28/08/2026
តំណាងបុគ្គលិកការិយាល័យខេត្តសៀមរាបចូលរួមប្រជុំជាមួយក្រុមការងារបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម(IFAD) .................................................................
ខេត្តសៀមរាប៖ នៅថ្ងៃទី២៨ ខែសីហា ឆ្នាំ២០២៦ នេះ ដោយទទួលបានការអនុញ្ញាតពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកការិយាល័យចល័ត ខេត្តសៀមរាប នៃធនាគារ ARDB បានចូលរួមកិច្ចប្រជុំជាមួយក្រុមការងារបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម ( IFAD) ដើម្បីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម (ASPIRE-AT)។ កិច្ចប្រជុំនេះមានសហគមន៍កសិកម្មចំនួន២បានចូលរួម រួមមាន÷ ទី១.សហគមន៍កសិកម្មសុវត្ថិភាពធម្មជាតិ មានទីតាំងនៅស្រុកសូទ្រនិគម និងទី២ សហគមន៍កសិកម្មកំពង់ក្តីអភិវឌ្ឍន៍ មានទីតាំងស្ថិតនៅស្រុកជីក្រែង ខេត្តសៀមរាប ។ កិច្ចប្រជុំនេះដឹកនាំដោយឯកឧត្ដម មាស ពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមដឹកនាំគម្រោង IFAD, លោក ប៉ែន ប៊ុនធឿន អនុប្រធានមន្ទីរកសិកម្មខេត្តសៀមរាប,មន្ត្រីទីប្រឹក្សាគម្រោង,តំណាងធនាគារ ARDB ,តំណាងសហគមន៍កសិកម្ម, និងសមាជិកសហគមន៍កសិកម្ម សរុប៥៥នាក់ ក្នុងនោះស្រ្តីមានចំនួន៤៥នាក់ ។
