26/04/2024
चाळिशीनंतर पुरुषांच्या शारीरिक समस्या.
मोनोपॉज चा काळ सुरु होतो म्हणूनच स्त्रियांनी चाळशीनंतर आरोग्याची काळजी कशी घेतली पाहिजे याबद्दल नेहमीच बोललं जातं परंतु पुरुष मंडळी चाळीशी ओलांडताना काय काय फेस करत असतात यावर फारसे कोणीही बोलताना दिसत नाही. कदाचित ते पुरुषांच्या masculine इमेजला मारक असेल.
वयोमानानुसार पुरुषामध्ये विशेषतः वयाच्या चाळिशी नंतर अनेक बदल दिसू लागतात. सारखी थकावट जाणवणे , केस पातळ होणं, टक्कल पडणे , चयापचयाशी संबंधित तक्रारी, दाताच्या तक्रारी, कामेच्छा कमी होणे ,चष्म्याचा नंबर वाढणे असे बदल जाणवू लागतात. याचे मुख्य कारण पुरुषांमध्ये टेस्टोस्टेरॉनची पातळी कमी होणं हे आहे.
चाळिशीनंतर शरीराचं डी-जनरेशन सुरू होतं. त्याला पुरुषांमधली रजोनिवृत्ती किंवा अँड्रोपॉज (Andropause) म्हणतात. या बदलांचा स्वीकार करणे पुरुषांना साहजिकच कठीण असते.
आपण चिरतरुण आणि तब्येतीनं ठणठणीत राहावं असं आपल्या प्रत्येकालाच वाटतं पण वयाच्या चाळीशी नंतर गाडी घसरगुंडीला लागते. पण चांगली बातमी अशी आहे की ह्या घसरगुंडीवरुन खाली घसरायचा स्पीड कमी करणे हे नक्कीच आपल्या हातात आहे.
त्याबद्दल काही टिप्स.
१] दर वर्षी संपूर्ण चेकअप करून घेणे. Thyrocare किंवा metropolis चे ८४ टेस्टचे पॅकेज आहे ज्यातून आपल्याला Vit b12 , Vitamin D, fasting ,pp , Ecg ,x ray chest, Liver function tests, Kindney tests , Lipid profile हे सर्व करून मिळेल.
२] बहुतांश वेळी vitamin b १२, D याची कमतरता असतेच, जर असेल तर गोळ्या सुरु करणे.
३] जर Vitamin D ची कमतरता असेल तर तर कॅल्शियम देखील नीट शोषला जाणार नाही ज्याने हाडांचा ठिसूळपणा वाढतो. त्यासाठी सूर्यस्नान महत्वाचे.
४] ब्लड प्रेशर देखील २-३ महिन्यात एकदा चेक करणे. हा छुपा रुस्तम आहे.
५] कॅल्शियम, फायबर, झिंक मॅग्नेशिअम आणि आयर्नने परिपूर्ण असणारा आहार अत्यंत आवश्यक आहे.
६] वजन नियंत्रित राहायलाच हवे. माझे वजन जास्त असले तरी मी फिट अँड फाईन आहे , खाऊन-पिऊन आहे असली वाक्ये चालणार नाहीत.
७] चौरस , समतोल ,योग्य त्या वेळेत आहार याला काहीही ऑप्शन नाही. निदान बॉडी वेट इतके ग्रॅम प्रोटीन इन टेक हवाच.
८] चाळीशीनंतर प्रोस्टेटच्या तक्रारी सुरु होतात त्यासाठी व्हिटॅमिन चे भांडार असलेल्या एका लिंबाचा रस(किमान ) तरी दिवसभरात पोटात जायलाच हवा.प्रोस्टेटचा धोका कमी नक्कीच कमी होऊ शकतो.
९] अल्कोहोलचे प्रमाण एकदम कमी तर निकोटीनचे सेवन संपूर्ण बंद.
१०] रोज १५ मिनिटे मेडीटेशन म्हणजे ध्यान हवेच.
११] सगळ्यात महत्वाची टीप म्हणजे रोज एक तास वर्क आऊट हवाच. काहीही पर्याय नाही.
यामध्ये नुसते वॉक, रन, सायकल उपयोगी नाही.
कमी होत असलेले मसल मास मेन्टेन करण्यासाठी वेट ट्रेनिंग देखील हवेच.
मित्रांनो , चाळीशी नंतर मुले वयात येत असतात , त्यांचे करिअरकडे वेध लागलेले असताना आपली तब्येत चांगली राहणे हे अत्यंत महत्वाचे आहे. नाही का...?
