29/10/2025
ສິ່ງໝຶ່ງທີ່ໄດ້ຮຽນຮູ້ຈາກການສູນເສຍຄື
ສັບພະສິ່ງທັງຫຼາຍ ບໍ່ມີຫຍັງທ່ຽງແທ້ ແນ່ນອນ
ໃນວັນຂ້າງໜ້າຖ້າເຮົາຕ້ອງພົບກັບການປ່ຽນແປງ ຈົ່ງຈຳຄຳນີ້ໄວ້
ຮັກກໍປ່ຽນເປັນສັງໄດ້,ສັງກໍປ່ຽນເປັນຮັກໄດ້...
ຄົນເຮົາທຸກຄົນປ່ຽນແປງຢູ່ຕະຫຼອດເວລາ
ແມ້ແຕ່ໂຕເຮົາເອງ ກໍປ່ຽນແປງຢູ່ສະເໝີ
ວັນນີ້ມີຄວາມສຸກ ມື້ອື່ນກໍອາດມີຄວາມທຸກ
ວັນນີ້ມີຄວາມທຸກ ມື້ອື່ນກໍອາດມີຄວາມສຸກ
ມື້ນີ້ຍີ້ມ ມື້ອື່ນກໍອາດຮ້ອງໃຫ້ ແລະ ໂສກເສົ້່າ
ທຸກຢ່າງເກີດຂື້ນຍ້ອນມີສາເຫດແລະ ປັດໃຈ
ຕົ້ນໄມ້ບໍ່ອາດໃຫຍ່ ແລະ ເຕີບໂຕໄດ້
ຖ້າບໍ່ມີປັດໃຈນໍ້າ ແລະ ແສງອາທິດ
ຄົນເຮົາບໍ່ອາດຕາຍໄດ້ ຖ້າບໍ່ມີປັດໃຈການເກີດ
ຖ້າມີເກີດອີກ1000ຄັ້ງ ກໍຕາຍ1000ຄັ້ງ
ສັບພະສິງທັງຫລາຍ
ເຄື່ອນທີ່ ແລະ ປ່ຽນແປງຢູ່ສະເໝີ
ເມື່ອເຮົາມີ ສະຕິ ແລະ ພະຍາຍາມມອງເຫັນເຖິງການປ່ຽນແປງນີ້
ເຮົາຈະຄ່ອຍໆເຂົ້າໃຈ ແລະ ຫຼຸດຜອນອັດຕາຄວາມມີຕົວຕົນໃນຕົວເອງລົງ
ບໍ່ຖືເຂົາ ບໍ່ຖືເຮົາ
ເພາະເຮົາທຸກຄົນບໍ່ໄດ້ຕ່າງກັນ
ເມື່ອເກີດຈາກດີນກໍກັບຄືນສູ່ດີນ
ເມື່ອເກີດຈາກທາດທັງສີ່ກໍດັບໄປດ້ວຍທາດທັງສີ່
ຄົນເຮົາທຸກຄົນມີດີ ແລະ ມີຊົ່ວໃນຕົວເອງ
ມີຮັກ,ໂລບ,ໂກດ,ຫຼົງ,ອິດສາ,ຫຶງຫ່ວງ,ມີທິດຖິ
ສິ່ງເຫລົ່ານີ້ ຖືກຊ້ອນໄວ້ຂ້າງໃນຂອງແຕ່ລະຄົນ
ເພາະລອງມອງເຂົ້າໄປຂ້າງໃນຂອງຕົນເອງຈຶ່ງຮູ້ວ່າ
ມີສິ່ງເຫລົ່ານີ້ຢູ່
ສິ່ງສຳຄັນກໍຄື ການເຝີກມີສະຕິ ກັບການປ່ຽນແປງ
ຖ້າບໍ່ເຂົ້າໃຈທຸກ ເຮົາກໍຈະຍັງມີທຸກຢູ່ຕະຫຼອດໄປ
ຈົ່ງມີສະຕິຢູ່ກັບລົມຫາຍທຸກອະລິຍະບົດ,ຢູ່ກັບປະຈຸບັນຢ່່າງສະຫງົບທຸກຂະນະດ້ວຍຄວາມບໍ່ປະມາດ
ຢ່າງຫນ່ອຍກໍອາດຈະຊ່ວຍເຮັດໃຫ້ເຮົາປອດໄພຈາກສິ່ງຕ່າງໆໄດ້
ແລະ ຖ້າເມື່ອສິ່ງຕ່າງໆທີ່ບໍ່ສາມາດຄວບຄຸມໄດ້ມາເຖິງ
ສິ່ງສຸດທ້າຍທີ່ເຮັດໄດ້ຄື ການພະຍາຍາຍອມຮັບຄວາມຈິງ ແລະ ປ່ອຍວາງວ່າ
ສິ່ງທັງຫຼາຍເປັນຂອງບໍ່ທ່ຽງ
ສິ່ງຕ່າງໆເກີດຂື້ນຍ້ອມມີປັດໃຈ
ດັບໄປກໍຍ້ອມມີປັດໃຈ
ຄົນເຮົາເກີດຂື້ນບົນໂລກ ກໍຍ້ອນມີປັດໃຈ
ຈັກກະວານ ດວງດາວທັງຫລາຍເກີດຂື້ນ ກໍຍ້ອນມີປັດໃຈ
ການຄົ້ນຫາຈັກກະວານ ອາດໃຊ້ເວລາເຖິງ ອັດສົງໄຄປີ
ແຕ່ການຄົ້ນຫາຄວາມຈິງ,ສັດຈະທັມໃນຕົນເອງ
ຄືຄຳຕອບການລຸດຜົ້ນ ແລະ ເປັນອິດສະຫະຈາກຄວາມທຸກທັງປວງ
ຫວັງວ່າບົດຄວາມນີ້ຈະເປັນສິ່ງທີ່ຈະຊ່ວຍເປັນປະໂຫຍດບາງຢ່າງໃຫ້ກັບທຸກຄົນ🙏🙏
