Eman Ibrahem - مستشارة البورصة

27/08/2026

كل عام وانتم بخير بمناسبه المولد النبوي الشريف ❤️

25/08/2026

تقول لي نفسك في ايه اقول لك نفسي اعمل بوست اجمع فيه كل الناس اللي بتدي طاقه سلبيه واعملهم حفله وداع باحلى بلوك 🚫
.. "الناس اللي بدل ما تقول شكرا تقعد تتفزلك عليك" ..

اصل انا هنا بشوف شغلي انا مش جايه ابهرك بتحليلي ولا توقعاتي ولا جايه احاربك في رزقك ولا أكل عيشك الي هو اكل عيشي قبلك ..

يا جماعة أنا بشتغل المجال ده عشان بحبه أنا مش فاتحة جروب ولا عاوزة اصطاد زباين ولا هدفي اعمل برينت وخلاص ..

والانبوكس عندي مليان عملاء عاوزة تتعاقد معايا وانا مبفتحوش بقالي شهرين انت متخيل .. !!

ارحموا وقدروا الأمانة والمصداقية عشان والله ما هتلقوها في حد في قلب المجال ده الا القليل جدا .. #شكراً

25/08/2026

25/08/2026

صباح الخير 🩵🌸🌞

خليني اعرفك علي نفسي اكتر ..

أنا شغلي في الأساس مبني على Swing Trading، والزون اللي بشتغل عليها ممكن تبدأ من جلستين، لأسبوع، لأسبوعين، لشهر أو شهرين.

وعشان كده، لازم أكون عارفة كويس إيه المدى المسموح للتصحيح داخل الـZone دي،

وإمتى التصحيح يفضل طبيعي داخل السيناريو، وإمتى يبقى علامة إن السيناريو نفسه بدأ يتغير.

أنا مش مستثمرة معاك سنة ولا خمس سنين، وطبيعة شغلي مش إننا نشتري السهم ونستناه ونموت فيه مهما حصل.

وأقصى توصية عندي، لو السيناريو محتاج وقت، مش المفروض تتعدى في الطبيعي 3 أو 4 شهور، وبعدها لازم تتراجع الصورة من جديد..

فلو إنت شايف إن المطلوب مني إني أحلل لك الأسهم والمؤشرات والشارتات الثانوية على مدى 5 سنين أو 10 سنين، يبقى إنت بتتابعني بمنظور استثماري وأنا مش بشتغل معاك بالمنظور ده.

أنا مش مستثمر طويل الأجل، ومش مضارب يومي،

وفي نفس الوقت، أنا مش بقول لك إننا صاعدين على طول،
ولا هفضل أقول لك إننا نازلين على طول.
وقت ما بلاقي ضعف، بقول فيه ضعف.
ووقت ما بلاقي قوة، بقول فيه قوة.

لأن شغلي مش إني أقول لك الكلام اللي تحب تسمعه، شغلي إني أقول لك اللي شايفاه على الشارت وفي حركة السوق.

وفي الآخر، إنت اللي لازم تفرق بين كلام العقل والحكمة والتحليل العلمي، وبين الكلام اللي هو مجرد "أي كلام"...
صباحكم فل تاني 😊

24/08/2026

من مكاني هذا احب أوجه كل التحية والتقدير للي سمع بنصيحتي وجني أرباحه في السبعيني قبل ما تتبخر وبفكرك اني قيلالك ومحذراك من اول الشهر والمؤشر كان بيطلع اصلا ومكنش عليه اي ضعف .. احنا ولله الحمد والفضل سابقين الكل في النصائح والتحذيرات الي دايما بتبقي في وقتها الصح 👌✅🙏

24/08/2026

ما بعرفش اذوق الكلام وما بعرفش ابقى حيادية الحاجه الحلوه بقول حلوه والحاجه الوحشه بقول وحشه خد بالك من السوق الفتره الجايه ....!!!

24/08/2026

⚠️

23/08/2026

22/08/2026

طيب انا عمري ما كنت بتحدى حد ولا عمري دخلت تحدي مع حد ولكن من كتر الجهل اللي بنشوفه على فيسبوك وعلى السوشيال ميديا انا قررت اتحدى كل الناس دي مش هم عمالين يخوفوك من الشورت سيلنج وبيقولوا لك ان كل الاسهم اللي اللي هيطبق عليها الشورت سيلينج اللي هي يعني بمعنى اصح اسهم مؤشر 30 هتنزل انا من مكاني هذا بقول لك ان اسهم مؤشر التلاتيني هتعمل قمم جديده كلها بلا استثناء واخر ربع في السنه وبعد ما نعدي انا هاجي وافكرك بالبوست ده.. اصل انا مش هقدر احارب الجهل بس انا هخاطب العقل والوعي. .. الشورت سيلينج ما تطبقش اصلا بقالنا سنين يقولوا هيطبق وما بيطبقش ولو اتطبق مش هيتطبق مع الافراد الي ما يعرفوش عنه حاجه هيجربه الاول كمؤسسات وصناديق .. خفوا تسمعوا للجهل علشان بصراحه الوضع مش ناقص.. !!

ولو انت بتاخد نصيحتك من اي حد مجهول الهوية علي الجروبات دي يبقى انت اللي اخترت انك تدي عقلك اجازه.. 😑