02/11/2026
នាថ្ងៃទី១៥-១៦ ខែវិច្ឆិកា ឆ្នាំ២០២៦ ខាងមុខនេះ ធនាគារជាតិនៃកម្ពុជា (NBC) និងស្ថាប័នបណ្ដាញបច្ចេកវិទ្យា និងហិរញ្ញវត្ថុសកល (GFTN) នឹងរៀបចំវេទិកាលំដាប់អន្តរជាតិ Black Swan Summit Cambodia 2026 ជាលើកដំបូង នៅរាជធានីភ្នំពេញ ដោយមានការចូលរួមពីថ្នាក់ដឹកនាំ និងអ្នកជំនាញមកពីប្រទេសក្នុងតំបន់អាស៊ាន និងបណ្តាប្រទេសប្រើប្រាស់ភាសាបារាំង។ អ្នកចូលរួមនឹងទទួលបានទស្សនាទានថ្មីៗ និងច្បាស់លាស់អំពីទិសដៅវិវត្តនៃប្រព័ន្ធទូទាត់សងប្រាក់ ទ្រព្យនិម្មិត និងការតភ្ជាប់ហិរញ្ញវត្ថុឆ្លងដែន នៅក្នុងតំបន់។
តើអ្នកណានឹងនាំយកទស្សនាទានទាំងនេះទៅអនុវត្តជាក់ស្តែង នៅកន្លែងបំពេញការងារ? នេះជាវេទិកាដ៏សមស្របបំផុតសម្រាប់ថ្នាក់ដឹកនាំស្ថាប័ន និងអ្នកដឹកនាំក្រុមការងារ ក្នុងការនាំយកចំណេះដឹងពីកិច្ចពិភាក្សា សម្រាប់យកទៅអនុវត្តដើម្បីបង្កើតជាសមិទ្ធផលជាក់ស្តែង ក្រោយពេលចូលរួមវេទិកាលំដាប់អន្តរជាតិនេះ។
ការចុះឈ្មោះចូលរួមគឺឥតគិតថ្លៃសម្រាប់សមាជិកគ្រប់រូបនៃក្រុមការងារលោកអ្នក។ ប្រសិនបើមានតម្រូវការការចុះឈ្មោះជាក្រុម និងការរៀបចំជូនជាពិសេសសម្រាប់ក្រុមប្រតិភូ សូមទាក់ទងមកកាន់យើងខ្ញុំតាមរយៈអុីម៉ែល៖ [email protected]
សូមចុះឈ្មោះចូលរួមតាមតំណរភ្ជាប់ខាងក្រោម៖
https://www.cambodia.blackswansummit.com/registration?utm_source=facebook&utm_medium=organic-social&utm_campaign=bsscam-2026-bring-your-team