30/05/2026
Rak rel ve hrim uh adik bak ka ti 🤭
Sang Ling lainawng case: CNF nih tuanvo lak a herh ko cang
—————
Sang Ling hi Hakha paih kan tuahnak kip ah ai tel, paih cawnnak training kan tuahmi zong ah a thawk tein ai telmi a si. Gym ah kan i pai ti tawn. Mi ziatha, mifel pakhat a si.
A thihnak kong nizaan an cathanh ka cohlan khawh lomi:
1. Zapi hmanmi hall innpi theh ai tim lo
-Zapi hmanmi hall theh a timh timi hi a dik lo, amah a rak umnak inn theh ding an rami a si. Sakhan dihlak hmundang an thial ruang ah amah sakmi a rak umnak inn thing theh ding a rami a si. An cathanh a dik lo. Zapi hmanmi hall innpi cu zeiruang ah hme Sangling nih theh a timh hnga, a molh mi a si lo.
2. ‘Tengh lak in a bengh’:
-Bengh nak men in tlangval pakhat ai teng kho lo(thongh ahcun phundang). An bia a cian hnu a bengh lai caah lakhruak bengh c lo, ZCL nih a k*t tal in i kham loin a dir piak sawhsawh lai lo.
-Bengh cu warning peknak deuh asi. Thazaang dihlak chuah a si bal lo. Thazaang dihlak a chuah ahcun bengh loin a thongh hnga.
Cathanh ah ‘tengh lakin’ timi an hman hi tihnung ngai, aruang cu ZCL hi ‘self-defense’ a si, a mawh pah lo timi dirhmun khi upadi ah cun a sawh.
3. ‘Warrant he tlaih ding ah a kal hnawh’:
-Warrant/tlaih ding order peknak catlap cu biaceihzung lawng nih thil sining zohfel hnu lawng ah chuah piak khawh a si. Zing 10 ah a bengh i 11 hlan ah a thah kha a si. Ralram biaceihzung nih warrant an chuah manh nak ding caan hrim a um lo, ralram ah biaceihtu nih minute 20 hrawng men caan lak in tlaihnak order/warrant a chuah kho lai lo, nikhat tal caan lak ahau, an cathanh sullam um lo hringhran mi a si.
- ‘A kal’ timi singular biafang: Warrant a ngeimi tiah an puhmi pumrua tha Sang Ling tlaih ding ah ZCL lawng a kal ti cu sullam a um bak lo, amah nak ngan deuhmi cu zeitindah amah lawng cun a tlaih khawh hnga.
-A benghtu SL tlaih ding ah bengh a tongmi pa ZCL nih biaceihzung warrant i put in a kal hnawh ti cu biaceihzung a kal ning a si bak lo, ai kalh tuk, vawleicung a sullam um lo bik biafang a si.
4. ‘Chuncung ralram ah a thi’
-Official in an rak thanh lo nain anmah he naihniam mi media (CCN tbk) ah Sangling cu Chuncung kahdohnak ah a thi tiah an thanh hmasa. Sakhan lei pehtlaih nak wifi vialte an phih, biadik a theimi Sangling a nau le an tlaih hna. Chuncung ah aruak an kalpi nain motor a rawk i an kirpi timi biathli zong theih a si. Thuh an timhmi a um timi cu a fiang. Sangling a takpum ah pistol kuan he meithal kuan he hmuh a si tiah chungkhat sin in ka theih. ZCL nih meithal in vuai lak a kah hnu ah ma pistol in cun a kah rih hnga? A kaptu 2 tal an si timi a fiang.
Hibantuk a ngan tuk lainawng case hi cu rinh a tlakmi CNF nih tuanvo a lak a hau. Thil sining dik chuahpi a herh. Kanmah he kan i sain lo ti khawh a si lo. Kanmah cio kan cung ah a tlung kho vemi a si.
Sang Ling a chungkhat zong nih hi lainawng case ah ai telmi poah CNF sin ah official tein taza cuai hram u. Meithal ka ngei ko caah ka duh ning in mi ka that lai i ka luat ko lai ti a ngah lo, ka tuhmi ka zuun caan a phan ve te lai ti hi kan i fian cio a herh.
hi 2018 Hakha paih kan tuah lio ah keimah nih ka rak thlakmi a si.
Crd. Salai lungthli tum
