Ahmed Belal - أحمد بلال Tax & Accounting

Ahmed Belal - أحمد بلال Tax & Accounting شريكك المالي من أول تأسيس شركتك لحد إقرارك الضريبي 🧾
متخصص في تقديم حلول مبتكرة للشركات والأفراد 💼

21/10/2025

مش لازم يكون عندك شركة عشان يكون في ملف ضريبي كفاية اوي عليك بطاقتك الشخصية #ضرائب

12/10/2025

لو انت شغال Free lancers

ايوة انت لازم تسجل في مصلحه الضرائب المصرية

07/10/2025

غرامة 16,666 جنية لو انت مش مسجل في القيمة المضافة
طيب ازاي تعرف انت محتاج تسجل في القيمة المضافة من اول يوم ولا ممكن تستني حد التسجيل
و هو يعني اي حد التسجيل اصلا
#ضرائب

22/09/2025

الفاتورة الاليكترونية و لية دلوقتي بقت اهم من الفاتوره الورقية
و ازاي تقدر تسجل في الفاتورة الاليكترونية

24/08/2025

لو ناوي تأسس شركة في مصر لازم تفهم الفرق بين قانون 72 لسنة 2017 و قانون 159 لسنة 1981.
قانون 72 بيخليك تاخد إقامة مستثمر بسرعة، تأسيس من شباك واحد، وإعفاءات ضريبية وجمركية.
قانون 159 بياخد وقت طويل ومفيهوش نفس المميزات.
اعرف القانون المناسب قبل ما تبدأ شركتك.

#اقامة

07/08/2025

في ناس بتبدأ شركة… قبل ما تفهم يعني إيه شركة
تكتب اسم تقيل… وتنسى الأساس
شركة مساهمة؟ ولا ذات مسؤولية محدودة؟
واحدة بتجري على البورصة… والتانية بتجري على المرونة
واحدة للتمويل الكبير… والتانية للبداية الذكية
الاختيار الغلط من البداية… ممكن يكلفك كل حاجة
افتح الفيديو… قبل ما تفتح شركتك

05/08/2025

فيه نوع شركة بيشتغل بالنية… وبيقع بالقانون
تخيل تبقي شريك في شركة… بس ماينفعش تفتح بقك؟
شركة إيه دي اللي تديها فلوسك … وتاخد منك صوتك؟
وإزاي ممكن تصحى تلاقي نفسك خسران كل حاجة… وأنت أصلاً ماكنتش بتدير؟
شركة التوصية البسيطة… شكلها بسيط
بس نهايتها ممكن تبقى معقدة جدًا.

شركة التضامن: شراكة بتبدأ بالثقة... بس ممكن تنتهي بمصيبة؟كتير من الناس بتبدأ أول مشروع ليها مع صاحب أو قريب ويختاروا شرك...
03/08/2025

شركة التضامن: شراكة بتبدأ بالثقة... بس ممكن تنتهي بمصيبة؟

كتير من الناس بتبدأ أول مشروع ليها مع صاحب أو قريب ويختاروا شركة تضامن على اعتبار إنها أسهل وأسرع حل.

بس قبل ما تمشي في الطريق ده محتاج تبقى فاهم مميزاته وعيوبه بوضوح

مميزات شركة التضامن :-
تأسيس بسيط وسريع من غير شروط معقدة
مرونة في الإدارة واتخاذ القرارات
الثقة بين الشركاء بتسهل الشغل وتوزيع المهام
مش محتاجين حد أدنى لرأس المال تقدر تبدأ بأي مبلغ

عيوب شركة التضامن:-
كل شريك مسؤول مسؤولية غير محدودة يعني لو الشركة خسرت ممتلكاتك الشخصية معرضة للخطر
لازم اسم واحد أو أكتر من الشركاء يظهر في اسم الشركة
صعب دخول أو خروج شريك من غير موافقة الكل
أي خلاف بين الشركاء ممكن يهد الشركة بالكامل

الخلاصة:-
شركة التضامن ممكن تكون خطوة ذكية لو فيه شراكة قائمة على الثقة القوية والفهم الكامل لطبيعة المخاط
لكن لو بتفكر تحمي نفسك قانونيًا وماليًا، ممكن تفكر في نوع شركة تانية

31/07/2025

الفرق بين شركة التضامن وشركة التوصية البسيطة
هخليك تعرف تختار النوع المناسب ليك قبل ما تشيل شيلة مش شيلتك

قولي لو كنت مكان مؤمن هتختار إيه؟
تضامن وتدخل مع الشبح؟ ولا توصية بسيطة وتخلي مسؤوليتك بسيطة؟

فيه نوع شركة...‏لو اخترته غلط،‏هتدفع التمن كل يوم…‏بس مش بفلوس!‏هتدفعه في وجع دماغ،‏مصاريف مالهاش أي لزمة،‏شريك مش عارف ...
21/07/2025

فيه نوع شركة...

‏لو اخترته غلط،
‏هتدفع التمن كل يوم…
‏بس مش بفلوس!

‏هتدفعه في وجع دماغ،
‏مصاريف مالهاش أي لزمة،
‏شريك مش عارف تتخلّص منه،
‏أو مصلحة الضرائب دخلة خارجة كأنها صاحبة البيت!

‏الناس فاكرة إن موضوع "أنواع الشركات" ده ورق بيتملّى والسلام…
‏لكن الحقيقة؟
‏الاختيار ده ممكن يرفعك لفوق… أو يهدّك من أول الطريق.

‏في مصر، فيه تلات أنواع أساسية:

‏المنشأة الفردية:
‏أسهل وأسرع حاجة تبدأ بيها…
‏بس فيها مخاطرة كبيرة!
‏إنت لو خسرت، الحكومة بتتعامل معاك شخصيًا…
‏يعني ممكن تحجز على حسابك، عربيتك، حتى عفش البيت!

‏شركة الأشخاص:
‏زي شركة التضامن أو التوصية البسيطة…
‏بتبقى بينك وبين شركاء على الثقة.
‏بس لو شريك خبّص، الكل يشيل!
‏وأي مشكلة بين الشركاء ممكن تبوظ كل حاجة.

‏شركة الأموال:
‏دي بقى للشغل التقيل…
‏زي الشركات المساهمة أو ذات المسؤولية المحدودة.
‏القانون بيعاملها ككيان مستقل…
‏يعني لو الشركة وقعت، محدش ليه دعوة بفلوسك الشخصية.

‏الخلاصة؟
‏مش كل شركة تنفع لأي حد.

‏لازم تختار النوع اللي يناسبك إنت…
‏حسب شغلك، وحجمك، وخطتك.


أسئلة Interview ممكن تقابلك كمحاسب...بس مش أي حد بيجاوبها بثقة!1️⃣ إيه طرق احتساب الإهلاك؟فيه طرق رئيسية معروفة، وكل واح...
14/05/2025

أسئلة Interview ممكن تقابلك كمحاسب...

بس مش أي حد بيجاوبها بثقة!

1️⃣ إيه طرق احتساب الإهلاك؟

فيه طرق رئيسية معروفة، وكل واحدة منهم لها استخدام حسب نوع الأصل:

القسط الثابت

القسط المتناقص

مجموع أرقام السنين

(وممكن كمان يظهر طريقة إعادة التقدير أو على حسب عدد وحدات الإنتاج)

اللي بيسألك السؤال ده، مش عايز يسمع بس الأسامي، عايز يفهم إنك فاهم الفرق وتطبّقه إزاي حسب سياسة الشركة.

2️⃣ الفرق بين العهدة المستديمة والعهدة المؤقتة؟

العهدة المستديمة: بتتسلمها عشان تشتغل بيها باستمرار (زي خزينة تحت إيدك).

العهدة المؤقتة: بتتسلمها لهدف محدد، وبترجعها بعد ما تخلص شغلك.

3️⃣ إيه هو ميزان المراجعة بالمجاميع؟

هو ببساطة:
إجمالي الحركات المدينة والدائنة من غير ما نحسب الرصيد
يعني "الشغل الخام" قبل ما تبدأ توصل للأرصدة.

4️⃣ الفرق بين المصروف الإداري والمصروف الرأسمالي؟

المصروف الإداري: زي الإيجار، المرتبات، فواتير الكهرباء... مصاريف تشغيل.

المصروف الرأسمالي: زي شراء أصل ثابت أو تطويره... حاجة بتعيش وبتجيبلك عائد.

5️⃣ إيه المقصود بالاعتماد المستندي؟ وبيظهر فين؟

لما تستورد بضاعة من بره، بتفتح اعتماد مستندي مع البنك.

البنك بيتعهد بالدفع للمورد بعد ما يوصل مستندات الشحن، بشرط تكون مطابقة للشروط.

بيظهر في القوائم المالية ضمن عناصر المخزون أو كمصروف مقدم في بعض الحالات.

6️⃣ يعني إيه خطاب ضمان؟

ده تعهد من البنك إن لو شركتك ما نفذتش التزاماتها، هو يسدد للطرف التاني.

بيتفتح في حالات المناقصات، المشاريع الكبيرة، أو أي تعاقد فيه شرط جزائي قوي.

💬 لو رايح مقابلة شغل قريب، متستهونش بالأسئلة دي

ممكن تبان بسيطة... بس اللي بيقابلك بيبقى عايز يشوف رد فعل وعمق فهم مش بس إجابة محفوظة.


#محاسبة











#اهلاك

Address

31 خلف حدائق العبور، منشية البكري، قسم مصر الجديدة، محافظة القاهرة‬، مصر (إمكانية تقديم الخدمات عن بُعد للمحافظات الأخرى)
Cairo
4460001

Website

Alerts

Be the first to know and let us send you an email when Ahmed Belal - أحمد بلال Tax & Accounting posts news and promotions. Your email address will not be used for any other purpose, and you can unsubscribe at any time.

Shortcuts

Share

Category