06/08/2026
有個28歲後生仔，揸2個鐘車，只係想同我傾2個鐘。
有個28歲香港後生仔，由香港一個人嚟英國。
冇家庭支持。
讀完碩士之後，去咗一間 Land Agency 實習。
本身只係三個月。
但佢冇等公司安排，而係主動同老闆講：
「可唔可以俾我留多九個月？」
最後，佢留咗一年。
之後，佢再揸咗兩個鐘車，專程過嚟同我傾兩個鐘。
其實，我唔知道我哋最後會唔會合作。
但一路傾，我突然喺佢身上睇到十年前嘅自己。
呢條片唔係想講成功。
而係想分享一樣我一直相信嘅事：
真正改變人生嘅機會，好少係等返嚟。
更多時候，都係你願唔願意主動踏出第一步。
如果你都曾經一個人嚟英國，或者正喺度努力創造自己嘅機會，希望呢條片可以帶俾你一啲共鳴。
👇 留言話我知：
如果係你，你會唔會揸兩個鐘車，只係為咗同一個陌生人交流？
