10/03/2026
感恩旅程的點滴與收穫 ✨
眨吓眼，公司嘅獎勵旅行已經嚟到最後一日，真係滿心感恩！執好行李，準備返香港同大家見面，心情既興奮又不捨。🏨✈️
旅途期間，收到公司通知，話客戶嘅驗身報告順利過關，保險申請喺冇任何Loading或者除外條款之下成功獲批，為客人提供到充足嘅保障。聽到呢個消息，真係好感動，感恩客戶嘅信任，亦感恩公司嘅支持，令我可以幫到更多人。📋✅
旅程入面，總有好多等待嘅時間，就好似而家喺機場等候上機。對我嚟講，進修係一種享受，亦係一件感恩嘅事，因為可以不斷增進知識，仲可以將學到嘅嘢分享俾身邊嘅朋友，幫到人，自己亦都好開心。📚😊
呢幾日，盡情享受咗成都嘅美食，公司嘅慶祝晚宴更加有接近20道菜，每碟都好大份，真係豐富到不得了！成都香格里拉酒店嘅早餐，無論係地道風味定國際化選擇，都應有盡有，食得好滿足。你話我冇肥到？哈哈，不過感恩嘅係，我每日都堅持達到今年定下嘅步行目標，相信返到香港，要脫脂都唔係問題嘅🤣🍜🍲
今朝早同同房嘅S同事一齊食早餐，佢提到返香港後要面對一位高資產值客戶，仲分享咗佢上線經理嘅見解。佢講出嚟，其實都想聽吓我嘅意見，我就將自己嘅經驗同佢分享。其實無論面對咩情況，最緊要都係初心——唔係單純做一張保險單，而係做真正嘅理財規劃。呢位客人臨近退休年齡，太太做生意，有個七歲嘅可愛寶寶，仲有幾項物業收租。
我即刻諗到，可以透過「持久授權書」、「遺囑」、「保險信託」同「信託」，幫佢處理「人在醫院錢在銀行」、「環球稅務風險」、「生意可能帶嚟嘅破產風險，做到破產不破」，甚至萬一遇上意外，點樣保障未有，法律行為能力嘅孩子。可惜，因為趕住上接駁巴士到機場，呢部分冇時間詳細分享。🚶♂️💪
呢啲專業知識，真係唔係三言兩語講得完，感恩有機會從蘇文傑律師度學到咁多，作為一位「準認可信託策劃師」，希望將來可以幫到更多有需要嘅人！💼🧠
感恩呢趟旅程嘅每一刻，滿載而歸，期待返香港同大家見面！🙏✨🏡💕
#感恩之旅 #公司獎勵旅行 #成都美食 #理財規劃初心 #專業成長 #持久授權書 #信託規劃 #保險信託 #感恩每一天 #準認可信託策劃師 #客戶保障 #成都香格里拉 #健康生活 #步行目標 #團隊分享 #滿載而歸
