الشاعر مصطفى حرب

29/12/2025

#جديد

24/12/2025

لمن يود المتابعة
حلقة جرف شاعر

Enjoy the videos and music you love, upload original content, and share it all with friends, family, and the world on YouTube.

25/07/2025

{ في الأهل راح }

أداء : مرتضى حرب
كلمات : مصطفى حرب

ليالي محرم الحرام 1447 هجري

https://youtu.be/2_bMkV7LFqQ?si=KS5s_CTspaE8fJhD

واسط_ عزاء الخاجية المركزي

18/07/2025

{ علمني انساك }

اداء : الملا مرتضى الحميداوي
كلمات : مصطفى حرب
هيئة رماد الخيام . بغداد . مدينة الصدر

رابط التحميل والمشاهدة

https://youtu.be/K6FxLCterOQ

18/03/2025

جديد مصطفى حرب
انه الهيبة
هيئه نهج علي ع

https://youtu.be/UWzWV4OiCa4?
si=6Jsa1bHNr2xESD6y

مصطفى حرب هيئة نهج علي ( ع )ساحة أحفاد الزهراء ( ع ) البصرة _ ناحية النشوة

22/12/2024

شحة ستر جانت كبلج هواي
نولدتي وترست الدنيا الحجابات

العفه تعلمت تتحجب شلون
وحدر لفة كماطج ضلت تبات

ملائكة السما نزلت تناغيج
وبقت تصعد وتنزل بالصلاوات

ونزلت فرحان ويطش بيده جبريل
ورد من مهدج الحد السماوات

ومحمد شالج وحضنه نترس خير
وضحك ونترست الدنيا ابتسامات

العطر ياام الحسن وي صيرتج صار
وچلب عافيه بهدم الشريفات

خضر كلشي من نزلتي للكاع
وعاش اليابس المن العطش مات

الله الخاطرج حط بركه بالماي
وسواه ثلثت ارباع المسافات

ستر نكلة اجدام الخيط للثوب
الأبر تتنخه بيج وتمشي خطوات

لو تدعين ربج لو تصلين
متصله وي الله بكل الاوقات

واذا تدعين ربج بالأمن يوم
حدر مخلب الذيب يسلهم الشات

دعائج سير العين العمو شوف
وعلى ريت الختنكو طاح نسمات

علي يدلل الفقره بنكلة الزاد
وانتي معيشه وادم بالمناجات

يالشما نفتح التاريخ نقراج
ونلكه 18لچمه ومعانات

الشرف ينحني كبالج حني الضلوع
الهوى من يم عباتج غمض وفات

نرتلج عافيه شما يركد الحيل
ونندبج من تمر بينه المعصيات

يالسمج عاش بحلوك الرواديد
قصيده وتنقري بكل المقامات

21/12/2024

يرخص طولهه الما لاحهه اللكاح
ما تحضه التشيص بحضنة الصاعود

وتدلل العاشت عــد فلح سنعين
تميل وتنعشك كلما حملهه يزود

من سحكة المسحه وصيحة الملاچ
العثك يكثر صفاره ويكبر العنكود

المسحه البيهه لمعه مبينه عد فلاح
يغبش ما يضل حد الضهر ممدود

احفر كاعك وطلع الزرعك ماي
لا تهتم صفت خنياب لو صيهود

الما لاحه التعب مالزم بيده عنان
ترى جني الشگر ما يغلى عالكادود

لا تحرم چفوفك من دلال الجيب
ترى المتروس جيبه بهالوكت محسود

الزلم صح بالفعل مو بالفلس تنقاس
بس المشترى السيف الفلس مريود

لوما للنفع ما حطلك الله چفوف
وما حط عشر اصابع فوكهن وزنود

عد اهل الخبز حلم الصبح ما صار
عمرهم مالكو باب الرزق مسدود

تطلع بارده الحيهم بليه طحين
الفشك يتخورس من يفارك البارود

سومر بالشمس خاطر بجية الليل
ما تبرد وتغفى ابين اديك خدود

صخم چفك وجيب العلوم البيض
ترى صار المدح بس للدلال السود

تحزم للتعب خاطر تصير عكال
ما ينكشخ بيه الضهره ما مشدود

احضر وين ما صح للفعل نيشان
واشمر دلوك بكل بير شايل جود

لا تتغيب وخليك مثل الريح
كون بكل مجان وكل وكت موجود