البيت العريق للإسكان والتطوير العقاري Albait alareeq housing & real estate

  • Home
  • Jordan
  • Amman
  • البيت العريق للإسكان والتطوير العقاري Albait alareeq housing & real estate
Call Contact the business

البيت العريق للإسكان والتطوير العقاري Albait alareeq housing & real estate شركة تطوير عقاري بخبرة هندسية مميزة
(1)

10/10/2026

صحون الستالايات ممكن تعمل مشاكل كتير كبيرة في العزل وتدخل علينا رطوبة ومي، عشان هيك لازم نكون مهيئين مكان لصحن الستالايت لكل شقة، وخطوط الستالايت تكون طالعة من تحت الجبه والجبه مسكرة عليها زي ما فرجيناكم بفيديوهات سابقة.

البيت العريق للإسكان . . عنوان بتفخر فيه

08/10/2026

إجراء مهم جدا في العزل المائي للحمامات
عزل عتبة باب الحمام

حكينا عن العزل المائي للحمامات، وكيف التحضير للعزل أهم من العزل نفسه، وكيف مرحلة التنظيف، ومرحلة التثمينة والقصارة.
وحكينا بعدها كيف نتعامل مع شغل المواسرجي، ونعزل تحت التمديدات وفوق التمديدات.
ضل علينا آخر إجراء في المرحلة الأولى قبل الطمم وهو فصل الطمم الداخلي للحمام عن الطمم الخارجي للشقة، عن طريق عمل صبة خفيفة مع مواد عزل عند عتبة الباب.

البيت العريق للإسكان . . عنوان بتفخر فيه

06/10/2026

العزل الصوتي بين الشقق، وخصوصا الجدار المشترك بين غرف الماستر، لازم نعتني فيه عناية خاصة.
طبعا هو بكون عبارة عن طوبتين وبينهم فراغ، او بولسترين، او صوف صخري بكثافة عالية.
الملاحظة اللي بدنا ننبه عليها انه ما نعمل على هاد الجدار اي علبة كهرباء او أي تأسيس مكيفات عشان ما نعمل نقاط ضعف للصوت في الجدار.

البيت العريق للإسكان . . عنوان بتفخر فيه

04/10/2026

ليش العزل المائي للحمامات مهم؟
عشان إذا صار أي تسريب بين حلول البلاط، أو بالتمديدات، ما يأثر على الجار اللي تحتنا ويعمل عنده مشاكل، وطبعا هاد مش الهدف الرئيسي للعزل، الهدف الرئيسي للعزل هو حماية العناصر الإنشائية، والحفاظ على حديد التسليح، والحفاظ على عمر المبنى بشكل سليم.
وما ننسى دايما إنه العزل منظومة متكاملة في كل مراحل البناء.

البيت العريق للإسكان . . عنوان بتفخر فيه

03/10/2026

العزل المائي أسفل براطيش الشبابيك، في مشروع ٨ - الياسمين.
المنطقة أسفل البرطاشة تعتبر من مناطق الضعف اللي ممكن يدخل منها رطوبة ومشاكل من الخارج الى الداخل، عشان هيك لازم نعتني فيها، ونقصرها وننعمها وننظفها، بعدين نطبق العازل الاسمنتي عليها، وبعدها طبعا رح نركب البرطاشة بلاصق بمواصفات عالية عشان نضمن عزل ممتاز.

البيت العريق للإسكان . . عنوان بتفخر فيه

02/10/2026

سؤال متكرر في عزل الحمامات
نعزل قبل شغل المواسرجي، ولا بعد شغل المواسرجي؟
أفضل طريقة بعد ما نعزل الحمام بشكل كامل، إذا نخلي المواسرجي ييجي يمد مواسيره بس ما يثبتها، في حال اضطر يكسر للمواسير او في عزل تأثر من شغله، منرجع منفك المواسير ومنعزل الأماكن اللي اتضررت، وبعدها منرجع منثبت المواسير بشكل نهائي، وهيك بكون تحت المواسير معزول حسب الأصول.

البيت العريق للإسكان . . عنوان بتفخر فيه

28/09/2026

بدك إطلالة لا تحجب؟ شقتك من هون
بدك عزل ممتاز؟ شقتك من هون
بدك استغلال أمثل للمساحات؟ شقتك من هون
بدك موقع استراتيجي وقريب على كل إشي؟
شقتك من هون
بدك عنوان بتفخر فيه؟ شقتك من هون

شقتك هون . . من البيت العريق للإسكان

مشروع ٧ - شارع الإذاعة - مقابل فايف بي مول
٩ شقق فقط - متبقي آخر ثلاث شقق

م. محمد مثقال 0795080880
م. خالد أشقر 0798003715

24/09/2026

إجراءات بسيطة، وتنظيم لآلية العمل بشكل صحيح، بوفر علينا جهد وتكلفة، وبطلع الشغل بطريقة صحيحة وبجودة عالية.
سطح المشروع من أهم المناطق اللي لازم نعتني فيها بالنسبة للعزل المائي، عشان هيك اول إجراء للعزل هو عمل صبة ميلان بطريقة صحيحة، بحيث المي بالنهاية تلاقي طريق الى المصرف، عشان هيك مننتبه دايما تكون اعمال الجبل والشغل داخل الارواف مش على المساحات اللي خارج الارواف اللي رح نشتغل عليها ونعزلها حسب الأصول.

البيت العريق للإسكان . . عنوان بتفخر فيه

19/09/2026

استخدام شريط عازل لعزل اول مدماك طوب في الجدران الداخلية، واستخدام الطوب المسمط بدل الطوب المفرغ في اول مدماك، حسب كود البناء الوطني والكود الاردني، عشان نمنع الرطوبة الصاعدة على الجدران عن طريق الخاصية الشعرية، طبعا هاي بعض المماراسات اللي منطبقها في البيت العريق للإسكان ضمن منظومة الاهتمام الخاص بالعزل.

البيت العريق للإسكان . . عنوان بتفخر فيه

17/09/2026

صوت قارئ الإذاعة يصدح في أجواء عمّان الحبيبة، قبيل أذان المغرب، مع إطلالة بانورامية رائعة، من طابق الروف في مشروع (8) - الياسمين.

البيت العريق للإسكان . . عنوان بتفخر فيه

Address

عمان/ضاحية الياسمين/عمارة 97/مجمع SUNRISE CENTRE/الطابق الأول/مكتب رقم 2
Amman
11195

Telephone

+962795080880

Website

Alerts

Be the first to know and let us send you an email when البيت العريق للإسكان والتطوير العقاري Albait alareeq housing & real estate posts news and promotions. Your email address will not be used for any other purpose, and you can unsubscribe at any time.

Contact The Business

Send a message to البيت العريق للإسكان والتطوير العقاري Albait alareeq housing & real estate:

Shortcuts

Share

Category