01/03/2022
දෛනික වැටුපෙන් ඉතුරු කරමු.
පහුගිය කාලේ දෛනික වැටුප් ගන්න අය ගැන මම අධ්යයනය කලා.
එයින් බහුතරයක් ,
නගරයට ගොස් හවස ගෙදර එනකොට මත් වතුර ටිකක් උගුරට හලාගෙන, සිගරට් දෙක තුනකුත් අරගෙන ,
රෑට කන්න කඩේ රයිස් එකක් , ඊළඟ දවසට උයන්න බඩු ටිකක්, ළමයින්ට ටිපිටිප් එකක් , ෆෝන් කාඩ් එකක්, ටීවී එකට කාඩ් එකක් වගේ අරගෙන ගෙදර යන්න තමයි පුරුදුවෙලා ඉන්නේ.
එතකොට ඔවුන්ට සාමාන්යයෙන් ලැබෙන රු 750-1000 ක් වගේ මුදල එක දවසින් ඉවරයි .
හදිස්සියෙ බෙහෙත් ටිකක් ගන්න,
ළමයින්ට පොතක් අරන් දෙන්න එහෙම මුදලක් ඔවුන් ළඟ නැහැ.
ඔබේ ගෙදර දෛනික වැටුප් ලබන කෙනෙක් ඉන්නවා නම්,
පොඩ්ඩක් වෙනස් වෙන්න උත්සහ කරොත් ,
ළමයින්ට ටිපිටිප් අරන් දීලා ටීවී එක ඉස්සරහ ඉන්ඳවනවා වගේ ක්ෂණික සිහින වෙනුවට ගේ වැඩ ඉවර කරගන්න ,
පෝෂ්යදායක ආහාර වේලක් ගන්න,
ලස්සනට ඇඳුමක් අඳින්න..
පොඩි වාහනයක් ගන්න, මේ වගේ දේවල් කරගන්න අවස්ථාව ලබාගන්න පුළුවන් .
වැඩිය නෙවෙයි පුංචි රු සීයෙන් පටන් ගන්න.
සතියකට දවස් හයක් වැඩ කලොත් රු හයසීයක්.මාසයක් අවසානයේ අඩුම රු 2500 ක් වත් ඉතුරු කරගන්න පුළුවන් .මාස හතරකින් රු 10,000 ක්.
රුපියල් 2500 ක් කියන්නේ පොඩි ගාණක් කියලා හිතුවොත් නම් ඔබට ගොඩ ඒමක් නැති වෙන්න පුළුවන් .
රුපියලක හෝ වටිනාකම නිවැරදිව දකින්න.
මේක ඇඟට දැනෙන්න ගත්තාම,
රුපියල් සීයට වඩා ඉතුරු කරන්නත් නාස්තිය අවම කරන්නත් පටන් ගන්නවා.
මෙහෙම ආරම්භ කරලා දුම්වැටි ගන්න එකත් නතර කරලා ලස්සනට ගේ දොර හදාගෙන දියුණු වූ අයත් ඉන්නවා.
අවශ්යතාවය හරිහැටි හඳුනාගැනීම,
සිතන පතන විදිය වෙනස් කරගැනීම සහ ඉන්න තැනක් අඩියක් හෝ උඩට එන්න ඔබට ඇති අවශ්යතාවය මත ඔබේ ඉරණම විසඳගන්න පුළුවන් !
සුභ දවසක් 💛💛
