24/12/2020
दीर्घ कालावधीसाठी संपत्ती निर्माण करताय; म्युच्युअल फंडांची 'ही' योजना झाली खुली
Kailas Redij | महाराष्ट्र टाइम्स.कॉम | Updated: 23 Dec 2020, 03:46:00 PM
आयसीआयसीआय प्रुडेन्शियल बिझनेस सायकल फंड हा वेगळी शैली अंगीकारत प्रामुख्याने ढोबळ अर्थव्यस्थेवर लक्ष केंद्रीत करतो. विशिष्ट वेळेला आकर्षक भासणाऱ्या उद्योगक्षेत्रात प्रवेश करण्याची संधी गुंतवणूकदारांना आपल्या गुंतवणुकी आधारे मिळणार आहे.
मुंबई : आयसीआय़सीआय प्रुडेन्शियल म्युच्युअल फंडाने मुदतमुक्त प्रकारातील आयसीआयसीआय प्रुडेन्शियल बिझनेस सायकल हा नवीन म्युच्यूअल फंड गुंतवणुकीसाठी बाजारात आणला आहे. समभाग तसेच त्याच्याशी संबंधित पर्यायांमध्ये गुंतवणूक करत दीर्घ कालावधीसाठी संपत्ती निर्माण करण्याच्या उद्देशाने हा फंड तयार करण्यात आलेला आहे. व्यापार चक्राआधारे विविध क्षेत्रात तसेच समभागांमध्ये या फंडातील निधीची गुंतवणूक केली जाणार आहे.
गुंतवणूक
करोनाचा फटका; ग्राहकांनी फिरवली पाठ, घरांच्या विक्रीमध्ये झाली मोठी घसरण
आयसीआयसीआय प्रुडेन्शियलचा हा बिझसेन फंड गुंतवणूकीसाठी शिखर ते तळ म्हणजेच टॉप डाऊन या पर्यायाचा वापर करणार आहे. या पर्यायात जागतिक तसेच देशातंर्गत ढोबळ अर्थव्यवस्थेपासून ते व्यापार चक्राच्या वाटचालीचे अवलोकन करत गुंतवणूकीसाठी विविध उद्योगक्षेत्र शोधून त्याआधारे त्या त्या क्षेत्रातील समभागांमध्ये किंवा विशिष्ट क्षेत्रांमध्ये निधी गुंतविला जाणार आहे.
बाजारात प्रसंगानुरुप सुरु असलेले व्यापार चक्र हे ढोबळ अर्थव्यवस्थेतील विविध घटकांची स्थिती, सरकारने या घटकांना वित्तीय तसेच पतधोरणाद्वारे दिलेल्या प्रतिसादानुसार हे चक्र वाढू अथवा आकुंचन पावू शकते. अशा स्थितीत गुंतवणुकीसाठी अनेक उत्तम संधी मिळू शकते.
सोने-चांदीचा भाव उतरला; नफावसुलीने आज सोने-चांदीच्या दरात घसरण
नवीन फंडाबद्दल माहिती देताना आयसीआयसीआय प्रुडेन्शियल एएमसीचे व्यवस्थापकीय संचालक आणि मुख्य कार्यकारी अधिकारी निमेश शहा म्हणाले की, शेअरबाजारातून मिळणारा परतावा सर्वसाधारणपणे अर्थव्यवस्थेतील विविध व्यापार चक्र प्रभावित करत असतात. पारंपारिक व्यापार चक्रात वाढ, मंदी, घसरण आणि फेरवाढ हे चार टप्पे आढळतात. प्रत्येक टप्पा हा इतरांपेक्षा वेगळा असतो. अर्थव्यवस्थेतील हे प्रमुख टप्पे ओळखुन तसेच त्याच्या विश्लेषणाआधारे स्वीकारलेला गुंतवणूकीचा पर्याय हा सकारात्मक गुंतवणूकीचा अनुभव देण्यास मदत करु शकतो. एवढेच नव्हे तर त्या उद्योगक्षेत्रातील गुंतवणुकीत विविधता साध्य करण्याचे उद्दीष्टही साध्य केले जाऊ शकते, असे त्यांनी स्पष्ट केले.
आयसीआयसीआय प्रुडेन्शियल म्युच्यूअल फंड हा भारतातील सर्वाधिक मोठ्या आकाराच्या तसेच अनुभवी गुंतवणूक समुहापैकी एक आहे. या फंडाचे नेतृत्व एस. नरीन हे सांभाळत असून ढोबळ अर्थव्यवस्था आणि बाजारातील व्यापार चक्रावरील अचूक टिप्पणी आणि भाष्य करण्याबाबत ते ख्यात आहेत. आयसीआयसीआय प्रुडेन्शियलच्या या नवीन फंडाची जबाबदारी अनिष तावकले , ईहाब दलवाई आणि मनिष बांठिया यांच्याकडे राहणार आहे. या फंडासाठी निफ्टी ५०० टीआरआय या निर्देशांकाचा आधार घेतला जाणार आहे.
वैशिष्ट्ये
- बाजारातील व्यापार चक्राला अनुसरुन विविध उद्योग क्षेत्र, गुंतवणूकीच्या संकल्पना अथवा बाजारमुल्यानुसार मिळणाऱ्या संधीचा शोध घेत गुंतवणूक केली जाणार.
- गुंतवणूकीसाठी टॉप डाऊन पर्यायाचा वापर आणि विविध प्रकारच्या बाजारमुल्यानुसार गुंतवणूकीवर भर दिला जाणार
-नवीन फंड गुंतवणूकीसाठी २९ डिसेंबर २०२० ला खुला होणार आणि येत्या १२ जानेवारी २०२१ पर्यंत त्यात गुंतवणूकीची संधी
