29/05/2026
M moneyX ຮ່ວມມືກັບ LOCA ເປີດຕົວການຮ່ວມມືຢ່າງເປັນທາງການ ຍົກລະດັບການເດີນທາງ ແລະ ການຊຳລະເງິນດິຈິຕອນໃນ ສປປ ລາວ
ນະຄອນຫຼວງວຽງຈັນ, ສປປ ລາວ – 29 ພຶດສະພາ 2026 — M moneyX (Lao Mobile Money Sole Company Limited) ແລະ LOCA ໄດ້ຮ່ວມລົງນາມບັນທຶກຂໍ້ຕົກລົງຄວາມຮ່ວມມື (MOU) ແລະ ເປີດໂຕການຮ່ວມມືຢ່າງເປັນທາງການ ທີ່ສຳນັກງານໃຫຍ່ Lao Telecom ເພື່ອຍົກລະດັບປະສົບການການເດີນທາງ ແລະ ການຊຳລະເງິນດິຈິຕອນໃນ ສປປ ລາວ
ພາຍໃຕ້ຄວາມຮ່ວມມືໃນຄັ້ງນີ້ ຜູ້ໃຊ້ງານສາມາດເອີ້ນ ໂລກ້າແທັກຊີ ໂດຍກົງຜ່ານແອັບ M moneyX ພ້ອມທັງຊຳລະຄ່າໂດຍສານແບບ Cashless ຜ່ານ Wallet ຂອງ M moneyX ໄດ້ຢ່າງສະດວກ ວ່ອງໄວ ປອດໄພ ແລະ ທັນສະໄໝ.
ນອກຈາກນັ້ນ ການຮ່ວມຄັ້ງນີ້ ຍັງຄອບຄຸມໄປເຖິງ ບໍລິການຕູ້ສາກລົດໄຟຟ້າ LOCA EV ທີ່ມີສະຖານີສາກຄົບທົ່ວ 18 ແຂວງ ຄອບຄຸມຫຼາຍທີ່ສຸດໃນປະເທດລາວ ໂດຍຜູ້ໃຊ້ລົດໄຟຟ້າ ທີ່ສາກລົດກັບ LOCA EV ສາມາດຊຳລະຄ່າເຕີມເງິນສາກລົດຜ່ານ M moneyX ໄດ້ທັນທີ ເພີ່ມຄວາມສະດວກໃນການໃຊ້ງານລົດໄຟຟ້າ ແລະ ສົ່ງເສີມການເຕີບໂຕຂອງລະບົບນິເວດ EV ໃນລາວ.
ຄວາມຮ່ວມມືລະຫວ່າງທັງສອງບໍລິສັດ ມີເປົ້າໝາຍເພື່ອເຊື່ອມຕໍ່ບໍລິການດ້ານການເດີນທາງ ແລະ ເຕັກໂນໂລຊີການເງິນແບບດິຈິຕອລເຂົ້ານຳກັນ ເພື່ອຍົກລະດັບຄຸນນະພາບຊີວິດຂອງຜູ້ໃຊ້ງານ ແລະ ສົ່ງເສີມສັງຄົມໄຮ້ເງິນສົດ Cashless ໃນລາວໃຫ້ເຕີບໂຕຢ່າງຕໍ່ເນື່ອງ.
ທ່ານ ອາລຸນນະເດດ ບານຈິດ ຜູ້ອຳນວຍການ ບໍລິສັດ ລາວໂມບາຍມັນນີ ຈຳກັດຜູ້ດຽວ ໄດ້ກ່າວວ່າ " ການຮ່ວມມືກັບ LOCA ຈະຕໍ່ຍອດ ແລະ ຂະຫຍາຍ Feature ບໍລິການເອີ້ນລົດ Loca Taxi ແລະ ພ້ອມທັງ Function ສຳລະສະສາງຜ່ານ App M moneyX ຂອງພວກເຮົາໂດຍການເຊື່ອງຕໍ່ກັບເຕັກໂນໂລຊີການເງິນແບບດິຈິຕອລເຂົ້ານຳກັນ ໃຫ້ກາຍເປັນສັງຄົມ Digital ຢ່າງເຕັມຮູບແບບ"
ທ່ານ ສຸລິໂຍ ວົງດາລາ ຜູ້ຮ່ວມກໍ່ຕັ້ງ ແລະ ຜູ້ບໍລິຫານ ບໍລິສັດ ໂລກ້າ ຈຳກັດ ໄດ້ກ່າວວ່າ “ການຮ່ວມມືກັບ M moneyX ໃນຄັ້ງນີ້ ເປັນອີກກ້າວສຳຄັນໃນການສ້າງລະບົບນິເວດການເດີນທາງ ທີ່ເຊື່ອມຕໍ່ກັບບໍລິການດິຈິຕອນໃຫ້ສະດວກເພີ່ມຂຶ້ນ ພວກເຮົາຕ້ອງການໃຫ້ການເດີນທາງ ການຊຳລະເງິນ ເປັນເລື່ອງທີ່ ງ່າຍ ສະດວກ ວ່ອງໄວ ແລະ ເຂົ້າເຖິງໄດ້ສຳລັບທຸກຄົນ”
ສິ່ງທີ່ຜູ້ໃຊ້ຈະໄດ້ຮັບຈາກການຮ່ວມມືນີ້ຄື ສາມາດເອີ້ນໂລກ້າແທັກຊີ ພ້ອມຊຳລະຄ່າໂດຍສານແບບດິຈິຕອລຜ່ານ M moneyX ລວມເຖິງສາມາດຊຳລະຄ່າເຕີມເງິນສາກລົດໄຟຟ້າ LOCA EV ສະດວກ ວ່ອງໄວ ປອດໄພ ແລະ ທັນສະໄໝ ໄດ້ໃນແອັບດຽວເລີຍ.
ພ້ອມກັນນີ້ ທັງສອງບໍລິສັດຍັງຈັດ ໂປຣໂມຊັນພິເສດ ສຳລັບການເປີດໂຕບໍລິການນີ້:
“ພິເສດ! ເອີ້ນໂລກ້າແທັກຊີ ຈ່າຍຜ່ານ M moneyX ຮັບຟຣີດາຕ້າ 1GB ທັນທີ!”
ທັງສອງບໍລິສັດເຊື່ອໝັ້ນວ່າ ການຮ່ວມມືໃນຄັ້ງນີ້ ຈະຊ່ວຍສົ່ງເສີມການເຕີບໂຕຂອງເສດຖະກິດດິຈິຕອລໃນລາວ ພ້ອມພັກດັນການພັດທະນາ Smart Mobility ແລະ Smart City ໃນອະນາຄົດຕໍ່ໄປ
#ເອັມມັນນີເອັກສ #ເອັມມັນນີເອັກສຊູບເປີເອັກສ
#ກະເປົາເງິນອີເລັກໂທຣນິກອັນດັບ1ຂອງປະເທດລາວ
