11/06/2017
ㅤ
ㅤ
ㅤ 🔹ㅤ
ㅤ
ㅤ 🔸ㅤ
ㅤㅤㅤㅤㅤㅤ
ㅤ ㅤ
ㅤ
يقول ..
تألم قلبي الهادي تجرد من فرحّه وشاب
يبي ياخذ فرح تايه ولكن صابته سكته
انا المشتاق لايامه وانا جرحٍ لو انه طاب
لو انه يلمح عيونه ، نزف حزنه و جاوبته
تبوني اكتم شعوري واجامل واقعي الكذاب
تبوني ابتسم وارضى بشيٍ عمري ماعشته
انا الضايق من الوحده وانا الغايب عن الغياب
وانا الي مارضى ياخذ من الصامت سوا صمته
شمت فيني الوف الناس ولكن مافتحت الباب
عيوني ماتبي غيرك ودرب الناس طوفته
كتبتك بالهوى قصة اعيش بها وانا مرتاب
الامن جاتني ضيقه طرى زولك وسامرته
ياول من سكن بين المحاجر لا تجيب اسباب
خلاص انسى وانا بنسى وباب العذر سكرته
عطيتك قلبي وعيني عطيتك جسمي المنصاب
من اصحابه واحبابه وجيت بـ لطف دمرته
انا اسف يا اصحابي وانا اسف ي هالاحباب
خضوعي لشخص مايرحم دليل اني تعاطفته
انا مو بيدي احبه وارده داخل الاهداب
انا الي يطيح من عيني لو انه كبير صغرته ㅤㅤㅤㅤㅤㅤ
ㅤ ㅤ ㅤ ㅤ.
#شعر #قصيد #قصائد #بوح
