01/02/2022
පුනරාවර්තනය (repetition): අපගේ සාමාන්ය එදිනෙදා ජීවිතයට බාධාව පැමිණෙන්නේ බාහිරින් නොව, නැවත නැවතත් අප තුලින්මයි.
***********************************************
සූ(Sue) යනු සැටර්ඩේ නයිට් ලයිව් (SNL) නම් කොමඩි ටීවී සීරීස් චරිතවලින් තවත් එක් චරිතයකි. සූගේ චරිතය සැම විටම සිදුවීම නියමිත පුදුම කිරීමක් (surprise announcement) සහිත ආඛ්යානයක් තුළ නිර්මාණය වූවකි.
මෙම විශේෂිත සිදුවීමේදී, ප්ලේ ස්කූල් කෝපරේට් සේවකයින් තම සහයිකාවක්හට උසස්වීමක පුවත දන්වමින් ඇයව පුදුම කිරීමට සැලසුම් කරයි. සූ මෙම පුවතින් අධික ලෙස උද්යෝගිමත් වන අතර අසාමාන්යය ලෙස හැසීරීමෙන් සැලසුම් කළ පරිදි උසස්වීමේ පුවත ලබාදීම සිදු නොවුනි.
ප්රහසනය තුල අනෙකුත් චරිත තම හැසිරීම නිසා අපහසුතාවයකට පත්වන බව ඇය දන්නාමුත් ඇයට තමාගේ පුනරාවර්තන ක්රියාවන් (repetitions) නොනවත්වා සිදුකරයි. ඇය තමාගේ හැසීරීමේ සීමාවේ "හරි" හෝ "වැරැද්ද" ලකුණු කරන්නේ සමාජ සදාචාර තාර්කිකත්වය මත පදනම්ව නොව තමාගේම ආශාව දෙසට ගමන් කරමිනි. ඇයගේ ආශාව වෙනුවෙන් ඇය කෙතරම් වේදනාවට පත්වන්නේද යන්න ඇයට අදාළ නැත.
සාම්ප්රදායික මනෝ විද්යාත්මක සංකල්ප පරයා මනෝවිශ්ලේෂණ න්යායන් බිහිවන්නේ, අපගේ තාර්කිකත්වයට හෝ සවිඥානිකත්වයට හසු නොවන, මෙවැනි පෙළඹවීම් සහ හැඟීම් වලින් පාලනය වන මිනිස් විෂය (human subject) සෙවීමටය.
සිග්මන්ඩ් ෆ්රොයිඩ් (Sigmund Freud) නම් මනෝ විශ්ලේෂකයා මිනිස් අවිඥානය පුද්ගල කෙන්ද්රීය දෙයක් ලෙස හදුනාගත් අතර, පසු කලෙක කාල් යුං (Carl Jung) මිනිසාට පුද්ගලික මෙන්ම සාමුහික අවිඥානයක් පවතින බව පැවසීය.
ඉහත ආඛ්යානයේ සිදුවන පුනරාවර්තනයන්, සිග්මන්ඩ් ෆ්රොයිඩ් විසින් මරණ ආශය (Death Drive) නිසා ඇතිවන පුනරාවර්තනයන් සඳහා බල කිරීම (compulsion to repeat) දුක්ඛිත හෝ වේදනාකාරී තත්වයකට නැවත නැවතත් තමාව නිරාවරණය කිරීමට ඇති ප්රවණතාවය ලෙස දක්වයි.
කෙසේවුවද මිනිසා හැර වෙනත් සත්වයින්ට මෙවැනි මරණ ආශයක් නැතිබව පැහදිලිය. ජැක් ලැකාන් (Jacques Lacan) නම් මනෝ විශ්ලේෂකයා පවසන්නේ මිනිස් විෂය බිහිවන්නේ ස්වභාවික ලෝකයක නොව භාෂාමය ලෝකයක තුල සිදුවන අසමත්වීම/ඛන්ඩනය හේතුවෙන් බවය.
ලැකාන්ට අනුව පුනරාවර්තනය යනු " අක්ෂරයෙහි අවධාරනය" (l'instance de la Lettre) එනම්, විෂය විසින් මර්දනය කිරීමට දරණ උත්සාහයන් නොතකා ඇතැම් හැඟවුම්කාරක හෝ අකුරු අනිවාර්යයෙන් පුනරුච්චාරණය කිරීමයි.
එනම්, පුනරාවර්තනයන් අපගේ සංකේත ලෝකය සම්බන්ධ ගැටළුවක් බැවින් එහි මූලය සොයා ගැනීමට හැකිවන්නේද ඒ තුළමය.
සමබිම පක්ෂයේ යමුනා සහෝදරිය විසින්,
https://www.youtube.com/watch?v=MZVvyTrnvBw&t=4s
https://youtu.be/MZVvyTrnvBw
Subscribe to SaturdayNightLive: http://j.mp/1bjU39dSEASON 37: http://j.mp/1bH9t7RPopular Clips: http://j.mp/1fxpoC3Business Parodies: http://j.mp/1ahC6YQOffi...
