Aladdin Insurance Broker

14/04/2026

ສະບາຍດີປີໃໝ່
Happy Laos New Year

08/04/2026

ສະພາບອາກາດມີການປ່ຽນແປງ ປະຈຸບັນເຮົາສັງເກດເຫັນເລື່ອຍໆເຫດໄຟໄໝ້ເກີດຂຶ້ນບໍ່ວ່າຈະຢູ່ນະຄອນຫຼວງວຽງຈັນ​ກໍຄຶຕ່າງແຂວງ ດັ່ງນັ້ນເພື່ອຄວາມອຸ່ນໃຈ ແລະປ້ອງກັນໄວ້ຊັບສິນທີ່ອັນລໍາຄ່າຂອງທ່ານ ປະກັນອັກຄີໄພເປັນທາງເລຶອກທີ່ດີຂອງທ່ານ. ຫຼາຍກ່ວານັ້ນ ປະກັນອັກຄີໄພບໍ່ພຽງແຕ່ຄຸ້ມຄອງຊັບສິນຂອງທ່ານຈາກໄຟໄໝ້ ໂດຍເພີ່ມການຄຸ້ມຄອງເຊັ່ນ:
- ນໍ້າຖ້ວມ
- ຟ້າຜ່າ
- ລົມພາຍຸ
- ດິນຊຸດ ແລະດິນເຈື່ອນ
- ລະເບີດ ແລະອື່ນໆ

01/01/2026

Happy New Year 2026

02/12/2025

ຊົມເຊີຍວັນຊາດ 2 ທັນວາ ໝັ້ນຍືນ!

20/11/2025

Travel Insurance covered for:
- Death or Permanent Disablement
- Medical Expenses
- Flight Cancellation by Airline
- Lost Baggage
- Lost Personal Items
- Baggage Delay
- Hijack
- Flight Delay (6 hours or more)
- 24-Hour Domestic Travel Assistance Services

ເພື່ອເພີ່ມຄວາມໝັ້ນໃຈ ປອດໄພ ແລະ ສະບາຍໃຈໃນການເດີນໃຫ້ແກ່ທຸກທ່ານທີ່ມັກເດີນທາງ ປະກັນໄພການເດີນທາງ ເປັນທາງເລືອກທີ່ດີ ເພາະເຮົາຄຸ້ມຄອງຄວາມສ່ຽງຫຼາຍຢ່າງເຊັ່ນ:
✅ກະເປົ໋າເດີນທາງສູນເສຍ
✅ຖ່ຽວບິນລ່າຊ້າ ແລະການພາດຖ່ຽວບິນ
✅ຄ່າຢາ ແລະຄ່າປິນປົ່ວຈາກອຸບັດຕິເຫດ
✅ຄ່າຊົດເຊີຍລາຍວັນໃນລະຫວ່າງເຂົ້ານອນໂຮງໝໍ
✅ແລະຜົນປະໂຫຍດອຶ່ນໆ

10/07/2025

ເນື່ອງໃນໂອກາດ ວັນບຸນເຂົ້າພັນສານີ້ ນາຍໜ້າປະກັນໄພ ອາລາດິນ ຂໍອວຍພອນ ໃຫ້ທ່ານຈົ່ງມີແຕ່ສຸກ ແລະ ຄວາມຈະເລີນຮຸ່ງເຮືອງຕະຫຼອດໄປ.
On the occasion of Buddhist Lent, AIB wishes for your enduring happiness and prosperity forever

22/06/2025

ທ່ານຮູ້ບໍ່ປະກັນໄພລົດມີຈັກປະເພດ ແລະ ຄວນເລືອກຊື້ປະກັນໄພລົດແບບໃດຈຶ່ງຈະເໝາະສົມກັບຄວາມຕ້ອງການຂອງເຮົາ? ເພາະປະກັນໄພລົດມີຫຼາຍທາງເລືອກ ເຮົາຈະມາແນະນຳ ແລະ ອະທິບາຍແຕ່ລະທາງເລືອກໃຫ້ເຫັນເຖິງຄວາມແຕກຕ່າງດັ່ງນີ້:​
1.ປະກັນໄພແບບບັງຄັບ (ບຸກຄົນທີ 3) ​
ປະກັນໄພລົດແບບບັງຄັບແມ່ນປະກັນໄພທີ່ລົດທຸກຄັນຕ້ອງມີ ອີງຕາມກົດໝາຍ ຍານພາຫະນະທຸກຄັນທີ່ນຳໃຊ້ເທິງທ້ອງຖະໜົນຂອງ ສປປ ລາວ ຕ້ອງໄດ້ມີປະກັນໄພ ເພື່ອຄຸ້ມຄອງອຸປະຕິເຫດເທິງທ້ອງຖະໜົນ. ເຊິ່ງຈະເປັນປະກັນໄພທີ່ລາຄາຕ່ຳ ເພາະຄຸ້ມຄອງແຕ່ຄູ່ກໍລະນີ ແຕ່ລົດຂອງຜູ້ທີ່ຊື້ປະກັນໄພຖ້າຫາກເປ່ເພແມ່ນຕ້ອງໄດ້ສ້ອມແປງເອງ ຫຼື ທີ່ເຮົາອາດຈະເຄີຍໄດ້ຍິນໃນພາສາປະກັນໄພວ່າ "ປະກັນໄພບຸກຄົນທີ 3" ເຊິ່ງຄຳວ່າບຸກຄົນທີ 3 ໝາຍເຖິງຄູ່ກໍລະນີທີ່ເຮົາໄປຕຳ.​
2.ປະກັນໄພລົດແບບຮອບດ້ານ (ປະກັນໄພຊັ້ນ 1)​
ປະກັນໄພລົດແບບຮອບດ້ານ ຫຼື ເອີ້ນອີກຢ່າງໜຶ່ງວ່າ "ປະກັນໄພຊັ້ນ 1" ແມ່ນການຄຸ້ມຄອງເພີ່ມເຕີມໃຫ້ກັບລົົດຂອງທ່ານ ໂດຍຈະຄຸ້ມຄອງຄວາມເສຍຫາຍທີ່ເກີດຂຶ້ນຍ້ອນອຸປະຕິເຫດຈາກການຕຳທີ່ມີຄູ່ກໍລະນີ ຫຼື ການຕຳທີ່ບໍ່ມີຄູ່ກໍລະນີກໍຄຸ້ມຄອງ ຕົວຢ່າງເຊັ່ນ: ການຖອຍລົດໄປຂູດປະຕູ, ການຂີ່ໄປຕຳເສົາໄຟເປັນຕົ້ນ. ປະກັນໄພປະເພດນີ້ຈະຄຸ້ມຄອງທັງລົດຂອງເຮົາ ແລະ ລົດຂອງຄູ່ກໍລະນີທີ່ເຮົາໄປຕຳນຳ ຊຶ່ງລາຄາປະກັນໄພກໍຈະຄິດໄລ່ຕາມມູນຄ່າລົດທີ່ເຮົາຊື້ ແລະ ລາຄາປະກັນໄພຈະແພງກວ່າທາງເລືອກອື່ນ ແຕ່ການຄຸ້ມກັນກໍຄຸ້ມຄ່າກວ່າເຊັ່ນດຽວກັນ.​
3.ປະກັນໄພລົດແບບແພັກເກັດ​
ປະກັນໄພແບບແພັກເກັດ ເປັນປະກັນໄພທີ່ລວມເອົາປະກັນໄພແບບສະໝັກໃຈ ແລະ ປະກັນໄພແບບບັງຄັບ ລວມເຂົ້າກັນໃຫ້ເປັນທາງເລືອກແກ່ລູກຄ້າ ເພາະມີວົງເງິນຄຸ້ມກັນທີບໍ່ສູງຫຼາຍ ແລະ ລາຄາປະກັນໄພກໍຈະບໍ່ສູງເຊັ່ນກັນ, ເຊິ່ງຈະຄຸ້ມຄອງລົດຂອງເຮົາ ແລະ ລົດຂອງຄູ່ກໍລະນີນຳ ໂດຍບາງແພັກເກັດຈະຄຸ້ມຄອງທັງກໍລະນີທີ່ໄປຕຳຄົນ ແລະ ສັດ ຫຼື ໄປຕຳສິ່ງຂອງກໍຄຸ້ມກັນເຊັ່ນກັນຕາມຄວາມຄຸ້ມຄອງທີ່ລູກຄ້າເລືອກຊື້.​

11/06/2025

ການກວດເຊັກລົດກ່ອນອອກເດີນທາງໄກ ຈະຊ່ວຍໃຫ້ທ່ານປອດໄພຫຼາຍຂຶ້ນ. ລອງກວດເຊັກ 8 ຈຸດທີ່ສຳຄັນລູ່ມນີ້ ເພື່ອໃຫ້ທ່ານອຸ່ນໃຈເວລາອອກເດີນທາງ.

ຈຸດທີ່ 1 ກວດສອບໝໍ້ໄຟລົດ
ຫົວໃຈ​ຫຼັກ​ຂອງ​ການ​ສະ​ຕາດ​ເຄື່ອງ​ຈັກ​ແມ່ນ​ໝໍ້ໄຟລົດ ກວດ​ສອບ​ສະ​ພາບ​ຂອງ​ໝໍ້ໄຟວ່າ​ຢູ່​ໃນ​ສະ​ພາບ​ທີ່​ສົມ​ບູນ​ຫຼື​ບໍ່ ເຊັ່ນ: ໝັ່ນ​ກວດ​ສອບ​ທຳ​ຄວາມ​ສະ​ອາດ​ຄາບ​ຂີ້​ເກືອ​ທີ່​ຂົ້ວ​ແບັດ ກວດ​ສອບ​ລະ​ດັບ​ນ້ຳ​ກັ່ນ​ໃຫ້​ຢູ່​ໃນ​ລະ​ດັບ​ທີ່​ກຳ​ນົດ, ກວດ​ສອບ​ຄວາມ​ແໜ້ນ​ຂອງ​ຂົ້ວ​ແບັດ ແລະ​ ສະນວນຫຸ້ມ​ສາຍ.

ຈຸດທີ່ 2 ກວດສອບລໍ້ລົດ ແລະ ຢາງລົດ
ເປັນ​ອີກ​ຈຸດ​ທີ່​ສຳ​ຄັນ​ຫຼາຍ ເພາະ​ອຸ​ບັດ​ຕິ​ເຫດ​ສ່ວນ​ໜຶ່ງ​ເທິງ​ທ້ອງ​ຖະ​ໜົນ​ເກີດ​ຈາກ​ຢາງ​ແຕກ​ໃນ​ຂະ​ນະ​ຂັບ​ຂີ່ ດັ່ງ​ນັ້ນ​ຢາງ​ລົດທີ່​ດີ​ຕ້ອງ​ຢູ່​ໃນ​ສະ​ພາບ​ທີ່​ພ້ອມ​ໃຊ້​ງານຄື ບໍ່​ຮົ່ວ, ບໍ່​ຊຶມ, ບໍ່​ແຕກ​ລາຍ​, ມີ​ດອກ​ຢາງ​ພຽງ​ພໍ ແລະ ຄວນເຕີມ​ລົມ​ຢາງ​ຕາມ​ທີ່​ຄູ່​ມື​ປະ​ຈຳ​ລົດ​ກຳ​ນົດ ສ່ວນ​ລໍ້​ກໍ​ຄວນ​ຢູ່​ໃນ​ສະ​ພາບ​ທີ່​ສົມ​ບູນ ບໍ່​ຄົດບໍ່​ບ້ຽວ ແລະ​ ທີ່​ສຳ​ຄັນຢ່າ​ລືມ​ກວດ​ສອບ​ນ໋ອດ​ລໍ້ລົດ​ນໍາ​ວ່າ​ຫັນ​ແໜ້ນ​ຫຼື​ບໍ່.

ຈຸດທີ່ 3 ກວດສອບຊ່ວງລ່າງລົດ
ກວດ​ສອບ​ດ້ວຍ​ການ​ລອງ​ຂັບ​ເທິງ​ທ້ອງຖະ​ໜົນທາງຊື່ ໂດຍ​ສັງ​ເກດ​ພວງ​ມາ​ໄລ​ວ່າ​ຊື່​ຫຼື​ບໍ່ ຖ້າ​ພວງ​ມາ​ໄລ​ບໍ່​ຊື່​ ກໍ​​ນຳ​ລົດ​ໄປ​ຕັ້ງ​ສູນ​ໃໝ່ ສ່ວນອາໄລ່ຕ່າງໆ​ຂອງ​ຊ່ວງ​ລ່າງ​ເຊັ່ນ​ລູກ​ໝາກ ຖ້າ​ຂັບ​ທາງ​ຂຸ​ຂະ​ແລ້ວ​ມີ​ສຽງ​ກຸກ​ກັກ ກໍ​ຮີບ​ໃຫ້​ຊ່າງ​ແກ້​ໄຂ​ໂດຍ​ໄວ ໂຊ້ກອັບ​ກໍ​ເຊັ່ນ​ດຽວກັນ ຄວນກວດ​ສອບ​ຄາບ​ນ້ຳ​ມັນ​ບໍ​ລິ​ເວນ​ແກນ​ໂຊ້ກ​ອັບວ່າ​ຮົ່ວ​ຫຼື​ບໍ່ ເພາະ​ລະ​ບົບ​ຊ່ວງ​ລ່າງ​ທັງ​ໝົດ​ມີ​ຜົນ​ຕໍ່​ການ​ຊົງ​ໂຕໃນເວລາຂັບ​ຂີ່.

ຈຸດທີ່ 4 ກວດສອບລະດັບນ້ຳມັນເບຣກ
ຫຼາຍ​ທ່ານ​ເຂົ້າ​ໃຈ​ວ່າ​ຖ້າ​ນ້ຳ​ມັນ​ເບຣກ​ຫຼາຍ ເຮົາ​ຕ້ອງ​ເຕີມ​ນ້ຳ​ມັນ​ເບຣກ​ເພື່ອ​ໃຫ້​ຢູ່​ໃນ​ລະ​ດັບ​ປະ​ລິ​ມານ​ທີ່​ພໍ​ດີ ແຕ່​ທ່ານ​ຮູ້ຫຼື​ບໍ່​ວ່າ​ລະ​ບົບ​ເບຣກ​ຄວາມ​ເປັນ​ຈິງ​ແລ້ວ​ແມ່ນ​ລະ​ບົບ​ປິດ ຄວາມ​ໝາຍ​ກໍ​ຄື​ນ້ຳ​ມັນ​ເບຣກ​ຈະ​ຢູ່​ແຕ່​ພາຍ​ໃນ​ລະ​ບົບ​ເບຣກ ຈະ​ບໍ່​ມີ​ການ​ລະ​ເຫີຍ​ຄື​ນ້ຳ​ມັນ​ເຊື້ອ​ໄຟ ເຊິ່ງ​ແນ່​ນອນ​ວ່າ​ຖ້າ​ຜ້າ​ເບຣກ​ບໍ່​ຫ້ຽນ ຫຼື​ຖ້າ​ບໍ່​ມີ​ຈຸດ​ໃດ​ຮົ່ວ ນ້ຳ​ມັນ​ເບຣກ​ຈະ​ບໍ່​ສາ​ມາດ​ຫາຍ​ໄປ​ໃສໄດ້​ງ່າຍໆ ດັ່ງ​ນັ້ນ​ຖ້າ​ລົດ​ເຮົາ​​ບໍ່ມີນ້ຳ​ມັນ​ເບຣກ ຢ່າ​ຟ້າວ​ເຕີມ​ເຮົາ​ຕ້ອງ​ຫາ​ສາ​ເຫດ​ໃຫ້​ໄດ້​ກ່ອນ​ວ່າ​ນ້ຳ​ມັນ​ເບຣກ​ຫາຍ​ໄປ​ໄດ້​ແນວ​ໃດ.

ຈຸດທີ່ 5 ກວດສອບລະບົບໄຟ
ລວມທັງ​ໄຟ​ໜ້າລົດ, ໄຟ​ທ້າຍລົດ, ໄຟ​ຕັດ​ໝອກ, ໄຟ​ລ້ຽວ ແລະ ​ໄຟ​ສຸກ​ເສີນ​ ຈະ​ຕ້ອງ​ໃຊ້​ງານ​ໄດ້​ຄົບ​ທຸກ​ຈຸດ ແສງ​ສະ​ຫວ່າງ​ຈະ​ຕ້ອງ​ຄົມ​ຊັດ ບໍ່​ມົວ ຖ້າເດີນ​ທາງ​ໃນ​ຊ່ວງ​ເວລາກາງ​ຄືນ​ລະ​ບົບ​ໄຟ​ສ່ອງສະ​ຫວ່າງ​ຖື​ວ່າ​ເປັນສີ່ງຈຳ​ເປັນ​ຫຼາຍ​ໃນ​ການ​ເດີນ​ທາງ.

ຈຸດທີ່ 6 ກວດສອບນ້ຳມັນເຄື່ອງ
ນ້ຳ​ມັນ​ເຄື່ອງ​ຖື​ເປັນ​ສິ່ງ​ທີ່​ຈຳ​ເປັນ​ຂອງ​ລະ​ບົບ​ກົນ​ໄກ​ຕ່າງໆ​ໃນ​ເຄື່ອງ​ຈັກ ປະ​ສິດ​ທິ​ພາບ​ຂອງ​ນ້ຳ​ມັນ​ເຄື່ອງ​ທີ່​ດີ​ຈະ​ຕ້ອງ​ຜ່ານ​ການ​ໃຊ້​ງານ​ບໍ່​ເກີນ​ໄລ​ຍະ​ທາງ​ທີ່​ຄູ່​ມື​ກຳ​ນົດ ລະ​ດັບ​ນ້ຳ​ມັນ​ເຄື່ອງ​ຈະ​ຕ້ອງ​ຢູ່​ໃນ​ລະ​ດັບ​ທີ່​ເໝາະ​ສົມ ເຊິ່ງ​ເຮົາ​ສາ​ມາດ​ກວດ​ສອບ​ໄດ້​ຈາກ​ກ້ານ​ວັດ​ນ້ຳ​ມັນ​ເຄື່ອງທີ່ມີໃນລົດ ແລະ​ ລະຫ່ວາງ​ເດີນ​ທາງ​ຄວນ​ມີ​ນ້ຳ​ມັນ​ເຄື່ອງ​ສຳ​ຮອງ​ຕິດ​ລົດ​ໄວ້​ຢ່າງ​ໜ້ອຍ 1 ລິດ ເພື່ອ​ໄວ້ໃຊ້ໃນ​ຍາມ​ສຸກ​ເສີນ.

ຈຸດທີ່ 7 ກວດສອບໝໍ້ນ້ຳ ແລະ ທໍ່ຢາງ ແລະ ລະບົບຫຼໍ່ເຢັນ
ລະ​ບົບ​ລະ​ບາຍ​ຄວາມ​ຮ້ອນ​ຖື​ເປັນ​ອີກ​ຫົວ​ໃຈ​ຫຼັກ​ຂອງ​ເຄື່ອງ​ຈັກ ເນື່ອງຈາກຄວາມ​ຮ້ອນ​ສະ​ສົມ ​ໃນ​ຂະ​ນະ​ທີ່​ເຄື່ອງ​ຈັກ​ເຮັດ​ວຽກ ບວກ​ກັບ​ອຸນ​ຫະ​ພູມ​ພາຍ​ນອກ​ທີ່​ຮ້ອນ ຖ້າ​ລະ​ບົບ​ລະ​ບາຍ​ຄວາມ​ຮ້ອນ​ບໍ່​ດີ ຫຼື​ມີ​ບັນ​ຫາ ອາດ​ເຮັດ​ໃຫ້​ເຄື່ອງ​ຈັກ​ນ໋ອກ​ໄດ້ ດັ່ງ​ນັ້ນ​ເຮົາ​ຄວນ​ກວດ​ສອບ​ລະ​ດັບ​ນ້ຳ​ຫຼໍ່​ເຢັນ​ໃນ​ໝໍ້​ພັກ ແລະ ​ໝໍ້​ນ້ຳ ກວດ​ສອບ​ການ​ເຮັດ​ວຽກ​ຂອງ​ພັດ​ລົມ​ໝໍ້​ນ້ຳ ແລະ ​ເຄື່ອງຈັກ ກວດສອບຮອຍຮົ່ວຂອງໝໍ້ນໍ້າ, ທໍ່ຢາງ ແລະ ຂໍ້ຕໍ່ຕ່າງໆ ຫາກພົບວ່າມີການຮົ່ວຊຶມຄວນແກ້ໄຂໂດຍດ່ວນ.

ຈຸດທີ່ 8 ກວດສອບຊຸດເຄື່ອງມືປະຈຳລົດ
ເຊັ່ນ: ລໍ້-ຢາງ​ອາ​ໄຫຼ່, ແມ່​ແຮງ, ຊຸດ​ເຄື່ອງ​ມື​ໃນ​ການ​ຖອດ​ລໍ້, ເຄື່ອງເຕີມ​ລົມ​ສຸກ​ເສີນ, ສາຍ​ພ່ວງ​ແບັດ, ສາຍ​ລາກ​ລົດ, ໄຟ​ສາຍ ເຊິ່ງ​ເຄື່ອງ​ມື​ເຫຼົ່າ​ນີ້​ຄວນ​ມີ​ຕິດ​ລົດ​ເອົາ​ໄວ້ຈະ​ໄດ້​ອຸ່ນ​ໃຈ​ຍາມ​ເດີນ​ທາງ ມີ​ແລ້ວ​ບໍ່​ໄດ້​ໃຊ້ ດີກ​ວ່າ​ຈະ​ໃຊ້​ແລ້ວ​ບໍ່​ມີ.


Tel: 020 97 768 084, 02052055456
Email: [email protected]

02/05/2025

AIB ເປັນບໍລິສັດນາຍໜ້າປະກັນໄພ ທີ່ໃຫ້ຄໍາແນະນໍາ ແລະ ຄໍາປຶກສາ ທາງດ້ານປະກັນໄພ ຕາມຄວາມຕ້ອງການຂອງລູກຄ້າ. ທີມງານຂອງພວກເຮົາມີການສຶກສາຄົ້ນຄວາ ແລະວິເຄາະຢ່າງຊັດແຈ້ງ ບໍ່ວ່າເລື່ອງຜະລີດຕະພັນປະກັນໄພ, ການບໍລິການ ຂອງແຕ່ລະບໍລິສັດ ເພື່ອອໍານວຍຄວາມສະດວກ ແລະມອບໃຫ້ລູກຄ້າຂອງເຮົາໃນທາງເລືອກທີ່ດີກ່ວາ. ພວກເຮົາໄດ້ເຊັ່ນສັນຍາກັບບໍລິສັດປະກັນໄພທີ່ກໍາລັງດໍາເນີນທຸລະກິດຢູ່ ສປປ ລາວ ຫຼາຍກ່ວາ 10 ບໍລິສັດ ແລະໄດ້ຮັບສິດຢ່າງຖືກຕ້ອງໃນການຂາຍຜະລິດຕະພັນປະກັນໄພເຊັ່ນ: ປະກັນໄພລົດ, ປະກັນໄພສຸຂະພາບ, ປະກັນໄພອຸບັດຕິເຫດ, ປະກັນໄພອັກຄີໄພ, ປະກັນໄພທີ່ຢູ່ອາໄສ, ປະກັນຳໄພເດີນທາງ, ປະກັນໄພການຂົ່ນສົ່ງ, ປະກັນໄພກໍສ້າງ, ປະກັນໄພຄວາມສ່ຽງທຸກຢ່າງຂອງຊັບສິນ ແລະ ອື່ນໆ.
#ເງື່ອນໄຂຜູ້ສະໝັກ
ພດຍີງ ຫຼື ຊາຍ
-ການສືກສາ: ຈົບຊັ້ນສູງ
-ສາມາດເຮັດວຽກເປັນທີມໄດ້
-ມີຄວາມຊື່ສັດ, ມະນຸດສໍາພັນດີ, ກ້າສະແດງອອກ
-ສາມາດນໍາໃຊ້ Microsoft Word, Excel
-ໄດ້ພາສາອັງກີດ ຫຼື ຈີນ ຈະພິຈາລະນາເປັນພິເສດ
#ໜ້າວຽກຮັບຜິດຊອບ
-ຕິດຕາມການຕໍ່ສັນຍາຂອງລູກຄ້າເກົ່າ
-ຊອກຫາລູກຄ້າໃໝ່
-ປະສານພົວພັນກັບບໍລິສັດປະກັນໄພກ່ຽວກັບ
ການອອກໃບສະເໜິລາຄາ ແລະ ການອອກສັນຍາ
-ວ່າງແຜນຍຸດທະສາດການຂາຍ
-ເຮັດການບັນ ປະສານກັບກະຊວງການເງີນ, ປະຕິຮຼບປະກັນໄພ, ບໍລິສັດປະກັນໄພ ແລະ ອື່ນໆ ສໍາລັບຜູ້ສະໝັກສາຍບັນຊີ
#ສະຫວັດດີການ
-ເງີອນເດືອນ 3,000,000 - 8,000,000 ກີບ
-ເງີນຄ່າຄ້ອມຈາກການຂາຍ
-ປະກັນໄພອຸບັດຕິເຫດສ່ວນບຸກຄົນ
-ອື່ນໆ

14/04/2025

ສະບາຍດີປີໃໝ່ລາວ

07/03/2025

ຊົມເຊີຍ ວັນແມ່ຍິງສາກົນ 8 ມີນາ ຄົບຮອບ 115 ປີ ຢ່າງສຸດໃຈ💕
ຂໍອວຍພອນໄຊໃຫ້ແມ່ຍິງທຸກທ່ານຈົ່ງມີແຕ່ຄວາມສຸກ ປະສົບຜົນສຳເລັດໃນໜ້າທີ່ການງານ ສຸຂະພາບແຂງແຮງ ເຂັ້ມແຂງຕະຫຼອດປີ ແລະ ຕະຫຼອດໄປ.