28/06/2026
سؤال بيتكرر كتير 🔁: امتى نشتري اوراسكوم كونستراكشون؟ وليه هبطت 7% في جلسة واحدة؟ 📉
ناس كتير ربطت الهبوط بأسباب مختلفة، لكن السبب الحقيقي والصورة الكاملة مش واضحين للأغلبية 🌫️، فخليني أشرحهالكم 👇
🏗️ أولاً: قصة الاندماج
من حوالي 6 شهور، كونستراكشون قدمت عرض اندماج مع شركة OCI عن طريق مبادلة أسهم 🔄
المشكلة إن الصفقة دي جاءت في صالح مساهمي OCI مش كونستراكشون ❌، لأن التقييم اللي اتعمل فيها قيّم كونستراكشون بـ 650 جنيه بس، وفي نفس الوقت قيّم سهم OCI بسعر مرتفع ⬆️
يعني الاندماج دلوقتي بيقلل من قيمة كونستراكشون بسبب زيادة عدد الأسهم 📊، لكن على المدى البعيد 🔭 الوضع مختلف، لأن الصفقة هتضيف حجم وتقييم وقيمة حقيقية للشركة 💪
⚠️ ثانياً: ليه الاندماج كان متعثر؟
بعض مساهمي OCI كانوا رافضين مبادلة الأسهم 🙅، مش عاوزين يمسكوا أسهم في كونستراكشون، هما عاوزين فلوسهم كاش 💵
فاللي حصل في 24 يونيو هو إن ناصف ساويرس قرر يحل المشكلة دي عن طريق شركته NNS، وقدملهم عرض شراء نقدي 💡
بكده بقى أمام مساهمي OCI خيارين 👇
✅ إما يقبلوا المبادلة ويستثمروا في كونستراكشون
💵 أو يبيعوا لـ NNS ويقبضوا كاش على طول
الخيار التاني مهم بالنسبة للصناديق اللي عليها قيود تمنعها من الاستثمار في بورصات معينة 🏦، أو اللي هتدفع ضرائب عالية لو انتقلت لبورصة تانية 💸
📉 ثالثاً: ليه السهم هبط 7%؟
بعد عرض ناصف ساويرس، احتمالية إتمام الاندماج اتحولت من منخفضة لعالية جداً ⬆️
وزي ما قولنا، الاندماج مش في صالح كونستراكشون على المدى القريب ⏳، فده هو السبب الرئيسي اللي ضغط على السهم 7% في جلسة واحدة 🔻
🤔 طيب امتى الوقت المناسب للشراء؟
⌚ لو هدفك استثمار طويل: السهم دلوقتي أقل من قيمته العادلة وتقدر تشتري على مراحل ✅
🎯 اللي أنا بفضله: تستنى الصفقة تتم خلال الأسابيع الجاية، وتشتري بعدها
💡 ليه؟ 👇
🔸 تقييم كونستراكشون في الصفقة 650 جنيه، وهو في رأيي أقل من قيمته العادلة اللي بتتراوح بين 800 و1000 جنيه💰، فالسهم ممكن يفضل يتسحب لمنطقة الـ 650 دعماً
🔸 لما مساهمو OCI يحولوا أسهمهم لكونستراكشون هيمتلكوا حوالي 47% من الشركة 😮، وكتير منهم مش مهتمين يستثمروا فيها، فممكن يخرجوا وتشوف ضغط بيع قويوهبوط إضافي لفترة 📉
قبل ما السهم يستقر ويرجع يصعد 🚀 لمستهدفاته وقيمته العادلة ✨
