27/08/2026
شغل الكول سنتر الالماني كنا ١٥ زميل افتتحناه في ٢٠٠٩ اللي هو فودافون المانيا بفضل الله تعالي..
ناس كتيرة مش بتقدر ماديا تاخد معايا لان شغلي برايفت فرد واحد.عشان كده دايما بقول بصرف النظر عن الدعاية.. اللي يمر علي صفحتي و مايخدش كورس النطق و الاكسينت هيدرك حجم الحاجة الكبيرة اللي فاتته اللي كانت هتغير حياته.و ده الكل قادر عليه ماديا لأنه ٤ محاضرات و كمان فيه شرح كيفية التدريب علي اللغة عموما عشان ميبقاش في احتياج تبقي فريسة لكورسات الفنكوش اللي هي كورسات الكول سنتر و الترين تو هاير و العفوية..
ده بوست الكورس
https://www.facebook.com/share/p/1Fd5C3U3jc/
اهم حاجة و اول حاجة بتبقي سبب عدم التعيين في مصر و المانيا هو النطق و الاكسينت.للمرة المليون بكرر:
●●● في الكليات ٣ حاجات مش بتتاخد: النطق و الاكسينت و اللغة العامية..
انا اول حد الناس بتجيله لكورسات الترين تو هاير و كورسات الكول سنتر و المحادثة..و انا برفض اديها لاني مش هغش الناس أن شوية دردشة هتحسن لغتهم..
■■■ في مصر حرفيا مش مجازا ملايين اتعلموا الماني عشان شركات الكول سنتر و العمالة في الشركات دي علي بعض ممكن ماتجيبش ١٠ آلاف فرد !!!!!
يعني مفروض المرتبات تنزل و ميحتاجوش يعملوا اعلانات توظيف اللي بيعملوها كل ثانية دي..بس لان جودة اللغة لا تصلح فدايما بيحتاجوا ناس و لو حد اتعين ..اول لما بيلاقوا الافضل منه بيمشوه. و ليه المحاضرين في الاكاديميات بياخدوا مرتب صغير و سايبين المرتب اللي بيوصل ل٥٠ الف؟و بيدوا الناس كورسات عشان يشتغلوا كول سنتر.طيب ما كانوا اشتغلوا هما؟؟؟!!!!!!
عشان مفيش جودة و خصوصا النطق اللي هما أهم حاجتين عند الالمان..و حاجة معاهم مهمة و هي طريقة الكلام زي الالمان و دي مختلفة عن النطق و الاكسينت و بعلمها للدارسين..
و انا بيوصل ل ٩٠ في الميه من شغلي مع الناس اللي عايشة في المانيا برغم ان بيبقي معاهم B2 و C1 لان ده بيبقي علي الورق بس لكن مفيش لغة فعلية
المحادثة و الاستماع ( للي هي المحادثة بتاعة الطرف الآخر) هي مكونات اللغة كلها..قواعد و حصيلة لغوية و لغة عامية و نطق و اكسينت..
عشان اطلع محادثة بيبقي زي الوجبة محتاجة المكونات دي و تكون بجودة عالية زي ما بنجيب مكونات الطبخة جودتها عالية و محتاجة طريقة طبخ صحيحة اللي هي طريقة التدريب الصحيحة علي اللغة و دي مش بتتشرح من اصغر مكان لاكبر مكان
و دي انا بشرحها في اي كورس بديه كبير او صغير..إنما في الكورسات المنتشرة بيبقي كل التركيز علي الامتحانات و الحلول و النماذج. الخ
●■●■ القصة مش في ال ٤ مهارات..ده كلام فارغ..القصة هي مكونات اللغة+طريقة تدريب بتجيب نتيجة
🚦🚦🚦ال ٣ مكونات: النطق و الاكسينت و اللغة العامية مش بتتاخد في الكليات و جودتها في مصر سيئة جدا خصوصا النطق و الاكسينت اللي هما اهم حاجة سواء في مصر أو في المانيا و خصوصا انهم مش طايقين المهاجرين و الاجانب خصوصا العرب و المسلمين
لما بياخد معايا دكتور لغة ببدأ معاه في النطق من الحروف و لما بقول حاجة عابرة بيسألني باندهاش " هما الالمان بيقولوا كده؟" ده لانه مدرسش لغة عامية و بيبقي عارف ان عنده مشكلة رئيسية في النطق و الاكسينت..ما بالنا بتلامذة تلامذتهم؟؟
و موضوع كورسات Spontanität ده الفنكوش بذاته لان الكلام بعفوية ببساطة زي ما احنا بنتكلم عربي محتاج جوانب اللغة كلها تكون مكتملة.
مش بنشتري ب ٥ جنيه
لوحده Spontanität
●■●■تعريف بالمحاضر■●■●
بفضل الله تعالي غالبا المدرس الوحيد في مصر اللي بيدرس لمدرسين و دكاترة لغتين الالماني و الانجليزي و سابقا مدرس الانجليزي للمدرب العام السويسري للنادي الاهلي ولاعبي الاهلي..
و لله الحمد واحد من حوالي ٤ افراد في سوق التدريس المصري اللي اتعلموا الالماني من الالمان زي المواطن الالماني من الطفولة و كان في مصر و المانيا..و ده بيعمل فرق جذري..يعني اختصارا الماني أصلي..
و ال ٣ زملاء التانيين مش شايفهم ظاهرين علي الساحة بقالي فترة..يعني لو مش شغالين يبقي انا الوحيد بفضل الله تعالي و كرمه
انا خريج المدرسة الألمانية في مصر و هي مدرسة معترف بها من الحكومة الالمانية(كل مدرسيني كانوا المان في كل المواد حتي المزيكا و الرسم و النحت و حسب فهمي كانوا منتدبين من وزارة التعليم الالمانية يعني اعلي بروفيسورات تعليم الماني في العالم)
●●● و حصلت علي Sprachdiplom zweite Stufe و دي بتتاخد من المانيا مش من مصر و بيتم اعطاءها من وزارة الثقافة الألمانية..
#الماني #المانيا
