梁頌恆 Baggio Leung

21/10/2026

啱啱就睇完曼聯作客科莫慘敗，我相信開 live 嘅時候卡域克都唔知仲係咪曼聯領隊了。
見到網上好多討論都覺得曼聯管理層係有問題，所以卡域克係唔應該炒。
其實曼聯管理層有冇問題／卡域克係咪夠班／應否炒卡域克應該係三個問題？
即係曼聯管理層有問題都唔代表卡域克夠班，卡域克有問題又唔代表炒卡域克曼聯就會解決問題，即係香港班高官都全部係臘鴨架啦？但換個班臘腸做唔代表香港嘅社會問題會解決架？

邏輯好重要。

呢集抱歉又要借曼聯做標題，講下曼聯殞落的前世今生。
第八輪各場都會做前瞻嘅。

熱刺開齋贏波但問題依舊嚴重。
利物浦如果見到佢正選就危險。
車路士單線優勢逐漸浮現。

香港時間 2040，Live 同大家逐場拆下局。

https://youtube.com/live/FOoyh0kRvaQ

08/10/2026

啱啱就三星期國際賽周，其實呢個安排幾好呀好過要啲球員不停飛嚟飛去，舟車勞頓都辛苦。
呢三個星期香港就一吐烏氣，東盟杯攞到冠軍，亞運又好好成績，仲有西班牙名將 Silva 加盟至尊沙田添。

而世界足球壇就非常多大新聞。

首先就係英超聯賽獨立紀律委員會正式發布裁決，裁定曼城大部份財務違規指控均告成立。依家佢哋搞緊上訴，但仲有冇得打呢？曼城今次咪正式 GG 了？另外亦都有意見係講其實財政公平條例根本只係傳統強隊嘅護城河，其實呢類條例點 set 係最公平？

仲有好大粒花生嘅就係 C 朗拿度係葡萄牙國家隊就不滿領隊捷西斯「言而無信」唔比佢落場，都簡單幾句講下。其實任何團隊運動 （team sports）都係 team 行先，當部份球員係大過球隊，其實注定無運行。延伸放返係球會級賽事，近年皇家馬德里表現咁掙扎唔係無原因。

講返英超嘅拆局，曼城呢個星期就對利物浦，利物浦都真係係最好嘅時機對曼城呢個老對手，睇下受裁決影響嘅曼城球員嘅精神面貌如何。

曼聯對熱刺就變咗兩軍帥位保衛戰，迪沙比卡域克邊個輸波的話都應該幾大壓力。

另外都要留意返國際賽返嚟部份球隊嘅主力係受傷，邊隊最傷邊隊獲得寶貴嘅休養時間？

香港時間 2045，Live 同大家逐場拆下局。

https://youtube.com/live/rnbN4C7yaOg

啱啱就三星期國際賽周，其實呢個安排幾好呀好過要啲球員不停飛嚟飛去，舟車勞頓都辛苦。呢三個星期香港就一吐烏氣，東盟杯攞到冠軍，亞運又好...

22/09/2026

大家如果睇得我耐發現我經常都會留意馬匹嘅狀態，其實主要都係邊樣少人識睇就更加要留意個樣，香港賽馬行彩池制大家對賭嘅，少人識睇嘅嘢先大機會有賠率，最起碼唔會比幕後呃到呀。

今集就搵到專家祺哥同我哋分享一下點樣睇馬匹狀態。

呢兩期賽事另一個特色就係董建華死搞亂好多馬部署，通常心急要跑嘅馬咁都不外乎係果啲原因嘅者，做好咗要搏囉，咁邊啲馬最似心急要跑？ 香港時間夜晚 2100，Live 同大家一齊拆下局。

https://www.youtube.com/live/fShzewlYzgE?si=3w70lvUiS8yglFDa

大家如果睇得我耐發現我經常都會留意馬匹嘅狀態，其實主要都係邊樣少人識睇就更加要留意個樣，香港賽馬行彩池制大家對賭嘅，少人識睇嘅嘢先大機...

17/09/2026

嚟到國際賽週前最後一次嘅英超各隊拆局 20 隊分析，去到國際賽週就會將啲心力研究返香港隊。

呢個星期對曼聯球迷嚟講都幾難捱，完全有種歷史在重演嘅感覺，局外人如我會話戰績不穩係合理預期？但個別比賽畫面見到球隊嘅精神面貌係令人擔心。

另外想同大家傾下另一個大議題，球隊成績唔好點樣分辨領隊／球員／管理層責任有幾大？我哋又用比賽畫面大家一齊研究下。

上星期幾隊周中有用過力嘅球隊都幾明顯係聯賽係出現速率下滑嘅情況，除咗曼市打比兩隊都有踢冇得計之外，阿仙奴係明顯比新特蘭嘅體力化踢法壓到有啲亂，維拉谷唔起，利物浦亦出現好多球員判斷上嘅失誤，呢個星期好多球隊都周中都有比賽，佢哋嘅情況又係點？

香港時間 2200，完晒亞運亞冠比賽之後，同大家一齊傾傾。

https://youtube.com/live/xjRV7qiJMjU

嚟到國際賽週前最後一次嘅英超各隊拆局 20 隊分析，去到國際賽週就會將啲心力研究返香港隊。呢個星期對曼聯球迷嚟講都幾難捱，完全有種...

31/08/2026

今年轉會窗都幾瘋狂，真係去到最後一日都似乎會有唔少大 deal 出現。

利物浦加普轉會消息明明已經靜咗落嚟但忽然傳曼城好接近以一億歐羅收購，然後原本傳想簽加普嘅熱刺就收購愛華頓尼迪耶，呢個都好似啱用。反而利物浦開季表現係唔對辦明顯攻守平衡出事，如果真係賣加普會唔會買個中後場補一補？但佢哋原本嘅目標 Kamara 就同車路士行得好埋，但取決於安素到底走唔走？森林今季除咗簽水晶宮前教頭加士拿再不停向水晶宮求人，搞到水晶宮要出 statement話我哋唔賣啦？葉士域治高雲地利兩隊升班馬會否再加碼搏護級？

香港時間星期一晚上九點，同大家一齊做一集期間限定交易現場，睇下邊個係最佳死線戰士。

https://youtube.com/live/EE_1bWtCpns

26/08/2026

第一輪嘅英超投注就冇乜嘢大攪作但觀賞角度係幾有驚喜，一眾強隊問題多多，而陣容無大變嘅阿仙奴季初進度一枝獨秀，成為冠軍熱門係好合理嘅。

曼聯輸俾牌面二十隊最弱嘅侯城到底係輸乜嘢？
利物浦繼續咁踢領隊伊拉奧拿我諗過唔到聖誕。
曼城新帥馬利斯卡帶領之下雖然贏波但只係有運，佢繼續萌塞致敬杜曹的話曼城今年前四都危危乎。
維拉熱刺雖然大敗但我都幾肯定第一週嘅陣容過半隊唔會係常規正選，我諗要轉會窗完果日開 Live 我先落到定論。
車路士一樣搞掂轉會先講，不過佢哋勝在前場孖寶 Palmer 同 Pedro 無踢世界盃，明顯佢哋身體狀態係真係好可能靠佢哋已經捱得過磨合期。

https://youtu.be/0655Qb9W-DU?si=Me62tiwZ6XedptW6

第一輪嘅英超投注就冇乜嘢大攪作但觀賞角度係幾有驚喜，一眾強隊問題多多，而陣容無大變嘅阿仙奴季初進度一枝獨秀，成為冠軍熱門係好合理嘅。...

14/08/2026

唔經唔覺球季暑假就嚟又完，我哋都係時候開工做分析。呢條片會一次過分析晒二十隊來季要注意嘅嘢。

阿仙奴簽般奴G實質加強咗咩嘢？
傳曼城如果 Rodri 走就會買車路士 Enzo，但我想講下車路士今個轉會窗嘅表現。
利物浦曼聯陣容厚度捱到全季？
曼城季初要小心，特別如果呢幾位球員同場。
熱刺新人新作風令人期待，反而紐卡素決定縮皮令人失望。
三隊升班馬邊隊有機留低？

https://youtu.be/NaRTO79YIuo?si=aQiSF6-9SnZmHsKK

唔經唔覺球季暑假就嚟又完，我哋都係時候開工做分析。呢條片會一次過分析晒二十隊來季要注意嘅嘢。阿仙奴簽般奴G實質加強咗咩嘢？傳曼城...

04/08/2026

世界盃年過咗一排歐洲各大強隊都開始打熱身賽，好幾隊就選擇咗嚟香港掘金仲引發咗 KOL 之亂，當然啦就算係表現賽其實相關公關團隊係咪都應該做好小小唔好阿豬阿狗都請呢呢個都係需要嘅，但其實諗深一層，近排世界各地嘅「KOL 之亂」，可能我哋都有份做成。

講完經講返轉會。

故事應該首先從銀河艦隊皇家馬德里講起，當年今年就搵到摩連奴整頓更衣室，佢哋就想搶同曼城得返一年約嘅金球獎得主 Rodri，同時間就一路 Delay 緊呢個轉會場嘅當紅炸子雞 Diomandé，睇嚟就想搞掂雲尼索斯先再決定，而一路都爭緊 Diomandé 大巴黎就唔知係咪想報仇，就竟然想爭埋 Rodri，呢段三角關係以外就影響住非常需要補充翼鋒嘅阿仙奴利物浦，同搵緊卡斯米路接班人嘅曼聯，睇下最後會唔會蝴蝶效應令邊隊執到著數。

呢幾年自從轉咗美國班主之後專一過李安納度狄卡比奧嘅車路士今季就竟然轉死性連買兩個老將，佢哋係真心知道足球係點搞了？

今年搶晒風頭嘅熱刺，迪沙比就豪言佢哋仲會有大收購，堅定流呀？

紐卡素接連兩個轉會窗失利，Eddie Howe 都走埋，睇嚟佢哋都會正式紅牛化。

香港時間 2100，同大家傾下轉會。

26/07/2026

大家睇到呢條片嘅時候香港應該打緊風大家注意自己安全。
咁啱呢排環球股市都係打緊風，納指係啱啱星期五就正式跌穿重要支持位 28200，的確納指係七月嘅表現係過去十幾年最差，甚至已經有人出嚟講AI 概念係咪玩完？係咪會好似2000 年初科網股泡沫一樣？

咁其實做個簡單比較都知道答案嘅，2000 年初有幾多間 .com 係賺到錢？

餘下嘅問題係幾時可以撈貨？ 撈貨撈咩好？

25 分鐘同大家好快拆解一下。

https://youtu.be/wlmH9XeS2q8

大家睇到呢條片嘅時候香港應該打緊風大家注意自己安全。咁啱呢排環球股市都係打緊風，納指係啱啱星期五就正式跌穿重要支持位 28200，的...