https://www.facebook.com/500965366581714/

Better Chain, Hong Kong (2026)

24/02/2015

BETTER CHAIN恭祝大家羊年順景，心想事成，財源廣進，身體健康！

13/02/2014

今個新年認真忙碌！終於趕得上正月14同大家拜返個年！

Better chain 仝人祝大家龍馬精神！馬到功成！恭喜恭喜！

社長話要請大家食返粒朱古力… 大家唔使客氣！

26/04/2013

社長の新玩物！

26/03/2013

咦~喂?! 落雨要收衫喇)))

19/03/2013

時光飛逝, 由孟加拉回港原來已經11日, 終於都有時間同大家分享一下呢個旅程嘅見聞 :)

呢個4日3夜嘅旅程我哋一行5人 (包括兩大社長!) 參觀了當地三間規模較大嘅制衣廠, 以下嘅相就係其中一間到拍攝的, 亦係最大最有規模的一間.

孟加拉這個地方還真是第一次踏足, 所以前期功夫亦做得特別足, 打針的打針, 食預防藥的食預防藥, 乾糧.. 水.. 藥物.. 應有盡有, 再加上出發前不斷收到有關當地暴動示威嘅訊息, 感覺就好似準備出發打仗咁, 難免有點緊張.

直至去到當地機場, 終於順利到達, 心情亦輕鬆了一點, 並不是因為見到喜出望外嘅景色, 而係心態上覺得, 人已在這片土地上, 還得要硬起頭皮把目標完成吧.

說實在, 機場是簡陋的, 場面是混亂的, 假如有人來接你, 你極有可能一落機就可以見到佢, 係咪好神奇? 沒有半點歧視成份, 但周圍的都是黑皮膚的, 說的話半隻字都聽不懂, 當時心內沒有特別感覺, 就只有小心兩個字..

由機場到酒店不用20分鐘嘅車程, 保安嚴密且有格調的5星級酒店, 令人為之精神一振, 起碼知道有個可以安心休息嘅地方.. 之後當我們見識過另一間原本將會入住嘅4星級酒店嘅時候, 呢個感覺更加強烈! 平時到國內出差, 我都係習慣住商務酒店, 價錢平房間乾淨就可以了, 但在這個地方, 這個被講到連刷牙都唔可以用水喉水嘅地方, 確實是有入住高級酒店嘅必要 (反正外國人會住的, 跟著就沒差 :P), 否則你又如何可以好好休息應付第二天嘅工作呢?

至於食物方面, 反正不是在酒店裡就是跟工廠老闆到一些比較高級的地方用膳, 總之都是吃得好, 有孟加拉菜.. 有印度餐.. 甚至韓燒.. 反正我嘅價值觀就已經變成是越貴價就越覺安全的了! 不過, 當中有一餐於工廠的行政人員飯堂中吃午飯, 味道也不錯, 最重要嘅係無病到呢! (touch wood!) 所以最終大部份乾糧都當手信咁送晒俾接待我哋嘅員工, 令人驚訝嘅係.. 佢哋竟然未見過杯面?!

當地人都是黑皮膚的, 有光澤的黑, 亦都有暗啞的黑, 傳說中有光澤的是印度裔的, 而暗啞的是巴基斯坦裔的, 是真是假就真的有待證實啦; 當地嘅文字是看不懂的, 別以為阿拉伯數目字是世界通用, 在孟加拉連數目字都唔會睇得明! 當然, 佢哋嘅本土語言就更加唔會聽得懂, 但還好.. 普遍接觸到的都會說英語, 而且都頗為容易聽容易理解.. 這個完全是意料之外..

出發之前聽到的都是一些負面嘅評價, 例如話佢哋講一套做一套, 但係我哋接觸到嘅, 都算叫做正面, 做事反應快, 能夠做的就做, 做不到的就會即時告知, 所以暫且感覺都算良好.. 而且大多數都好有禮貌, 好願意主動去接觸外地人, 即使佢哋只會用單字去表達, 但係至少佢哋都肯去嘗試呢?! 而且旅途中發生了一件遺失事件, 最終完好無缺咁領回失物, 實在令我們刮目相看呢!

總結 :
- 周圍都係工地, 塵土飛揚, 感覺就像20年前的中國.
- 一般地方環境衛生比較差, 晚上蚊子兇群出沒.
- 大多數建築物是殘舊的, 汽車是破爛的.
- 大慨因宗教關係, 娛樂的地方不多, 四天的旅程除了吃飯外也找不到可以用錢的地方.
- 人民生活是艱苦的, 而且有時目光是比較奇怪, 但相信是善良的.

P.S. 再有機會去呢個國家嘅話, 希望可以接觸更平民化的一面, 相信會更加有趣! 而且一定要帶相機, 因為實在有太多特別的人與物值得去留念.. 淨係汽車都已經有排影啦!