11/05/2026
‼️അഗ്രി സ്റ്റാക്ക് കർഷക രജിസ്ട്രേഷൻ‼️
പി.എം. കിസാൻ ഉൾപ്പെടെയുള്ള കാർഷിക പദ്ധതികളുടെ ആനുകൂല്യം തടസ്സമില്ലാതെ ലഭിക്കുന്നതിന് കർഷകർ 2026 മെയ് 30-നകം അഗ്രി സ്റ്റാക്ക് (കർഷക രജിസ്ട്രി) രജിസ്ട്രേഷൻ പൂർത്തിയാക്കേണ്ടതുണ്ട്.
പ്രാധാന്യം: രജിസ്ട്രേഷൻ ചെയ്യാത്തവർക്ക് കേന്ദ്ര-സംസ്ഥാന സർക്കാരുകളുടെ ആനുകൂല്യങ്ങൾ ലഭിക്കില്ല. വളം വാങ്ങുന്നതിന് പോലും ഭാവിയിൽ ഈ തിരിച്ചറിയൽ കാർഡ് നിർബന്ധമായേക്കാം.
നേട്ടം: രജിസ്റ്റർ ചെയ്യുന്നവർക്ക് 21 അക്ക കർഷക ഐഡി ലഭിക്കും. കൃഷിയുമായി ബന്ധപ്പെട്ട എല്ലാ കാര്യങ്ങളും ഈ ഒരൊറ്റ ഐഡിയിൽ ലഭ്യമാകും.
അർഹത: സ്വന്തമായി ഭൂമിയുള്ള എല്ലാ കർഷകർക്കും രജിസ്റ്റർ ചെയ്യാം.
രജിസ്ട്രേഷൻ ചെയ്യുന്ന വിധം (ഘട്ടങ്ങൾ)
പോർട്ടൽ സന്ദർശിക്കുക: https://klfr.agristack.gov.in/ എന്ന വെബ്സൈറ്റിൽ കയറുക.
അക്കൗണ്ട് നിർമ്മാണം: 'Farmer' എന്നത് സെലക്ട് ചെയ്ത് 'Create new Account' ക്ലിക്ക് ചെയ്യുക.
ആധാർ e-KYC: ആധാർ നമ്പർ നൽകി സബ്മിറ്റ് ചെയ്യുക. ആധാറുമായി ബന്ധിപ്പിച്ച ഫോണിൽ വരുന്ന OTP നൽകി വെരിഫൈ ചെയ്യുക.
മൊബൈൽ വെരിഫിക്കേഷൻ: ഫോൺ നമ്പർ നൽകി രണ്ടാമത്തെ OTP വഴി വെരിഫൈ ചെയ്യുക.
പാസ്വേഡ്: ലോഗിൻ ചെയ്യുന്നതിനായി ഒരു പാസ്വേഡ് സെറ്റ് ചെയ്യുക.
ലോഗിൻ: വീണ്ടും ലോഗിൻ പേജിൽ പോയി ഫോൺ നമ്പറും പാസ്വേഡും നൽകി ലോഗിൻ ചെയ്യുക.
കർഷക പ്രൊഫൈൽ: 'Register as farmer' ക്ലിക്ക് ചെയ്യുക. "Mobile Number Change Confirmation" എന്നതിൽ 'No' നൽകുക.
ഭൂമി വിവരങ്ങൾ: Land ownership details-ൽ 'Owner' എന്നും Occupation details-ൽ 'Agriculture', 'Land owning farmer' എന്നിവയും സെലക്ട് ചെയ്യുക.
ഭൂമി കണ്ടെത്തൽ: 'Fetch Land details' ക്ലിക്ക് ചെയ്ത് ജില്ല, താലൂക്ക്, വില്ലേജ് എന്നിവ നൽകുക.
സർവ്വേ നമ്പർ: നികുതി രസീതിലുള്ള ബ്ലോക്ക് നമ്പറും സർവ്വേ നമ്പറും നൽകുക. (ഉദാഹരണത്തിന് ബ്ലോക്ക് 32-ഉം സർവ്വേ 148-ഉം ആണെങ്കിൽ 032/148 എന്ന് നൽകണം). സബ് സർവ്വേ നമ്പർ നൽകേണ്ടതില്ല.
ഉടമയെ സ്ഥിരീകരിക്കുക: ലിസ്റ്റിൽ നിന്ന് ശരിയായ പേര് കണ്ടെത്തി സബ്മിറ്റ് ചെയ്യുക.
e-Sign: 'Verify all lands' നൽകുക. 'Approving' എന്നതിൽ 'Revenue' എന്ന് സെലക്ട് ചെയ്യുക (ശ്രദ്ധിക്കുക: 'Agriculture' എന്ന് നൽകരുത്). 'Proceed to e-Sign' നൽകി ആധാർ ഒടിപി വഴി രജിസ്ട്രേഷൻ പൂർത്തിയാക്കാം.
ആവശ്യമായ രേഖകൾ
പുതിയ ഭൂമി നികുതി രസീത്.
ആധാർ കാർഡ്.
ആധാറുമായി ബന്ധിപ്പിച്ച മൊബൈൽ നമ്പർ.
റേഷൻ കാർഡ്.
