27/08/2026
កិច្ចប្រជុំស្តីពីបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម(IFAD)
………....... .... ………….
ខេត្តកំពង់ឆ្នាំង៖ នាព្រឹកថ្ងៃពុធ ១៣កេីត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកធនាគារ ARDB ការិយាល័យចល័ត ខេត្តកំពង់ឆ្នាំង បានចូលរួមកិច្ចប្រជុំជាមួយក្រុមបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម(IFAD) ដើម្បីគាំទ្រការអនុវត្តកម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម(ASPIRE -AT) ក្នុងគោលបំណងសិក្សាវាយតម្លៃកសិករដែលទទួលបានឥណទាន និងអត្ថប្រយោជន៍ផ្សេងៗពីកម្មវិធី ASPIRE-AT ។ កិច្ចប្រជុំនេះរៀបចំឡេីងនៅក្នុងសហគមន៍កសិកម្មភ្នំក្រាំងដីមាសជោគជ័យមានក្ដីសង្ឃឹម និងសហគមន៍កសិកម្មអញ្ចាញរូងសម័យថ្មី ដែលមានអ្នកចូលរួមប្រមាណ ៤៥នាក់។
