07/04/2025
පිළිකාවක් හැදිලා ඇඟ පුරා පැතිරෙන්න කලින් දැනගන්න තියෙනව නම්..
අද ඔන්න පොඩ්ඩක් ඒ ගැන යමක් ලියන්න හිතුනා.
පිළිකාවක අවුල තියෙන්නෙම එක තැනකට වෙලා තියෙන්නේ නැතුව ඇගපුරා පැතිරෙන එක සහ පිළිකාව මුල් අවදියේම හදුනාගන්න බැරිකම කියලා මම කලින් පෝස්ට් එකෙන් ලිව්වනේ.
පිළිකාව සුව කරන්න බැරි හෝ අමාරු වෙන්නෙ මෙන්න මේ හේතුව නිසාමයි.
පිළිකාව හටගන්න මුල් අවස්ථාවේදිම ඒක අපට හදුනාගෙන ප්රතිකාර කරන්න පුලුවන් නම් 80- 90% පිළිකා ගොඩ දාගන්න පුලුවන්.
ඉතින් පිළිකාවක් මුල් අවදියේදිම හදුනාගන්න පුලුවන් වෙන්නේ කොහොමද ?
එක ක්රමයක් තමයි අවුරුද්දකට වතාවක්වත් පූර්ණ ශරීර පරික්ෂාවක් එහෙම නැත්නම් full body checkup එකක් කරගන්න එක.එතනින් ගොඩක් දුරට මේ වගේ අවදානමක් තියෙනවා නම් කලින්ම අල්ලාගන්න පුලුවන් වෙනවා.
හැබැයි ඉතින් අපි වගේ රටක මිනිස්සුන්ට අවුරුද්දකට වතාවක් තියා අවුරුදු පහකට වතාවක්වත් ෆුල් බොඩි චෙකප් එකක් කරගන්න හැකියාවක් නෑනේ.ඒ නිසා ඔය ආකාරයෙන් කැන්සර් එකක් හොයාගන්න පුලුවන් වෙන්නේ හරිම සුලු පිරිසකට තමයි.
කොහොම වුනත් පවුලේ කාට හරි කැන්සර් එකක් එහෙම තිබුන කෙනෙක් නම් මේ වගේ ෆුල් බොඩි චෙකප් එකක් කරගන්න පුලුවන් නම් වඩා වටිනවා.
ඔය ක්රමය විතරද තියෙන්නේ ?
නෑ..ඒ තරම් නිරවද්ය ක්රමයක් නොවුනත් තව විදියක් තියෙනවා.ඒ තමයි කැන්සර් එක්ක එන රෝග ලක්ෂණ ගැන හොද අවබෝධයකින් ඉදලා එහෙම දෙයක් දැනුන ගමන්ම වෛද්යවරයෙක් හමුවෙන එක.
පහලින් මම කෙටියෙන් කියන්නම් එහෙම එන රෝග ලක්ෂණ ගැන.
✅පෙනහලු පිළිකා
- දීර්ඝ කාලයක් පවතින කැස්ස
- සෙම සමග රුධිරය පිටවීම
- හුස්ම ගැනීමේ අපහසුව
- ඇග කෙට්ටු වීම / කෑම අරුචිය
- නිතර පවතින උණ ගතිය
- දුම්පානය කිරීම
✅ආහාර මාර්ගයේ පිළිකා
- කෑම අරුචිය
- ඇග කෙට්ටු වීම
- ගුද මාර්ගයෙන් රුධිරය පිටවීම
- ගුද මාර්ගයේ ඇතිවෙන ගෙඩි
- බඩේ කැක්කුම / බඩ පිපුම
✅මොළයේ පිළිකා
- අධික හිසරදය
- නිතර සෑදෙන ක්ලාන්ත ගතිය
- ෆිට් එක සෑදිම
- ඇස් නොපෙනි යාම / කන් නොඇසී යාම ( සමහර විට අඩුවයසින් සහ ඉතා ඉක්මනින් )
✅අස්ථි පිළිකා
- අස්ථි ආශ්රිතව සෑදෙන ගෙඩි / ඉදිමීම
- අත පය කැක්කුම ( මෙය දරාගත නොහැකි තරම් )
- නිතර අස්ථි බිදීම් ඇතිවීම
✅පියයුරු පිළිකා
- පියයුරු ආශ්රිත ගෙඩි ඇතිවීම
- පියයුරු වල සමෙහි වෙනස්කම් ඇතිවීම
- තනපුඩුවේ ඇතිවෙන වෙනස්කම්
- රුධිරය හෝ ස්රාව පිටවීම
✅ලිංගික පද්ධතිය ආශ්රිත පිළිකා
- යෝනි මාර්ගයෙන් අසාමාන්ය ලෙස රුධිරය පිටවීම
- බඩේ කැක්කුම
- ලිංගික එකතුවීමේදි ඇතිවන කැක්කුම
✅තයිරොයිඩ් ග්රන්ථ ආශ්රිත පිළිකා
- බෙල්ලේ ඇතිවන ගෙඩි
✅ලේ පිළිකා
- කුද්දෙටි ඉදිමීම
- නිතර ඇතිවන උණ
- රක්තහීනතාවය
- අසාමාන්ය ලෙස රුධිර වහනය
- ඇග මහන්සි ගතිය
විශේෂයෙන්
❎අසාමාන්ය විදියට ඇග කෙට්ටු වෙන එක
❎කෑම අරුචිය
❎කුද්දෙටි මතුවීම
❎නිතර ඇතිවන දිගුකාලයක් පවතින් මද උණ ගතිය
වගේ රෝග ලක්ෂණ දිහා ටිකක් සැකයෙන් බලන එක වඩා හොදයි...
ඉතින් මේ වගේ රෝග ලක්ෂණ තමයි ඒ ඒ පිළිකා වලට මුලින්ම එන්න පුලුවන්.හැබැයි මේක 100% හරි නෑ.මොකද හැමෝටම එක විදියට වෙන්නේ නෑ.
අනික් වැදගත්ම දේ වෙනත් සුලු රෝග වලටත් එන රෝග ලක්ෂණ මෙතන තියෙනවා.ඉතින් මෙතන තියන රෝග ලක්ෂණයක් ආපු ගමන් හිතන්න එපා අනේ මට කැන්සර් එකක් කියලා...
පිළිකාවක් වෙන්න නම් මේ රෝග ලක්ෂණ බොහෝ විට සති දෙකකට තුනකට වඩා තියෙන බෙහෙත් ගත්තට ගත්තට හොද වෙන්නේ නැති රෝග ලක්ෂණයක් වෙන්න ඕන.
හිතලා බලන්න මෙහෙම දේවල් ඔබට තියෙනවද කියලා.එහෙම දැනෙනවා නම් ඩොක්ටර් කෙනෙක් ගාවට ගිහින් අද හෙටම පරික්ෂාවක් කරගන්න...
ඊලග්ට අපි මේ පිළිකා එකින් එක ගැන සවිස්තරාත්මකව කතා කරමු.
උපුටා ගැනීමකි.
