02/04/2025
როგორც იცით ჩვენი კომპანია არაერთი ტიპის ბიზნეს სეგმენტს აერთიანებს და ამ მხრივ გამონაკლისი არც საკვები ბიზნესია. ბოლო დღეების მანძილზე, საკმაოდ აქტუალურია ერთ ერთი კომპანიის მიერ ძროხების ქათმის ნაკელით გამოკვების საკითხი. საქართველოში საკვები პროდუქტების უსაფრთხოების ნაწილში არაერთი რეგულაცია მოქმედებს და მათ შორის ერთ-ერთია ,,სურსათის/ცხოველის საკვების უვნებლობის, ვეტერინარიის და მცენარეთა დაცვის კოდექსი’’. ეს დოკუმენტი აწესრიგებს მწარმოებლის მიერ ცხოველისათვის მისაცემი საკვების საკითხებსაც. კანონი უპირობოდ კრძალავს ცხოველის საკვებში ისეთი ნივთიერების გამოყენებას რომელმაც შესაძლოა ზიანი მიაყენოს, როგორც ადამიანის ისე ცხოველის ჯანმრთელობას ან/და სიცოცხლეს. აკრძალულია ბაზარზე ისეთი საკვების განთავსება რომელიც ქმნის ადამიანის ჯანმრთელობის რისკებს. კანონის მოთხოვნების შესრულების მონიტორინგზე პასუხისმგებელია სსიპ სურსათის ეროვნული სააგენტო. როგორც საზოგადოებისთვის უკვე ცნობილია, ერთ ერთ სასამართლო დავაზე გაირკვა რომ საქართველოში მოქმედი მსხვილი ბიზნეს ოპერატორი, ძროხებს ქათმის ნაკელით კვებავდა. რძე კი შემდგომ გამოიყენებოდა ასევე ცნობილი კომპანიების მიერ სხვადასხვა ნაწარმის დასამზადებლად. ქათმის ნაკელი არ წარმოადგენს ძროხისათვის უსაფრთხო საკვებს და შესაძლოა საზიანო იყოს, შემდეგ მიზეზთა გამო:
❌ შეიძლება შეიცავდეს პათოგენებს – ქათმის ნაკელი შეიცავს ბაქტერიებს (მაგ. Salmonella, E. coli) და პარაზიტებს, რომელსაც ცხოველის ინფიცირება შეუძლია;
❌ ხასიათდება მაღალი აზოტის შემცველობით – ქათმის ნაკელში ბევრი შარდოვანა (ურეა) და აზოტია, რამაც შეიძლება გამოიწვიოს ძროხის მძიმე ინტოქსიკაცია და საჭმლის მომნელებელი სისტემის პრობლემები;
❌ წარმოადგენს არაბალანსირებულ საკვებს - არ შეიცავს ძროხისთვის საჭირო ნუტრიენტებს, ისეთს, როგორიცაა ადეკვატური ცილები, ბოჭკოვანი მასა, მინერალები და ვიტამინები.
სწორედ ამიტომ ასეთი საკვებით ძროხების გამოკვება ბევრ ქვეყანაში აკრძალულია, განსაკუთრებით კი იმ ცხოველებისათვის რომელთა რძე და ხორცი გამოიყენება ადამიანის საკვებ პროდუქტად. ასეთი საკვებით გამოკვებილი ცხოველის რძე ქმნის ადამიანის სიცოცხლისა და ჯანმრთელობის რეალურ რისკებს, კერძოდ:
❌ არსებობს ბაქტერიული ინფექციების რისკი - სალმონელოზი, კოლიბაქტერიოზი (E. coli), და სხვა ნაწლავური ინფექციები, რომელიც შეიძლება გავრცელდეს რძეში, თუ ძროხამ ინფიცირებული ნაკელი მიიღო. ეს ბაქტერიები ადუღებულ რძეში განსაკუთრებით საშიშია და ადამიანისთვის იწვევს მძიმე ინტოქსიკაციას.
❌ანტიბიოტიკებისა და ტოქსინების საფრთხე - თუ ქათამი იღებდა ანტიბიოტიკებს ან სხვა პრეპარატებს ეს გავრცელდება რძეშიც და შეიძლება გამოიწვიოს ალერგიული რეაქციები, რეზისტენტობა და ჰორმონალური დისბალანსი.
❌ მიკოტოქსინები და ამიაკი - ქათმის ნაკელი შეიძლება შეიცავდეს მავნე ნივთიერებებს, რომელიც ადამიანის ორგანიზმში მოხვდება რძის მეშვეობით. ამიაკის მაღალი დონეზე აზიანებს ღვიძლს და თირკმელებს.
❌ნუტრიენტების ხარისხის დაქვეითება - ასეთ კვებაზე მყოფი ძროხის რძეში შეიძლება შემცირდეს სასარგებლო ნივთიერებები, რითაც განთქმულია რძე. ეს ნივთიერებებია ცილა, ცხიმი. საბოლოო ჯამში კი რძეს როგორც საკვებს ეკარგება მისი ღირებულება.
აღნიშნული პოსტის მიზანი არ არის რომელიმე ბიზნეს ოპერატორის დაკნინინება, ჩვენ ვაცნობიერებთ სოციალურ პასუხისმგებლობას და მსგავსი საინფორმაციო ღონისძიებებით გვსურს ჩვენი წვლილი შევიტანოთ ეროვნული ბიზნეს სექტორის სრულყოფაში!
