02/08/2025
作為一個專業保險人，睇到呢段新聞，我會睇到嘅重點喺邊？有乜嘢有用嘅資訊可以從中了解到而話到俾大家聽？
重點：
- 第四度患癌=癌症係可以翻發好多次。
- 羅家英花光積蓄醫治=佢嘅積蓄相信絕對唔少，即醫療費用金額超級龐大。
- 「我冇保險，我一定要有積蓄，咁咪使咗佢囉！」=有保險就唔駛靠哂積蓄，當然亦可選擇去政府醫院醫。
- 79歲，男性，非吸煙。
- 「我唔信保險，但我有儲埋儲埋，我都知道我冇保險，我一定要有積蓄，咁咪使咗佢囉。第二次我又用晒啲積蓄。」=你可以唔信保險Agent，但信唔信保險唔係憑感覺唔係聽人講，而係要自己去了解，無了解而唔信同了解完唔信係完全兩回事。
有用保險資訊：
1）就住上述情況，有乜保險可以幫到手？
答：第一當然係一筆過賠償嘅危疾保障，如果係新式嘅多次危疾保障就更加理想，亦有針對多次癌症嘅危疾保障，不過癌症以我公司嘅危疾產品為例最多賠3次。
第二就係住院保障，如果有埋高端住院保障就更理想，因為基本大房級別住院每次入院賠盡廿萬左右，同一疾一年最多都係賠到數十萬，重點第一次大手術嗰度已經要貼好多，而高端住院賠償一年上限1200萬終身5400萬，加埋保埋癌症電療化療鏢靶藥門診費用，就上述事件應該幫到好大忙。
第三就係針對癌症嘅實報實銷癌症嘅危疾保障，賠償有別一筆過危疾，而係實報實銷，可多次索償，每次疾病賠償上限最大可以買到300萬，終身賠償上限1800萬，賠償範圍亦不限住院期間嘅費用，涵蓋檢查、醫症及復康費用，就上述事件應該亦幫到好大忙。
2）上述保險產品的利與弊？
A)一筆過單次/多次危疾保障
上述事件保守估計4次治療費用應該過1000萬，危疾保障好處係一中就有一大嚿錢到手，幫到手醫病之餘又幫到生活費，但壞處係保費貴，正常人即使一出世買保額通常都唔會過200萬。
假設保額100萬港幣，供25年保終身，一筆過賠償終身賠3次。
- 1歲男：年費13###
- 20歲男：年費21###
- 30歲男：年費27###
- 40歲男：年費39###
B) 大房住院/高端住院
住院保障基本上必需持有，最基本都揸份大房級別，但賠償上限只頂到廿萬左右，好似上述事件第一次發病時嗰吓手術可能已打爆咗份大房住院。高端係無敵但無得供斷同年年加保費，正常人都好難供到79歲，除非好早已經有做醫療儲備計劃。
- 79歲男，大房住院年費估計約38###
- 79歲男，高端住院分唔同年度墊底費，估計年費約31###至53###不等
C) 實報實銷危疾
呢隻產品就住上述事件幫到手之餘，中年歲數時性價比亦高。雖然佢唔似一筆過危疾咁有錢到手，但針對醫病其實係最合適，但佢一樣無得供斷同年年加保費，吸煙人士保費亦好貴。缺點係佢只保癌症、中風同心臟病發3種疾病。
假設買計劃四，實報實銷，每次疾病賠償上限300萬，終身賠償上限1800萬，非吸煙。
- 男59歲，估計年費約2萬
- 男69歲，估計年費約4萬
- 男79歲，估計年費約63###
-
希望以上資訊幫到大家了解更多！
祝願各位及家人身體健康！
第四度患癌
羅家英花光積蓄醫治
「我冇保險，我一定要有積蓄，咁咪使咗佢囉！」
從沒叫阿姐幫手
「如果佢願意幫我，我都好樂意嘅！」
為抗癌切除前列腺
自認冇性慾已四、五年
「打咗女性荷爾蒙，更加冇，慣咗」
79歲的 #羅家英 第四度患癌，早前坦認 #前列腺癌 復發。歷年抗癌，花上巨額醫療費， 亦沒有買保險，手術費等全靠積蓄，表示需要用錢時負擔得到便可，一切安然面對。
近日羅家英接受好友查小欣YouTube頻道《紅查館》訪問，表示四度患癌，已耗盡積蓄，「第二次（患癌）我一啲都唔驚，（醫生話）照割囉。割，最緊要一樣嘢係：你有冇錢？」他續說：「我唔信保險，但我有儲埋儲埋，我都知道我冇保險，我一定要有積蓄，咁咪使咗佢囉。第二次我又用晒啲積蓄。」
被問及妻子 #汪明荃 有否經濟支援，他回應：「我冇叫過老婆幫我，我唔使佢幫，千祈唔好同佢講呢樣嘢；佢亦都冇講過話幫，佢知道我有（積蓄）。」之後他笑說：「如果佢願意幫我，我都好樂意嘅。」
【唔係唔醫 但唔係咁醫】
今次復發，他解釋：「我唔係唔醫，但唔係咁醫。」他指2004年患肝癌時：「一粒荔枝咁大粒嘅嘢喺個肝度，咁就切咗佢。」
2014年另一位置再生荔枝般大的腫瘤，切除後無礙，他說：「切咗又冇嘢。」至2019年，發現前列腺有癌細胞，同樣手術切除，未料有癌細胞潛伏，近期成形復發。
【求共存 非消滅】
今次處理有難度，羅家英坦言：「佢有成咁多粒喺度，切唔到，亦唔知點醫。」引述醫生建議：「得一個方法，就係打女性荷爾蒙，可控制8年左右。」這方法是求共存，「一路撳住佢，唔係消滅佢，唔係醫治佢，係等佢平和。」
8年之後呢？「就壓唔住㗎喇。壓唔住要點？就要電療同化療。8年之後我都八十幾歲，電療、化療之後，你畀多3年我，咁我嗰時都人唔人鬼唔鬼，呢個人生有咩用啫！」他堅決表示：「唔會再電療，唔會再化療。」
他目前要注射女性荷爾蒙遏制癌細胞，感到身體變得虛弱，很容易累。他更說：「我嘅前列腺被切除之後，個人定咗、淡咗。」被問到「淡咗」是否指性慾？他直言：「對於『色字』，冇晒，仲打咗女性荷爾蒙添，更加冇，慣咗，已經4、5年。」
祝福家英哥身心康泰。
#娛壹
