21/11/2021
💫兩邊手血壓唔同，原來可以好大件事？！
話說小妹最近都遇到2單好深刻既case, 就係病人話血壓低入院，面色蒼白。
血壓到底有幾低？ 上壓只有7x, 甚至最低可以得返5x。正常人血壓既上壓係100-120, 下壓係60-90，通常上壓8x我地已經覺得好低。
好啦病人入院，通常量血壓都只會量一邊手，但個病人量極都係上壓得7x, 咁我就試下量另一邊手，點知上壓去到2xx, 相差極遠，醫生同我都諗緊會唔會係部機壞，但量左好多次都係咁。
佢個脈搏好弱，好似摸唔到咁，連SpO2都好難先量到。
當時醫生已經諗緊係唔係Aortic dissection, 但要照CT先可以confirm， 所以我就係病人情況仲許可既時候推左佢落去照CT。
點知，落到去唔夠15分鐘，照緊果陣佢脈搏由好穩定既每分鐘11x下，突然得返7x下，然後我已經心知不秒，即刻開門，心跳得返4x, 唔醒，好快asystole, 要做CPR了。
好可惜，經過1個鐘既急救，病人最後都係救唔返😔
經醫生推斷，佢好有可能係Aortic dissection。
咩係Aortic dissection?
Aortic dissection中文係主動脈剝離。
其中一個症狀就係低血壓，嚴重低血壓體徵往往預示患者的預後非常不好，它通常是與心包填塞，嚴重的主動脈瓣關閉不全，或主動脈破裂密切相關。準確測量血壓非常重要。如果頭臂動脈（供應右臂）或左鎖骨下動脈（供應左臂）被主動脈剝離累及，可能出現假性低血壓的情況。
如果確診呢個病，可以點醫？通常都係會即刻開刀做開胸手術，但唔係道道有得做，以我所知QMH CTS就有呢個手術做。
要預防呢個病最有效方法就係控制高血壓，每年做身體檢查，有身體不適要立即求醫。
唔知大家有冇定期量血壓呢？而且會量哂兩邊手血壓？
#醫療保險 #醫療知識 #主動脈 #心 #心臟 #急救 #血壓 #醫學 #護士 #醫生
