07/10/2026
ខេត្តសៀមរាប៖ កាលពីថ្ងៃទី០៥-០៦ ខែតុលា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) តំណាងបុគ្គលិកការិយាល័យចល័តខេត្តសៀមរាប សហការជាមួយក្រុមការងារមកពីស្នាក់ការកណ្តាល បានចុះផ្សព្វផ្សាយ និងណែនាំអំពីផលិតផលឥណទានក្រោម គម្រោង ASPIRE-AT ដល់សហគមន៍កសិកម្មចំនួន៤ ក្នុងខេត្តសៀមរាប រួមមាន៖
- សហគមន៍កសិកម្មកំពង់ក្ដីអភិវឌ្ឍន៍ថ្មី
- សហគមន៍កសិកម្មគោកធ្លកក្រោមមានជ័យស្ត្រីសាមគ្គី
- សហគមន៍កសិកម្មមាន់ស្រែធម្មជាតិសុវត្ថិភាពកៀនសង្កែ
- សហគមន៍កសិកម្មកន្ទ្រាំងបល្ល័ង្គរស្មីស្ត្រីសាមគ្គី
កម្មវិធីនេះត្រូវបានរៀបចំឡើងក្នុងគោលបំណង៖
(១)-ផ្សព្វផ្សាយ និងណែនាំអំពីលក្ខខណ្ឌ អត្ថប្រយោជន៍នៃផលិតផលឥណទានក្រោមគម្រោង ASPIRE-AT។
(២)-ស្រង់មតិ និងប្រមូលព័ត៌មានអំពីតម្រូវការឥណទានរបស់សហគមន៍ និងសមាជិកសហគមន៍
(៣)-បើកគណនីរហ័សជូនសមាជិកសហគមន៍ ដើម្បីបង្កើនភាពងាយស្រួលក្នុងការទទួលបានសេវាហិរញ្ញវត្ថុពីធនាគារ ARDB។
កម្មវិធីផ្សព្វផ្សាយនេះបានបញ្ចប់ទៅដោយ លទ្ធផលផ្លែផ្កា ដោយមានសមាជិកសហគមន៍ចូលរួមសរុបចំនួន ១៣៤ រូប។
