30/01/2026
දැන් එක වසරට ආවේ 2020 ඉපදුන ළමයි 🙂
කාලේ හෙන ඉක්මණට ගිහින් බන්,
කුරුම්බැට්ටි මැෂිමකට ෆැෂන් කොලයක් දාලා මහපු ඇදුම්,කොස්කොළ තොප්පි. වැස්සට යවපු බෝට්ටු, Cr පොතෙන් හදපු ජෙට් ,රොකට්.
යාලුවෝ එකක පොඩි මුට්ටි වල සෙල්ලම් බත් උයපු,
තව අර පොඩි කාර් වලින් රේස් තියලා, උණබට තුවක්කුවෙන් වෙඩි තියාගත්තු,
හැංගිමුත්තු, හොදම බට්ටා හොයන් බට්ට පැනපු, ගුටි පන්දු ,යාලුවෝ එක්ක ගහපු Cricket අතවල්.
හවසට කිරි එකයි ගොල්ඩ් මාරි බිස්කට් එකක් එක්ක පොගවන් කිරි බීලා ස්කුබිඩූ,පින්ක්පැන්තර් බෙන් ටෙන් බලපු.
අගෝස්තු මාසේ හොයපු
හොදට බොක්ක තියන කිතුල් පිත්ත.
බදාදා රෑට බලපු අටපට්ටම ,කෝපි කඩේ
මේවා දැන් යන්නෙත් නෑ බන්.
ආදරේ ගැන නොතේරුණත් ටයිටැනික් එකේ රෝස් ජැක් නැවෙන් බැස්සම බදියි කියපු දවස්.
හවස 6 ගිය " ඉසිවර වෙදදුරු ,මායවරුන්ගේ ලෝකේ ජීව මුතු ටික , ඔෂින් , සුජාත දියණි"
මල්ලිනි පොලු කඩන් රගපාපු සත්ය ගවේශක.
නිවාඩු මාසේ සිරසෙන් දුන්න කාටුන් 🥺
Harry porter 🙂
ඒ ප්රශ්න වලට උත්තර දීලා මගේ නමත් වැටෙනකන් ආසාවෙන් බලන් හිටපු දවස්.
Newdale යෝගට් එකේ පියන් වල අකුරු එකතු කරලා ගන්න ඉදපු බයිසිකලේ
තරගේට ගත්ත Day card
එකතු කරපු මුද්දර පොත් , කුරුළු පියාපත්.
ස්කෝලේ යාලුවෝ එක්ක හෝරාට කරපු කාසි භූතයා, ටිචර්ස්ලාට හොරෙන් කියපු සිංදු.
අච්චු පොත් වල සමහර පාඩම්, ඒ කවි
ඒ කාලේ ආපු සිංදු..
T.v එක ඉස්සරහා කුමාර සංගක්කාරලා ගහපු හයේ පාරවල්.
අපි අදටත් try කරනවා.
අවුරුද්ද ,නත්තලට, අගෝස්තු මාසේට දින ගැනපු අපි.
වෙසක් කාලේට යාලුවාගේ නමට යැව්ව සුබ පැතුම් පත.❤
ස්ටේපර් ගහලා දෙසැම්බර් මාසේ පිටකවර දාපු අලුත් පොත්.
නටරාජා කවකටු පෙට්ටිය.
ස්කෝලේ Trip එක ඒ sport meet එක
ඒ කාලේ ground එකේමයි අපි.
අපේ නිවාසේ දිනන්න කාපු කට්ට..
නෙක්ටා බෝතලයක් බීලා රතු කරගත්ත දිවවල්. වැම්ප් බෝතලේ රස 😌
2අයිස් පැකට්
රුපියල් පහේ තෑගි ටොපිය.🙂
"පිච්ච කැකුලු මල්මාලය කොන්ඩේ පලන්දා සුවදට වැල්ල දිගේ කෝවිල් ගිය.. තංගමනී නංගියේ."
බලපන් අදටත් ඒ තාලේට උඹ ඒක කිව්ව අපුරූව.
ඉරෙන් හදෙන් සිංදු , රන් කෙවිට
නිල් දාලා හෝදපු uniform එක,
Salon එකේ අයියා ආයේ උඹව ලෑල්ලක් උඩ තියලා කොන්ඩේ කපන එකක් නෑ බන්.🥺
මේවා අද ඊයේ උනාට දැන් හෙන පරණයි බන්.
බලහන් 13 පංතියෙන් පස්සේ ගලවපු uniform එක දැන් හෙන පරණයි, අපි දැන් නොකියම කාලේ එක්ක වයසට ගිහින් බන්
මොනා නැතත් අපිට ඒ කාලේ ලස්සන ළමා කාලයක් තිබ්බා අපේ දෙමාපියොන්ට අපිට වඩා ලස්සන ළමා කාලයක් තිබ්බා.
හැබැයි දුකයි දැන් කාලේ ළමයි මේවා ලොකුවට විදින්නේ නෑ
එක වසරෙ ඉදන් සමහරු පංති වල,
රන් කෙවිට Film එකේ ගොපුලු යකාව දැක්කොත් කියයි " අපෝ මේක AI නේ කියලා."😂
අපිට මොනා නැතත් රසාස්වාදයක් තිබ්බා, අපි වින්දා ඒ කාලේ සමහර දෙවල්.
කාලෙත් එක්ක අපි හැමෝම වයසට ගියත් ඒ මතක තවම හදවතේ තියෙනවා.
ඒ කාලේ එකට හිටපු හැම එකාටම හරියන්න ඕනේ. මේක කියවද්දි දැනෙයි, සමහර විට මැවෙයි ඒ කාලේ.
සතුටු වෙයන් අද උඹ මම අපි හොද තැන්වල.
"මචං අපිට ආයේ දවසක සෙල්ලම් කරන්න , නටන්න , සිංදු කියන්න බැරි වෙයි හැබැයි මේවා මතක් කරන් පොඩි කයියක් දාමු!"
✍️කොළඹ අපි
( කොළඹ කැම්පස් එකේ ඉදන් ගෙදර යන ගමන් Thurstan එකට අලුතින් ආව එක වසරට ළමයා එක්ක ආව දෙමාපියෝ .)
2026/01/29
