက်ပိုင်းတွင် အာမခံထားသူသည် နှလုံး၊ အသည်း၊ ကျောက်ကပ်၊ ဦး​နှောက် အာရုံ​ကြော၊ ကင်ဆာရောဂါ စသည့် သတ်မှတ်ထားသော ပြင်းထန်ရောဂါများ၏ -

🍀 ကနဉီးအဆင့် ပြင်းထန်ရောဂါအခြေအနေဖြစ်ပွားကြောင်းတွေ့ရှိရပါက အာမခံထားငွေ သိန်း(၅၀) ၏ ၂၅% (၁၂ သိန်းခွဲ) ကို ဆေးကုသစရိတ်အဖြစ် ချက်ခြင်း ထုတ်ပေးမှာဖြစ်ပါတယ်။ (ဥပမာ- အာမခံပေါ်လစီ အသက်၀င်ပြီး တစ်နှစ်အတွင်း ​ရောဂါတွေ့ရပါက အာမခံထားသူသည် တစ်နှစ်စာပရီမီယံ ၄၂၂၀၀၀ ကျပ်သာပေးသွင်းထားရသေးသော်လည်း ဆေးကုသရန် ကျပ် (၁၂သိန်းခွဲ) ကို ချက်ခြင်းရရှိမှာ ဖြစ်ပါတယ်။)
➡️ထို့နောက် လစဉ်ပရီမီယံသွင်းငွေများကို ဆက်လက်ပေးသွင်းပြီး သုံးနှစ်မြောက်တိုင်းတွင် ရှင်သန်ခြင်း အကျိုးခံစားခွင့် သိန်း (၅၀) ၏ ၃% (တစ်သိန်းခွဲ) ကိုလည်း ဆက်လက်ရရှိပါမယ်။
➡️(၁၂) နှစ်ပြည့်ပါက နှစ်စေ့အကျိုးခံစားခွင့် ကျပ်သိန်း (၅၀) အပြည့်ကို ပြန်လည်ရရှိပါမယ်။

🍀 နှောင်းပိုင်းအဆင့် ပြင်းထန်ရောဂါအခြေအနေဖြစ်ပွားကြောင်းတွေ့ရှိရပါက အာမခံထားငွေ သိန်း(၅၀) ကို ဆေးကုသစရိတ်အဖြစ် တလုံးတည်း ရရှိမှာဖြစ်ပါတယ်။ (ဥပမာ- အာမခံပေါ်လစီ အသက်၀င်ပြီး တစ်နှစ်အတွင်း ​ရောဂါတွေ့ရပါက အာမခံထားသူသည် တစ်နှစ်စာပရီမီယံ ၄၂၂၀၀၀ ကျပ်သာပေးသွင်းထားရသေးသော်လည်း ဆေးကုသရန် ကျပ်သိန်း (၅၀) ကို ချက်ခြင်းရရှိမှာ ဖြစ်ပါတယ်။)
❌ဆက်လက်ပေးသွင်းရန်ကျန်ရှိနေသော လစဉ်ပရီမီယံသွင်းငွေများကို ပေးသွင်းရန်မလိုတော့ပါ (ပရီမီယံကင်းလွတ်ခွင့်ရပါတယ်)။
➡️သုံးနှစ်မြောက်တိုင်းတွင် ရှင်သန်ခြင်း အကျိုး ခံစားခွင့် သိန်း(၅၀) ၏ ၃%(တစ်သိန်းခွဲ) ကိုလည်း ဆက်လက်ရရှိပါမယ်။
➡️ပေါ်လစီသက်တမ်း (၁၂)နှစ်ထိ အာမခံထားသူ သက်ရှိထင်ရှားရှိနေပါက နှစ်စေ့အကျိုးခံစားခွင့် ကျပ်သိန်း (၅၀) ကိုလည်း ထပ်မံရရှိပါမယ်။
➡️(၁၂) နှစ်မတိုင်မှီ အာမခံထားသူ ထာ၀စဉ်မသန်စွမ်းခြင်း/ သေဆုံးကွယ်လွန်သွားခြင်းများဖြစ်ပါက ထိုအချိန်တွင် အာမခံထားသူ/ ကျန်ရစ်သူမိသားစု (ဆက်ခံခွင့်အမည် ပေးထားသူ/များ) မှ ကျပ်သိန်း (၅၀) ကို အကျိုးခံစားခွင့် ထပ်ရမှာဖြစ်ပါတယ်။

💖 ဒါကြောင့် သိန်း (၅၀) Plan ပြင်းထန်ရောဂါ အကာအကွယ် အသက်အာမခံထားရှိပါက ပေါ်လစီသက်တမ်း (၁၂) နှစ်အတွင်း မည်သည့်ရောဂါမှ မဖြစ်လျှင် မိမိစုဆောင်းပေးသွင်းထားသော ပရီမီယံငွေများ ကျပ်သိန်း (၅၀) + ရှင်သန်ခြင်း အကျိုးခံစားခွင့် သုံးကြိမ် (လေးသိန်းခွဲ) ကို ရရှိပါတယ်။

💖 အာမခံသက်တမ်း (၁၂) နှစ်အတွင်း နှောင်းပိုင်းအဆင့် ပြင်းထန်ရောဂါများ ဖြစ်ပွားကြောင်းတွေ့ရပါက အာမခံထားငွေ သိန်း (၅၀)၏ နှစ်ဆ သိန်း (၁၀၀) ကို အာမခံထားသူနှင့် မိသားစုမှ အကျိုးခံစားခွင့် ရရှိပါတယ်။ အာမခံသက်တမ်းအတွင်း ပုံမှန်မ​တော်တဆမှု​တခုခုကြောင့် ​အာမခံထားသူ သေဆုံးခဲ့ပါကလည်း မိသားစုမှ သိန်း (၁၀၀) ရရှိမှာဖြစ်ပါတယ်။

🍀ဘယ်သူတွေ ထားလို့ရလဲ?

ပြင်းထန်ရောဂါ အကာအကွယ် အသက်အာမခံ (Dai-ichi CI Plus) ကို အသက် ၁၈ နှစ်မှ ၅၉ နှစ်အသက်အရွယ်ထိ ထားလို့ရပါတယ်။

🍀 ငွေပမာဏ ဘယ်လောက်ထားရမလဲ?

အာမခံထားငွေ အနည်းဆုံး ကျပ်သိန်း (၅၀) မှ အများဆုံး ကျပ်သိန်း (၁၀၀၀) အထိ မိမိယူလိုသော အကာကွယ်ပမာဏ/ ၀င်ငွေပေါ်မူတည်ပြီးထားရှိနိုင်ပါတယ်။

🍀 ဘယ်နှနှစ်ထိ အာမခံအကာကွယ်ရနိုင်လဲ?

အာမခံပေါ်လစီသက်တမ်း (၆၊ ၉၊ ၁၂၊ ၁၅) နှစ်ထိ မိမိအကာကွယ်ထားလိုသော သက်တမ်းကို ရွေးချယ်နိုင်ပါတယ်။

🍀 ငွေကြေးစုဆောင်းမှုပရီမီယံ ဘယ်လိုသွင်းရလဲ?

စုဆောင်းငွေပရီမီယံ ပေးသွင်းခြင်းကို (၁ လ၊ ၃ လ၊ ၆ လ၊ တစ်နှစ်) စသည့် မိမိအဆင်ပြေတဲ့ပုံစံနဲ့ ပေးသွင်းလို့ရပါတယ်။

👍ယခု အသက် ၃၂ နှစ်အရွယ် ပြင်းထန်​ရောဂါအကာကွယ်အသက်အာမခံထားရှိသူ၏ ပရီမီယံ​ပေးသွင်းရ​ငွေမှာ ....
#တစ်လလျှင် - ၃၇၉၀၈ ကျပ် (စု​ဆောင်းငွေ ၃၃၁၉၇ ကျပ် + ပြင်းထန်​ရောဂါအာမခံ ၄၇၁၁ ကျပ်) ဖြစ်ပါတယ်။ အသက်ငယ်ရွယ်လေ ပေးသွင်းရသော ပရီမီယံနှုန်း သက်သာလေဖြစ်ပါတယ်။

💖 အာမခံဝယ်ယူထားရှိပြီး ၄လ​မြောက်မှ ၁၂နှစ်အတွင်း ပြင်းထန်​ရောဂါများဖြစ်ပွားလာပါက ​ဆေးကုသစရိတ် သိန်း (၅၀) ထိ စိတ်ပူစရာမလိုပဲကုသနိုင်မှာဖြစ်တဲ့အပြင် မိသားစု​နောင်​ရေးအတွက်ပါ သိန်း (၅၀) ထားရှိခဲ့နိုင်မှာဖြစ်လို့ စိတ်​အေးချမ်းသာတဲ့ ​နေ့ရက်​တွေကို ပိုင်ဆိုင်နိုင်ကြပါ​စေရှင် 🥰

Health Insurance - Nwe 🍀🍀
Yours Health Insurance Advisor

ထာဝရသင်နှင့်အတူ 🥰

24/09/2023

Dai-ichi Health CARE က
💖 မထင်မှတ်ဘဲကြုံတွေ့လာရနိုင်တဲ့ ကျန်းမာရေးဆိုင်ရာကိစ္စရပ်တွေကနေ မိမိအတွက်သာမက ချစ်ခင်ရသူတွေအတွက်ပါ ကာကွယ်ပေးထားနိုင်ပါတယ်။

ဒါတင်မက
Dai-ichi Health CARE နဲ့ဆိုရင် ပြည်တွင်းဆေးရုံတွေသာမက ပြည်ပနိုင်ငံတွေက သတ်မှတ်ထားတဲ့ဆေးရုံတွေမှာပါ ဆေးရုံတက်စဉ်၊ မတက်ခင်နဲ့ ဆေးရုံဆင်းပြီးကုသမှု၊ ပြင်ပလူနာဌာနပြသမှုတို့အပြင် သေဆုံးမှုတို့အတွက်ကိုပါ ဝယ်ယူမှုအစီအစဥ်ပေါ်မူတည်ပြီး ငွေကြေးအရအကာအကွယ်ပေးထားနိုင်တယ်ပါတယ်။​ ​

အသေးစိတ်ထပ်မံသိရှိနိုင်ဖို့ ...
➡️ဝက်ဘ်ဆိုဒ် https://bit.ly/45bMNJH ကနေတစ်ဆင့် ဝင်ရောက်လေ့လာနိုင်သလို
➡️chat box မှတဆင့်လည်း မေးမြန်းနိုင်ပါတယ်ရှင်။​ ​ ​

Health Insurance - Nwe 🍀🍀
Yours Health Insurance Advisor

19/09/2023

အရေးကြီးဆုံး ကိုယ်တွင်းအင်္ဂါများထဲမှ တစ်ခုဖြစ်တဲ့အသည်းက ခန္ဓာကိုယ်တွင်းရှိ အဆိပ်အတောက်တွေကို သန့်စင်ပေးပြီး အာဟာရဓာတ်တွေကို သိုလှောင်ကာ ဟော်မုန်းတွေကိုလည်း ထိန်းညှိပေးပါတယ်။ ​​

ကျန်းမာတဲ့အသည်းတစ်ခုကို ထိန်းသိမ်းထားနိုင်ဖို့အတွက်ဆိုရင်
➡️အရက်သောက်သုံးမှုကို လျှော့ချခြင်း၊
➡️အကိုက်အခဲပျောက်ဆေးများ ရေရှည်သုံးစွဲမှုကိုရှောင်ရှားခြင်း၊
➡️အဆီအလွန်အကျွံစားသုံးမှုကို ရှောင်ကြဥ်ခြင်း အစရှိတဲ့ အချက်များကိုလိုက်နာကျင့်သုံးသင့်ပါတယ်။

💖 ဒါ့အပြင် အသည်းရောဂါကဲ့သို့သော ပြင်းထန်ရောဂါတွေကို ဆေးကုသရာမှာ ကုန်ကျစရိတ်အတွက် ငွေကြေးအကာအကွယ်ပေးတဲ့ Dai-ichi CI Plus ကိုရယူထားခြင်းကလည်း အကောင်းဆုံး ကြိုတင်ကာကွယ်မှုများထဲမှ တစ်ခုဖြစ်ပါတယ်။ ​​

မိမိနှင့် မိမိချစ်ခင်ရသူတွေအတွက် ဆေးကုသစရိတ် ဝန်ထုပ်ဝန်ပိုးများကို Dai-ichi CI Plus နှင့် ကာကွယ်လိုပါက
​​
Health Insurance - Nwe 🍀🍀
Yours Health Insurance Advisor
ထာဝရသင်နှင့်အတူ 🥰

19/09/2023

လူတိုင်း ကျန်းမာတဲ့အခါ ရှိသလို မကျန်းမာတဲ့အခါလည်း ရှိတယ်။ ကျန်းမာနေတဲ့ အချိန် လူတွေက ပျော်ရွှင်နေတော့ ဘာပဲလုပ်လုပ် အဆင်ပြေကြတယ်။ အဆင်ပြေနေပြီ ဆိုရင် ပျော်စရာတွေ လွှမ်းမိုးနေတာမို့ အားကိုးရာ သိပ်မရှာကြသလို ကျန်းမာရေးစရိတ် ကိုလည်း ပေါ့ပေါ့ပါးပါးပဲ တွေးကြတယ်။

မကျန်းမမာ ဖြစ်လာပြီဆိုရင်တော့ ကျန်းမာရေးစရိတ်အတွက် ပူပန်လာကြတယ်။ အားကိုး ရှာလာကြတယ်။ နောက်ပိုင်းမှာ မိသားစုအရေး ကိုယ့်ပေါ် အားထားနေရတဲ့ အခြေအနေဆိုရင် သောကပိုလာတယ်။ စိတ်ဓာတ်ကျလာတယ်။ ကိုယ်ရော သူရော အတူတူပါပဲ။

ပြီးခဲ့တဲ့ တစ်နှစ်ကျော်က ကျန်းမာရေးအာမခံ အကြောင်း မိတ်ဆွေ တစ်ယောက်ကို လေ့လာခိုင်းတော့ ...
- အကျိုးခံစားခွင့်က သူ့အတွက် မပြောပလောက်ပါဘူး
- အနည်းငယ်သာ ကျမယ့် ပရီမီယံကြေးပမာဏကိုလည်း မသွင်းချင်ဘူး နှမျောလို့ ဆိုပြီး ငြင်းပယ်ခဲ့တယ်။

ခုတော့ ကျန်းမာရေးအာမခံ အကျိုးခံစားခွင့်က မပြောပလောက်ပါဘူးဆိုပြီး ငြင်းပယ်ခဲ့တဲ့ သူကိုယ်တိုင်ပဲ ...
ကျန်းမာရေးကိစ္စ ကြုံလာတော့
ကျန်းမာရေးအာမခံ ထားဖို့ မေးလာတယ်
အကျိုးခံစားခွင့်ကို စိတ်ဝင်စားလာတယ်
သုံးရမယ့် ပရီမီယံကြေးကိုလည်း မနှမျောနိုင်တော့ဘူး။

စိတ်မကောင်းစွာနဲ့ပဲ အကျိုးအကြောင်းရှင်းပြပြီး ငြင်းပယ်ခဲ့တယ်။

အာမခံ ဆိုတာ ကျန်းမာနေတဲ့ချိန်မှာကတည်းက ထားလို့ရတာ၊ ထားရမှာပါ။ ရောဂါခံစားလာချိန်မှ ထားလို့ မရတော့ပါဘူး။

ဖြစ်မယ် မဖြစ်ဘူး မသေချာတဲ့ အခြေအနေမှာ ... ကြိုတင်စီမံထားရတဲ့ သဘောပါ။ (အနာဂတ်မှာ ဖြစ်လာခဲ့ရင် အခက်အခဲ မဖြစ်ရအောင် ပြင်ဆင်ထားခြင်းပါ)

ခု မိတ်ဆွေ (ငွေကြေးတက်နိုင်တဲ့သူတောင်) တကယ်ဖြစ်လာတော့ ကိုယ့်အိတ်ထဲက ငွေကြေး ထုတ်သုံးရမှာ နှမျောတယ်၊ အာမခံလျော်ကြေးကို မျှော်မှန်း အားကိုးလာတယ်။ ဒါပေမယ့် အချိန်နှောင်းခဲ့ပါတယ်။

ဆိုတော့ ကျနော်တို့လို သာမာန် လူတန်းစားအတွက် အာမခံ အကာအကွယ်က ပိုလို့တောင် လိုအပ်ပါတယ်။ ကျန်းမာရေးကုန်ကျစရိတ်ဆိုတာ ဈေးဆစ်လို့မရပါဘူး။ မရှိလည်း ပေါင်နှံရောင်းချ ကုသကြတာပဲ။ ကျန်းမာမှ ဝင်ငွေပြန်ရှာနိုင်မှာကိုး။

သွင်းရတဲ့ ပရီမီယံက ကိုယ်တက်နိုင်တဲ့ ပမာဏကို ရွေးချယ်လို့ ရလို့ လက်လှမ်းမီတဲ့ အခြေအနေမျိုးပါ။
တချို့ ကျန်းမာရေးအာမခံအမျိုးအစားဆို ဖြစ်ရင်လည်း အကျိုးခံစားခွင့်ရတယ် ... ဘာမှ မဖြစ်ရင်လည်း သွင်းထားတဲ့ ငွေ အတိုင်းအတာတစ်ခုထိ ပြန်ရလို့ ငွေစုထားသလိုတောင် ဖြစ်ပါတယ်။

အာမခံစနစ်ဆိုတာ ...
ချမ်းသာအောင် မလုပ်ပေးနိုင်ပေမယ့် လက်ရှိထက် မနိမ့်ပါးသွားအောင် မိသားစု ရည်မှန်းချက်တွေ မပျက်စီးအောင် ကာကွယ်ပေးနိုင်ပါတယ်။
#ကျော်ကျော် (တောင်ငူ) Life Insurance Advisor

17/09/2023

နာတာရှည် ​ကျောက်ကပ်အားနည်း​ရောဂါဆိုတာ ပြင်းထန်​ရောဂါ တမျိုးပါ။

အခုထိ.. 😔*ဘယ်နိုင်ငံမှာမှ ကုရာနတ္ထိ ဆေးမရှိတဲ့ ရောဂါဆိုး* လို့ပဲ ပြောရမှာပါပဲ။

ကမ္ဘာ့လူဉီးရေရဲ့ (၁၅) ရာခိုင်နှုန်းနီးပါးဟာ နာတာရှည် ကျောက်ကပ်အားနည်းရောဂါ ခံစားနေရပါတယ်။ လူ (၁၀၀) မှာ (၁၅) ယောက်လောက်ဟာ နာတာရှည်ကျောက်ကပ်အားနည်းနေကြတယ်လို့ အကြမ်းဖျဉ်း ပြောလို့ရပါတယ်။

​ကျောက်ကပ်အားနည်းလို့ ​ကျောက်ကပ်​ဆေးခြင်းနည်းလမ်းနဲ့ကုသမှုခံယူရမယ်ဆိုရင် အနည်းဆုံး တစ်လကို (၅) သိန်း လောက်မှ အကုန်မခံနိုင်ရင် ကျောက်ကပ်ဆေးဖို့ မလွယ်ပါဘူး။ ဒါတောင် အနည်းဆုံး စျေးကို တွက်ပြထားတာပါ။

တစ်လမှာ တစ်ကြိမ်ပဲ ​ကျောက်ကပ်​ဆေးခြင်း လုပ်ရတာလဲ မဟုတ်ပါဘူး။ ​​ကျောက်ကပ်ရဲ့ လုပ်​ဆောင်မှုကျန်နိုင်စွမ်း​ပေါ်မှာမူတည်ပြီး နှစ်ပတ်တကြိမ်, တပတ်တစ်ကြိမ်က​နေ ၂-၃ ရက် တစ်ကြိမ်ထိ ​ကျောက်ကပ်​ဆေးပီး ရှင်သန်​နေကြရတာဖြစ်ပါတယ်။

ဒီလို ပြင်းထန်​ရောဂါ​တွေဖြစ်လာတဲ့အခါ ​ဆေးကုသမှုကုန်ကျစရိတ်​တွေက လူနာနဲ့ လူနာရှင်မိသားစု​တွေအတွက် ​ငွေ​ကြေးဝန်ထုပ်ဝန်ပိုး များစွာဖြစ်​စေပါတယ်။

ဘယ်​ရောဂါမဆို မဖြစ်​အောင်​ မိမိကျန်းမာ​ရေးကို ဂရုစိုက်ကာကွယ်နေထိုင်ခြင်းက အ​ကောင်းဆုံးဖြစ်ပါတယ်။

​ရောဂါမဖြစ်​အောင်ကာကွယ်လို့မရ​နိုင်​တော့တဲ့အ​ခြေ​နေ​​တွေ ကြုံလာတဲ့အခါ ပြင်းထန်​ရောဂါကုသစရိတ်အတွက် ​ငွေ​ကြေးလုံ​လောက်မှုရှိဖို့ လိုအပ်ပါတယ်။

ဒါ​​ကြောင့် ​ရောဂါကိုလဲမဖြစ်​အောင် ကာကွယ်ဖို့အ​ရေးကြီးသလို ဖြစ်လာခဲ့ရင်လဲ ​ကုသစရိတ်ငွေ​ကြေးလုံ​လောက်မှုရှိဖို့ မိမိတတ်နိုင်သမျှ ​ငွေ​ကြေးအကာကွယ်ယူထားဖို့ အ​ရေးကြီးလာပြန်ပါတယ်။

ဒီလိုပြင်းထန်​ရောဂါ​တွေဖြစ်​လာခဲ့ရင် အနာဂါတ်​ဆေးကုသစရိတ်​တွေအတွက် စိတ်​အေးချမ်းသာစွာ ​ဆေးကုသမှုခံယူနိုင်ဖို့ Dai-ichi Life Myanmar ရဲ့ ပြင်းထန်​ရောဂါ အသက်အာမခံ- Critical illness Insurance- Dai-ichi CI Plus နဲ့ ကြိုတင်စီမံ ကာကွယ်မှုယူထားလို့ရပါတယ်။

အ​သေးစိတ်​ဆွေး​နွေးတိုင်ပင်လိုပါက Chatbox / 09796103070 ကို ဆက်သွယ်နိုင်ပါတယ်ရှင်။

Health Insurance - Nwe 🍀
Yours Health Insurance Advisor

ထာဝရသင်နှင့်အတူ 🥰

နာတာရှည် ကျောက်ကပ်အားနည်း‌ရောဂါကြောင့် ကျောက်ကပ်ပျက်စီးပြီး ကျောက်ကပ်အစားထိုးထားရာကနေ အဲဒီအစားထိုးထားတဲ့ကျောက်ကပ် ပြန်ပြီးပျက်စီးသွားလို့ ကျောက်ကပ်ပြန်ဆေးနေရတဲ့ လူနာတစ်ယောက်နဲ့ ကျွန်တော်စကားပြောကြည့်ဘူးတယ်။

အဲဒီတုန်းက အဲဒီလူနာက သူကျောက်ကပ်ဆေးဖို့လာရင်း သူ့အလှည့် မရောက်သေးလို့ ထိုင်ခုံကို မှီပြီးနားနေရင်း သူ့အလှည့်ကို စောင့်နေတဲ့အချိန်...

"နေကောင်းရဲ့လား" လို့ ကျွန်တော်မေးတော့ "ကျောက်ကပ်မဆေးရသေးတော့ လေးတေးတေးကြီးပေါ့ ဆရာရယ်" တဲ့။ "ဆေးပြီးရင်တော့ နေလို့ထိုင်လို့ ကောင်းပါတယ်" တဲ့။

သူကဆက်ပြောတယ်။

"ဒါပေမယ့် ခဏပဲ ဆရာ၊ တစ်ရက် နှစ်ရက်ဆို နေရတာ လန်းလန်းဆန်းဆန်း မရှိတော့ဘူး။ ဆရာရယ်.. ကျွန်တော် ကျောက်ကပ်ပြန်အစားထိုးချင်တာ။ ပိုက်ဆံ စုလိုက်ဉီးမယ်။
ကျောက်ကပ်အစားထိုးလိုက်တဲ့ အရသာက ဘာနဲ့မှ မတူဘူး။ လေထဲမှာ လမ်းလျှောက်နေရသလို ပေါ့ပါးနေတာပဲ။ ထမင်းတွေလည်း စားလို့ကောင်း၊ အသက်ရှုလို့လည်း ဝ တယ်။ နေလို့ထိုင်လို့ အရမ်းကောင်းတာပဲ. ဆရာရယ်" တဲ့။

သူပြောတာကို ကျွန်တော် နားထောင်နေရင်းနဲ့ သူ့ခံစားချက်ကို ကျွန်တော်နားလည်ပါတယ်။ ဒါပေမယ့် သူ ဘယ်လိုခံစားရတယ်ဆိုတာ ကျွန်တော် ဘယ်လိုနည်းနဲ့မှ သေချာမသိနိုင်ဘူး။ ကျွန်တော်မှ မခံစားဘူးပဲကိုး။

ကျွန်တော်တို့သိထားတဲ့ ဆီးဆိပ်တွေ (Urea) တွေ၊ Creatinine တွေ၊ အက်ဆစ်ဓါတ်တွေ၊ ကျန်တဲ့ ကျောက်ကပ်ပျက်စီးလို့ မစွန့်ထုတ်နိုင်တဲ့ အကြွင်းအကျန် အညစ်အကြေးတွေ ခန္ဓာကိုယ်မှာ စုပုံလာတဲ့အခါ လူတစ်ယောက် ဘယ်လိုခံစားရမလဲဆိုတာ ဝေဒနာရှင်ကိုယ်တိုင်ပဲ အသိဆုံးဖြစ်ပါလိမ့်မယ်။

ကျွန်တော်တို့တတွေ ဖျားဖူး၊ နာဖူး ကြတာပဲ။ ဖျားကြနာကြတဲ့အခါ အမြန်ဆုံး ပြန်သက်သာချင်ကြတာပဲ မဟုတ်လား။ တကယ်လို့ သွားကိုက်တဲ့ ဝေဒနာကိုခံစားဘူးတယ်ဆိုရင် အဲဒီဝေဒနာကို အမြန်ဆုံး သက်သာချင်တဲ့ ဆန္ဒဘယ်လောက် ပြင်းပြသလဲ ဆိုတာ ကိုယ်တိုင်သွားကိုက်ဘူးတဲ့သူဆိုရင် ကိုယ်ချင်းစာနိုင်ပါလိမ့်မယ်။

ဒါပေမယ့်...
နာတာရှည်ကျောက်ကပ်အားနည်းတဲ့ရောဂါဟာ သာမန်တုပ်ကွေးမိ ဖျားနာသလို၊ သွားကိုက်သလိုမျိုး မဟုတ်ပါဘူး။

ရုတ်တရက် ပျက်စီးတဲ့ ကျောက်ကပ်ရောဂါ (Acute Kidney Injury) ဆိုရင် ပြန်ကောင်းနိုင်ပေမယ့် တကယ်သာ နာတာရှည်ကျောက်ကပ်‌ဝေဒနာ ခံစားရပြီဆိုရင် အဲဒီကျောက်ကပ်ဟာ NO U-TURN ဘယ်တော့မှ ပြန်ပြီးကောင်းလာမှာ မဟုတ်တော့ပါဘူး။ အရှင်းဆုံးပြောရရင်တော့ အခုထိ.. 😔*ဘယ်နိုင်ငံမှာမှ ကုရာနတ္ထိ ဆေးမရှိတဲ့ ရောဂါဆိုး* လို့ပဲ ပြောရမှာပါပဲ။

ကမ္ဘာ့လူဉီးရေရဲ့ ၁၅ ရာခိုင်နှုန်းနီးပါးဟာ နာတာရှည် ကျောက်ကပ်အားနည်းရောဂါ ခံစားနေရပါတယ်။ လူ ၁၀၀ မှာ ၁၅ ယောက်လောက်ဟာ နာတာရှည်ကျောက်ကပ်အားနည်းနေကြတယ်လို့ အကြမ်းဖျဉ်း ပြောလို့ရပါတယ်။

ကျောက်ကပ်ဆေးတယ်လို့ အရပ်ထဲမှာ အလွယ်ပြောကြတဲ့ (Hemodialysis) ကျောက်ကပ်သွေးသန့်စင်တာပဲဖြစ်ဖြစ်၊ (Peritoneal Dialysis) ဝမ်းဗိုက်အမြှေးပါးက သွေးသန့်စင်တာပဲ ဖြစ်ဖြစ်၊ ကိုယ့်ခန္ဓာကိုယ်ထဲက သဘာဝကျောက်ကပ်က အလုပ်မလုပ်နိုင်လို့ ကိုယ်စားဝင်အလုပ်လုပ်ပြီး ခန္ဓာကိုယ်က မလိုအပ်တဲ့ အဆိပ်အတောက် အညစ်အကြေးတွေကို စွန့်ထုတ်ပေးရုံပဲ တတ်နိုင်တာပါ။ ပျက်စီးသွားတဲ့ ကျောက်ကပ်ကို ပြန်ပြီးကောင်းလာအောင် ကုစားပေးတာ မဟုတ်ပါဘူး။ ဒါကို တစ်ချို့ဆရာဝန်တွေတောင် နားလည်မှုလွဲနေကြတာ ရှိပါတယ်။ ကုန်ကျစားရိတ်လည်း အင်မတန်များပါတယ်။

အနည်းဆုံး တစ်လကို (၅) သိန်း လောက်မှ အကုန်မခံနိုင်ရင် ကျောက်ကပ်ဆေးဖို့ မလွယ်ပါဘူး။ ဒါတောင် အနည်းဆုံး စျေးကို တွက်ပြထားတာပါ။ ဘယ်လိုပဲ ကျောက်ကပ်ဆေးဆေး ကိုယ့်သဘာဝကျောက်ကပ်ရဲ့ လုပ်ငန်းဆောင်တာတွေကို ပြည့်မှီအောင် မစွမ်းဆောင်နိုင်တာ​တွေ အများကြီးရှိပါသေးတယ်။

ကျောက်ကပ်လဲတယ်လို့ ပြောကြတဲ့ ကျောက်ကပ်အစားထိုးတယ် ဆိုတာကလည်း ကျောက်ကပ်အကောင်း (အသစ်) တစ်လုံး ထည့်လိုက်တာဖြစ်လို့ ပုံမှန်အတိုင်း စားနိုင်သွားနိုင်လာနိုင်တယ် ဆိုသည့်တိုင်အောင် အဲဒီ ကျောက်ကပ်အသစ်ကလေး ပျက်မသွားရအောင် နေ့စဉ် ဆေးဝါးတွေ ရာသက်ပန်သောက်သုံးနေရတာပါ။ အဲဒီဆေးတွေကြောင့်လည်း ကိုယ်ခံအားကျဆင်းနေတာဖြစ်တဲ့အတွက် လူမမာတပိုင်းလို့ ဆိုရင် မမှားပါဘူး။

ဒီလောက်ဆိုရင် နာတာရှည်ကျောက်ကပ်ရောဂါ ဆိုတာ ပေါ့‌ပေါ့လေးမဟုတ်မှန်း သိလောက်ပြီထင်ပါတယ်။

ကျွန်တော်တို့ဆီမှာ နှလုံးရောဂါဖြစ်မှာ၊ ကင်ဆာ ဖြစ်မှာ သိပ်ကြောက်ကြတယ်။ ဘီပိုး စီပိုး ကူးစက်ခံရမှာလည်း သိပ်ကြောက်ကြပါတယ်။ အဲဒီရောဂါတွေဟာ ကြောက်ဖို့ကောင်းတာမှန်ပါတယ်။ ဒါပေမယ့် ရောဂါရဲ့ အတိမ်အနက်ပေါ်မူတည်ပြီး မျှော်လင့်ချက်တွေ ရှိနေပါသေးတယ်။

နာတာရှည်ကျောက်ကပ်ရောဂါကတော့ ဖြစ်ပြီဟေ့ ဆိုတာနဲ့ နောက်မဆုတ်တော့ပါဘူး။ အသက်ကြီးလာမှာကို တားမရသလို နာတာရှည်ကျောက်ကပ်ဝေဒနာရှင်ရဲ့ ကျောက်ကပ်ပျက်စီးသွားမှာကို ဘာနဲ့မှ တားလို့ မရပါဘူး။ မသကာ အရွယ်တင်အောင် အလှတွေပြင်၊ လေ့ကျင့်ခန်းတွေလုပ် လို့ ရသလို ကျောက်ကပ်ပျက်စီးတဲ့ နှုန်းထားကို နှေးနေအောင်ပဲ ‌ဆေးဝါးတွေ၊ အပြုအမူအနေအထိုင်တွေနဲ့ ကုသပေးလို့ ရပါတော့တယ်။ ဉပမာ- ၃၀ ဖိုး ပဲ အလုပ်လုပ်နိုင်တဲ့ ကျောက်ကပ်က တစ်နှစ်နေရင် ၂၀ ဖိုးပဲ ကျန်တော့မယ်ဆိုရင် သေသေချာချာ ကုသလို့ရှိရင် ၂၅ ဖိုး လောက် ကျန်နိုင်တာမျိုး လောက်အထိပဲ စွမ်းဆောင်ပေးနိုင်ပါတယ်။ အဲဒီ ကျန်နေတဲ့ ၃၀ ဖိုး ကို ၅၀ ဖိုး- ၆၀ ဖိုး ဖြစ်လာအောင် ကုသပေးလို့ မရနိုင်တော့ပါဘူးခင်ဗျာ။

အဲဒီတော့ နာတာရှည်ကျောက်ကပ်အားနည်းရောဂါ ဆိုတာ ဘာများပါလိမ့် ❓

နာတာရှည်ကျောက်ကပ်အားနည်းရောဂါဟာ ကနဉီးကာလတွေမှာ ဘာလက္ခဏာမှ မပြပါဘူး။ ကျွန်တော်တို့ ဆီးဆိပ်လို့ အလွယ်ပြောကြတဲ့ (သာမန်လူ နားလည်အောင် အလွယ်ပြောရရင်) Creatinine စစ်မကြည့်မချင်း မသိနိုင်ပါဘူး။

စက်ရုံတစ်ရုံမှာ အလုပ်သမား ၁၀၀ ရှိတယ် ဆိုပါစို့။ အင်တိုက်အားတိုက် အလုပ်လုပ်နေကြတယ်။
အလုပ်သမား ၂၀ လောက်က အလုပ်ထွက်သွားတယ်။ ၈၀ ပဲ ကျန်တယ် ဆိုပါစို့။ အဲဒီ ကျန်နေတဲ့ ၈၀ က လူ ၁၀၀ စာ ကို ဟန်မပျက် ထိမ်းပြီး အလုပ်လုပ်ပေးနေနိုင်သေးတယ်။ မသိသာသေးဘူး‌ပေါ့လေ။
ဒါပေမယ့် အဲဒီ လူ ၈၀ ကလည်း ၁၀၀ စာ မလုပ်နိုင်တော့ဘဲ တဖြည်းဖြည်းနဲ့ ​လျော့​လျော့လာမယ်ဆိုရင် လူ ၅၀ လောက်ပဲ ကျန်တော့တဲ့ အချိန်မှာတော့ အဲဒီ စက်ရုံက မနိုင်မနင်း ဖြစ်လာပါပြီ။ လူ ၅၀ ကပဲ အရင် လူ ၁၀၀ စာ လုပ်ခဲ့တဲ့ အလုပ်တွေကို သိမ်းကြုံးလုပ်ရတော့တာကိုး။

အဲဒီ ကျန်နေတဲ့ လူ ၅၀ ကနေ.. ၃၀.. ၂၀ အစရှိသဖြင့် နည်း နည်း လာမယ် ဆိုရင်တော့ နောက်ဆုံး ၁၀ ယောက် လောက်ပဲ ကျန်တော့တဲ့ အခါ စက်ရုံအလုပ်လုပ်ဖို့ မလွယ်တော့ပါဘူး။

ဒီသဘောပါပဲ။ နာတာရှည်ကျောက်ကပ်အားနည်းရောဂါ ရဲ့ ကနဉီး အဆင့်တွေမှာ ကျောက်ကပ်ရဲ့ အလုပ်လုပ်ပေးနေတဲ့ Nephron လို့ ခေါ်တဲ့ ယူနစ်သေးသေးလေးတွေက အလုပ်တွေပိုလုပ်ပေးနေလို့ မသိသာသေးပါဘူး။ ရောဂါ လက္ခဏာလည်း မပြသေးပါဘူး။ သူတို့တွေ တဖြည်းဖြည်းနဲ့ လျော့ကျလာတဲ့ အခါမှာတော့ ကျောက်ကပ်အားနည်းတဲ့ အဆင့်က ပိုပြီး ဆိုးလာပါတော့တယ်။ အဲဒီယူနစ်ကလေးတွေဟာ အနာရွတ်တွေ ဖြစ်သလို ကျောက်ကပ်ထဲမှာ ရှုံတွပျက်စီးကုန်တာ ဖြစ်တဲ့အတွက် ဘယ်တော့မှ ပြန်ကောင်းမလာနိုင်တော့ပါဘူး။
ညှိုးသွားတဲ့ ပန်းကလေး ဟာ ဘယ်တော့မှ ပြန်လန်းမလာနိုင်တော့သလိုပါပဲ။

တချို့က ပြောကြတယ်။

ဆီးတွေလည်း သွားတယ်။ ဖော လည်း မဖောဘူး။ ကျောက်ကပ်အားနည်းတာ ဟုတ်ပါ့မလား တဲ့။

ဆီးတွေနည်းတယ်၊ ဖောတယ် ဆိုတာ ကနဉီး ကျောက်ကပ်ရောင်တာ၊ ရုတ်တရက် ကျောက်ကပ်ပျက်တဲ့ အနေအထားတွေမှ ချက်ချင်းလက်ငင်း ဖြစ်တတ်ပေမယ့် နာတာရှည်​ကျောက်ကပ်အားနည်းရင်တော့ တော်တော်လေး ‌နောက်ကျမှ သိတတ်တာမျိုးပါ။

တချို့ကလည်း ကျွန်တော်/ကျွန်မ က ခါးမှ မနာတာ။ ကျောက်ကပ်ပျက်တယ်ဆိုတာ ဟုတ်ပမလား တဲ့။

ကျောက်ကပ်ကြောင့် ခါးနာတယ်ဆိုတာ ကျောက်ကပ်မှာ ကျောက်တည်တာတို့၊ ကျောက်ကပ်မှာ ပိုးဝင်ပြီး ပြည်ဝင်တာမျိုး (Pyelonephritis)၊ အင်မတန် ရှားတဲ့ ကျောက်ကပ်ပုတ်တာမျိုးမှ နာတတ်တာမျိူးပါ။ နာတာရှည်ကျောက်ကပ်အားနည်းတာဟာ ခါးလည်း မနာတတ်ပါဘူး။ (တစ်ခုတော့ရှိတာပေါ့လေ။ သူ့ဟာသူ ကြီးပေါင်းတို့၊ သွေးကင်ဆာတစ်မျိုး (Myeloma) ကြောင့် အရိုးတွေ ကြွတ်ဆတ်ပြီး နာတာကြောင့် နာတာရှည်ကျောက်ကပ်ရောဂါ ဖြစ်တာမျိုးက လွဲရင်ပေါ့)။

လက်တွေ့မှာ အတွေ့ရအများဆုံးကတော့ ထိန်းမနိုင်သိမ်းမရ လေယာဉ်ပျက်ကျတဲ့အခါ (Crash Landing) ဘာမှလုပ်မရသလို မဖြစ်မနေ နောက်ဆုံးအဆင့် ကျောက်ကပ်ပျက်မှ ကျောက်ကပ်ဆရာဝန် ဆီ ရောက်လာတဲ့အခါ လူနာရဲ့ အနေအထားဟာ ပျက်ကျတဲ့လေယာဉ်ထဲက ခရီးသည်လို ဖြစ်နေတာမို့ (Crash Lander) လို့တောင် တင်စားခေါ်ဝေါ်နေကြပါပြီ။

နာတာရှည်ကျောက်ကပ်အားနည်းရောဂါဆိုတာ သွေးချို၊ဆီးချိုရောဂါ ကြာလာပြီဆိုရင်၊ သွေးတိုးရောဂါ ကြာလာပြီဆိုရင် ဖြစ်လာတတ်တာကြောင့် သတိထားဖို့လိုပါတယ်။ ဒါ့အပြင် အရေပြားလေးဖက်နာလို ရောဂါမျိုးတွေ၊ ကျောက်ကပ်ရောင်ရောဂါမျိုးတွေကို သေသေချာချာကုသမှု မခံယူခဲ့ရင် သေချာပေါက် ဖြစ်လာမယ့် ရောဂါပဲ ဖြစ်ပါတယ်။

အဓိက က တော့ မိမိမှာ သွေးတိုးရှိရင်၊ သွေးချိုဆီးချိုရှိရင်၊ နှလုံးရောဂါရှိရင် ကျောက်ကပ်ဆီးဆိပ်ကို မဖြစ်မနေ စစ်ကြည့်ပါ။ အနည်းဆုံး ၆ လ တစ်ခါ စစ်ကြည့်ပါ။ စျေးမကြီးပါဘူး။ ကျွန်တော်တို့ မြန်မာလူမျိုးတွေက သွေး မစစ်ချင်ကြဘူး။ တစ်ချို့ က နှမြောတယ်။ တစ်ချို့ကျတော့ ရောဂါသိမှာ ကြောက်ကြတယ်။ တကယ်တော့ ရောဂါဆိုတာ စောစောသိလေလေ ကုသဖို့ အချိန် ပိုရလေလေပါပဲ။

အထူးသဖြင့် (ဆရာဝန်တွေကိုပါ တောင်းဆိုချင်တာပါ) ငယ်ငယ်ရွယ်ရွယ် သွေးတိုးရင် လူနာတွေကို မဖြစ်မနေ စစ်ကြည့်စေချင်ပါတယ်။ အနည်းဆုံး Creatinine နဲ့ Urine RE လောက်တော့ စစ်ကြည့်ပေးဖို့ အနူးအညွတ် တောင်းဆိုလိုပါတယ်။ အဲဒီလို စစ်ကြည့်လို့ ကောင်းနေခဲ့ရင်တောင် တစ်လ နှစ်လလောက် ခြားပြီး ထပ်စစ်ပေးဖို့ လိုပါသေးတယ်။ ငယ်ငယ်ရွယ်ရွယ် နဲ့ နာတာရှည်ကျောက်ကပ်ပျက်စီးကြရသူ အများစုဟာ ကျောက်ကပ်မပျက်ခင်မှာ သွေးတိုးနဲ့ ဆရာဝန် ပြထားကြသူတွေ များပါတယ်။ သွေးကျဆေး ပေးထားတဲ့ အချိန် လူနာတွေက နေကောင်းနေပေမယ့် သူတို့ရဲ့ ကျောက်ကပ်ရောင်နေတာ (Glomerulonephritis) ကို မသိရတဲ့အတွက် ကုသလို့ ရသေးတဲ့ အချိန်မှာ ကုသခွင့် ဆုံးရှုံးကြရသူတွေ အများကြီးရှိပါတယ်။ ကျောက်ကပ်ဆရာဝန်ဆီ ရောက်လာရင်တော့ လေယာဉ်ပျံကြီး ပျက်ကျနေပြီပေါ့ဗျာ။

နောက်တစ်ခု က အကိုက်အခဲ ပျောက်ဆေးပါ။ အရပ်ထဲမှာ အလွယ်ဝယ်လို့ရနေတဲ့ ဝက်ငါးကောင် (Mefenaemic Acid) တို့၊ အလွယ်ထိုးလို့ရနေတဲ့ အသားဆေး (Diclofenac) တွေဟာ ကျောက်ကပ်သမားတွေအတွက် အင်မတန်ကြောက်ဖို့ကောင်းတဲ့ အဆိပ်တွေလို့ ဆိုရင် မမှားပါဘူး။ သာမန်လူကောင်းတွေတောင် အခန့်မသင့်ရင် ဒုက္ခပေးနိုင်ပါတယ်။

နောက်သတိထားဖို့ကတော့ တိုင်းရင်းဆေးတွေပါ။ အယူတိမ်းရင် နတ်စိမ်း ဖြစ်တယ် ဆိုသလိုပဲ.. တိုင်းရင်းဆေးကို အောဂန်းနစ် ဆိုပြီး အားကိုးတကြီး သောက်ကြတာတွေကလည်း အဓိက ကုသမှုကို မရဘဲ လူနာတွေ နစ်နာစေတဲ့အပြင် ကျောက်ကပ်ကို ဝန်ပိစေလို့ သတိပြု ရှောင်ကြဉ်ကြဖို့ လိုပါတယ်။ တစ်ချို့ တရားဝင်ရောင်းချနေတဲ့ တိုင်းရင်းဆေးတွေ၊ ဖြည့်စွက်စာတွေဟာလည်း ကျောက်ကပ်ကို အန္တရာယ်ပေးနိုင်ပါတယ်။ အဆိုးဆုံးက အဲဒီဆေးဝါးတွေကို သောက်နေပြီး လူနာအတွက် အဓိကလိုအပ်တဲ့ ဆေးဝါးတွေကို ဆက်မသောက်တော့ဘဲ ရပ်ပစ်လိုက်တာမျိုးပါ။ ဖြည့်စွက်စာဆိုတာ ဆေး မဟုတ်ပါဘူး။ အရာရာဟာ တန်ဆေး လွန်ဘေး ပါပဲ။

ဒီနေ့ဟာ ကမ္ဘာ့ကျောက်ကပ်ရောဂါနေ့ (World Kidney Day) ဖြစ်ပါတယ်။ ဒီနှစ်အတွက် ဆောင်ပုဒ်ကလည်း *Bridge the knowledge gap to better kidney care* ဖြစ်ပါတယ်။ *အသိပညာများများပေး ကျောက်ကပ်ပိုမို ကျန်းမာရေး* လို့များ ဆိုရမလား။

ကျောက်ကပ် ကျန်းမာအောင်
➡️သွေးပေါင်မတက်အောင် ဂရုစိုက်ပါ။
➡️ကိုယ်လက်လှုပ်ရှားအားကစားလုပ်ပါ။
➡️ဆေးလိပ်ဖြတ်ပါ။
➡️ရေများများသောက်ပါ (မိမိမှာ ဖောရောင်နေတာ မရှိရင်)။
➡️သွေးချိုဆီးချို ဂရုစိုက်ပါ။
➡️အငန် ရှော့စားပါ။
➡️အဝမလွန်အောင် ဂရုပြုပါ။
➡️မလိုအပ်တဲ့ တိုင်းရင်းဆေး၊ အကိုက်အခဲပျောက်ဆေးတွေ ရှောင်ပါ။
➡️မိမိမှာ မျိုးရိုးရှိရင် ဆရာဝန်နဲ့ တိုင်ပင်ပါ။
➡️သွေးတိုး/ဆီးချို စတဲ့ ရောဂါအခံ တွေရှိရင် မဖြစ်မနေ သွေး/ဆီး စစ်ကြည့်ဖို့ မိမိဆရာဝန်ကို တိုင်ပင်ပါ။

ကိုယ့်မှာ ကျောက်ကပ်ရောဂါရှိနေရင်တော့ မဖြစ်မနေ ကျောက်ကပ်ကုသမှု အထူးကုဆရာဝန်တွေနဲ့ တိုင်ပင်ဖို့လိုအပ်ပါတယ်။
ကာကွယ်ခြင်း ဟာ ကုသခြင်းထက် ပိုပြီးထိရောက်ပါတယ်။

ကိုယ်၏ကျန်းမာခြင်း၊ စိတ်၏ ကျန်းမာခြင်း၊ ကျောက်ကပ်၏ ကျန်းမာခြင်း နဲ့ ပြည့်စုံကြပါစေ လို့ ကျောက်ကပ်ဆရာဝန်တစ်ယောက်အနေနဲ့ ဆုတောင်းလိုက်ပါတယ်။


ဒေါက်တာ ကျော်သူရိန်လွင်
(ကျောက်ကပ် ဆရာဝန်)