دكان افكار

10/02/2021

دعوة للمهنيين المهتمين بالحصول على مزيد من المعلومات حول الشهادات المعتمده والمختلفة التي يمكن أن تعزز حياتهم المهنية وتقوي c.v الخاص بهم .

في career 180 من أكبر المؤسسات الموجوه هدفها هي مساعدة الجميع في العثور على أنفسهم وتجديد أهدافهم وذلك من خلال تقديم النصائح والأدوات الأساسية التي ستساعدك على تحقيق أهدافك وأحلامك. خلال حياتك المهنية وغير المهنية .

في Career 180 عملت إيفنت الجمعه والسبت .
إنها فرصتك للتعلم والمساعدة في نفس الوقت الذي نحتاج فيه إلى متطوعين متحمسين متعطشين للتطوير الذاتي
ايفينت Get Certified

هو ايفينت أونلاين ومجانى هيتكلم فيه أكبر مؤسسات أو أشخاص بيقدموا البرامج الخاصة بال Certificates ( الشهادات )المعتمده فى مجالات العمل المختلفة عن ال Certificates المختلفة، وأهميتها وتفاصيل التقديم والامتحان وغيرها.

الايفينت هيبقى يوم 12 و 13 فبراير على Career180 platform

كمان الحضور هيحصلوا على خصم اضافى للإشتراك فى ال Certifications programs المختلفه والمعتمده اللي بتحتاجها اي شركه علشان تقدر انك تشتغل فيها

⬅لينك التقديم:

https://career-180.com/get_certified?token=7dpmWHF1oMUTeYV6GK3wc66KTcRxl0Mr

⬅️لينك الايفينت:
https://www.facebook.com/events/445502980147539

12/03/2019

صباح الفل 🌷

08/03/2019

صورة رقم 1 : " احمد امين" .. خريج فنون جميلة قسم تصوير .. وصل لمنصب رئس تحرير مجلة بمرتب كويس .. ولكنه بعد فترة طويله من شغله قدم استقالة مع انه متجوز ومسئول عن اسرة واطفال ولكنه قال "عايز اعمل الحاجة اللى بحبها".. ساب كل حاجة ودخل اوضته وثبت موبايله على الكرسى قدامه .. وبدا يصور فيديوهات " تلاتين ثانية " اللى كانت بداية شهرته .. النهاردة بيقدم مهرجان قناة النهار و برنامج " البلاتوه " ونجم سينما ومسرح ومستمر فى النجاح .. بيقول انه كان ناجح فى عيون كل الناس بس عمره ما حس بنجاحه غير لما عمل اللى بيحبه.

صورة رقم 2 : " اكرم حسنى " .. كان مش بس ضابط شرطة .. لأ ده ضابط عمليات خاصة كمان .. عشان من صغره حابب التليفزيون راح درس فى كلية اعلام 4 سنين وهو ضابط بيتعمله تعظيم سلام فى الرايحة و الجاية .. فى يوم سمع اعلان فى " نجوم اف ام " طالبين مذيعين .. راح قدم واتقبل .. بس مكنش ينفع يسيب الداخلية قبل 10 سنين والا يدفع شرط جزائى كبير ومكنش معاه فلوس ساعتها .. بعدها بفترة سمع نفس الاعلان وراح قدم واتقبل تانى .. بس المرة دى .. اخد اجازة بدون مرتب و اشتغل مذيع .. و دى كانت البداية لبرنامج " اسعد الله مساكم " ثم نجوميته .. لما سالوه " فى ضابط يسيب شغله و يسيب الجاه اللى كان فيه و يقبل يدرس و يبقى مذيع ؟! " كان رده ... " الحياة اقصر من انك تعيشها من غير ما تحقق حلمك "

صورة رقم 3 : " وائل صبرى " .. خريج هندسة شبرا 2006 بتفوق .. اشتغل فى شركات كبيرة من ضمنهم "دمالك - سوديك - الفطيم" .. وصل لمنصب مدير مشروعات ناجح جدا ومرتب خرافى .. قرر يعمل اللى بيحبه .. يفتح مطعم " كبده و سجق " !! ... ودى كانت البداية لسلسلة مطاعم " حمزة " اللى غيرت مفهوم ناس كتير فى الاكل الشعبي.

صورة رقم 4 : " ابراهيم صفوت " .. شغال فى شركة عالمية لان معاه MBA من الخارج .. بس عشان وزنه كان زايد شوية فكان بقى ينزل جيم و يجرى كل يوم .. بعد فترة طويلة ساب الجيم .. بس ماسبش اكتر حاجة ارتبط بيها وهى "الجرى" ومن هنا كانت بداية كيان عظيم زى " CAIRO RUNNERS " .... و بدا يجرى مع الاف الناس اللى اتبعوه لمسافات ماراثونية كل اسبوع .. كان بيقول ان كل اللى كان نقصه كان يعمل حاجة شغوف بها .. حياته اتغيرت و روحه اتجددت ونجح اكتر واكتر فى شغله وحياته.

== لو مش مرتاح ماتكملش للاخر، لانك عمرك ما حتنجح غير بس في اللي بتحبه

((اول بوست انقله بتصرف ولكنه يستحق))

11/02/2019

جيف بيزوس مؤسس امازون سنة 1998 كان الشاب الكيوت الي على الشمال دة و كان بيحب الكتب و قرر انة يبيع كتب اونلاين بدل ما كان بيبيعها بشكل من الجراج بتاع بيته.
جيف بيزوس دلوقت هو الي على اليمين دة مؤسس لشركة أمازون وثروة شخصيه ب 131.4 مليار دولار وأغني شخص فى العالم
الفرق عشرين سنة من الشغل و المخاطرة و التعلم و اكتساب المعرفة....و طبعا فورمة الساحل.

تفتكر انت بعد عشرين سنة هتكون بتعمل اية لو انت استمريت في الروتين اليومي بتاعك النهاردة؟
#ناقش

18/01/2019

اوصل لاكتر من 30.000 عميل ب 550 جنيه
ابعتلنا رسالة عشان تعرف التفاصيل

02/01/2019

Happy New Year ♥
و عقبال الزيادات :D

28/12/2018

هابي نيو ييير

بسبب كمية الكآبة اللي بتحيط بينا الأيام دي فاحنا محتاجين حاجة تخلينا نبدا السنة الجديدة على الأقل بشوية امل وشوية سعادة ^_^ .. وبعيدا عن النظريات الفلسفية اللي طلعلنا بيها عم افلاطون و اخونا سقراط ، احنا بحاجة اكتر لأساليب علمية مثبتة في بحثنا عن السعادة علشان كده حابين نشارككم ب 3 كورسات في مجال تطوير الذات “Personal Development” .. هتساعدكم فى بداية السنة الجديدة بشكل افضل و بالتالى تحقيق نتائج افضل فى الطريق لأهدافكم

1- كورس “A Life of Happiness and Fulfillment”

محتوى الكورس متاخد من مجالات متنوعة بتشمل علم النفس وعلم الأعصاب ونظرية القرار السلوكي علشان يقدملك في الاخر روشتة مثبتة وعملية لحياة اكتر سعادة ^_^، الكورس من اكتر الكورسات اللي واخدة ريتنج على كورسيرا وبتقدمه كلية انديانا للاعمال ، الكورس هيبدا يوم 15 يناير ويستمر لمدة 6 أسابيع

https://www.coursera.org/learn/happiness

2- كورس”The Science of Everyday Thinking”

الكورس بيخليك تكتشف سيكولوجية الافكار اللي بترواد مخنا يوميا زي :

ازاي بنكون آرائنا وبنغيرها ، وازاي توقعاتنا بتغير من طريقة حكمنا على الأمور ، وايه الطريقة اللي ممكن ناخد بيها قرارات أفضل ، وازاي نميز ما بين الخيال والواقع ، بجانب شوية نصايح وحيل ممكن تستخدمها علشان تغير شوية في تفكير الناس اللي حواليك ^_^

الكورس بيشمل مواضيع في مجالات مختلفة زي الطب والخوارق والمعجزات ^_^ الكورس بتقدمه جامعة Queensland الاسترالية على منصة Edx ومكون من 12 أسبوع ممكن تبداه في أي وقت من هنا

https://www.edx.org/course/science-everyday-thinking-uqx-think101x-6

3- كورس “Create a Perfect Morning Routine”

اكتر حاجة بتفرق مع الواحد في تقضية يومه هو ازاي بيبدأ يومه اساسا ، علشان كده الكورس ده بيوجهك لازاي تتعلم تعمل روتين صباحي يخلي يومك اكتر نشاط وانتاجية ، الكورس مجاني وعبارة عن مجموعة من الفيديوهات اللي ممكن تخلصها كلها في نصف ساعة تقريبا وبتقدمه منصة skillshare :

https://www.skillshare.com/classes/Create-a-Perfect-Morning-Routine/287216370

متعرفش مين حياته ممكن تتغير بسببك ^_^