26/04/2026
දහසක් පිරිමි
ආවද නුඹ පස පස්සේ
එකම එක හිතක
ආදරයේ සුව විඳිමින්...
නුඹ ආදරේ කරන
පිරිමියාට පමණක්
හිමි වූ ඒ සොඳුරු
ආඩම්බරකාරිය වන්න!
කුසින් නොවැදුවත්
දරු දුක හඳුනන
මව්වත් සෙනෙහසින්
හදවත පුරවා ගත්...
කරුණාවන්ත හිතක්
දෑතට ශක්තියක් ගත්
ගුණවත් හදකින් යුත්
ආඩම්බරකාරිය වන්න!
කාගෙන්වත් නොයැපී
තමන්ගේම පයින් හිඳ
ගෞරවනීය ලෙස
ලොව අභියස නැගී සිටින...
ස්වාධීනත්වය රැකගෙන
තමන්ගේම නමක් ලියූ
ශක්තිමත් හිතක් ඇති
ආඩම්බරකාරිය වන්න!
ඇඳුමෙන්, පැළඳුමෙන්
මෙන්ම ගුණ හැදියාවෙන්
චරිතය රැකගන්නා
පිරිසිදු මැණිකක් ලෙස...
දෙමාපිය, දරුවනට
ගෞරවයක් ගෙන දෙන
සමාජයට ආදර්ශවත්
ආඩම්බරකාරිය වන්න!
තමන්ගේම මුදලින්
නිවසක් සහ වාහනයක්
අභිමානයෙන් යුතුව
මහන්සියෙන් තනා ගත්...
හොඳ අධ්යාපනයෙන්
දරුවනට දැනුම දෙන
නැණවත් මවක් ලෙස
ආඩම්බරකාරිය වන්න!
මේ හැමදේම
වෙන අය වෙනුවෙන් නොව
තමන්ගේම සතුට
සහ අභිමානය වෙනුවෙන්...
කරන්නට හැකි වන
අසිරිමත් මිනිසත් බවේ
නියම අරුත දන්නා
ආඩම්බරකාරිය වන්න!
Rehani Shehansa
