31/03/2022
小編有話兒：
老實講，小編其實係其中一個元早級成員。曾經我都試過唔相信呢件事，但最後都有堅持落嚟。唔知大家前排有冇追睇《IT狗》，有冇人諗起我哋，我自己就有特別深感受，雖然我哋經歷無劇中咁大起大跌，但個份掙扎同衝勁我真係感同身受。
去到呢一刻，我最大感覺似係終於完成final project 咁，有時放下未必係壞事嘅。劇中都有講，每年都唔知有幾多嘅app呀start up 衝出黎，但又有幾多係生存到闖出一片天。我好興幸自己當年有勇氣去爭取過，自問無做過start up 公司，又無做app經驗，老闆都肯俾機會我呢個窮得只剩熱情嘅人。經歷社運加疫情，雖然最後我哋都係要講拜拜，但未來嘅事無人知，機會係留畀有信念嘅人，我哋有緣再見。
放心，我哋公司上上下下都有出路，未至於食樹皮。而我，一定會再去幫襯咁多位老闆架，到時唔知大家仲認唔認得我呢？
💛💛💛
