Blackgarden - Advisory, M&A, Private Equity, 37 Khojali Ave, Demirchi Tower 19th floor, Baku (2026)

Q: What is the address?

37 Khojali Ave, Demirchi Tower 19th Floor

01/03/2022

Bizneslərə böyük məbləğdə investisiya qoyarkən səhv qərarlar vermək ciddi maddi itkilərlə nəticələnir. İnvestisiya məbləği nə qədər böyük olursa, itki də o qədər böyüyə bilir və risklər artır.

İnvestorların böyük layihələrə investisiya qoyuluşunda ən çox etdiyi 4 səhvi sizlərlə paylaşırıq:

İnvestisiya qoyulan layihə və ya biznesə qarşı obyektiv ola bilməmək:
İnvestor layihəni və ya biznesi çox bəyəndiyi üçün hər şeyin yaxşı getdiyi düşüncəsində ola bilir. Amma rəqəmlərə baxdıqda vəziyyət tam fərqlidir. Unutmaq olmaz ki, bu bir investisiyadır və sizin məqsədiniz nəticədə gəlirli çıxmaqdır

Səbrsiz qərarlar:
Ola bilsin ki, layihənin və ya biznesin inkişaf sürəti başlanğıcda yavaş olsun və az gəlir gətirsin. Amma burda biraz səbrli davranıb müəyyən müddət gözləmək və daha yaxşı analiz edib son qərarı vermək daha məqsədəuyğun olar.

Diversifikasiya etməmək:
Bütün yumurtaları bir səbətə qoymaq olmaz. Layihə və ya biznes nə qədər cəlbedici görünsə də, investisiya edərkən məbləği şaxələndirmək və başqa potensiallı layihələrə də investisiya etmək lazımdır.

Emosional qərarlar:
İnvestisiyaların birinci düşməni emosional verilən qərarlardır. Bazarda baş verən ani dəyişikliklər, şəxsi məsələlər sizi böyük şəkli görməkdən yayındıra bilər. Amma nə qədər soyuqqanlı qərarlar verilsə, investisiyanın idarə edilməsi cəhətdən o qədər effektiv olar.

Blackgarden Advisory olaraq, həm ailə bizneslərinə, şirkətlərə, həm fərdi investorlara yerli və xarici bazarlarda özəl sərmayə (private equity), vençur kapital (venture capital) və digər investisiyaların qoyulmasında yüksək səviyyədə xidmətlər təklif edirik.

22/02/2022

Şirkətlər birləşmə və satınalma (M&A) əməliyyatı edərkən bu prosesin üstünlüklərini və risklərini dəyərləndirib addım atmalıdırlar. Budur, M&A əməliyyatının bəzi üstünlükləri:

1. Daha çox dəyər qatır - M&A prosesi daha çox effektivliyə nail olmaq üçün əla fürsətdir, çünki burada birləşən və ya satınalınan şirkətlər birlikdə daha çox bazar dəyəri qazanmış olur.

2. Yeni bazarlar açır - Bir müəssisə başqası ilə birləşdikdən sonra dərhal əvvəl olmadığı yeni bir bazar payı qazanır. Digər şirkətin müştəri bazası və resursları əlavə imkanlar yaradır.

3. Ekspansiyanı artırmaq üçün sərfəlidir - Bir biznes öz daxili proseslərini və ya mövcud texnologiyalarını təkbaşına təkmilləşdirməlidirsə, bu, şirkət üçün ağrılı bir prosesə çevrilə və büdcəyə zərərli ola bilir. M&A prosesi bizneslərin bir araya gəlməsinə imkan verir ki, onların xüsusi ehtiyacları daha uyğun bir şəkildə qarşılansın.

4. Çoxsaylı böyümə fürsətləri yarada bilir - Rəqabətli bazarda olan müəssisələr M&A prosesinin tamamlanmasında bir müəssisə kimi birlikdə çalışırlar. Bu da nəticədə onların bir-birilə “dibə doğru” rəqabət etməsi yerinə, birlikdə inkişaflarına və böyümələrinə səbəb olur.

M&A prosesinin bu üstünlüklərinin olması düşünülmədən tələsik bir addım atmaq lazım olduğu mənasına gəlmir. Uğurlu nəticə istəyiriksə, belə bir qərarın M&A peşəkarları ilə birlikdə verilməsi məqsədəuyğundur.

16/02/2022

Maliyyələşdirmə mənbələrinə ümumilikdə 2 qrupda baxmaq olar:

• Alıcının öz vəsaiti. Bu, ən bahalı üsuldur, lakin faiz ödənişlərini aradan qaldırır və vaxt çərçivəsini qısaldır. Şirkətlər nadir hallarda öz kapitalından istifadə edirlər, lakin bu maliyyə mənbəyi ən az riskə malikdir.

• Kreditlər və cəlb olunmuş vəsaitlər. Bu metodun çatışmazlıqları var, çünki biznes kreditorlardan asılı olur. Bankla əlaqə saxlamazdan əvvəl bir neçə ildən sonra şirkətdəki vəziyyətin necə olacağını, risk götürməyə və uzunmüddətli borc öhdəliklərinə qoşulmağa dəyərmi, hesablamalısınız. Əlbəttə ki, hər şeyi qabaqcadan görmək mümkün deyil, lakin fors-major halları da nəzərə almaq lazımdır: kreditlər olduqda biznesin kifayət qədər təhlükəsizlik marjası olacaqmı?

M&A (biznes satınalması və birləşməsi) əməliyyatları üçün ən məşhur maliyyə mənbəyi bank kreditləridir.Onlar həmişə uzunmüddətlidir, ona görə də biznes daha həssas olur və valyuta məzənnəsindəki dalğalanmalardan və borc verənin mövqeyindən asılı olur.

M&A əməliyyatlarının aparılması üçün bu sahədə təcrübəsi olan mütəxəssislərin köməyi tələb olunur. Onların əməliyyatı əvvəldən axıra kimi müşayiət etmələri arzu edilir, lakin ayrı-ayrı mərhələlərdə ekspertlər də cəlb oluna bilər. Blackgarden Advisory mütəxəssisləri biznes alış əməliyyatları üçün maliyyələşdirmənin optimallaşdırılması planının tərtib edilməsinə kömək edə və onun həyata keçirilməsinə kömək edə bilər.

11/02/2022

Şirkət paylarının və ya səhmlərinin opsionu* - Əlverişli bonus sistemi

*Burada "opsion müqaviləsi" anlayışı fond birjasında istifadə olunan törəmə maliyyə aləti olan opsion deyil.

08/02/2022

Pandemiyanın başlaması ilə ən böyük zərbəni alan sektorlardan biri səyahət idi. Aydındır ki, buna görə 2020-ci il otel biznesləri üçün çox ağrılı keçdi. Hər yeni Covid-19 dalğası otel biznesini yenidən vurdu.

Ancaq 2021-ci ildə müsbət dəyişikliklər görünməyə başladı və otel bizneslərində keçən ilə nisbətən 13% artım müşahidə olundu. 2022-ci ildə isə bu artımın p*k həddə çatacağı gözlənilir.

Bir çox sahələrdə olduğu kimi, otel biznesində də müştəri davranışlarında dəyişikliklər müşahidə olunur. Əslində, hazırda otel biznesinə investisiya etmək və bu yeni müştəri davranış modelləri əsasında biznesi təkmilləşdirmək uzunmüddətli perspektivdə uğurlu addım ola bilər.

Hazırda Türkiyədə investisiya üçün uyğun olan bir neçə otel mövcuddur və bu fürsəti dəyərləndirərək uzunmüddətli gəlir imkanları yaratmaq olar.

Nəzərə çatdırırıq ki, Blackgarden şirkəti olaraq, müştərilərimizə hazır biznesin əldə edilməsi üçün hədəf şirkətin dəyəri və üstünlükləri barədə obyektiv məsləhətlər veririk, müştərilərimizin adından sövdələşmənin strukturu və şərtləri haqqında danışıqlar aparırıq, Maliyyələşdirilmə tələb olunduğu halda investisiya cəlb edirik.

07/02/2022

Müştərilərin Opsionla bağlı TOP 3 sorğusu

İşçiləri həvəsləndirmək üçün opsion proqramları həm başlanğıc mərhələdə olan şirkətlərdə, həm də "böyük" təşkilatlarda olduqca populyardır.

Şirkətlərdə OPSİON proqramlarının inkişafı Blackgarden Advisory şirkətinin xidmətlərinə daxildir.

Opsion proqramlarının hazırlanması üçün şirkətlərdən bizə müraciətlər gəlir. Müraciətlərin TOP 3 sorğusunu sizinlə bölüşürük:

• “Startapa mütəxəssis cəlb etmək istəyirik, amma büdcəmiz məhduddur, ona görə də ona opsion vermək istəyirik”. Startaplar bu tələblə gəlir.

• “Biz yeni istiqamətə başlayırıq və lideri stimullaşdırmaq istəyirik”. Bu tələb orta və böyük şirkətlər üçün xasdır.

• “Biz direktora pay vermək istəyirik, amma dərhal yox (onun necə işlədiyini yoxlamaq lazımdır)”. Bu tələb inkişafın istənilən mərhələsində şirkətdən gələ bilər.

03/02/2022

Ötəni il ərzində bir neçə M&A layihənin həyata keçirilməsində çalışdıq və bu gün sizə M&A (birləşmə və satınalma) sövdələşmələrinin tip*k strukturu haqqında məlumat verəcəyik. Yazı təkcə M&A əməliyyatlarının standart mərhələlərini deyil, həm də hər mərhələdə vacib olan aralıq addımları, sənədləri, şərtləri göstərir.

M&A əməliyyatının əsas mərhələləri:

1. İlkin danışıqlar

- NDA - Non-Disclosure Agreement (məxfilik müqaviləsi) və ya danışıqların aparılması proseduru haqqında sazişin bağlanması (o cümlədən, digər şərtlər, danışıqlardan imtina üçün məsuliyyət)

- Əsas parametrlərin və əməliyyatın ümumi şərtlərinin müzakirəsi və təsbiti - Term Sheet (əsas şərtlər toplusu) / Letter of İntent (niyyət məktubu) / Anlaşma Memorandumu

2. Alınan şirkətin yoxlanılması (due diligence) və onun nəticələrinə əsasən əsas risklərin müəyyən edilməsi

3. Əqd üzrə sənədlərin imzalanması - notarius və ya registratorla əlaqə saxlamaq (səhmlərlə əməliyyat zamanı)

4. Pul öhdəliklərinin yerinə yetirilməsini təmin etmək - məsələn, avans vermək və ya depozit/eskrov hesabı/akkreditiv açmaq

5. İlkin şərtlərin yerinə yetirilməsi - məsələn, alış qiymətinin dəyişən hissələrinin hesablanması, şirkətin maliyyələşdirilməsi

6. Əqdin yekunlaşması - hüquqi şəxslərin vahid Dövlət Reyestrinə / Səhmdarların Reyestrinə dəyişikliklərin edilməsi; sonrakı şərtlərin yerinə yetirilməsi (məsələn, satıcının rəqabət etməmək öhdəliyi)

Yuxarıda göstərilən mərhələlərin hamısı hər M&A layihəsində rast gəlinməyə bilər, lakin M&A əməliyyatının tip*k strukturu məhz buna bənzəyir.

02/02/2022

Opsion proqramları yaradarkən diqqət edilməlidir:

• KPI-ın razılaşdırılması. Səhm üçün opsion əldə etməyə gəldikdə, müqavilə notarius tərəfindən təsdiqlənir. Müvafiq olaraq, KPI notariusla razılaşdırılmalıdır. KPI elə olmalıdır ki, həyata keçirildikdən sonra tərəflər bunu hansısa sənədlə təsdiq edə bilsin və birmənalı olsun. Məsələn, əgər biz unikal istifadəçiləri cəlb etməkdən danışırıqsa, kimləri belə istifadəçilər kimi təsnif etdiyimizi və onları hansı üsulla saydığımızı müəyyən etməliyik.

• Baş verdikdə opsion hüququnun itirildiyi halların sənədlərdə göstərilməsi.

• Opsionun kompensasiyası. Pay hüququ əldə etməkdən danışırıqsa, bu şərti diqqətlə nəzərdən keçirin ki, sonradan vergi orqanları ilə problem olmasın.

• Səhm üçün opsion almış və sonra onu həyata keçirmiş işçi əmək müqaviləsini ləğv edə bilər, lakin üzv olaraq qalır. Sadiq olmayan keçmiş işçidən payı geri ala bilmək üçün (məsələn, o, hansısa cinayət məsələsinə görə və ya münaqişə nəticəsində işdən çıxarılıbsa) geri satın alma şərtlərini daxil edə bilərsiniz. Əgər belə şərtlər yoxdursa, belə bir iştirakçı ilə “yola getməyi” öyrənməli olacaqsınız.

• Real opsionlar üçün MMC-də opsionları “pool” şəklində ayırmaq olmaz, çünki sonradan opsion proqramına uyğun olaraq işçilər arasında bölüşdürüləcək. Opsion üzrə işçinin payı hazırkı iştirakçı tərəfindən verilir.

• İşçi əldə etdiyi payı nominal dəyəri ilə ödəyir.

26/01/2022

Şirkət paylarının və ya səhmlərin opsionu - İşçilərin və şərikli biznes fəaliyyətində əlverişli bonus və motivasiya sistemi

Pay və ya səhmlərə dair opsion müqaviləsi bizneslərdə geniş tətbiq olunan motivasiya alətlərindən biridir. Opsion müqaviləsinin mahiyyəti odur ki, müqavilə şərtlərinə əsasən müəyyən şəxslərə (işçi, biznes ortağı və s) şirkətin pay və ya səhmlərinə sahib olmaq imkanını verir və şirkətin hazırkı payçı və ya səhmdarları müvafiq öhdəlik götürmüş olurlar.

Bir çox hallarda şirkətlər müəyyən mütəxəssislər və əməkdaşları uzunmüddətli şirkətdə qalmalarını istəyirlər və bunun üçün müxtəlif bonus və motivasiya sistemləri tətbiq edirlər. Pay/Səhm opsion müqaviləsi bu cür motivasiya və bonus proqramları üçün əlverişli alətlərdəndir.

Nəticə etibarı ilə şirkətin mütəxəssisi razılaşdırılmış hədəflərə nail olduqda şirkətin pay və ya səhmlərini əldə etmiş olur. Bununla işçi şirkətin səhmdarı olur, dividendlər alır və payın/səhmin satışından gəlir əldə edə bilir.

24/01/2022

Bizneslərin uğursuzluğunun səbəblərindən biri düzgün korporativ-təşkilati strukturun olmamasıdır. Korporativ-təşkilati struktur effektiv olmayanda biznes konkret insanlardan asılı hala gəlir.

Təşkilati struktur yaradarkən nələrə diqqət edilməlidir?

1. Şəffaflıq və aydınlıq

Təşkilat daxilində aydınlığın qorunması o deməkdir ki, işçilərin öz işlərinin bütün aspektləri haqqında tam aydın təsəvvürləri var. Başqa sözlə, həm işçilər, həm də menecerlər işçinin məqsədlərinin nə olduğunu və bu məqsədlərə çatmaq üçün nələrin lazım olduğunu bilirlər.

2. Strategiyanın kommunikasiyası

İşçilər “böyük şəkli” gördükdən və şirkətin məqsədlərini tam başa düşdükdən sonra onlara nə etməli olduqları daha aydın olur. Düzgün qurulmuş kommunikasiya həm korporativ mədəniyyətin formalaşmasına, həm də işçilərin performansına müsbət təsir edə bilir.

3. Mərkəzsizləşmə

Vahid mərkəzdən idarə edilən bir təşkilatda bütün müzakirələr və qərarlar yalnız yuxarı səviyyəli menecerlər arasında baş verir, aşağı səviyyələrdəki işçilərdən heç bir rəy alınmır. Təşkilatın qeyri-mərkəzləşdirilməsi ondan ibarətdir ki, o, bütün səviyyələrdə işçilər arasında açıq müzakirələrə təşviq edir və qərarvermə sürəti artır.

4. Stabillik və adaptasiya

Yaxşı strukturlaşdırılmış təşkilat ətraf mühitdə baş verən dəyişikliklərə məqsədyönlü şəkildə uyğunlaşır. Eyni zamanda, təşkilat qeyri-sabit şəraitdə sabitliyi qoruyub saxlamaq qabiliyyətinə də malik olmalıdır. Eyni vaxtda həm sabitliyi qorumaq, həm də uyğunlaşmaq yalnız təşkilati qaydalar nəticəsində insanlar arasında yaranan əlaqələr ilə əldə edilə bilər.

19/01/2022

Opsion proqramlarının yaradılma və inkaşaf etapları:

Müştərilərin tələblərini müəyyən etmək:

• Biz kimə Opsionu veririk? Bu, müəyyən bir şəxs və ya bir şöbə və ya şirkətin işçiləri üçün motivasiya sistemi ola bilər.
• İşçiyə nə vermək istəyirik? Şirkətdə pay və ya pul mükafatı? Bu hansı opsionu təklif edəcəyimizdən asılıdır - real və ya fantom.
• Seçim əldə etmək nədən asılıdır? Əgər real opsiondan (yəni nizamnamə kapitalında paydan) danışırıqsa, onun əldə edilməsi şərtləri müqaviləni təsdiq edən notarius tərəfindən razılaşdırılmalıdır.

Müştəri üçün həlləri təqdim etmək:

• Fantom və ya real opsionun qeydiyyatı
• Fərdi müqavilələr və ya ümumi opsion proqramı

Müştəri ilə birlikdə Opsion növünü seçdikdən sonra biz:

• Birlikdə KPI-lari formalaşdırırıq və onun əsasında seçim həyata keçirilir
• Sənədləri hazırlayırıq və onları bütün tərəflərlə əlaqələndiririk
• Notariusla müqavilələri razılaşdırırıq və sertifikatlaşdırmanı təşkil edirik
• İşçilərə opsion əldə etmə proseduru və vergi nəticələri barədə konsultasiya edirik

18/01/2022

Rusiyanın ən böyük e-ticarət bizneslərindən biri olan Wildberries bu ilin əvvəlində Standard - Credit Bank şirkətini satın almışdı. İlk baxışda e-ticarət və bank sektoru çox da əlaqəli sövdələşmə kimi görünməsə də, Wildberries`in bu addımı stratejik məqsədləri özündə birləşdirirdi.

Bu satınalmada Wildberries şirkətinin əsas gözləntisi ödəniş sistemlərini təkmilləşdirmək və onlayn ödəniş sürətini artırmaq idi. Həm Avropa bazarına açıldıqları bir dövrdə, həm də əsas rəqibləri olan Ozon.ru-ya qarşı rəqabətdə uduzmamaq üçün belə bir satınalmanın gerçəkləşməsi Wildberries`in rəqabətə davamlılığına müsbət təsir edəcəyi gözlənilir.

Biznes birləşmələri və satınalmaları (M&A) şirkətinizə həm rəqabətə davamlı olmağa, həm yeni böyümə imkanları yaratmağa, həm də biznesə əlavə dəyər qatmağa şərait yaradır. Blackgarden olaraq, bizneslərə birləşmə və satınalma prosesində kömək edirik.

Blackgarden - Advisory, M&A, Private Equity

01/03/2022

22/02/2022

16/02/2022

11/02/2022

08/02/2022

07/02/2022

03/02/2022

02/02/2022

26/01/2022

24/01/2022

19/01/2022

18/01/2022

Address

Website

Alerts

Contact The Business

Shortcuts

Share

Category