梁頌恆 Baggio Leung

13/01/2026

有關黎智英先生被單獨囚禁，政府講既「黎生自己要求單獨囚禁」的確可能係事實嘅一部份。

事實上只要係佢哋認得既政治犯，一去到荔枝角就會有個懲教署職員扮「白臉」比份野你簽話你自願單獨囚禁。我未試過唔簽，但老老柒柒監獄係人哋地頭，香港依家咁嘅環境，唔簽有咩後果我諗都好容易想像。

所以重點其實唔係單獨囚禁係咪黎生「自己申請」，而係：

1. ）黎生到底點解有罪先？又點解會未審先坐？
2. ）單獨囚禁呢樣野係現代既理解是否構成酷刑？

望周知。

06/12/2025

比半分鐘我講下經，你有冇諗過點解依家係人類統治世界？
我哋人類跑得慢過馬，大力更加無得鬥，講好打連袋鼠都好抽過我哋，點解而家會係人類統治世界？其實都係因為我哋識得諗嘢。

近排香港好多事，我哋一定都有好多感受，好多嘢會諗。
而有啲原則，係我哋應該堅守。

呢個星期日係咩日子？跑馬囉。
作為香港人嘅講經頻道一向就最重視公民責任，只能夠講話「你屋企要人馬會要人」。

為咗大家同身邊嘅長輩星期日都有有意義嘅事做，波馬分析文字版破例公開一期，大家可以係係 Patreon 免費 Download：
https://www.patreon.com/posts/145152136?pr=true

唔夠膽講咩，但一定多料過你出去亂買份馬經先。
PDF 嚟架咋，可以幫埋姨媽姑姐叔伯兄弟搞埋叫佢哋剔返場馬有錢贏有意義過去亂剔廿四啦。

Get more from 香港人的講經頻道 on Patreon

27/11/2025

點解連人都未救完災民又未處理好就一路想 Spin 去竹棚鐵棚呢啲擺明唔關事既問題先？

就係班蛋散都心知呢個利益集團真係有問題呀。

保持清醒，唔好比人帶走，殺人兇手一定要還的。

26/11/2025

https://taipo-fire.web.app/

幫手傳開去, 報平安/求救用

宏福苑報平安系統 - 即時住戶安全狀態追蹤

24/11/2025

呢單爆，但無乜媒體報，可能都唔夠膽報。

1. 今日《彭博》爆料，有好多支國地方政府融資平台 (LGFV) 透過銀行係香港以「回佣」方式違規發債。

2. 簡單講，假設隻債券面債$100，票面息8%。承銷銀行以折扣價$93賣俾投資者；LGFV再以「顧問費」名義，向銀行回佣$7。投資者嘅回報率就會由8%，變成16%。Link 我留言到 post 返。

3. 結果，LGFV只係借$93，銀行就係為最大贏家，除咗可以收買家佣金，承銷費仲特別高。

如果銀行有支國債呢啲咁嘅「好嘢」益你，記得唔好上當。
問你個 Sales 可以考慮同佢絕交添。

19/11/2025

好耐冇睇過一場波係睇到想喊，尤其見到茹子楠咁講，見到班球員同球迷賽後嘅傷心沮喪失望，但球員堅持去答謝球迷，球迷又留低繼續支持返班球員，好難唔令人動容。

睇完香港對新加坡個場波，憤怒和失望不足以形容唔到這刻的感覺。
憤怒和失望唔係因為輸，足球運動比賽就一定有贏有輸。我哋香港隊又唔係咩強隊，有咩未試過？
最令人失望同嬲係球員搏盡而且水準發揮，球迷組織都真係做足 150 % 比最好嘅主場條件你，但球隊因為有人無做好自己工作而輸波。

西木你都係躝返去阿富汗跟塔利班啦，我哋唔識波留你唔起，唔送。

https://youtu.be/9JL_77jPb2o

好耐冇睇過一場波係睇到想喊，尤其見到茹子楠咁講，見到班球員同球迷賽後嘅傷心沮喪失望，但球員堅持去答謝球迷，球迷又留低繼續支持返班球員，好難唔令人動容。睇完香港對新加坡個場波，憤怒和失望不足以形容唔到這...

13/11/2025

越來越近香港對新加坡呢場非勝不可嘅生死戰，贏波就入決賽周，輸波就出局，就算和波形勢上都好危險。準備資料時就發現自己真係好多嘢想講。最後我將佢拆開做幾部份，有啲說話想分別同老球迷新球迷講，同埋有啲非常緊要戰術細節想同 Westwood 講，所以我破天荒用晒英文同香港話雙語廣播。

用英文講波經重要係戰術細節咁刁鑽都真係第一次，不過假如我提到一兩個小細節嘅都值得，希望大家唔好嫌棄我啲英文 1999，同埋幫我手推到 Westwood 睇到，就算佢睇唔到都想大家集氣香港隊預神殺神殺入決賽周。

https://youtu.be/AjztBtSjkF8

越來越近香港對新加坡呢場非勝不可嘅生死戰，贏波就入決賽周，輸波就出局，就算和波形勢上都好危險。準備資料時就發現自己真係好多嘢想講。最後我將佢拆開做幾部份，有啲說話想分別同老球迷新球迷講，同埋有啲非常緊...

06/11/2025

過去幾星期一路話風險越嚟越高，結果係剛剛過去一星期股市出現危險訊號，其他風險資產如 BTC 一樣，九叔就已經叫捨身取義叫大家走，今日連 Trump 都幫口比個逃生門大家，大家走唔走就你嘅決定。

傳送門：

10/10/2025

各位香港人早晨！唔知大家琴晚睇完場波會唔會激動到瞓唔著。係主力英雄輝同茹子傷出之下，李小恆入三球踢到第一百分鐘作客絕殺孟加拉，我自己睇完場波係震，好彩係開心到震。依家嘅出線形勢，香港隊只要把握住餘下兩場主場贏波就能夠出線。所以各位入到場嘅球迷，幫手嗌埋我個份。

戰果就令我哋球迷開心到震，但如果講戰術分析賽前部署，我夠膽講今日香港係真係一無是處，特別係上半場係比東亞盃更差，完全係無組織無目的。防守時三線距離極遠連最基本嘅壓縮空間都無做，進攻其實都係靠艾華頓自爆（自己爆），而其他人係連基本走位入攝都見唔到。呢場只係李小恆救返場波，但總唔能夠每場都係咁。

戰術上可以鬧西木嘅，呢啲戰術分析賽前部署應該都係佢嘅責任，但其實佢幫手頂咗其他嘢。呢啲嘢亦都令我諗足總其實係度做緊乜？

https://youtu.be/_R8fzslw0-8?si=4EK9Aez53EawYwQh

各位香港人早晨！唔知大家琴晚睇完場波會唔會激動到瞓唔著。係主力英雄輝同茹子傷出之下，李小恆入三球踢到第一百分鐘作客絕殺孟加拉，我自己睇完場波係震，好彩係開心到震。依家嘅出線形勢，香港隊只要把握住餘下兩...

30/09/2025

中國心六月四號，呀唔係六場四號先啱。

馬會編排場次咁樣係咪叫從善如流？

11/09/2025

真正禍國殃民嘅唔係左或右，而係「膠」。
更精準啲講，我呢度所指嘅「膠」係指極端，人話講「Over 咗」。

任何一套政治思想，都係為咗解決問題而諗的。

當佢唔再係解決問題，而係製造問題嘅時候，咁大家就要諗下套思想／ 講嘅人係咪有問題。

其實都唔係好難理解者係咪？