22/06/2023
මොකක්ද මේ AI තාක්ෂණය කියන්නෙ 👍👍👍👍👍👍👍ටිකක් වේලාව අරන් කියවන්න . හැමෝටම වැදගත් වෙයි.( කෘතිම බුද්ධිය A.i )
මේ ලිපිය AI තාක්ෂණය පිළිබඳ අංශු මාත්රයක්වත් නොදන්නා අය සඳහා වැදගත් වේ යැයි මා සිතමි.
Artificial intelligence (A.I)තාක්ෂණය ලෙස නිතරම අසන්නට දකින්නට ලැබෙන මෙම ඉංග්රීසි අකුරු දෙක සිංහලෙන් කෘතීම බුද්ධිය ලෙස හඳුන්වයි. 1956 ඩාර්මිමුත් හි පැවති සම්මන්ත්රණයකදී මේ කෘතිම බුද්ධිය යන වචනය භාවිතා කරන ලදී.
AI මිනිස් මොළයේ ක්රියාකාරීත්වය ඉස්මතු කරනු ලබයි. වර්තමානයේ ඔබ ජීවිතයේ භාවිතා කරන යම් යම් දේවල් AI තාක්ෂණය ඔස්සේ ක්රියාත්මක වේ .උදාහරණයක් විදියට වෙබ් සෙවුම් යන්ත්රයන් (search engine),මිනිස් කථනයෙන් යම් විධානයන් අවබෝධ කරගන්නා Siri , Google assistant , ඒ විතරක් නෙවෙයි ස්වයං පැදවිය හැකි කාර්, ඒ වගේම YouTube ,Netflix වැනි දෑ ද කෘතිම බුද්ධිය උපයෝගී කරගෙන සේවා සපයනු ලබයි.
ඔබගේ ස්මාර්ට් ජංගම දුරකථනය(Smart Phone) භාවිතා කිරීමෙන් ද ඔබ කරනුයේ නොදැනුවත්ම කෘතිම බුද්ධිය යම්තාක් දුරට භාවිතා කිරීම්යි.
මිනිස් මොළය හා සමානවම බුද්ධිය මෙහෙය වීමට ඇති හැකියාව සරලව කෘතිම බුද්ධිය ලෙස හඳුන්වන්න පුලුවන්. කෘතිම බුද්ධිය මිනිස් මොළයට සමාන කරන්න පුළුවන් දෙයක් . කෘතිම බුද්ධිය වචනය අහපු ගමන් ඔයාලගේ මනසට එන දෙයක් තමයි රොබෝ තාක්ෂණය , රොබෝවරු,
ඔව් ඒක ඇත්ත .සරලව මෙහිදී සිදුවන්නේ මිනිස් පාලනයකින් තොරව ස්වයං චින්තනයෙන් තමන් ඉගෙන ගනිමින් , තීරණ ගනිමින් වැඩ කිරිමයි.(හැබයි දීපු උපදෙස් වලට අනුව- Data- වර්තමානයේ තත්වය වෙනස්♨️)
ඔයාලා බලපු Iron Man චිත්රපටිය, Terminator චිත්රපටය හොඳම උදාහරණ තමයි AI තාක්ෂණයෙන් ක්රියාත්මක වන . කෘතීම බුද්ධිය නිර්මාණය කරන මිනිසා පෙර සකස් කරන ලද දත්ත සමුදායකට අනුව හැසිරීම් මෙහිදී සිදුවෙයි.
කෘතිම බුද්ධිය කියන එක ගොඩක් අය හිතන්නේ අලුතින් ආපු දෙයක් කියලා. හැබැයි ඒක එහෙම දෙයක් නෙවෙයි . ලෝකයට පරිගණකය හඳුන්වා දීපු මුල් කාලයේ තමයි පරිගණක විද්යාඥයින් මේ සංකල්පය අරන් එන්නෙ. 1948 දී නිර්මාණය කරන ලද The perceptron කියන AI මොඩල් එක තමයි. (මූලික මට්ටමේ) .
කෘතිම බුද්ධියේ පියා ලෙස හඳුන්වන්නේ කැනේඩියානු පරිගණක විද්යාඥයෙක් වන Geoffrey Hinton මහතාය. ( දැන් තියන තත්වය මීට වඩා වෙනස්)
කෘතිම බුද්ධිය දිනෙන් දින වර්ධනය වී අද වන විට මිනිසුන්ට ගැටළු ඇති වන විට අපේක්ෂා කිරීමට හෝ එහිදී එම ගැටළු සමග කටයුතු කිරීමට බොහෝ උපකාරී වේ. එසේම බුද්ධිමත් ආකාරයෙන් කටයුතු කිරීමටට උත්සාහ දරයි. කෘතිම බුද්ධිය කියන දේ යන්ත්ර ඉගෙනීම් සහ දත්ත විශ්ලේෂණය සමග සිදුකරන දෙයක්. ප්රායෝගික ගැටළුවකට අදාළ ඕනෑම දෙයක් AI තාක්ෂණය මගින් සොයා දෙන්න පුළුවන්. බොහෝ විට තීරණ ගැනීමට ඇති හැකියාව මේ කෘතිම බුද්ධිය සතු වේ. AI තාක්ෂණය තීරණ ගැනීමේදී හා විශ්ලේෂණය කිරිම ඉතාම හොඳ මට්ටමක බලාගන්න පුළුවන්. කෘතිම බුද්ධියේ ඇල්ගොරිතම සැලසුම් කර තිබෙන්නේ තීරණ ගැනීම් සඳහාය. තත්ය කාලීන දත්තයන් උපයෝගී කරගෙන මේ තීරණ ගැනීම විශ්ලේෂණය සිදු කරනු ලබයි.
AI තාක්ෂණයේ ගොඩක් ප්රතිඵල අපි මේ වෙද්දී අත්විදිනවා වගේම ලංකාව මෙන්ම ලෝකය අතර කතාබහට ලක් වෙනවා. නොබෝ කලක් යන්නට මත්තෙන් සෑම අංශයක් කෙරෙහිම බලපෑම් කිරිමට මේ කෘතිම බුද්ධිය උපයෝගී වන බව නොරහසකි .
තාක්ෂණය නිර්මාණය කරන්නේ මිනිසා, උපදෙස් දිලා තියෙන්නේ මිනිසා, ඉස්සර තිබුණු AI තාක්ෂණය අත දරුවෙක් හා සමානයි. ඒ අතදරුවා දැන් ටික ටික ලොකු වෙනවා. අතදරුවා අවධියේ ඉදන් ඉගෙනගත්ත දේවල් උපයෝගී කරගෙන, අවබෝධ කරගෙන, හරි වැරදි ඉගෙනගෙන , වැරදි තියනවා නම් එවා හදාගෙන තව දේවල් ඉගෙනගෙන,ටික ටික තමන්ගේ දැනුම වැඩිකරගෙන දැන් ඉන්න තත්වෙට ඇවිල්ලා තියනවා . ඕනම දෙයක් කිව්ව සැනින් අපිට තත්පර ගානක් ඇතුලත හොයලා දෙන්නේ මෙන්න මේ හේතුව නිසා.
