Soojjaati Sidaami Zoone Miinju Latishsh Biddishsh Dagate Qoola

12/11/2024

Soojjaati Sidaami Zoone Miinju Latishshi Biddishshi Hiwaasete Hasaawa Paartete Miilla Ledo Assino.

Bocaasa 03/2017 M.D
SSZG Miinju Latishshi Biddishsha,
Daayye,

Hasaawu Barera Leelle Hasaawisinohu Miinju Latishshi Biddishshi Lo/Lo Interprizete Dayirektoreete Dayirekterenna Biddishshi Hiwaasete Gambisaanchi Kalaa Asaffi Waarehu Coyiranni, Maatete Jireennya Buuxisiisate Mo/Loosaasineno Halanyu Mixo Qixxeessidhe Kaajjillunni Loosa Hasiissannota Huwachishino.

Barraho Maatete Jireennya Buuxisiisate Mootimmate Loosaasine Halanyu Modele Mixote Sanade Hasaawaho Shiqqeenna Hala'ladunni Hasaamboonni.

Ledoteno, Uurrinshshankera Dancha Gashshoote Halashshate Dagankera Rakkino Owaante Uyine Guma Maareekisiisa Hasiissannotanna, Gosoomimma, Mooranna Baincho Assoote Effire Giwate, Loosonke 95 anga ale Jeefisatenninna Paartete Harinsho Kaajjite Suffanno Gede Halamatenni Annu annunku qeechasi fula hasiissannotano Xawinsoonni.

Jeefoteno, Minunni Hala'lado Hedo Ka'eenna Tumono Higgeenna, Gutu hedo amande suffino yanna mixote garinni jeefinsanni, hattono keennanninna keensiinsanni hara hasiissanno gede Gutunnita hedote Sumuumme Amandeenna, Hasaawu Bare Xaphi Yitino.

07/11/2024

Soojjaati Sidaami Zoone Miinju Latishshi Biddishshi Faynansete Handaari 2016 B.D Loosu Jeefishshi Xaphishshanna 2017 B.D Umikki Bocu Boci Loosu Jeefishshi Keeno Assino.

Birra 27/2017 M.D
SSZG Miinju Latishshi Biddishsha,
Daayye,

Keenote Barera Leelle Hasaawisinohu Soojjaati Sidaami Zoone 2kki Gashshaanchinna Miinju Latishshi Biddishshi Sooreessi Ayirradu Kalaa Selemooni Qaawatohu Coyranni Dagate Jiro Mitte Hafanfarre Heedhukkinni Seekkine Massange Guma Abba Hasiissannota Kule, owaatamaanote Seera Agadhino Garinni Horo uyiitanno Gede Assine Massaganna Mooranna Baincho Assoote effi'ne Gimbe Xawado Owaantete uurrinsha Assa Nootano Huwachishino.

Ledoteno, Tini uurrinsha Looso Gumaammimmatenni Massagge Mootimmate jiro Qorqorsha Assite, wodho Agartinota Hirote Amanyoote Diriirsite, Xawado Xa'mamooshshu Amuraati Heeranno Gede Assatenni Baalanti Woradda loossa Seerunni Calla Gumulatenni Faynanse Hashshu Yinannita Assa Agartannota xawise, Hiittenne Hajorano fula Dandiitanno Fulo Ajinshe Massaga Nootano Buuxisino.

Qoleno, uurrinshshankera Dancha Gashshoote Halashshate Dagankera Rakkino Owaante Uyine Guma Maareekisiisa Hasiissannotanna, Moorunna Bainchu Assooti Giddo Burduuqantanno Woraddara Wirro Higgannokki Qaafo Adhinannitanna, Daganke Owaante Aa Hoogatenni Raateessitanno Bissa Rahotenni Dancha Gashshoote Halashsh*te Daganke Horaameessimma Buuxisiissa Agartannotano Xawisino.

Keenote Bare Beeqqaano, SSZG 2kki Gashshaanchinna Miinju Latishshi Biddishshi Sooreessi Ayirradu Kalaa Selemooni Qaawatohu, Zoonete Fayinansete Handaari Dayrekitoreete Dayirekitere Kalaa Qeela Pheexiroosihunna Woraddatenna Daayye Quchumi Borrote Minna Sooreeyyenna Hajo La'annonsa Bissa Leeltinowa Kaajjadu Garinni Hasaamboinni.

Jeefoteno, Barraho 2016 B.D Jeefishshu Ripoortenna 2017 B.D 1kki Bocu Boci Loosamino Loosi Sanade Hasaawaho Shiqqeenna Kaajjadunna Laafu Waatira Noore Hasaanbeenna Laafu Waatira Noo WoraddaTaashshidhanno Gede Kulleenna, Minunni Kaino Hedora Dawaro Higgeenna Goofimarch

30/10/2024

26/10/2024

Soojjaati Sidaami Zoone Miinju Latishshi Biddishshi Loosu Loosaasinetenna Tekinoloojete Handaari 2016 M.D Loosu Jeefishshi Xaphishsha, 2017 B.D Umikki Bocu Boci Mixote Jeefishshanna Gattino Yanna Mixote Sheemaate Eate Amuraati Battala Zoonete Mereershira Harinsoonni.

Birra 16/2017 M.D
SSZG Miinju Latishshi Biddishsha,
Daayye,

Hasaawu Barera Leelle Afii Fa'note Hasaawa Assinohu SSZG Qaru Gashshaanchi Ayirradu Dr. Maatte Mangashihu Coyranni,
Wedellaho injo Kalanqe Horaameeyye ikkitanno Gede assanna Omonna Loosu kaayyo kalaqo borro mini ledo Halamme Xawaddimmatenni loonse Danchu gumi Daano gede assa Noota kulino.

Soojjaati Sidaami Zoone Aantichu Gashshaanchinna Miinju Latishshi Biddishshi Sooreessi Ayiradu Kalaa Selemooni Qaawatohu Hedosi Woranni, Loossa baalanta Halamme Loonsummoro Guma Abbate Wedellu loosu kalaqonna Omo maikirofayinansete ledo loonse wedellu Suuqirenna loosire Gumaamo ikkanno gede assa Hasiissannota Xawisino.

Barraho Keenote Barera Beeqqaano ikkitinori SDQM Loosu Loosaasinetenna Tekinoloojete Biironni Dayino Wosini, SSZ Qaru Gashshaanchi Dr.Maatte Mangashihu, SSZ Aantichu Gashshaanchinna Miinju Latishshi Biddishshi Sooreessi Kalaa Selemooni Qaawatohu, SSZ Aliidi Seeru Allaalshi Sooreessi Kalaa Alemayehu Abrihamihu, Settunku Woradi Gashshaanonna Daayye Quchumi Kantiibi, Loosu Loosaasinetenna Tekinoloojete B/Mini Sooreeyye, Oomote Baanke Lo/Harisaanonna Haja La'annonsa Bissa Baalanti Ledo Noowa Hala'lado Hasaawa Assinanni Hee'noonni.....

24/10/2024