https://www.facebook.com/100413748651363/

Star Group, Hong Kong (2026)

03/01/2024

新一年相信大家都有不同嘅規劃，年頭規劃特別重要，因為可能會影響到整年，甚至之後幾年嘅部署～有其中一部份規劃可能就係要考慮金錢上應該要點樣分配，而有啲人可能會選擇cut醫療保險，因為手上金錢可能因年齡或退休後同以往有所不同。不過cut之前記得要好好考慮以下四點！

1️⃣ 取消保單後情況
Cut單雖然係一個非常簡單嘅步驟，但係未必所有人都知道cut單後到底有咩風險。一般都係年紀大嘅朋友會考慮cut單，因為覺得保障無咩用，或者可能覺得保費太貴。但如果年紀大嘅時候喺私家醫院需要醫病，手術或治療費用好多時都會高達六至七位數字，如果cut單後就唔會有任何保障，需要自己負責啦！

2️⃣ 未必可以再投保
如果係已經有一定嘅病歷，萬一真係cut單後想再投保，保險公司都有可能唔會再安排到一樣嘅保障俾受保人。所以無論係cut單前或後先出現有新疾病，風險都需要由投保人自行承擔

3️⃣ 公司醫保未必充足
亦有朋友係因為公司已經有醫療保障，而選擇取消自身嘅醫療保障。不過大家都要考慮返到底公司嘅保障係咪真係足夠，同時亦都要考慮如果唔再為呢一間公司工作，甚至退休後嘅醫療保障到底可以點樣安排

4️⃣ 等候期變空窗期
如果純粹只係A保險公司換B保險公司，就要留意醫療保單之間會唔會有任嘅等候期，以免取消之前嘅醫療保障後，萬一真係出現需要時，但後者保障仍然處於等候期，就會變得得不償失！

最後再祝大家新年快樂！希望新一年我哋可以繼續服務大家，如果大家有任何問題，可以搵我哋專業嘅團隊成員諮詢一下！
-------------------------
Star Group - We Create Entrepreneurs.
#及早妥善理財

28/12/2023

聖誕佳節啱啱過咗，而且連埋新年長假期，可能大家都會出去去旅行，或者去出國探親。出國嘅時候記得一定要有旅遊保！而且有四件事你要知道關於旅遊保險你一定要留意！

1️⃣ 高危活動
首先要考慮返整個行程安排，例如如果有高危活動，例如跳傘、滑翔傘等等，要提早留意旅遊保險有無保障到以上活動或者範疇

2️⃣ 物件保障
即使買咗旅遊保險都唔代表所有財物都會受保㗎！要留意保單內容，未必每份保障都會為電子產品，例如手機、平板電腦提供完全嘅保障

3️⃣ 索償上限
不同保單會有不同嘅索償上限，唔同人會有唔同嘅需求，投保之前應該要留意索償上限係幾多，以免有真正需要嘅時候先發覺索償原來唔夠

4️⃣ 支援服務
如果喺外地遇到任何緊急情況，又遇到語言不通嘅情況，真係幾麻煩！所以投保時可以考慮保險公司有無外遊支援服務，需要時就真係非常幫到手！

去旅行或者出國一定係一件開心事，大家應該都唔會想因為小意外而影響到整個旅程。所以如果大家準備去旅行，記得一定要投保返一份旅遊保啦！
-------------------------
Star Group - We Create Entrepreneurs.
#及早妥善理財

20/12/2023

如果大家有留意呢幾年嘅出生率，可能大家都會發覺愈來愈少人會計劃生孕，雖然生活負擔的確會變得較輕，但係老年點樣照顧自己，或者財產喺過世後應該要點樣分配，就一定要預早規劃啦！大家可以從以下三個方向考慮點樣預先規劃你嘅將來啦！

1️⃣ 醫療保障規劃
相信大家最怕嘅都係重病時需要承擔嘅風險，所以大家要留意自己嘅保障係咪足夠之餘，亦都要考慮到自己係咪有定期健康檢查嘅習慣，萬一真係有任何不幸患病嘅情況，都可以盡早知道，繼而計劃下一步點做

2️⃣ 退休生活規劃
隨著年齡增長，自理能力都會漸漸下降，到底之後點樣安排自己嘅生活，或者退休金點樣運用，都需要好好規劃，希望可以喺退休後都可以有一個有品質嘅生活，好好享受世界

3️⃣ 生後財務規劃
如果你擁有物業或者有唔同嘅財產，都需要預先規劃過生後到底呢啲財產應該要點樣處理，或者需要留俾邊一位屋企人，咁就可以令財產跟住自己嘅意願留俾屋企人啦～

所以大家一定要提早預先規劃，令自己喺人生不同階段都可以有所保障，而且盡可能過到一個有質素嘅生活～如果大家都想預先規劃但唔知道自己有咩可以做到或者點樣做到，不妨搵我哋嘅團隊了解更多啦～！
-------------------------
Star Group - We Create Entrepreneurs.
#及早妥善理財

06/12/2023

之前經常都同大家講醫療保險嘅重要性，咁大家覺得幾時開始需要投保呢？或者應該點樣安排投保醫療相關保險？今日同大家分幾個階段分析一下！

1️⃣ 幼稚園／小學
呢個階段嘅小朋友相對上比較多醫療需要，因為幼童經常會有流行性疾病互相感染，而且幼童自理能力比較低，一不小心就可能會有受傷或患病。所以家長可以考慮幫小朋友投保醫療保障，令幼童患病嘅時候都可以有足夠嘅保障選擇合適嘅治療，例如入住私家或半私家病房

2️⃣ 中學
中學階段子女可能會有不同活動，甚至可能會考慮到外國讀書。除咗要考慮讀書嘅選擇之外，記得都要考慮埋醫療相關保障嘅選擇啦！

3️⃣ 大學以及大專
去到大學或者大專，子女可能都會有自己嘅想法，不妨喺呢個時候同子女分享一下到底佢哋有投保到啲咩保障，甚至可以考慮有部份保障交返俾佢哋自己負責，畢竟唔少大學、大專生都已經會有做兼職嘅集慣

保障同埋預先規劃都係一個非常大嘅課題，各位家長都可以提早令子女有呢個概念，令佢哋大個嘅時候都可以為自己好好規劃！
-------------------------
Star Group - We Create Entrepreneurs.
#及早妥善理財

29/11/2023

有唔少朋友了解到保險產品嘅時候，都可能會覺得自己仍然年輕，暫時唔需要買保險，可能到有需要嘅時候先投保。但係大家有無諗過… 家人身體狀況都可能會影響自己投保成功率？

⁣最近同一位客人溝通，之前有同佢提及過投保醫療保障，但由於幾年前客人覺得自己仍然非常健康，所以無投保。但幾年後當客人認為需要，希望再投保時，反而公司拒絕咗佢嘅申請。原因唔係因為佢嘅健康出現問題，而係因為最近屋企人不幸確診癌症。

大家要留意投保申請當中，保險公司除咗會考慮投保人健康情況之外，亦都會考慮到家族病史，如果大家知道屋企人有以下呢啲患病風險較高嘅情況，就應該要考慮盡早投保：

💊 心臟病
💊 糖尿病
💊 高血壓
💊 中風
💊 癌症
⁣
所以大家都要盡早考慮投保嘅需要，應該盡早衡量風險，以免最終會得不償失！如果大家唔知道點樣計算風險，就搵我哋專業團隊了解一下啦！
-------------------------
Star Group - We Create Entrepreneurs.
#及早妥善理財

22/11/2023

可能大家認識保險業嘅朋友，見到卡片上都會寫「MDRT、COT、TOT」，但係大家知唔知其實呢幾個字係咩意思？好多人都有所誤會！

要成為保險業嘅MDRT，就需要達到指定業績要求，而MDRT / COT / TOT 會員身份為期一年。而按業績要求， COT（Court of the Table 超級會員）業績要求係MDRT嘅3倍，TOT（Top of the Table，頂尖會員）嘅業績要求就係MDRT嘅6倍！

大家可以參考一下以上呢個表，就會知道達標不同要求所得到嘅會員身份啦！當然有MDRT / COT / TOT 並唔代表果位agent服務一定好，但係起碼可以見到果一位agent有一定經驗以及實力～同時未成為MDRT嘅朋友亦可能係繼續奮鬥緊！所以大家揀agent嘅時候都一定要認真了解對方服務以及承諾，確保合適自己先決定啦！

如果大家對於保險有任何問題，不妨都可以搵我哋了解同埋查詢吓啦！
-------------------------
Star Group - We Create Entrepreneurs.
#及早妥善理財

15/11/2023

平時經常同大家分享有醫療保障嘅重要性，今日就同大家分享一個案例，到底點解有保障係咁重要～？

今次要分享嘅個案係一位女士，佢最近被診斷出患上二期乳癌。其實乳癌喺香港出現嘅機率一啲都唔低，每日大概就有12位女性確診，有可能係初期，亦有可能係晚期乳癌。

知道不幸患病之後當然心情會受影響，但仍然需要諗辦法去治療。所以我哋亦都馬上幫呢位女士安排更多檢查，同時幫佢檢查到底佢有咩保障係可以喺呢個情況下用到。大家可以睇睇圖片到底乳癌治療費用需要有幾多，其實總數分分鐘接近 $200萬！

如果而家突然叫大家要拎 $200萬出嚟，相信大家都會非常頭痕，就算有，都會覺得非常無保障，因為 $200萬只係一個開始，有可能需要更多嘅治療費用以及後續嘅照顧費。

所以我哋經常都會同大家分享保障嘅重要性，因為如果真係到需要嘅時候先後悔原來一開始俾自己嘅保障唔足夠，到時真係後悔莫及！如果大家唔知道自己到底有咩保障需要，就立即聯絡我哋專業團隊了解更多啦！
-------------------------
Star Group - We Create Entrepreneurs.
#及早妥善理財

08/11/2023

身邊唔少朋友都會有「上有高堂、下有子女」嘅情況，除咗要照顧自己之外，亦都要照顧好子女以及父母。所以唔少朋友都會考慮到唔同嘅保險需求，因為任何一位家庭成員如果需要，都可以即刻有保障。今日就同大家分享一下如果為家人投保醫保嘅話，需要考慮咩因素？

1️⃣ 保障水平
視乎屋企人嘅風險程度，考慮保障水平需要有幾高。例如如果係經濟上有能力，可以考慮為屋企人投保不設項目上限、全數賠償嘅高端醫保。或者可以考慮到屋企人健康狀況，考慮需要保障水平需要幾多～

2️⃣ 醫療服務要求
如果不幸患病，當然可以選擇到公立醫院或私家醫院，但服務水平都會有所不同，所以如果想俾屋企人一個更高，或者多一個治療方案選擇，就要留意自己嘅保險足唔足夠啦！

3️⃣ 保費計劃
醫療保險一般都會隨年齡上升而收費會更高，所以要考慮到父母如果無一個穩定嘅收入時，可以點樣處理愈來愈高嘅保費。除咗可以考慮醫療保障計劃當中著手之外，亦都可以考慮投保多一份儲蓄保險，作為供醫療保險用

4️⃣ 保費扣稅
近年愈來愈多人會考慮自願醫保計劃，因為可以為該年度嘅相關保費申請扣稅。如果要幫全家人投保醫保，呢個絕對係一個好選擇！

總括而言，相信唔少朋友都會「有上有下」嘅情況，除咗要計算自己嘅經濟狀況之外，亦都要考慮到父母、子女嘅情況。如果有任何疑問，不妨可以搵我哋專業團隊幫幫手啦！
-------------------------
Star Group - We Create Entrepreneurs.
#及早妥善理財

01/11/2023

經常會提醒各位如果需要投保，最好搵一個專業嘅團隊或agent負責，因為之後嘅跟進過程其實非常需要專人幫忙。咁其實有啲咩需要處理？今日就同大家分享一下！

1️⃣ 強大醫療網絡
有無試過夜晚整親唔知道搵邊個醫生好，或者唔知道邊個醫生夜晚都一樣可以搵到？呢個時候就需要搵你嘅保險agent問一問到底有邊個好介紹，可以即時有效咁處理到自己嘅問題啦！

2️⃣ 預備claim form
唔同公司會有唔同嘅索償文件，如果自己唔舒服都仲要周圍搵，可能會好辛苦，或者會令到申請唔夠及時！

3️⃣ 緊貼身體狀況，溝通清楚
除咗要溝通清楚自己嘅情況之外，亦都要好好向醫生了解自己嘅病情，確保保單係咪可以真係索償到，或者可以點樣令自己爭取廳有權益

4️⃣ 專業填寫claim form
同樣地，如果病緊嘅時候仲要研究點樣填claim form，或者需要向邊一個部門拎資料，到時一定想搵一個專業人士幫手！

5️⃣ 整理醫療報告及收據
處理哂所有事情之後，需要好好整合醫療報告，例如邊一份醫療報告係要索償邊一份保障，係非常需時嘅事情

6️⃣ 交齊所有文件到保險公司
最後就要交資料同埋核對資料係咪已經足夠。如果有專人負責當然就唔洗理，但係如果你係自己處理，可能來來回回又要再延後拎到索償嘅時候啦！

總括而言，其實整體上大家都可以做到以上幾個步驟，但係如果次次都要自己做嘅話，可能就要花非常多時間啦！所以如果大家都想搵返一個專業嘅團隊幫大家處理自己嘅保單的話，就不妨聯絡我哋查詢一下啦！
-------------------------
Star Group - We Create Entrepreneurs.
#及早妥善理財

25/10/2023

一個學生同埋一個已經有小朋友嘅爸爸，需要嘅保險當然就唔一樣。但係應該要幾時先考慮review一下自己嘅保單呢？今日就同大家分晰四個需要考慮review嘅時候啦！

1️⃣ 開始工作
啱啱畢業時，可能大家都未有買到保險，或者屋企人之前已經幫自己投保。開始工作時，自己亦開始有收入，可以考慮睇睇自己嘅基礎保障足唔足夠。同時亦都需要搵一個專業嘅團隊或agent，以免會投錯保！

2️⃣ 結婚前後
當自己同伴侶組織另一個家庭時，都需要睇睇兩個人嘅保障足唔足夠，或者會唔會有需要加大保障，可以考慮例如會唔會已經一齊置業，經濟情況同之前都會變得不一樣

3️⃣ 生小朋友
相信呢一點大家都會認同，生小朋友後除咗要好似以上咁講，考慮經濟保障之外，父母當然都希望幫小朋友計劃同埋打算未來，例如小朋友嘅教育基金、人壽保險、醫療保障等等

4️⃣ 計劃退休
如果有明確嘅退休計劃，要考慮到退休後收入一定會大幅減少，所以要提早考慮自己保險係咪足夠，或者需唔需要提早有投資，令自己有足夠退休金或者退休後會有另一個收入

當然除咗以上提到四個時候，人生都會有不同大大小小變動。如果你有任何疑問，唔知道自己嘅保障係咪真係足夠的話，隨時可以搵我哋專業嘅團隊幫你規劃一下！
-------------------------
Star Group - We Create Entrepreneurs.
#及早妥善理財

18/10/2023

唔同人對於保險嘅諗法都會有所不同，有啲人會隨著年齡改變對於保險產品嘅態度；亦有啲人會因為佢嘅職業而對投保有不同諗法。今次就同大家分享三種職業嘅朋友仔普遍對保險產品嘅睇法！

1️⃣ 醫護人員⁣
可能係每日都會見到唔同病人，所以醫護人員普遍都會希望盡早可以為自己安排足夠保障，盡可能確保自己喺有需要嘅情況下，將沉重嘅醫療成本轉移俾保險公司。同時，醫護人員亦都知道醫療保障喺年紀愈大嘅時候就愈重要，所以唔少人都會為自己規劃一份「醫療儲備」

2️⃣ 老師
而家香港教育制度下，唔少老師嘅公司時間愈來愈長，同時壓力亦都愈來愈大。所以老師們一方面希望自己萬一有病嘅話，都可以有合適資源；同時老師嘅長工時亦令到佢哋無時間投資，所以保險產品亦都係一個唔錯嘅投資選擇

3️⃣ 公務員⁣
雖然公務員有一定嘅保障，特別係公立醫院保障，但係唔少公務員都會考慮到萬一真係不幸患病，可能都希望到私家醫院接受更好嘅環境同埋多一份保障。所以唔少公務員即使有公立醫院嘅保障，亦都會為自己增添危疾、醫療等等保障

唔知大家會唔會都同以上幾種職業嘅朋友諗法一樣呢？如果你都想投保而唔知道應該點樣規劃，不妨聯絡我哋了解更多啦！
-------------------------
Star Group - We Create Entrepreneurs.
#及早妥善理財

11/10/2023

退休之後，或者年紀開始大，相信各位都會計住自己嘅洗費…
無論係日常飲飲食食、居住、旅行等等都需要消費，所以有唔少朋友如果無計劃過，都會發覺漸漸地有部份保險需要斷供… 但係有部份保險絕對唔建議斷供，因為係非常重要！今日就同大家講解有咩保險係年紀愈大愈重要？

1️⃣ 意外保險
隨著年齡增長，身體機能無可避免都會下降，所以老友記都會比較容易發生意外。意外保險可以為投保者提供失去日常生活活動能力賠償，起碼有一個基本保障

2️⃣ 危疾保險
危疾保險可以為受保人提供一筆過嘅賠償以支持在治療期間的生活開支，避免為家人帶來沉重的負擔。年紀大嘅時候有更大機會患上嚴重疾病，有機會會令家人有沉重負擔，所以如果有一份危疾保險嘅話，就可以為家人安排多一份保障

3️⃣ 醫療保險
年紀愈大，需要嘅醫療開支亦都可能每年上升，所以醫療保費亦都會隨年紀愈大而變得愈貴。但唔少人反而會喺年紀大嘅時候選擇放棄醫療保險，因為已經負擔唔起… 所以如果大家認同醫療保險嘅價值，應該要盡早計劃，例如安排醫療儲備，令自己可以到80歲甚至90歲仍然有醫療保障

4️⃣ 人壽保險
如果投保人不幸離世後，屋企人都可以有一份財務保障。投保人壽保險嘅時候可以視乎屋企嘅財政狀況、開支分佈等等去決定人壽保險額需要幾多～

可能你會話，去到年齡愈大，收入愈少嘅時候，到底可以點樣仲有咁多儲蓄投保咁多保險？絕對應該要提早計劃！如果你仍未有任何計劃嘅話，不妨搵我哋專業團隊同你做一個詳細諮詢啦！
-------------------------
Star Group - We Create Entrepreneurs.
#及早妥善理財

Star Group

03/01/2024

28/12/2023

20/12/2023

06/12/2023

29/11/2023

22/11/2023

15/11/2023

08/11/2023

01/11/2023

25/10/2023

18/10/2023

11/10/2023

Address

Website

Alerts

Shortcuts

Share

Category