ສາຂາ ທະນາຄານແຫ່ງ ສປປ ລາວ ພາກເໜືອ ແຂວງອຸດົມໄຊ - BOL Oudomxay

23/03/2026

20/03/2026

ທະນາຄານແຫ່ງ ສປປ ລາວ ໄດ້ ປະກາດໃຊ້ ຂໍ້ຕົກລົງວ່າດ້ວຍການຄຸ້ມຄອງການນໍາເງິນສົດເງິນຕາຕ່າງປະເທດ ເຂົ້າ-ອອກ ສປປ ລາວ ສະບັບເລກທີ 140/ທຫລ, ລົງວັນທີ 18 ກຸມພາ 2026;
ຊຶ່ງໄດ້ມີການກຳນົດເງື່ອນໄຂການນຳເງິນສົດເງິນຕາຕ່າງປະເທດເຂົ້າ-ອອກ ສປປ ລາວ ໃຫ້ສອດຄ່ອງກັບສະພາບເສດຖະກິດປັດຈຸບັນ. ເນື້ອໃນຕົ້ນຕໍ ມີດັ່ງນີ້:
I. ການນຳເງິນສົດເງິນຕາຕ່າງປະເທດ ເຂົ້າ ສປປ ລາວ
ຜູ້ມີ ແລະ ບໍ່ມີ ພູມລໍາເນົາ ຢູ່ ສປປ ລາວ ສາມາດນໍາເງິນສົດເງິນຕາຕ່າງປະເທດເຂົ້າ ສປປ ລາວ ໂດຍບໍ່ຈໍາກັດຈໍານວນ. ໃນນັ້ນ, ການນໍາເງິນສົດເງິນຕາຕ່າງປະເທດເຂົ້າ ສປປ ລາວ ທີ່ຕ້ອງແຈ້ງຕໍ່ເຈົ້າໜ້າທີ່ພາສີປະຈໍາດ່ານຊາຍແດນ ເພື່ອອອກເອກະສານຢັ້ງຢືນກ່ຽວກັບການນຳເງິນສົດເງິນຕາຕ່າງປະເທດເຂົ້າ ສປປ ລາວ ຕາມກໍລະນີ ດັ່ງນີ້:
1. ການນໍາເງິນສົດເຂົ້າ ສປປ ລາວ ເກີນຈຳນວນ ສິບພັນ (10,000) ໂດລາສະຫະລັດ ຫຼື ທຽບເທົ່າ ຕໍ່ຄັ້ງ;
2. ການນໍາເງິນສົດຂອງຜູ້ລົງທຶນຕ່າງປະເທດ ທີ່ມີຈຸດປະສົງນຳທຶນເຂົ້າມາລົງທຶນໂດຍກົງ ຢູ່ ສປປ ລາວ.

II. ການນຳເງິນສົດເງິນຕາຕ່າງປະເທດ ອອກ ສປປ ລາວ
ຜູ້ມີ ແລະ ບໍ່ມີ ພູມລໍາເນົາ ຢູ່ ສປປ ລາວ ສາມາດນໍາເງິນສົດເງິນຕາຕ່າງປະເທດອອກ ສປປ ລາວ ໂດຍບໍ່ຈໍາກັດຈໍານວນ. ໃນນັ້ນ, ການນໍາເງິນສົດເງິນຕາຕ່າງປະເທດອອກ ສປປ ລາວ ເກີນຈຳນວນ ສິບພັນ (10,000) ໂດລາສະຫະລັດ ຫຼື ທຽບເທົ່າ ຕໍ່ຄັ້ງ ຕ້ອງຂໍອະນຸຍາດ ກ່ອນນໍາເງິນສົດດັ່ງກ່າວອອກ ສປປ ລາວ.

20/03/2026

12/03/2026

ສາຂາທະນາຄານແຫ່ງ ສປປ ລາວ ພາກເໜືອ ແຂວງອຸດົມໄຊ ໄດ້ຈັດກິລາບານເຕະມິດຕະພາບຍິງ-ຊາຍຂື້ນ
ໃນຕອນແລງຂອງວັນທີ 11 ມີນາ 2026 ທີ່ ເດີ່ນເຕະບານອຸດົມຄຳ. ໂດຍໃຫ້ກຽດເຂົ້າຮ່ວມຂອງ ທ່ານ ເສີມທະວີ ສີຫາຝົນ ຫົວໜ້າສາຂາ ທຫລ ພາກເໜືອ ແຂວງອຸດົມໄຊ, ມີຄະນະສາຂາ, ຄະນະພະແນກ ແລະ ພະນັກງານສາຂາ ທຫລ ພາກເໜືອ ແຂວງອຸດົມໄຊ ເຂົ້າຮ່ວມຢ່າງພ້ອມພຽງ.
ຈຸດປະສົງຂອງການຈັດກິລາບານເຕະມິດຕະພາບຍິງ-ຊາຍຄັ້ງນີ້ ເພື່ອເປັນການສ້າງຂະບວນການສະເຫຼີມສະຫຼອງວັນສ້າງຕັ້ງແມ່ຍິງສາກົນຄົບຮອບ 116 ປີ (08 ມີນາ 1910 - 08 ມີນາ 2026) ໃຫ້ມີເນື້ອໃນຄວາມໝາຍ, ຄວາມສຳຄັນ ແລະ ມີບັນຍາກາດຟົດຟື້ນ-ມ່ວນຊື່ນ ພ້ອມທັງເປັນການອອກກຳລັງກາຍເພື່ອສຸຂະພາບ, ມິດຕະພາບ ແລະ ສ້າງຄວາມສາມັກຄີອັນແໜ້ນແຟ້ນຂອງພະນັກງານພາຍໃນສາຂາ ທຫລ ພາກເໜືອ ແຂວງອຸດົມໄຊ.

11/03/2026

ແຈ້ງການເຖິງພໍ່ແມ່ປະຊາຊົນຮັບຊາບກ່ຽວກັບການຍຸບເລີກການດຳເນີນທຸລະກິດສະຖາບັນການເງິນທີ່ບໍ່ແມ່ນທະນາຄານຈຳນວນ 4 ແຫ່ງ ລາຍລະອຽດໃນແຈ້ງການຄັດຕິດມາພ້ອມນີ້ ດັ່ງນັ້ນ, ຫ້ອງການ ທຫລ ຈຶ່ງອອກແຈ້ງການມາຍັງທ່ານເພື່ອຮັບຊາບ ແລະ ບໍ່ໃຫ້ຫຼົງເຊື່ອກໍລະນີມີການແອບອ້າງເອົາໃບອະນຸຍາດດຳເນີນທຸລະກິດໄປເຄື່ອນໄຫວບໍ່ສອດຄ່ອງກັບລະບຽບການ.

ທ່ານສາມາດຕິດຕາມຂໍ້ມູນຂ່າວສານຂອງ ທຫລ ໄດ້ທີ່:
➡️ ເວັບໄຊ ທຫລ: www.bol.gov.la
➡️ youtube: https://www.youtube.com/
➡️ tiktok: https://www.tiktok.com/
➡️ ຫ້ອງສະໝຸດ ທຫລ https://www.bol.gov.la/library/
➡️ ວາລະສານການທະນາຄານ https://www.bol.gov.la/Magazine
➡️ ລາຍການວິທະຍຸ: ເພື່ອນທະນາຄານ ອອກອາກາດວັນຈັນ-ວັນເສົາ FM 103.7 MHz ເວລາ 12:30 - 13:00 ໂມງ
➡️ ລາຍການໂທລະພາບ: ລາຍການການເງິນ-ເງິນຕາແຫ່ງຊາດ ອອກອາກາດວັນຈັນ ເວລາ 13:40 ໂມງ ແລະ ວັນອັງຄານ ເວລາ 20:45 ໂມງ ທາງໂທລະພາບແຫ່ງຊາດລາວ ຊ່ອງ 3

03/03/2026

ໃນຕອນບ່າຍຂອງວັນທີ 27 ກຸມພາ 2026 ທີ່ ຫ້ອງປະຊຸມຊັ້ນ IV ສາຂາທະນາຄານແຫ່ງ ສປປ ລາວ ພາກເໜືອ ແຂວງ ອຸດົມໄຊ ໄດ້ຈັດຝຶກອົບຮົມວຽກງານຕ້ານແລະສະກັດກັ້ນອັກຄີໄພ ປະຈຳປີ 2026. ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ນ້ອຍຄຳພັນ ສໍປະເສີດ ຮອງຫົວໜ້າ ສາຂາ ທຫລ ພາກເໜືອ ແຂວງອຸດົມໄຊ, ມີທ່ານ ພັຕ ທິດສະໄໝ ບຸນສະຫວັດ ຮອງຫົວໜ້າພະແນກສະກັດກັ້ນ ແລະ ຕ້ານອັກຄີໄພ ປກສ ແຂວງ ພ້ອມດ້ວຍທີມງານ ແລະ ການນຳສາຂາ-ໜ່ວຍບໍລິການທະນາຄານທຸລະກິດ, ສະຖາບັນການເງິນພາຍໃນແຂວງ ເຂົ້າຮ່ວມທັງໝົດ 31 ທ່ານ, ຍິງ 08 ທ່ານ.
ຈຸດປະສົງຂອງການຈັດຝຶກອົບຮົມຄັ້ງນີ້ ເພື່ອເຮັດໃຫ້ພະນັກງານຜູ້ເຂົ້າຮ່ວມກຳໄດ້ພື້ນຖານວິທີປ້ອງກັນ ແລະ ແກ້ໄຂບັນຫາເບື້ອງຕົ້ນ ກ່ຽວກັບອັກຄີໄພ.
ໃນພິທີ ຄະນະຮັບຜິດຊອບໄດ້ອະທິບາຍ ແລະ ຍົກໃຫ້ເຫັນຄວາມໝາຍຄວາມສໍາຄັນຂອງວຽກງານສະກັດກັ້ນ ແລະ ຕ້ານອັກຄີໄຟ, ຄວາມອັນຕະລາຍຂອງບັນຫາອັກຄີໄຟ ພ້ອມທັງເນັ້ນໜັກວິທີການແກ້ໄຂບັນຫາ ເວລາເກີດອັກຄີໄຟ ນັບທັງການດັບມອດ, ການປ້ອງກັນ ແລະ ການເອົາຕົວລອດຈາກເຫດການໃນເມື່ອເກີດເຫດໄຟໄໝ້ທີ່ຮັບປະກັນປອດໄພເພື່ອແນ່ໃສ່ປົກປັກຮັກສາຊັບສົມບັດຂອງພັກ, ລັດ ຂອງປະຊາຊົນບັນດາເຜົ່າ ລວມໝູ່ ຫຼື ຂອງສ່ວນຕົວບໍ່ວ່າຈະເປັນດ້ານຮ່າງກາຍ, ຊີວິດ, ສຸຂະພາບ, ສະພາບແວດລ້ອມ ແລະ ອື່ນໆ. ຈາກນັ້ນ, ຄະນະຮັບພິຊອບຍັງໄດ້ສາທິດວິທີນຳໃຊ້ອຸປະກອນມອດໄຟຂັ້ນພື້ນຖານ, ວິທີການກວດກາລະບົບວົງຈອນໄຟຟ້າພາຍໃນອາຄານເຮືອນ, ວິທີກວດກາຖັງແກັສອາດມີການຮົ່ວໄຫຼທີ່ມີຄວາມສ່ຽງພາໃຫ້ເກີດອັກຄີໄຟ ລວມເຖິງການຕິດຕັ້ງບັ້ງມອດໄຟແລະການບົວລະບັດຮັກສາໃຫ້ຢູ່ໃນສະພາບພ້ອມໃຊ້ງານຢູ່ສະເໝີ. ພາຍຫຼັງຮຽນຮູ້ພາກທິດສະດີແລ້ວ ກໍ່ໄດ້ມີການສາທິດການນໍາໃຊ້ອຸປະກອນມອດໄຟຂັ້ນເບື້ອງຕົ້ນຂອງອຸປະກອນດັບມອດໄຟ ເພື່ອເປັນຄວາມຮູ້ພື້ນຖານ ແລະ ມີຄວາມສໍານິສໍານານໃນການນຳໄປຈັດຕັ້ງປະຕິບັດໃຫ້ຖືກວິທີ ຮັບປະກັນຄວາມປອດໄພຕື່ມອີກ.