08/06/2024
**Një takim frytdhënës me Kryeministrin e Kosovës**
Takuam Kryeministrin e Kosovës, Albin Kurti, dhe Ministren për Industri, Ndërmarrësi dhe Tregti, Rozeta Hajdari, në një diskutim produktiv me Odën Ekonomike Zvicër-Kosovë (CCSK). Biseduam për përmirësimin e marrëdhënieve tregtare dhe investimeve ndërmjet Zvicrës dhe Kosovës.
Në diskutim, u theksua rëndësia e diasporës kosovare në Zvicër dhe suksesi i sistemit të arsimit të dyfishtë, i cili po zbatohet në 14 komuna. Kryeministri Kurti vlerësoi mbështetjen e Zvicrës, e cila ka investuar 1.1 miliardë euro në Kosovë dhe është destinacioni i dytë më i madh për eksportet kosovare.
Përfunduam me mirënjohje për marrëdhëniet e ngushta dhe vizionin tonë të përbashkët për një të ardhme më të ndritshme ekonomike.
Albin Kurti Rozeta Hajdari
