ARDB Battambang

26/08/2026

ខេត្តបាត់ដំបង៖ថ្ងៃទី ២៥ និង២៦ ខែសីហា ឆ្នាំ២០២៦, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ធនាគារ ARDB សាខាខេត្តបាត់ដំបង បានចូលរួមកម្មវិធី “ផ្សារភ្ជាប់ហិរញ្ញប្បទាន ឆ្នាំ២០២៦ ស្តីពី យុទ្ធសាស្ត្រអភិវឌ្ឍអាជីវកម្ម ការគ្រប់គ្រង និងការព្យាករហិរញ្ញវត្ថុ” ដែលរៀបចំឡើងដោយសហគ្រិនខ្មែរ នៅ The Coconut House Hotel ខេត្តបាត់ដំបង។
កម្មវិធីនេះមានគោលបំណង លើកកម្ពស់ការយល់ដឹងរបស់សហគ្រិនអំពីការអភិវឌ្ឍអាជីវកម្ម និងការគ្រប់គ្រងហិរញ្ញវត្ថុប្រកបដោយប្រសិទ្ធភាព ព្រមទាំងផ្សារភ្ជាប់សហគ្រិន និងម្ចាស់អាជីវកម្មទៅកាន់ប្រភពហិរញ្ញប្បទាន និងសេវាហិរញ្ញវត្ថុដែលសមស្រប សម្រាប់គាំទ្រដល់ការពង្រីក និងការរីកចម្រើននៃអាជីវកម្ម៕

25/08/2026

16/08/2026

ខេត្តបាត់ដំបង៖ ថ្ងៃសៅរ៍ ២កើត ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៥ ខែសីហា ឆ្នាំ២០២៦, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ធនាគារ ARDB សាខាខេត្តបាត់ដំបង និងការិយាល័យចល័តខេត្តព្រះវិហារ បានចូលរួមកម្មវិធីបិទវគ្គបណ្តុះបណ្តលស្តីពីការដាំដុះបន្លែសុវត្ថិភាពក្នុងផ្ទះសំណាញ់ និងប្រគល់វិញ្ញាបនបត្របញ្ជាក់ការសិក្សា ជូនដលសិក្ខាកាមក្រុមផលិតជាជនភៀសសឹកចំនួន ២៦ នាក់ (ស្រី ១១ នាក់) ដែលអញ្ជើញមកពីភូមិតាកឹងបៃតង ឃុំថ្មី ស្រុកគូលែន ខេត្តព្រះវិហារ ក្នុងរយៈពេល ១ខែ។

សូមបញ្ជាក់ផងដែរថា វគ្គបណ្ដុះបណ្ដាលនេះ រៀបចំឡើងក្រោមការផ្ដួចផ្ដើម និងការគាំទ្រដ៏ខ្ពង់ខ្ពស់ពី ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងកិច្ចសហការជាមួយរដ្ឋបាលខេត្តព្រះវិហារ ក្នុងគោលបំណងផ្ដល់នូវចំណេះដឹង ជំនាញច្បាស់លាស់ដល់ជនភៀសសឹក ក្នុងការដាំដុះបន្លែសុវត្ថិភាពក្នុងផ្ទះសំណាញ់តាមបែបទំនើប ដើម្បីបង្កើនផលិតភាព គុណភាព និងចំណូលគ្រួសារ។

កម្មវិធីនេះ មានការអញ្ជើញចូលរួមពី លោក អ៊ិន សុវណ្ណមុន្នី តំណាងមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង, តំណាងអភិបាល នៃគណៈអភិបាលស្រុកថ្មគោល,
លោក លុក គឹមលាន អភិបាលរង នៃគណៈអភិបាលស្រុកគូលែន តំណាងរដ្ឋបាលខេត្តព្រះវិហារ, លោក រស់ សេងហាក់ និងលោក កេង កុច តំណាងធនាគារអភិវឌ្ឍន៍ជនបទ និងកសិកម្ម ក្រុមហ៊ុនផ្គត់ផ្គងពូជបន្លែ SN និងលោក ណុប នុន ប្រធានក្រុមប្រឹក្សាភិបាលសហគមន៍កសិកម្មតាសីសាមគ្គី ព្រមទាំងភាគីពាក់ព័ន្ធផ្សេងទៀត សរុបជាង ៤០ នាក់៕

13/08/2026