07/06/2025
السلام عليكم ورحمه الله ..
اقسم بالله اقول الحق ولا شي غير الحق ..
عمري 21 سنه وهو 26 سنه علاقتنا دامت 3 سنين ونصف حتى اهلنا عارفين بيها بس لسه ما تمت خطوبه رسميه نسبه لاسباب وحاليا ناوي نتزوج قريب باذن الله بعد ما اخلص دراسه وعلى وشك اني اتخرج خلاص .. ادخل في الموضوع انو هو زول كوييس شديد والله من ناحيه دينيه واخلاق يعني صفاته كلها حسنه ومهتم بي من كل ناحيه وما مقصر معاي باي شي لما الناس كانت بتستغرب فيهو وحنين لابعد حد بسس مشكلتو كلها كوويس وعلاقتو سمحه مع كل النااس الا انا لاا دائما في خلافات ومشاكل من غير اي سبب عندو شك وعدم ثقه ما طبيعي ( يقول لي ما تطلعي اي مكان ولو طلعت مشوار يتصل علي ما بغفل الا لحد ما يتاكد اني وصلت لو لقى تلفوني مشغول ولو دقيقه مع اهلي بقول لي بتتكلمي مع ولد انتي لو فتحت الماسنجر بقول لي ليه فتحتي الماسنجر ده معناه بتتكلمي مع ولد لو ركبت ترحال او ركشه يقول لي انتي بتتونسي معاهم وتشيلي ارقامهم بالليل يتصل لي ولو ما نمت في الخط بقول لي لو نمت قبللك ح تجي تساهري وتتونسي مع اولاد لو اتاخرت في الجامعه دقيقه بس ما طلعت يقول لي كنتي قاعده مع اولاد صح لو شرحت في الجامعه ومعانا زملائنا يقول ليه كيف تقعدي معاهم ويعمل موضوع ؟؟ ) انا ما فاهمه ده وسواس وهوس ولا عدم ثقه ولا شك ولا غيره زائده ولا شنوو بالجد بستغرب في تصرفاتو مع اني زوله ملتزمه والله وما عندي علاقات مع الناس ابدا وفي حالي بس لا بحب الطلعات لا بحب قعدات الجامعه ولااا اي شي حياتي كلها مع ناس البيت بس غير انو عندي 4 زملائي في الجامعه تاني ما بعرف زول وعلاقتي بيهم حدها المحاضرات والشرح والسلام تاني يشهد الله ماف شي ولا عندي شغله بزول بس ما عارفه هو ليه بتعامل معاي كده مع انو لسه ما عندو سلطه عشان يتحكم فيني يقول لي لبسك ضيق وكعب مع اني محجبه ولبسي واسع والكل يشهدو علي وبخاف من ربي قبل ما اخاف منو ومن الشارع بقى بشككني في نفسي زاتو كسر ثقتي في نفسي 💔 تعبت من خلافاتو الكتيره والهوس العندو ده واسي خليتوو خلاص وفصلتها منو ليها اسبوع وما قادره اتجاوزو وانساهو والله لاني اتعلقت بيه 💔 هل في نوع زي ده وكيف ممكن اقدر اطلعو من الحاله اللي هو فيها دي اعالجها كيف عشان نقدر نكمل سوا ياريت تفيدوني ... ومشكوورين مقدما ❤❤
