سمير نبيل /محاسب قانوني وخبير ضرائب

27/08/2026

لما المستندات تجيلك ناقصة…
والأرقام تقول حاجة، والواقع يقول حاجة تانية 😂

فاتورة ناقصة،
مستند مش موجود،
رصيد محتاج يتراجع،
وحركة مالية محتاجة تتتبع من أولها لآخرها…

وفي الآخر العميل يقولك:
«ما هي بسيطة يا أستاذ! 😅

وتبدأ رحلة الفحص والمراجعة والمطابقة،
وتراجع المستندات، وتربط الأرقام بالعمليات الفعلية،
وتشوف المعالجة المحاسبية والضريبية صح ولا لأ.

لأن شغل المحاسب القانوني مش إنك تجمع أرقام وتحطها في جدول…
شغلك إنك تعرف إيه اللي ورا الرقم، وهل الرقم ده له مستند ودليل ولا لأ.

وفي اللحظة دي تقول لنفسك:

هو أنا محاسب قانوني ولا بفك شفرات؟ 😂📊

25/08/2026

🔥 عين المحاسب القانوني | الحلقة 2

شركة عندها أصل مسجل في الدفاتر بـ10 مليون جنيه…
هل ده معناه إن الأصل يساوي 10 مليون؟ 🤔

مش بالضرورة.

ممكن الأصل يكون مسجل بـ10 مليون، لكن قيمته القابلة للاسترداد أصبحت أقل من قيمته الدفترية.

هنا المحاسب القانوني لازم يسأل:

🔎 هل الأصل ما زال قادرًا على تحقيق نفس المنافع؟
🔎 هل قيمته انخفضت؟
🔎 هل توجد مؤشرات على انخفاض قيمته؟
🔎 وهل يجب إثبات خسائر انخفاض قيمة؟

لأن ترك الأصل بـ10 مليون في القوائم المالية،
وهو في الحقيقة لا يحقق القيمة دي…

ممكن يدي صورة غير حقيقية عن المركز المالي للشركة.

📌 القيمة الدفترية مش دايمًا هي القيمة الحقيقية.

وده دور المحاسب القانوني:

مش بس يراجع الرقم…
لكن يسأل: الرقم ده لسه منطقي ؟

23/08/2026

🔥 عين المحاسب القانوني | الحلقة 1

شركة مبيعاتها 10 مليون جنيه… هل هي شركة ناجحة؟ 🤔

مش بالضرورة.

رقم المبيعات لوحده ما يقولكش الشركة كسبت كام.

ممكن شركة تحقق مبيعات بـ 10 مليون، لكن عندها:

• تكلفة مبيعات مرتفعة
• مصروفات تشغيل كبيرة
• ديون متعثرة
• مخزون راكد
• التزامات مستحقة

وفي النهاية…

الـ10 مليون مبيعات مش معناهم 10 مليون أرباح.

وهنا بيبدأ دور المحاسب القانوني.

مش مجرد شخص بيشوف الأرقام اتسجلت ولا لأ…

لكن بيحلل:

هل الإيراد صحيح؟
هل المصروفات حقيقية ومؤيدة؟
هل الأصول والالتزامات معروضة بشكل سليم؟
وهل القوائم المالية فعلًا بتعبر عن وضع الشركة؟

📌 الرقم الكبير مش دايمًا معناه شركة قوية.
المهم: الرقم ده بيحكي إيه؟

22/08/2026

المخصص والاحتياطي

إيه الفرق بينهم بالبلدي؟

المخصص
الشركة بتقول:
“في خسارة أو انخفاض متوقع، فلازم أعترف بيه وأحسب حسابه من دلوقتي.”

📌 مثال:
عندي عملاء عليهم 1,000,000 جنيه، ومتوقع إن جزء من المبلغ مش هيتحصّل.
هنا بنعترف بخسارة ائتمانية متوقعة ونخفض قيمة الذمم المدينة.

الاحتياطي
الشركة بتقول:
“أنا حققت ربح، ومش هوزعه كله… هحتفظ بجزء منه جوه الشركة لغرض معين.”

📌 مثال:
الشركة حققت أرباح، وقررت تحتفظ بجزء منها كاحتياطي بدل توزيعه على الشركاء/المساهمين.

الخلاصة

المخصص = خسارة أو انخفاض متوقع.

الاحتياطي = جزء من الأرباح تم الاحتفاظ به.

⚠️ المخصص يؤثر على تحديد الربح،
أما الاحتياطي فيكون من الربح بعد تحديده.

سمير نبيل
محاسب قانوني وخبير ضرائب
محاسبة | مراجعة | استشارات ضريبية | تأسيس شركات

18/08/2026

⚖️ معلومة ضريبية مهمة جدًا لكل ممول:

الممول مش مجرد شخص مطلوب منه يدفع ضريبة… القانون كفل له حقوق أثناء التعامل مع مصلحة الضرائب.

ومن أهمها أن إجراءات الفحص الضريبي لا تبدأ بشكل عشوائي، وإنما تتم وفق الضوابط والإجراءات التي حددها القانون.

💡 يعني :

الممول له حقوق زي ما عليه التزامات.

وعشان كده، معرفة حقوقك الضريبية مش معناها إنك بتتهرب من الضريبة…
بالعكس، معناها إنك بتتعامل مع ملفك الضريبي بشكل واعٍ وقانوني.

📌 اعرف حقك… عشان تلتزم صح.

17/08/2026

💼 قوة الشركة مش في البرنامج المحاسبي…
ولا كل مشكلة في الشركة هتتحل بمجرد إنك تشتري برنامج محاسبي قوي.

🖥️ البرنامج المحاسبي مهما كان متطور، مش هيغني عن المحاسب اللي فاهم شغله.

وجود محاسب مؤهل يراجع القيود والتقارير والمخرجات بعد تسجيلها على السيستم أمر أساسي؛ لأن أي خطأ في التسجيل أو التصنيف ممكن يتراكم، ويظهر في القوائم المالية والضرائب، وقد يسبب خسائر ومشاكل كبيرة للشركة. ⚠️📊

🔹 السيستم أداة… لكن الفهم والمراجعة مسؤولية المحاسب.

💰 فلوس الشركة في إيد المحاسب…
وعشان كده اختيار المحاسب الصح مش رفاهية، ده حماية للشركة. 🛡️

15/08/2026

هل لازم نستنى العميل يتعثر فعلًا عشان نثبت خسارة؟ 🤔

❌ لا.

بالبلدي، لو عند الشركة عملاء عليهم فلوس، لازم تقيّم من بدري هل فيه جزء من المبالغ ممكن مايتحصّلش، وتثبت خسائر ائتمانية متوقعة وفقًا لمتطلبات IFRS 9.

🔹 مثال يوضح المعلومة:
عندك عملاء عليهم 1,000,000 جنيه، وبناءً على البيانات والتوقعات قدرت الخسائر الائتمانية المتوقعة بـ 3%.

➡️ الخسائر المتوقعة = 30,000 جنيه.

💡 الخلاصة:
IFRS 9
بيخلّيك تحسب الخسارة المتوقعة قبل ما الخسارة تحصل فعليًا.

12/08/2026