30/09/2026
තිරසර අනාගතයක් වෙනුවෙන් තවත් සාර්ථක පියවරක්…
පෑන් ඒෂියා බැංකුව, Our Movement of Lanka (OML) සමඟ එක්ව ක්‍රියාත්මක කරන “තිරසර කෘෂිකාර්මික ණය ලබා දීමේ වැඩසටහන 2026 – සූර්ය බලශක්ති ජල පොම්ප ව්‍යාපෘතිය” යටතේ විශේෂ වැඩසටහනක් පසුගියදා අනුරාධපුර, ගලෙන්බිඳුණුවැව ප්‍රදේශයේදී පැවැත්විණි. මෙම ව්‍යාපෘතිය හරහා උතුරු මැද පළාතේ ගොවීන්ට සූර්ය බලශක්තියෙන් ක්‍රියාත්මක වන ජල පොම්ප සඳහා තිරසර මූල්‍ය විසඳුම් ලබාදෙමින් ඔවුන්ගේ කෘෂි ව්‍යාපාර ශක්තිමත් කිරීමට සහාය ලබාදෙයි.
ඉන්ධන මත යැපීම සහ වාරි වියදම් අවම කරමින් කාර්යක්ෂමතාව ඉහළ නැංවීමට මෙම ව්‍යාපෘතිය ගොවීන්ට අවස්ථාව සලසා දෙයි. මෙම වැඩසටහන හරහා, තිරසර කෘෂිකාර්මික සංවර්ධනයට සහ දිගුකාලීන ආර්ථික වර්ධනයට දායක වන නව්‍ය මූල්‍ය විසඳුම් තුළින් ගොවි ප්‍රජාව සවිබල ගැන්වීමට පෑන් ඒෂියා බැංකුව අඛණ්ඩව කැපවී සිටියි.
