ممرضين في المانيا

24/04/2025

صباح الخير اصدقائي هاي الصفحة رح تتسكر واليوم رح نزللكن رابط صفحة
الانستغرام لي مهتم بلتمريض ب المانيا انا هنيك اكتيف اكتر من الفيس بوك .

20 Followers, 72 Following, 4 Posts - See Instagram photos and videos from ‎مَــوْضِــي‎ ()

12/05/2022

اليوم رح احكيلكن عن (نظام الدوام والشيشتات Schichten)
نظام مشافي المانيا تقريباً نفسه من حيث اوقات العمل
بينقسم النهار الى ثلاث مناوبات
1️⃣FD :Frühdienst بيكون الدوام فيه من ال 6:30 صباحاً حتى 14:45 متضمن 30 دقيقة استراحة
2️⃣SD:Spätdienst الدوام من ال 14:00 حتى 22:20
3️⃣ND:Nachtdienst من ال 21:45 حتى ال7:20 وهاد اطول شيشت يعتبر

الامهات اللي عندهن اطفال ومطلقات او ماعندهن معيل بيحق لهن اوقات دوام خاصة تبدأ من الساعه 8 الصبح ……………..
طبعاً عند البدء بالدوام يوجد تقريبا من نص ساعه الى ساعه بتكون توزيع مهام وتقسيم المرضى وبعدها يتم البدء بالعمل …… كل شخص لازم يحصل على Pause مدتها 30 دقيقة للاشخاص اللي فوق 18 وبحال وجود شخص متدرب تحت ال 18 يحق له الحصول على 60 دقيقة استراحة…….
🛑💯بحال عدم القدرة على اخد الاستراحة بسبب ضيق الوقت او الشغل الكتير بيحق للشخص يكتبها وتنحسبله ك نص ساعه عمل اضافي…..
بتمنى تكونو استفدتو من هل معلومات….
انتظرو البوستات القادمة

12/05/2022

مرحبا اصدقائي بعرف تأخرت عليكن كتير بس كانت فترة ضغط كبيرة والحمدلله عدت ع خير …. حابة اسمع منكن مين تخرج؟؟؟؟ مين لسا عم يدرس او بده يدرس؟؟؟؟؟ شو بتحبو المواضيع الجاي تكون! بصراحة في متير شغلات بدي انشرلكن عنها تابعو المنشورات الجاي

15/04/2020

السلام عليكم اصدقائي ....اسفة صرلي زمااان مانزللتكن شي بس كنت مشغولة شوية بالدراسة والشغل وخصوصاً بهل وضع ....
المهم انا جبتلكن معلومات متل ماوعدكتم 🙊🙈كيف الطلاب بغير دول تجي تدرس هون تمريض👩🏻‍💻🧠👩🏻‍🎓👩🏻‍⚕️👩🏻‍⚕️👩🏻‍⚕️
1️⃣ هون في حيلة بسيطة حتعملوها انو تقدمو ع جامعة من جامعات على المانيا بغرض الدراسة
2️⃣ طبعاً لازم تكونو خلصتو مستوى معين من اللغة الالمانية .
3️⃣ بس اجتكن الموافقه من جامعة معينة بتاخدو الموافقة والاوراق وبوجهكم ع السفارة لالمانية بتخبروهم انو انتو اجتكن موافقة وبدكن تمشو ب امور الفيزا ....
4️⃣ لازم تكونو حطيتو مبلغ معين من المال تقريباً 10 الالاف يورو .
5️⃣ بس يجيكن ابلاغ من السفاره على موافقة لفيزا فينكن تطلعو ع المانيا .
هلئ لنفترض انتو مشيتو بكل هالخطوات وصرتو ب المانيا. ...كيف حتغيرو الفرع؟؟؟
1️⃣ فينكن بعد فترة شهر او شهرين تقلبو الفرع فينكن تدرسو التمريض دراسة جامعية وفينكن تعملو اوسبيلدونغ ولازم تخبرو مكتب لاجانب بهاد الشي .
2️⃣ بس اخدتو مقعد اوسبيلدونغ (مدفوع) لازم تخبرو مكتب لاجانب بهاد الشي مشان يغيرولكم نوع اقامتكم .
🆘 ملاحظة :مسموحلكن من لحظة وصولكوم سحب من المبلغ المودع بالبنك شهرياً فقط حوالي ل 800 يورو
🆘 ملاحظة تانيه فينكن تقدمو من بلدكم الام فورا ع فرع دراسة تمريض بالجامعة بس بهالحالة خلال كل هالفترة لازم انتو تصرفو ع حالكم يعني مو متل الاوسبيلدونغ بكون مدفوع.
رح ارجع كرر انا مابعرف كيف لازم تنظمو هاي الخطوات مع السفارة ببلدكم الام يعني كيف تحطو موعد وهيي الامور
اي سؤال انا جاهزة اكتبولي بالتعليقات ....
موفقين جميع 💚💚

29/11/2019

السلام عليكم اصدقائي 🙏وجمعة مباركة ع الجميع وعطلة نهاية اسبوع ممتعة للكل ..... صرلي زمان مانزلت شي بس عذروني كنت ملتهية ب شوية وظائف ✍️✍️.....
كتير بيجيني سؤال ع الخاص من الممرضين في الدول خارج المانيا 🇪🇬🇧🇭🇮🇶🇱🇧🇵🇸عم يسألو عن طريقة تقديم ع الفيزا وع العمل وكل الامور هيي ..... انا صرلي زمان هون وصدقوني مابعرف كيف ممكن تجو ل المانيا عن طريق فيزا او فرصة. 🙈من فترة اتواصلت مع انسانة اجت ل المانيا من مصر 🇪🇬عشان تدرس هون وحطيت معها موعد ❤️ورح استفسرلكن منها شلون اجت 🤗؟وكيف امورها ؟بس بدي منكن تكتبولي اسألتكن كلها هون بالتعليقات لاقدر جبلكن جميع الاجوبة اللي بتحتاجوها

17/11/2019

مرحبااا جميعااا😍
انا ادمن جديد اختصاص تمريض أسنان ب ولاية شليزفغ هولشتاين
سنة تانية وتالتة ( هالموضوع بشرح عليه ببوست لحالو)
جاهزة لكل الأسئلة اللي بقدر جاوب عليها
وحتى اللي ما بعرفا رح نبحث عنها سوا ونلاقي الجواب
شاركو رفقاتكن اللي بتعرفون بهالفرع ينضمو إلنا وان شاء الله نكون قد المسؤولية..
رح صير نزل اهم المواضيع والأفكار اللي منحتاجا بالفرع
ترقبوونا 😉

11/11/2019

مساالخير اصدقائي ان شاء الله تكونو عم تستفادو من مناشيرنا كتير منكن طلبو بالتعليقات اني احكي عن شروط التدريب المهني ب المانية
اهم شرط هوو ايجاد اللغة الالمانية بشكل جيد الى ممتاز يعني لازم يكون معكن مستوى لغة من B1للc1
وكل ماكنتو بتحكو اللغة بشكل قوي كل ماكانت فرصتكن احسن
تانياً2️⃣ارسال الشهادات مع تصديق وترجمة وتعديل شو يعني هالحكي؟؟؟؟ يعني لازم يكون معكن شهادة ثانوية عامة بتترجموها للالماني وبتاخدوها ع مركز تعديل وبتعدلوها شو يعني تعديل الشهادة ؟ يعني الاعتراف بها بصفة رسميية وتعادل شهادة المانية
ثالثاً3️⃣🙄 كتابة. سيرة ذاتيه بدون اخطاء املائية مع صورة شخصيه
رابعاً 4️⃣ شهادة براكتيكوم ؟؟؟ شو يعني !!!! البراكتيكوم هوو عمل تطوعي من ثلاث الى اربع اسابيع ب اي مشفى للتعرف عن قرب على طبيعة المهنة ( البراكتيكوم يزيد فرصة القبول)
خامساً5️⃣ كتابة Bewerbung بمستوى جيد جداً
ال Bewerbung هيي رسالة بتكتبوها لتشرحو فيه عن انفسكم ولحتى تكتبو فيها اسباب اختياركن للتدريب واختياركن للمشفى كمان لازم تكون بمستوى جيد جداً
الى ممتاز باللغة لالمانية
اي سؤال انا جاهزة☺️
اعملو تاغ لاصدقائكم خلينا نكبر عائلتنا وتوصل المعلومات لاكبر قدر من لاشخاص 😍🌸

10/11/2019

السلام عليكم اصدقائي ... وان شاء لله تكون عطلة نهاية اسبوع حلوة ع الكل 😍... اليوم ح احكيلكن عن مقابلة العمل او مقابلة التدريب المهني بالتمريض👩🏻‍⚕️👩🏻‍⚕️👨🏻‍⚕️👨🏻‍⚕️
اهم النقاط؛قبل كل شي 🆘 تنبيييه الالتزام بالوقت يعني لادم تكونو هنيك قبل بربع ساعه او عشر دقايق ماتوصلو متأخرين ولو دقيقة وحدة
1️⃣ الاعتناء بالمظهر الخارجي والترتيب بدون❌مبالغة بالميكاب صبايا🤭😉 وبدون مبالغة بالعطر البسو شي مناسب ومريح الكن بنفس الوقت
2️⃣ الثقة بالنفس ثم الثقة بالنفس ..... يعني بتدخلو مرفوعين الراس مشدودين الكتاف بدون تلبك ❌لانو حتصير. تخربط باللغة كتير وبدون توتر ❌ يعني هنن خيارين يارح يرفضوكن يارح يقبلوكن 🤗مافي خيار تالت انو يقتلوكن مثلا😱لذالك نفس عميق وتوكلو ع الله واهم شي تكونو شبعانين نوم
3️⃣ بتجاوبو ع الاسألة اللي بيسألوكن ياها وماتحاولو كتير تحكو او تغيرو مجرى الحديث الا بحال كانت لغتكن الالمانية مو كتير⚠️ هون بتستعملو هاد الاسلوب وبتبلشو تحكو تحكو لانو هيك بضيعو الاشخاص اللي عم يختبروك وبيتغير مجرى الحديث تلقائياً. وبتكون نفدت من السؤال اللي مافهمتو .....
4️⃣شي مهم كتير كمان الاتصال والتصافح والجلسة الصحيحة والابتسامة (بدون مبالغة ❌)..... يعني الجلسة لازم تكون راكزة وعينك بعيونهن هيي بتدل ع ثقتك بنفسك واهتمامك بالعمل جداً
اهم الاسألة اللي ممكن تنطرح عليكن:
1️⃣ تعريف عن النفس هون عرفو عن نفسكن متل العادة
بالنسبة للصبايا اللي عندهن اطفال ❎لاتحكو انو عندكن اطفال الا بحال هنن سألوكن ... هون بتحكو انو عندكن اطفال وانو الاب بيتحمل مسؤوليتهن معك✅ ومو لحالك بتهتمي فيهن وعندك وقت للدراسة✅
2️⃣ حيسألوكن عن شهاداتكن طبعاً لازم تكون كلا معكن مصدقة مترجمة مع شهادات اللغة مو تروحو نسيانين شي 😞 وتقولو بعدين منجبلكن ياهن🙄
3️⃣ شغلة مهمة كتير حيسألوكن شو هيي مهام الممرض وشو هيي صفاتو ... هون اد مافيكن احكو عن حالكن عادي يعني بالمختصر عادي اذا مدحتو حالكن🤭 قولو نحنا منتحمل عمل نحنا صبورين ... منحب المهن و....و....و....
4️⃣حتنسألو كمان ليه اخترتو هالمهنة وكيف علاقتكن مع الناس هون كمان ضروري تقولو انو بتحبو التعامل مع الناس والعمل بفريق جداً مهم🆘🆘🆘مهم جداً تقولو هاالحكي
5️⃣حيسألوكن ليه اخترتو المشفى تبعنا
6️⃣ حيسألوكن شو. ناوي تعمل بعد الاوسبيلدونغ اذا انقبلت. .... هون ضروري تقولو انو حتخلصو وتشتغلو هون ب المانيا وتأمنو مستقبلكن لانو الالمان بحبو يعطو المقعد للاشخاص اللي فعلاً مهتمة وبدا تشتغل وضروري حسب خبرتي تقولو انو مارح ترجعو ع بلدكن وانتو بدكن تضلو هون تشتغلو. لانو بشكل عام هون في نقص حااااد جداً وهنن بحاجة اشخاص يبقوا
ان شاء لله كون مانسيت شي وان شاء لله تكونو استفدتو
خلال المقابلة لادم تظهرو كتير اهتمامكن وامتنانكن لالهن اذا انقبلتو واديه رح تكونو سعيدين لما تاخدو فرصة ✅
اي سؤال انا جاهزة واسفة طولت عليكن

03/11/2019

السلام عليكم اصدقائي اليوم رح احكيلكن عن الاوسبيلدونغ ب المانيا بشكل عام (التدريب المهني)
المدة :٣ سنوات فقط
المرتب :خلال التدريب المهني يختلف حسب المشفى
مستوى اللغة المطلوب: اقل شي B2
الشهادات المطلوبة : اقل شي MSA ( شهادة ثاني ثانوي اي حادي عشر او عاشر مصدقة مترجمة ومعدلة )
الدوام : عبارة عن دوام في المشفى والمدرسة خلال التدريب المهني
على المتدرب ان يتحدث الالمانية بشكل جيد وان يكون مرن في العمل ، محب للعمل في فريق ، وان يكون صبور ، عمره فوق ال 18 ، لديه خلفية عن الرعاية الصحية والمجال الطبي ( Praktikum)
في السنة الاولى من التدريب عبارة عن تشريح جسم الانسان بشكل كامل ... السنة الثاانية عبارة عن التعامل مع امراض ومع المرضى ب امراضهم المختلفة .... السنة الثالثة هيي سنة اختصاص ... في هذه السنة يقوم المتدرب ب الاختصاص في مجال معين حسب اختياره .
الاجر بعد التخرج يختلف من مكان لاخر ☺️☺️
ان شاء الله يكون الجميع استفاد واي سؤال انا جاهزة😬

16/10/2019

السلام عليكم أصدقائي ... عملنا هالصفحة حتى نستفاد من خبرات بعض ب المجال الطبي بشكل عام والتمريض بشكل خاص ... الصفحة حيكون محتواها معلومات طبية وتجارب مختلفة .... حيكون فيها صور تحفيزيه وتشجيعية ع الدراسة واحيانا صور ومقتبسات عن مجالنا ... وبتمنالكن التوفيق جميعاً