21/07/2025
🇭🇰🇭🇰 各位讀者朋友早晨！！
【中美有啲眉目？利華控股（01346）高息穩陣之選，收息一流！】
恒指最近慢慢向上行，雖然中國啱啱公布嘅經濟數據表現只係一般般，但市場氣氛明顯改善，點解？就係因為大家憧憬中美貿易問題開始明朗化。雖然雙方仲有唔少爭拗，但美國肯放行NVIDIA嘅H20晶片出口去中國，其實都顯示咗兩國關係唔係想像中咁差。
你試諗下，如果美國真係完全唔出口晶片俾中國，首先損失嘅會係邊個？唔止中國，美國自己啲企業盈利都會受拖累，連帶美國經濟都會有影響。換句話講，中美之間既矛盾亦有合作，絕對唔可以睇得太負面。
至於大市，波動在所難免，不過對於想穩穩陣陣收息嘅投資者，高息股依然有吸引力。其中一隻值得留意嘅就係——利華控股（01346）。
集團主力為國際知名時尚品牌提供一站式製衣服務，由設計、物料採購、打辦、生產到物流，全部包辦。呢個模式令佢喺高端服裝製造市場建立咗良好口碑。
睇睇基本數：截至今年6月底止，利華公佈中期純利升咗24.3%至535.1萬美元，派中期息3港仙，參考去年全年派6仙，預期今年全年有機會派到10仙，即係息率可能高達7厘以上，非常吸引。
利華最大優勢係咩？就係管理高效、有經驗、有彈性。面對全球經濟唔穩定，佢地平台化管理幫助品牌商靈活出貨，唔洗為咗攞單而平價削利，堅持做質量生意。再加上，公司喺越南、中國、孟加拉等七個國家設廠，越南佔比已達五至六成，中國則少過兩成，風險分散得好靚。
仲有，集團自上市以來已經做咗六宗收購，現正積極物色新標的，即使自然增長放慢，都繼續靠擴大資產組合來加強靈活性。呢種穩打穩紮嘅策略，值得投資者留意。
利華控股盈利增長穩定，派息政策清晰，股息率高，抗跌力強，喺現時市況之下，好適合作為收息長線持有嘅選擇
