https://www.facebook.com/398998039965719/

Cœur En Action

Home
Madagascar
Toamasina
Cœur En Action

Team C.E.A - 501✔

📞 +261376384506 / +261346232453

➡ Andao hiray fo sy saina hanampy ny hafa🙏🏽🇲🇬

📌 Matio 25: 40📖 : "Araka izay efa nataonareo tamin'ny anankiray amin'ireto rahalahiko kely indrindra ireto no nataonareo tamiko".

18/05/2026

MIARA-MIZARA FITIAVANA ❤️‍🔥

"Izay manana akanjo roa dia aoka hizara amin'izay tsy manana; ary izay manana hanina dia aoka hanao toy izany koa." Lioka 3:11 📖

Andao indray mba hizara ho an'ny hafa 😊

📌 19 JONA - FIZARANA AKANJO MAFANA
Ho an'ireo olon-dehibe sy ankizy tsy manan-kialofana. Noho ny hatsiaka efa miha mamely, mila ny fanampiantsika izy ireo. Mila palitao, firakotra, satroka ba, sns...👉 Inona no azonao atolotra ho azy ireo?

📌 25 JONA - FIZARANA ARENDRINA & VATOMAMY
Entina hampifaliana ireo ankizy madinika eo ankatokin'ny Asaramanitra 🇲🇬

✅ Raisinay an-tanan-droa avokoa ny fanomezana avy aminareo izay vonona handray anjara amin'ity hetsika fifampizaràna ity. Azonao ampiasaina hanehoana fitiavana sy firaisankina ny fanomezana toy ny: akanjo mafana, arendrina, vatomamy, biscuits, na zavatra hafa...📦 Afaka manatona manao récupération an'izany izaha 😊

10/04/2026

Tanteraka soa aman-tsara ny hetsika fizarana ho an’ireo voafonja teto Toamasina 🫂. Feno hafaliana sy fankasitrahana ny fonay noho ny soa vita 😊

✅ Isaorana indrindra Andriamanitra lehibe noho ny fahasoavany sy ny nahafahana nizara ho an’ny hafa 🙌

✅ Mankasitraka ireo Ray aman-dreny ara-panahy izahay, noho ny vavaka sy ny fanohanana tsy tapaka tamin’ny fanatanterahana ny hetsika 🙏🏼

✅ Fankasitrahana manokana ho an’ireo mpanohana rehetra, izay nanampy ara-bola, ara-pitaovana, sns...🤗

✅ Tsy hadino ihany koa ireo tompon’andraikitra ao amin’ny fonja, noho ny fiaraha-miasa sy ny fandraisana ary ny fanomezana alalana, nahafahana nizara izay votsirambin-tanana. 🫡

✅ Fisaorana lehibe ho an’ireo bénévole, izay nanome fotoana sy hery tamin’ny fanomanana sy ny fanatanterahana ny hetsika 👏

✅ Farany, feno fankasitrahana anareo rehetra izay nandray anjara, na akaiky na lavitra, tamin’ny fomba rehetra.
Natao am-pitiavana avokoa ny zavatra rehetra 🙏🏼
Andriamanitra hamaly soa antsika rehetra 😊

❤️‍🔥

09/04/2026

J-1 ❤️‍🔥

Hanomboka ny hetsika voalohany amin’ity taona ity ny équipe CEA (Coeur En Action), izay hotanterahina ao amin’ny fonja eto Toamasina.

📦 Hozaraina: akanjo fitafy, firakotra ary fitaovana ilaina maromaro

📅 Zoma 10 Aprily 2026
⏰ Amin’ny 2 ora

👉 Mbola mandray akanjo izahay hatramin’ny rahampitso maraina indrindra, indrindra ho an’ny lehilahy.
👉 Raha te hanohana na hahafantatra misimisy kokoa dia aza misalasala mandefa hafatra (mp).

❤️‍🔥 Kely aza dia manova fiainana. Aoka isika hiara-hizara!

07/04/2026

✨ FIANDOHAN’NY FIZARANA 2026 ✨

Araka ny fandaharam-potoanan’ny équipe CEA (Coeur En Action) sy ny fandaminana, dia hanomboka ny hetsika amin’ity taona ity amin’ny alalan’ny fizarana voalohany, izay hotanterahina ao amin’ny fonja eto Toamasina.

📦 Hetsika iray izay hizarana: akanjo fitafy, firakotra ary fitaovana ilaina vitsivitsy.

📅 Zoma 10 Aprily 2026
⏰ Amin’ny 2 ora

Tsy voatery hanana zavatra be isika vao afaka manampy ny hafa; na izay ananantsika aza dia efa ampy hizarana amin’izay tsy manana (Lioka 3:11). Ho antsika izay liana amin’ny hetsika ka te hahafantatra misimisy kokoa dia tongava mp na koa ho an’izay manana hetaheta hanohana dia raisinay am-pitiavana ny fanohanana rehetra avy aminao ho an’izy ireo ❤️‍🔥

01/01/2026

🇲🇬 ENSEMBLE DANS LA JOIE ❤️‍🔥

✅Ny hetsika natao ny 31 Desambra 2025 dia tontosa soa aman-tsara, noho ny fahasoavan’Andriamanitra 🙏🏼. Voninahitra ho Azy irery ihany 🙌, ary feno hafaliana ny fonay noho ity hetsika famaranana ny taona 2025 ity🥰

✅Fankasitrahana manokana ho an’ny tompon’andraikitra ao amin’ny Maison de Charité Sénacle Tanamakoa, izay mikarakara ireo ankizy tra-pahasembanana. Isaorana izy ireo noho ny fandraisana sy ny fiaraha-miasa nahomby tanteraka 🤝

✅Ny Team Cœur En Action dia manolotra fisaorana sy fankasitrahana amim-panajana ho an’ny solontenan’ny Team izay nanatanteraka ny hetsika, ary ho an’ireo rehetra niray fo, saina ary fanahy nanohana anay, na tamin’ny fandraisana anjara ara-bola 🩶, na tamin’ny fanampiana samihafa, ary indrindra tamin’ny vavaka 🙏🏼

✅Mirary taona 2026 ho feno fitahiana ✨, fahasoavana, fahasalamana ary fitiavana sy fahombiazana ho antsika rehetra 🙏🏼

Un petit geste fait par amour ❤️‍🔥

23/12/2025

« ENSEMBLE DANS LA JOIE » ❤️‍🔥

Retour en images kely avy aty aminay équipe Cœur En Action eto Toamasina.

Fizarana androany, fizarana tapany voalohany, fizarana faran’ny taona
📅 23/12/25

Feno loatra ny fo ❤️‍🔥… Voninahitra ho an’Andriamanitra irery ihany ny fahatanterahan’ity fotoana fizarana ho an’ireo ankizy tsy manan-kialofana androany ity 🙏✨

Isaorana indrindra ireo rehetra nanohana, na tamin’ny vavaka, na tamin’ny vola, sy ny fanampiana isan-karazany 🤍. Tsy ho voavalinay tsirairay ireny, fa anie ilay Andriamanitra be fitiavana no hamaly soa anareo rehetra 🙌. Mankasitraka feno tompoko 🙏

Misaotra manokana ihany koa ireo bénévole izay nahafoy fotoana, nizara sy naneho hafaliana sy fitiavana ho an’ireo mpiray tanana amintsika na dia teo aza ny orana namitipitika kely 😁🤝

📌 Ny 31 Desambra @ 3 ora indray ny fotoana manaraka, ho an’ireo ankizy kamboty sy tra-pahasembanana eto an-toerana

Faly, faly, faly… tena faly 😍🎉
Un geste fait = une joie partagée ❤️‍🔥

22/12/2025

J-1 ❤️‍🔥

Rahampitso 23 Desambra, amin’ny 3 ora tolakandro, no hotanterahina ny hetsika tapany voalohany ho an’ireo ankizy tsy manan-kialofana🫂.

✅ Hetsika iray entina anehoana fitiavana, fifaliana ary tsy fanadinoana ho an’ireo ankizy ireo, eny amin’ny toerana misy azy ireo.

Mankasitraka indrindra antsika rehetra izay nanohana. Maro dia maro ianareo, ary Andriamanitra anie hamaly soa izay vitanareo rehetra 🙏🏼.
📌 Ho an’izay te handray anjara amin’ny fizarana rahampitso (bénévole), dia afaka miaraka aminay (midira mp*)

un geste fait = une joie partagée ❤️‍🔥

15/12/2025

🫂 “ENSEMBLE DANS LA JOIE” 😊

Andao hifarana amin’ny fizarana sy fitiavana ny taona miaraka amin’ny Team Cœur en Action ❤️‍🔥, hizara tsiky sy fanantenana ho an’ireo ankizy tsy manan-kialofana, kamboty ary tra-pahasemporana.

🗓️ 23 & 31 Desambra 2025 | @ 3 ora tolakandro
📍 Toamasina (toerana samy hafa)

🎁 Fizarana: bonbon, biscuits ary fitaovana ilaina andavanandro (savony, menaka, siramamy, vary, sira, sns).

📌 Raisinay am-pifaliana ny fanohanana rehetra, ary azo alaina eny aminareo ihany koa ny fanomezana.
👉 Izay te ho bénévole dia afaka mandefa MP.

’Ndao hifampitsinjo • hifanampy • hizara
🙏🏽✨ Misaotra antsika rehetra sahady

21/06/2025

📣 Jour-j
Faly izy ireo, tena faly, ary naneho fisaorana ho antsika rehetra 😊

Retour en image kely avy aty aminay – Équipe C.E.A. Misaotra an’Andriamanitra fa tontosa soa aman-tsara, nilamina ary nahafinaritra ny fizarana akanjo androany 21/06/25 🥰.

🫱🏻‍🫲🏾 Mamerina fisaorana ho an’ny rehetra izay namaly ny antso, na teto an-toerana (Toamasina*) na avy any Antananarivo 😊 Andriamanitra anie hamaly soa anareo🙏🏼.
🫱🏻‍🫲🏾 Mankasitraka manokana ihany koa ireo équipe solide sy bénévoles navitrika nandritra ny fizarana 😎.

Efa miditra amin’ny fiomanana ho an’ny fizarana manaraka isika izao. Noho izany dia mandray hatrany izahay manomboka amin’ny volana Jolay. (Ho fantatra tsy ho ela kosa ny daty sy volana hanaovana ny fizarana manaraka 😇)

20/06/2025

📢 J-1

🫱🏽‍🫲🏿 Hetsika MIZARA HAFANANA 🫂

🗓️ Efa rahampitso ny fotoana hanatanterahana ity hetsika fizarana ity.
Isaorana betsaka isika rehetra izay nanohana sy nandray anjara tamin'ny fanomezana akanjo ho an'ireo tsy manan-kialofana 🙏🏼

📌 Ho an'izay maniry hiaraka aminay amin'ity fizarana ity, aza misalasala mandefa mp 😊

Mizara akanjo = Mizara fitiavana = Mizara hafaliana = Mizara hafanana 🥰

‘Ndao hifampitsinjo
‘Ndao hifanampy
‘Ndao hizara

Mankasitraka antsika rehetra 🙏🏽

Address

Lot 35J Parcelle 11/42 Andranomadio
Toamasina
501

Website

facebook.com

Alerts

Be the first to know and let us send you an email when Cœur En Action posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Finance Company in Toamasina?