03/01/2026
ውዕሎ መድረኻዊ ዘተ ዓድና ዕቋርን ልቃሕን!
👇👇👇👇👇👇👇👇👇
ሎሚ ዕለት 25/04/2018 ዓ/ም ትካልና ዕቋርን ልቓሕ ዓድና ምስ ኣባላታ መድረኽ ዘተ ኣካይዳ።
===================
ትካል ዕቋርን ልቓሕን ዓድና ካብ ትምስረት ክሳብ ሐዚ ናብ 3ይ ዓመታ እናተቓረበ እንትኸውን፤ ካብ ምስረታ ክሳብ ሐዚ ዝነበራ ከይዲ ዝምልከት ድማ ምስ ኣባላታ ዕሙቕ ናይ ዘተ መድረኽ ኣካይዳ ኣላ።
ሎሚ ዕለት 25/04/2018 ዓ/ም ምስ ኣባላት ዕቋርን ልቓሕ ዓድና ኣብ ዝተኻየደ መድረኽ ዘተ ፡-
✅ " ዓድና ካበይ ናበይ?" ብዝብል ርእሲ ከይዲ ትካላዊ ጉዕዞ ትካል ዝገልጽ ሓሳብ ብመልክዕ Presentation ብስራሕ መካየዲ ትካልና ዝቐረበ ኮይኑ ብኣባላት፣ሰራሕተኛ፣ ኣመራርሓን ወደብቲ ኣካላትን እውን ተወሳኺ ዘተ ተገይርሉ እዩ።
✅ ኣብቲ ዘተ ከም ትካል ክሳብ ሐዚ ኣብ ዝመፅአትሉ ምዕባይ ካፒታልን ወሰኽ ዓመታዊ ትርፍን፣ዝነበሩ ዘይምዕሩይ ኣካያይዳታት ማለት እውን ናይ ግልጋሎትን ኣሰራርሓን ክፍተት፣ ናይ ሕጊን መስርሕን ክፍተት፣ ኣብ ኣባላት ዘጋጠመ (ተፈጢሩ ዝነበረ) ስግኣትን ጥርጣረን፣ ኣብ ትካልን መሪሕነታን ዝተገበረ ወፍሪ ፀለመን ምፅልእላእን ፣ ኣብ ግልጋሎት ልቓሕ ዝነበረ ናይ ኣባላት ቅሬታ፣ ...ወዘተ ብሓፈሻ ከም ትካልን መጠን ካፒታልን ዝበፅሐትሉ ዕብየት ኣዝዩ ዝነኣድ እንተኾነ ኣብ ኣባላት ዝተፈጠረ ቅሬታ ንምፍታሕ ግን እዋኑ ብዝሓለወ ግልጋሎትን ብዘመናዊ እታወታትን ንክመሓየሽ ኣብ ምርድዳእ ተበፂሉ እዩ::
✅ ቅድሚ ሐዚ ብዝነበሩ ናይ ኣመራርሓ ክፍተት መሰረት ዝተፈጠሩ ናይ ትካል ዕንቅፋታት ብምልዓልን ኣብ ክትትል ሕጊ ዘሎ ጉዳይን ዝበፅሖ ደረጃን ብ ሕጊ ኮሚቴ ንኣባላት ግልፂ ብምግባርን ኣብ ትካላዊ ስራሕትና ትኹረት ገይርና ክንሰርሕን ግዜና ኣብ በለካ ለኸዐካ ክንውዕል ከምዘይብልናን ኣባላትና እውን ማዕረ ማዕረ ኣመራርሓ ሓገዝቲ ክንኾን ከምዘለና ተስፋ ዝህቡ ቀፀልቲ ኣንፈታት ተቀሚጦም እዮም።
✅ ብኣካል ናብ ትካል ብምምፃእ ወይም ኣብ ኸምዚ ዓይነት ግልፂ መድረኻት ሓሳቦም፣ዘለዎም ፀገም ብግልፂ ክንዲ ምቕራብ ብድሕሪት ኮይኖም ናይ ትካልን ኣመራርሓን ሽም ብምፅላም ትካል ኣብ ምፍራስ ኣብ ዝተዋፈሩ ኣካላት ፅንዓት ብምግባር ማሕበርና ልዕሊ ህልውንኣ ምንም ከምዘየለ ፈሊጣ ናብ ሕጊ ምቕራብ ከምእትጅምርን ኩሉ ኣባል ኣብዚ ተሓባባራይ ክኸውን ከምዝግብኦን ኣብ ስምምዕ ተበፂሑ እዩ።
✅ ዕቋርን ልቓሕን ዓድና ካብ ዝተመስረተትሉ (መጋቢት 2015 ዓ.ም) ክሳብ ሐዚ ዘለዋ መጠን ካፒታል ልዕሊ 100,000,000(ሓደ ሚእቲ ሚልዮን )ዝበፅሐ ኮይኑ ኣብ ዝቕፅሉ ዓመታት ድማ ቕልጡፍን ዘመናውን ግልጋሎት ዕቋርን ልቓሕ ንኣባላታ ክተበርክት ከም ዝግባእ ተሰሚርሉ እዩ።
✅ ብድምር እቲ ኣብ ከተማ መቐለ ሞሞና ሆቴል ሎሚ ዝተኻየደ መድረኽ ዘተ ብጣዕሚ ሃናፃይን ብሩህ ኣንፈት ትካል ዘአንፈተን ኮይኑ ኩሎም ኣባላት ዕቋርን ልቓሕን ዓድና ድማ ትካላዊ ሽም ኣብ ምህናፅ ፕሮሞሽን ኣብ ምስራሕ ክነጥፉ ከም ዕዮ ገዛ ወሲዶም እዮም።
♻️ ስለዚ ዝኸበርኩም ቤተሰብ ዓድና ዕቋርን ልቃሕን ትካልኹም ንኹሉ ኣባል ግልፂ ብዝኾነ ዝሐሸ ኣሰራርሓ ሒዛ ትሰርሕ ዘላ ትካል ስለዝኾነት ዕቋርኹም ኣብ ስዓትኹም ክትዓቁሩ፣ልቃሕ ዝወሰድኹም ድማ ኣብ ግዜኹም ምስ ዕቋርኹም ክትምልሱ፣ከምኡ'ውን ኣባል ዘይኾኑ ቤተሰብ ዓድና ዕቋርን ልቃሕን ክኾኑ ዝደልዩ ክትዕድምዎም ልባዊ ፃውዒትና ነቅርብ።
ስሙር መሪሕነት ንትካላዊ ዕብየት!
ዓድና ዕቋርን ልቃሕን
ኣድራሻና :መቀለ ክ/ከተማ 1ይ ወያነ 16 ቀበሌ ኣብ ናይ 17ን ዲያስፖራን ታክሲ ፌርማታ
☎️ +251917444888
🌐 www.adnasacco.com
📧 [email protected]
