04/02/2026
රුලං අලුවා❤️
රුලං: 250g
සීනි: 250g (පැණි රස අනුව අඩු වැඩි කරගත හැක)
උකු පොල් කිරි හෝ වතුර: කෝප්ප 1ක්
එනසාල් කුඩු: තේ හැඳි 1/2ක්
කජු: (කැබලි කරගත්) අවශ්ය ප්රමාණයට
බටර් හෝ ගිතෙල්: මේස හැඳි 1ක් (අත්යවශ්ය නැත, නමුත් රසය වැඩි කරයි)
ලුණු:
හදමු එහෙනම්👋👍
මුලින්ම භාජනයක් ලිප තබා රුලං ටික දමා මඳ ගින්නේ රන්වන් පැහැය වනතෙක් බැදගන්න. රුලං ටික කර නොවීමට වගබලා ගන්න. බැදගත් පසු එය වෙනත් භාජනයකට මාරු කරන්න.😊
බඳුනකට සීනි සහ පොල් කිරි (හෝ වතුර) දමා ලිප තබන්න. සීනි දියවී මිශ්රණය උකු වී, බුබුළු දමමින් ඇලෙන සුළු නූල් පදමට එනතෙක් මඳ ගින්නේ හැඳි ගාන්න.😌
සීනි පැණිය පදමට ආ පසු, එයට ලුණු, එනසාල් කුඩු සහ කජු එකතු කරන්න. දැන් ලිපේ ගින්දර ඉතාම අඩු කර, බැදගත් රුලං ටික ටික එකතු කරමින් වේගයෙන් හැඳි ගාන්න. (මිශ්රණය භාජනයෙන් ගැලවී එක ගුලියකට එන පදම එනතෙක් කලවම් කරන්න).🤪
අලුවා මිශ්රණය නිවෙන්නට පෙර, බටර් හෝ රුලං පිටි ස්වල්පයක් තැවරූ තැටියකට දමා සමතලා කරන්න. මතුපිට සිනිඳු කරගැනීමට හැන්දක් හෝ පිරිසිදු කොළයක් භාවිතා කළ හැකියි.😘
මිශ්රණය තරමක් නිවුණු පසු (නමුත් තද වීමට පෙර) කැමති හැඩයකට කැබලි කපා ගන්න. හොඳින් නිවුණු පසු අලුවා කැබලි වෙන් කරගන්න.😍
📝boom & batter
